पोखरा –पोखरामा भएको यती एयरलाइन्सको विमान दुर्घटनामा मृत्यु हुने ११ जनाको सनाखत भएको छ । पोखराको गण्डकी अस्पतालले दिएको विवरण अनुसार १ विदेशीसहित ११ जनाको सनाखत भएको हो ।

दुर्घटनामा परी मृत्यु भएकाको शव सबै सङ्कलन भएपछि मात्रै पहिचान गर्न थालिने भएको छ । मृतकहरूको शव निकालेर गण्डकी अस्पतालमा लगिएको र सबै सङ्कलन भएपछि मात्रै पहिचान थालिने पोखरा स्वास्थ्य विज्ञान प्रतिष्ठानका निर्देशक डा.भरत खत्रीले जानकारी दिए ।

दुर्घटनामा ६८ जनाको मृत्यु भएको नागरिक उड्डयन प्राधिकरणले पुष्टि गरेको छ । उनीहरुको शव गण्डकी अस्पतालसहित ३१ वटा अस्पतालमा राखिएको छ ।

सनाखत हुनेहरू

• निशान्त आचार्य

• संगीता शाही

• डा. सुशील श्रेष्ठ

• डा. सेना दिवाकर

• १० महिनाका रियान पौडेल

• अदाकत अलिमिया,

• लक्ष्मी पौडेल

• प्रसिद्धी पौडेल

• अरुण पौडेल

• पूर्णकुमार गुरुङ 

• कोरियन नागरिक यू क्यानगुल