मंगलबार
६ फाल्गुण
२०७६

सुन किन्दै हुनुहुन्छ ? आजको बजार भाउ हेरेर जानुहोस्

शुक्रबार फाल्गुण २, २०७६/ Friday 02-14-20

काठमाडौं । माघमा सुनको मूल्यले तोलामा साढे ७६ हजारसम्मको रेकर्ड राख्यो । असार महिनायता मात्रै सुनको भाउ तीव्र ढंगले बढ्दै गइरहेको छ । सातामा हरेक दिनजसो भाउ बढिरहेको हुन्छ ।

माघ र फागुन महिना विवाहको महिना भएकाले पनि यस अवधिमा सुनको मूल्यमा उतारचढाव आइरहेको हुन्छ । त्यसैले सुन किन्न जानुअघि भाउ थाहा पाएर जाँदा राम्रो हुन्छ ।

साताको अन्तिम दिन शुक्रबार सुनचाँदीको मूल्य स्थिर रहेको छ । बिहीबार ७६ हजारमा कारोबार भएको छापावाला सुन शुक्रबार पनि सोही मूल्यमा कारोबार भइरहेको नेपाल सुनचाँदी व्यवसायी महासंघले जनाएको छ ।

तेजावी सुन प्रतितोला ७५ हजार ७ सयमै कारोबार भइरहेको छ । चाँदी पनि स्थिर रहेर प्रतितोला ८ ८० रुपैयाँमै कारोबार भइरहेको महासंघले जनाएको छ ।