विज्ञापनको लागी
news.canadanepal@gmail.com
९८५१०६७८९५ LOGIN TO CANADA NEPAL Contact Us
२१ मंसिर २०७९,बुधबार
राशिफल

आजको राशिफलः तुलाको कामना पूर्ण हुने, अरुको के छ ?

९ मंसिर २०७९,शुक्रबार
आजको राशिफलः तुलाको कामना पूर्ण हुने, अरुको के छ ?

आज २०७९ मंसिर ६ गते, मंगलबार, २२ नोभेम्बर २०२२। मार्ग कृष्णपक्ष त्रयोदशी तिथि, प्रातः ७ः१० बजेदेखि चतुर्दशी। स्वाती नक्षत्र। चन्द्रराशि–तुला।

मेष (चु, चे, चो, ला, लि, लु, ले, लो, अ)

बौद्धिक चिन्तनले नयाँ विचार जन्माउन सक्छ। तार्किक क्षमता बढ्नेछ र अध्ययनमा प्रगति हुनेछ। आजको कामबाट सोचेको लाभ भने नहुन सक्छ।दिन रमाइलो देखिए पनि वादविवादमा अलमलिनुपर्दा काममा बाधा पुग्नेछ। अरूको फाइदाका लागि उपयोग भइएला। काम बिग्रने डरले सताइरहनेछ। बेसुरमा वचन दिनाले दुःख पाइनेछ। महत्त्वाकांक्षी योजना गोप्य राख्नुहोला।

वृष (इ, उ, ए, ओ, बा, बि, बु, बे, बो)

ईर्ष्या गर्नेहरूले काममा अवरोध पुर्याउन सक्छन्। आफ्ना कमजोरीमाथि टिप्पणी हुन सक्छ। आलोचकहरू बढ्नेछन् र विश्वाससमेत गुम्न सक्छ। तापनि योजना गोप्य राखेर अघि बढ्दा फाइदा हुनेछ। चुनौती चिर्दै काम बनाउन सकिनेछ। मिहिनेतले उपलब्धि दिलाउनेछ। लेनदेनको हिसाबमा होसियार रहनुहोला। ठूलो उपलब्धि नभए पनि पहिलेको साख जोगाउन सकिनेछ।

मिथुन (का, कि, कु, घ, ङ, छ, के, को, ह)

नयाँ अवसर प्राप्त भए पनि चुनौतीसमेत देखा पर्ने समय छ। अप्ठ्यारा परिस्थितिसँग सम्झौता गर्नुपर्दा मन खिन्न रहनेछ। पेटको खराबीले स्वास्थ्य कमजोर रहला। अरूका लागि बुद्धि र श्रम खर्चनुपर्ने देखिन्छ। सहयोगको आशा देखाउनेहरूबाटै धोका पाइने सम्भावना छ। व्यावसायिक काममा लगानी गर्न केही समय प्रतीक्षा गर्नुहोला। आश्वासन बाँड्नेहरूले झुक्याउन सक्छन्।

कर्कट (हि, हु, हे, हो, डा, डि, डु, डे, डो)

देखेको विषयमा बोल्ने बानीले बित्थैमा दुःख पाइनेछ। फाइदाका पछि लाग्दा सम्बन्ध बिग्रन सक्छ। खर्च बढ्नाले अर्थ अभाव महसुस हुनेछ। आक्षेप लगाउनेहरू सक्रिय हुनेछन् तर सहयोग गर्नेहरू कमै भेटिनेछन्। होसियारीसाथ काम लिनुपर्ने समय छ। घरेलु समस्याले निराश तुल्याए पनि सामाजिक कार्यले हौसला प्रदान गर्नेछ। समस्या दर्साएर सहयोगीहरू फेला पार्न सकिनेछ।

सिंह (मा, मि, मु, मे, मो, टा, टि, टु, टे)

प्रक्रिया नमिल्नाले काम दोहोर्याउनुपर्ने हुन सक्छ। प्रतिस्पर्धामा उत्रनुपर्ला। सामान्य उपलब्धि हातपार्न पनि समय लाग्नेछ। प्राथमिकताका आधारमा काम गर्न नसक्दा पछि परिनेछ। आफ्नै सहयोगीले समेत साथ नदिन सक्छन्। साथीभाइसँग सन्तुलित व्यवहार गर्नुहोला। मिहिनेतले आंशिक सफलता भने दिलाउनेछ। भौतिक साधन जुट्नाले दिगो योजना प्रारम्भ हुन सक्छ।

कन्या (टो, प, पि, पु, ष, ण, ठ, पे, पो)

बोलीको प्रभाव कमजोर बन्नेछ भने चिताएको काम पनि समयमा सम्पादन नहुन सक्छ। आफ्ना विषयवस्तुमा अरूले दाबी गर्न सक्छन्। फाइदा हुने काममा गरिने सम्झौता तत्काललाई रोकिन सक्छ। व्यापारमा न्यून फाइदा हुनेछ। सहयोगीहरू अनायासै पन्छिन सक्छन्। तापनि अध्ययनको लगावले बौद्धिक क्षेत्र फराकिलो बन्नेछ। विवादास्पद काममा हातहाल्दा समस्या पर्नेछ।

तुला (र, रि, रु, रे, रो, ता, ति, तु, ते)

कामना पूर्ण हुनेछ भने रमाइलो जमघटमा सहभागी बन्ने अवसर जुट्न सक्छ। आफन्तसँग भेटघाट हुनुका साथै स्वादिष्ट भोजनको आनन्द प्राप्त हुनेछ। केही समय लागे पनि लक्ष्यअनुसार काम सम्पादन हुनेछ। अध्ययनको लगावले बौद्धिक क्षेत्र फराकिलो बन्नेछ। काममा विशेष अवसर प्राप्त हुनेछ। पहिलेको सफलताले पनि हौसला जगाउनेछ। व्यापारमा मनग्य फाइदा हुनेछ।

वृश्चिक ( तो, ना, नि, नु, ने, नो, या, यि, यु)

धेरै लगानी गर्दा कममात्र फाइदा हुनेछ। अर्थअभाव खट्किनाले चिताएको काम पूर्ण नहुन सक्छ। लगानी बढाउनुपर्ने परिस्थिति आउन सक्छ। खर्च लागे पनि यात्राको प्रक्रिया अघि बढ्न सक्छ। फाइदा नगण्य उठे पनि स्वाभिमानको रक्षा गर्न सफल भइनेछ। वैदेशिक रोजगारीमा हुनेहरूलाई विशेष फाइदा हुनेछ। तर खर्चिलो काम थाल्नाले धेरै रकम जुटाउन कर्जा लिनुपर्ला।

धनु (ये, यो, भ, भि, भु, ध, फा, ढ, भे)

व्यापार, साझेदारी र सट्टापट्टामा लाभ मिल्नेछ। थोरै लगानीबाट पनि मनग्य नाफा कमाउन सकिनेछ। सञ्चित धनको उपयोग गर्दा फाइदा हुनेछ। राम्रो कर्मफल प्राप्त हुनाले मन प्रसन्न रहनेछ। श्रमको उचित मूल्यांकन हुनेछ भने उठ्नुपर्ने रकम तत्काल हातलागी हुनेछ। सहयोगीहरूको साथले चिताएका काम सम्पादन हुनेछन्। प्रतीक्षित नतिजाले जीवनशैलीमा परिवर्तन आउनेछ।

मकर (भो, ज, जि, खि, खु, खे, खो, गा, गि)

पहिलेका कमजोरी बाहिर आउनाले प्रतिष्ठामा समस्या पर्न सक्छ। समय र कामको तालमेल नहुँदा केही पछि परिनेछ। ईर्ष्या गर्नेहरू सक्रिय रहनेछन् भने अवसरवादीहरूले कमजोरीको फाइदा उठाउन सक्छन्। उपलब्धिविहीन काममा समय र बुद्धि खर्चनुपर्ला। तापनि दोहोर्याएर प्रयत्न गर्दा आंशिक लाभ हुनेछ। फाइदा कमै भए पनि तारिफयोग्य काम थालनी गर्न सकिनेछ।

कुम्भ (गु, गे, गो, सा, सि, सु, से, सो, द)

मेहनतले पदीय जिम्मेवारी दिलाउनेछ। तर अवसरका साथ केही चुनौतीसमेत देखापर्ने छन्, होसियारीसाथ काममा जुट्नुपर्ला। छिद्र खोतल्नेहरूले पनि दुस्ख दिनेछन्, विशेष योजना गोप्य राखेर अघि बढ्नुहोला। शुभचिन्तकहरूको साथ–सहयोगले मात्र अप्ठ्यारा चुनौती पार लगाउन सकिनेछ। अध्यात्मभाव जागृत हुनुका साथै परोपकार तथा सेवामूलक काममा प्रवृत्त भइनेछ।

मीन (दि, दु, थ, झ, ञ, दे, दो, च, चि)

अवसर आए पनि नयाँ काम थाल्नुअघि राम्ररी विचार पुर्याउनुहोला। धेरै श्रम गर्नुपरे पनि उचित मूल्य प्राप्त नहुन सक्छ। काममा धन र श्रम खर्चनुपर्ला। उपलब्धिका केही स्रोत भने पहिल्याउन सकिनेछ। दोहोर्याएर प्रयत्न गर्दा आँटेको काम बन्नेछ। चिताएको मूल्य प्राप्त नभए पनि पछिलाई फाइदा हुने काम हातलागी हुन सक्छ। स्वास्थ्यका लागि खानपानमा ध्यान पुर्याउनुहोला।

प्रकाशित मिति: ९ मंसिर २०७९,शुक्रबार
Please Login to Comment!!