• Sep 23 2020 | २०७७, आश्विन ७गते

२०७७, आश्विन ७गते

यो साता चर्चामा:

फराकिलो जित निकाल्दै पीएसजी फ्रेन्च कपको सेमिफाइनलमा प्रबेश

फाल्गुण १ २०७६
  • 726
    SHARES
  • फराकिलो जित निकाल्दै पीएसजी फ्रेन्च कपको सेमिफाइनलमा प्रबेश

    काठमाडौं - बुधबार राति फ्रेन्च कप अन्तर्गत भएको खेलमा पेरिस सेन्ट जर्मेन (पीएसजी) ले फराकिलो जित हासिल गरेको छ । निकै रोमान्चक बनेको उक्त खेलमा पीएसजीले डिजोन एफसीओलाई ६–१ गोलले पराजित गर्न सफल भयो । 

    उक्त खेलमा पीएसजीलाई जिताउन पाब्लो सराबियाले दुई गोल गरे भने किलियन एम्बाप्पे र थियागो सिल्भाले एक एक गोल गरे । त्यस्तै दुई गोल भने पीएसजीले उपहार अर्थात आत्मघाती गोल पायो । उक्त खेलमा डिजोनका वेस्ले लाउटोले आत्मघाती गोल गर्दै पीएसजीलाई अग्रता दिलाए । 

    त्यसपछि खेलको १३औं मिनेटमा डिजोनका मौनियरले गोल गरी टिमलाई बराबरीमा पुर्याए । त्यसपछि खेलको ४४औं मिनेटमा एम्बाप्पेले, ५०औं सिल्भाले र  ५५औं मिनेटमा सराबियाले गोल गरे । त्यसपछि खेलको ८६औं मिनेटमा  डिजोनका कौलीबालीले आत्मघाती गोल गरे । जितसँगै पीएसजी सेमिफाइनलमा प्रवेश गरेको छ ।


     


    फाल्गुण १, २०७६ बिहिवार ०३:५५:०० बजे : प्रकाशित


    अर्कोसमाचार

    इंग्लिस फुटबल लिग : म्यान्चेस्टर युनाइटेडको सानदार जित

    इंग्लिस फुटबल लिग : म्यान्चेस्टर युनाइटेडको सानदार जित

    काठमाडौं - मंगलबार राति इंग्लिस फुटबल लिग (इएफएल) अन्तर्गत भएको खेलमा प्रिमियर लिग क्लब म्यान्चेस्टर युनाइटेडले सानदार जित निकालेको छ । 

    निकै रोमान्चक बनेको उक्त खेलमा युनाइटेडले लुटन टाउनलाई  ३–०  गोलले पराजित गरेको हो । उक्त खेलमा युनाइटेडका लागि जुआन माटा, मार्कस रासफर्ड र मेसन ग्रीनवूडले एक एक गोल गरे । 
     
    उक्त खेलको ४४औं मिनेटमा युनाइटेडका माटाले गोल गरी टिमलाई अग्रता दिलाए । उनले पेनाल्टीमार्फत गोल गरेका हुन् । त्यसपछि खेलको ८८औं मिनेटमा रासफर्डले र अन्तिम समयमा ग्रीनवूडले गोल गरी युनाइटेडलाई जित दिलाए । 
     


    आश्विन ७, २०७७ बुधवार ०७:४७:४० बजे : प्रकाशित

    आईपीएल : राजस्थानसँग चेन्नेई १६ रनले पराजित

    आईपीएल : राजस्थानसँग चेन्नेई १६ रनले पराजित

    काठमाडौं - मंगलबार राति इण्डियन प्रिमियर लिग (आईपीएल) अन्तर्गत भएको खेलमा राजस्थान रोयल्सले जित निकालेको छ । यूएईमा सम्पन्न उक्त खेलमा राजस्थान रोयल्सले  चेन्नेई सुपर किंग्सलाई १६ रनले पराजित गरेको हो । 

    टस हारेर पहिला ब्याटिङ गरेको राजस्थानले  निर्धारित २० ओभरमा ७ विकेट गुमाउँदै २१६ रन बनाएको थियो। खेलमा राजस्थानका लागि सञ्जु सेमसनले सर्वाधिक ७४, रनस्टेभेन स्मीथले ६९ र जोफार आर्चरले २७ रन बनाए । 

    channai.png

    त्यस्तै चेन्नईका लागि साम कुरानले तीन विकेट लिए भने दीपक चाहर, लुङ्गी एनगिडी र पियुस चावलाले एक एक विकेट लिएका थिए । खेलमा राजस्थानले दिएको २१७ रनको लक्ष्य पछ्याएको चेन्नईले निर्धारित २० ओभरमा ६ विकेट गुमाएर २ सय रन मात्र बनाउन सक्यो । 

    जसले गर्दा १६ रनले चेन्नई पराजित हुन पुग्यो । चेन्नइका लागि कप्तान महेन्द्रसिहं धोनीले अभिजित २९ रन बनाएका थिए । यससँगै २ खेलमा १ खेल जितेको चेन्नई चौथो स्थानमा रहेको छ ।
     


    आश्विन ७, २०७७ बुधवार ०७:०१:४८ बजे : प्रकाशित

  • सम्बन्धित विषय:

  • # आईपीएल
  • # राजस्थान
  • # चेन्नेई

  • क्यानाडानेपाल डेस्क

    इङ्लिस प्रिमियर लिग : म्यानचेस्टर सिटीको सानदार जित

    इङ्लिस प्रिमियर लिग : म्यानचेस्टर सिटीको सानदार जित

    काठमाडौं - सोमबार राति इङ्लिस प्रिमियर लिग अन्तर्गत भएको खेलमा म्यानचेस्टर सिटीले सानदार जित निकालेको छ । 

    निकै रोमान्चक बनेको उक्त खेलमा सिटीले वुल्भसलाई ३–१ गोलले पराजित गरेको हो । उक्त खेलको २० औं मिनेटमा सिटीका केभिन डि ब्रुइनोले गोल गरी टिमलाई अग्रता दिलाए । 

    त्यसपछि खेलको ३२ औं मिनेटमा सिटीकै फिल फोडेनले गोल गरी अग्रता लोब्बर बनाए । त्यसपछि  खेलको ७८ औँ मिनेटमा वुल्भ्सका राउल जिमिनेजले एक गोल फर्काए । 

    त्यसपछि खेलको अन्तिम समयमा सिटीका  ग्याब्रियल जिसुसले गोल गरि टिमलाई जित दिलाए । जितसँगै सिटीले पहिलो खेलबाट तीन अंक जोडेको छ भने वुल्भ्स दुई खेलबाट तीन अंक जोडेको छ । 
     
     


    आश्विन ६, २०७७ मंगलवार ०८:२५:५३ बजे : प्रकाशित

  • सम्बन्धित विषय:

  • # इङ्लिस प्रिमियर लिग
  • # म्यानचेस्टर सिटी

  • क्यानाडानेपाल डेस्क

    इटालियन सिरी ‘ए’ : मिलानको सानदार जित

    इटालियन सिरी ‘ए’ : मिलानको सानदार जित

    काठमाडौं - सोमबार राति इटालियन सिरी ‘ए’ अन्तर्गत भएको खेलमा एसी मिलानले सानदार जित निकालेको छ । 

    निकै रोमान्चक बनेको उक्त खेलमा एसी मिलानले बोलोग्नालाई २–० गोलले पराजित गरेको हो । उक्त खेलमा मिलानको लागि ज्लाटान इब्राहिमोभिचले गोल गरे । खेलको ३५औं मिनेटमा मिलानका ज्लाटानले गोल गरी टिमलाई अग्रता दिलाए । 

    त्यसपछि दोस्रो हाफको शुरुवातमै मिलानले पेनाल्टी पायो । पेनाल्टीमार्फत मिलानका खेलाडीले गोल गरी टिमलाई अग्रता दोब्बर बनाए । त्यसपछि दुबै टिमबाट कुनै गोल हुन सकेन । मिलान २–० गोलले जिवयी भयो । 
     


    आश्विन ६, २०७७ मंगलवार ०७:५२:०२ बजे : प्रकाशित

  • सम्बन्धित विषय:

  • # इटालियन सिरी ‘ए’

  • क्यानाडानेपाल डेस्क

    आईपीएल : बैंगलोर १० रनले विजयी    

    आईपीएल : बैंगलोर १० रनले विजयी    

    काठमाडौं - सोमबार राति इण्डियन प्रिमियर लिग (आईपीएल) अन्तर्गत भएको खेलमा रोयल च्यालेन्जर्स बैंगलोरले जित निकालेको छ । यूएईमा सम्पन्न उक्त खेलमा बैंगलोरले सनराइजर्स हैदराबादलाई १० रनले पराजित गरेको हो ।

    बैंगलोरले दिएको १६४ रनको लक्ष्य पछ्याएको हैदराबादले १९ ओभरमा ४ बलमा सबै विकेट गुमाउँदै १ सय ५३ रन मात्र बनाउन सक्यो । हैदराबादका लागि जोनी बेयरस्टाले सर्बाधिक ६१ रन बनाए । उनले ६ चौका र २ छक्का हानेका थिए । 

    त्यस्तै निष पाण्डेले ३४ रन र प्रियं गर्गले १२ रन बनाए । त्यस्तै बैंगलोरका लागि बलिङतर्फ युजवेन्द्र चहलले ३ विकेट, शिवम दुवे र नवदीप सैनीले २-२ विकेट र  डेल स्टेनले एक विकेट लिए ।

    यस अघि टस हारेर पहिले ब्याटिङ गरेको बैंगलोरले निर्धारित २० ओभरमा ५ विकेट गुमाउदै १ सय ६३ रन बनाएको थियो । जितसँगै बैंगलोरले २ अंक जोडेको छ ।  


    आश्विन ६, २०७७ मंगलवार ०७:११:५६ बजे : प्रकाशित

  • सम्बन्धित विषय:

  • # आईपीएल
  • # बैंगलोर
  • # हैदराबाद

  • क्यानाडानेपाल डेस्क

    माने चम्किँदा लिभरपुलले चेल्सीलाई हरायो

    माने चम्किँदा लिभरपुलले चेल्सीलाई हरायो

    काठमाडौं - गए राति इंग्लिस प्रिमियर लिग च्याम्पियन लिभरपुलले सानदार जित निकालेको छ । निकै रोमान्चक बनेको उक्त खेलमा लिभरपुलले चेल्सीलाई २-० गोलले पराजित गरेको हो । 

    उक्त खेलको पहिलो हाफमा दुवै टिमले कुनै गोल हुन सकेन । दोस्रो हाफमा खेलको ५०औं मिनेटमा लिभरपुलका फरवार्ड साडियो मानेले गोल गरी टिमलाई अग्रता दिलाए । 

    त्यसपछि उक्त गोल गरेको २ मिनेटमै मानेले नै अर्को गोल गरे । चेल्सीले खेलमा गोल गर्ने मौका पाएको थियो । तर गोल गर्न सकेन । 
       


    आश्विन ५, २०७७ सोमवार ०९:२६:४२ बजे : प्रकाशित

  • सम्बन्धित विषय:

  • # चेल्सी
  • # लिभरपुल

  • क्यानाडानेपाल डेस्क