काठमाडाैँ- नेकपा (एमाले)का सचिव योगेश भट्टराईले माओवादी केन्द्रका अध्यक्ष पुष्पकमल दाहाल प्रचण्डलाई प्रधानमन्त्री बनाउने योजना पुस ७ गते नै तयार भएको दाबी गरेका छन् ।
सांसदसमेत रहेका भट्टराईले पार्टी अध्यक्ष केपी शर्मा ओलीको कुशल नेतृत्वका कारण प्रचण्ड प्रधानमन्त्री बनेकाे दाबी गरेका हुन् ।
‘पुस ७ गते बिहान भएको नेकपा एमाले केन्द्रीय सचिवालयको बैठकको मुल स्पिरिट यहि थियो, जसलाई अध्यक्ष कमरेड केपी ओलीले कुशलतापूर्वक नेतृत्व गर्नुभयो र परिणाम आयो, उनले भनेका छन्, 'चुनाव गराउनेको बहुमत नआउनु भनेको नयाँ विकल्पमा जाने जनादेश हो । संसदीय लोकतन्त्र भएका मुलुकमा यसलाई स्वाभाविक मान्नुपर्छ ।’
निवर्तमान सत्ता गठबन्धन भत्किएर एमालेसहित अन्य ६ पार्टी र ३ स्वतन्त्र सांसदकाे समर्थनमा प्रचण्ड प्रधानमन्त्री बनेका छन् ।
२०७९ पौष ७ गते बिहान भएको नेकपा एमाले केन्द्रिय सचिवालयको बैठकको मुल स्पिरिट यहि थियो जसलाई अध्यक्ष कमरेड केपी ओलीले कुसलता पूर्वक नेतृत्व गर्नु भयो परिणाम आयो
— Yogesh Bhattarai (@yogesbhattarai) December 25, 2022
चुनाब गराउनेको बहुमत नआउनु भनेको नयाँ बिकल्पमा जाने जनादेश हो संसदीय लोकतन्त्र भएका मुलुकमा यसलाई स्वभाबिक मान्नु पर्छ
प्रकाशित मिति: सोमबार, पुस ११, २०७९ ११:४०
प्रतिक्रिया दिनुहोस्
