• Jun 17 2021 | २०७८, आषाढ ३गते

२०७८, आषाढ ३गते

गगन थापाको अन्तर्वार्ताको कमेन्ट हटाउन नायिका निशा अधिकारीको पत्रकारलाई अल्टिमेटम

जेठ २२ २०७७
  • 39.5K
    SHARES
  • गगन थापाको अन्तर्वार्ताको कमेन्ट हटाउन नायिका निशा अधिकारीको पत्रकारलाई अल्टिमेटम

    काठमाडौं । भिडियो अन्तर्वार्तामा दर्शकले गरेको कमेन्टको विषयलाई लिएर नायिका निशा अधिकारीले पत्रकारलाई धम्की दिएकी छन् । करिब एक वर्ष अघि क्यानडानेपालले कांग्रेस नेता गगन थापा र उनकी पत्नी डा. अन्जना केसी थापासँग लिएको भिडियो अन्तर्वार्तामा दर्शकले गरेको कमेन्टको विषयलाई लिएर नायिका निशाले पत्रकारलाई धम्की दिएकी हुन् । 

    सन् २०१९ जुलाई २०मा क्यानडानेपालको आधिकारिक युट्युब च्यानलमा अपलोड गरिएको गगन थापा र उनकी पत्नी अन्जनाको अन्तर्वार्तामा दर्शकले गरेको कमेन्ट नहटाएको भन्दै नायिका निशाले क्यानडानेपाल डटकमका पत्रकार तथा चलचित्र पत्रकार संघ नेपालका सदस्य मदन रिजाललाई धम्की दिएकी हुन् । 

    १० महिनासम्म पनि अन्जनाविरुद्ध आएका नराम्रा कमेन्ट नहटाएको भन्दै आक्रोशित भएकी उनले पत्रकार रिजाललाई १५ मिनेटभित्र कमेन्ट हटाउन अल्टिमेटम दिएकी हुन् । सामाजिक सञ्जालमा आएका प्रतिक्रियाको प्रतिवाद गर्न शून्य सहनशीलताको अभियान चलाइरहेकी नायिका निशाले युट्युबमा आएका कमेन्ट हटाउन पत्रकारलाई धम्की दिएकी हुन् । उनले १५ मिनेटभित्रमा कमेन्ट नहटाए कानुनी बाटो पनि रोज्ने बताएकी पीडित पत्रकार रिजालले जानकारी दिए । 

    पत्रकार तथा सञ्चार माध्यमले आफूले पस्कने सामग्रीमा सचेत र सावधानी रहनु पर्ने हुन्छ । तर, पाठक वा दर्शकको कमेन्टलाई लिएर धम्की आउनु दुखद् भएको चलचित्र पत्रकार संघ नेपालका महासचिव समीर बलामीले बताए ।

     

    नायिका निशाले यो भिडियो अन्तर्वार्ताको कमेन्ट हटाउन भनेको  हाे 


    दर्शकको कमेन्टलाई लिएर पत्रकारलाई धम्की आउनु दर्शकको अभिमतलाई कदर गर्न नसक्नु रहेको भन्दै महासचिव बलामीले पत्रकारलाई धम्की दिनेले माफी माग्नु पर्ने बताए । सम्प्रेषित समाचारप्रति चित्त नबुझे कानुनी बाटो रोज्न छाडेर पत्रकारलाई धम्की दिनु गलत रहेको भन्दै उनले पत्रकारलाई धम्की दिने तथा समाचारका विषयलाई लिएर अनावश्यक दुःख दिने कार्य दोहोरिरहे संघले त्यस्ता कलाकारलाई बहिस्कार गर्न सक्ने बताए । 

    पत्रकारले पत्रकार आचारसंहित र प्रचलित कानुनका अधिनमा रहेर समाचार सम्प्रेषण गर्न पाउने भन्दै उनले दर्शकको कमेन्टलाई लिएर पत्रकारलाई धम्की दिने, समाचार हटाउन दबाब दिनेजस्ता गलत कार्य रोकिनु पर्ने बताए । 

    यता चलचित्र कलाकार संघकी उपाध्यक्ष रेजिना उप्रेतीले यसबारे नबुझी संघको धारणा दिन नमिल्ने बताइन् । ‘के भएको हो, यसबारे बुझेपछि मात्रै भन्न सक्छु, यसबारे मलाई केही पनि थाहा छैन’, उनले भनिन् । 

    समाचारको विषयलाई लिएर पत्रकारमाझ विवादमा आइरहने नायिका निशा सामाजिक सञ्जालमा हुने गतिविधिलाई लिएर प्रतिक्रिया जनाउने गरेकी छन् । 

    नायिका निशाले हटाउन भन्दै पठाएको कमेन्टको स्क्रिनसट

    \"\"

    \"\"

    \"\"

     


    जेठ २२, २०७७ बिहिवार १३:०५:०० बजे : प्रकाशित

    अर्कोसमाचार

    गायक हेमन्त शर्मालाई असफल मायालुको जवाफ– सिरानी आँसुले भिजाउँछ

  • 808
    SHARES
  • गायक हेमन्त शर्मालाई असफल मायालुको जवाफ– सिरानी आँसुले भिजाउँछ

    काठमाडौं । गायक हेमन्त शर्माले नयाँ म्युजिक भिडिओ सार्वजनिक गरेका छन् । ‘ए मेरी असफल मायालु’ बोलको गीतमा गायक शर्माको स्वर रहेको छ भने उनलाई गायिका एलिना चौहानले साथ दिएकी छन् । 

    गीतमा आफ्नी असफल प्रमिकालाई गायक शर्माले प्रश्न गरेका छन्, ‘ए मेरी असफल मायालु तिमीलाई मेरो याद आउँछ कि आउँदैन् ?’

    जवाफ स्वरुपमा गायिका एलिनाले भनेकी छन्, ‘कसरी बताउँ कति याद आउँछ, सिरानी आँसुले सधैं भिजाउँछ ।’ उक्त गीतको भिडिओमा गायक शर्मा र गायिका एलिनाको अभिनय पनि रहेको छ । 

    उक्त गीतमा गायक शर्माकै शब्द सृजना र संगीत रहेको छ भने कृष्ण बिकेले संगीत संयोजन गरेका छन् । सो गीतका भिडिओलाई निकेश खड्काले निर्देशन गरेको हुन् । 


    जेठ ३१, २०७८ सोमवार १७:२५:५७ बजे : प्रकाशित

  • सम्बन्धित विषय:

  • # हेमन्त शर्मा

  • क्यानाडा नेपाल

    पुराना छायाँकार प्रधानको निधन

    जेठ ३१

  • 334
    SHARES
  • पुराना छायाँकार प्रधानको निधन

    काठमाडौं - नेपाली चलचित्र क्षेत्रका पुराना छायाँकार राम शंकर प्रधानको निधन भएको छ । उनको आइतबार बेलुका ७२ बर्षको उमेरमा निधन भएको हो । 

    लामो समयदेखि डायलासिस गराउँदै आएका उनको वीर अस्पतालमा निधन भएको हो । उनको सोमबार बिहान पशुपति आर्यघाटमा अन्त्येष्टि गरिएको जनाइएको छ । 

    उनले सुन्दर मेरो नाम, फेरि तिम्रो याद आयो, लगनगाँठो लगायतका धेरै नेपाली चलचित्रको छयांकन गरेका थिए । उनको निधनप्रति नेपाली चलचित्र क्षेत्रका कलाकारहरुले दुख व्यक्त गरेका छन् । 

     


    जेठ ३१, २०७८ सोमवार १८:४४:०८ बजे : प्रकाशित

  • सम्बन्धित विषय:

  • # निधन
  • लण्डनको चर्चित रियालिटी शो ‘सिक्रेट क्रस’मा नेपाली मोडल अनिता

  • 346
    SHARES
  • लण्डनको चर्चित रियालिटी शो ‘सिक्रेट क्रस’मा नेपाली मोडल अनिता

    काठमाडौं । बेलायतमा बस्दै आएकी नेपाली मोडल अनिता लिम्बुले बहुचर्चित ‘आई टिभी टू’ च्यानलबाट प्रशारण हुने रियालिटी शो ‘सिक्रेट क्रस’मा सहभागिता जनाएकी छन् । 

    सामाजिक सञ्जाल इन्ष्टग्राममा उनको कौशल देखेर आयोजक टिमले नै उनलाई उक्त शोमा भाग लिन आग्रह गरेको थियो ।  आयोजकको आग्रहपछि उनी उक्त शोको यात्रा तय गरेकी थिइन् । 

    उक्त रियालिटी शो आई टिभी टू च्यानलमार्फत गत हप्ता प्रसारण भएको छ । आई टिभी हब मार्फत उक्त कार्यक्रम जुनसुकै समयमा पनि हेर्न सकिनेछ । नेपालको ताप्लेजुङमा जन्म भई इटहरीमा  हुर्केकी उनले सानै उमेरदेखि मोडलिङ र डान्सिङमा दिलचस्पी राख्ने गरेकी थिइन् ।

    नेपालमा कक्षा १२ अध्ययन सकेर अध्ययनको शिलशिलामा बेलायत पुुगेकी उनले त्यहाँ ब्यूटी थेरापी सम्बन्धी अध्ययन पूरा गरिसकेकी छिन् । बर्हिगमको एक फेशन शोबाट मोडलिङ शुरू गरेकी उनले अक्सफोर्ड फेशन विक र लण्डन फेशन शो मा पनि भाग लिइसकेकी छिन् ।

    यस्तै अनिताले लण्डनमा आयोजना हुने प्राय फेसन–शो तथा मिस च्यारिटी लगायतका व्युटी कन्टेस्टहरुमा समेत भाग लिएर विभिन्न टाइटल अवार्ड जितिसकेकी छन्। ५ फिट ७ इञ्च उचाईकी अनिता डान्समा पनि अब्बल रहेकी छन्। लण्डनमा हुने विभिन्न च्यारिटी शोहरुमा डान्स गरेर धेरै सहयोग जुटाइसकेकी छन । 

    उनले धेरै नेपली म्युजिक भिडिओमा पनि अभिनय गरिसकेकी छिन ।नेपाली फिल्म अभिनयमा पनि आफ्नो रुचिको बिषय भएको बताउने उनी भविष्यमा चलचित्रमा अभिनय गर्ने सोच रहेको बताउँछिन् ।


    आषाढ १, २०७८ मंगलवार ११:२४:०८ बजे : प्रकाशित

  • सम्बन्धित विषय:

  • # सिक्रेट क्रस

  • क्यानाडा नेपाल

    मुन्द्रेलाई दीपकराजले भने - कहिले काहिँ मतभेदका छालहरू एकअर्कासँग ठोक्किए पनि हाम्रो गति कहिले रोकिदैन

    आषाढ १

  • 462
    SHARES
  • मुन्द्रेलाई दीपकराजले भने - कहिले काहिँ मतभेदका छालहरू एकअर्कासँग ठोक्किए पनि हाम्रो गति कहिले रोकिदैन

    काठमाडौं - चर्चित हास्यकलाकार जितु नेपालको आज जन्मदिन परेको छ । उनी आजबाट ४६ वर्षमा लागेका छन्। उनको जन्मदिनको अवसरमा कलाकार दीपकराज गिरीले पनि सामाजिक सञ्जालमार्फत शुभकामना व्यक्त गरेका छन् । 

    दीपकराजले शुभकामना दिदै  घुमाउरो शैलीमा मतभेद स्वीकारेका छन् । टेलिभिजन शो मुन्द्रेको कमेडी क्लब चलाउदै आएका जितुले ‘महानायक’ विवादपछि दीपाश्रीलाई अध्यक्षबाट हटाएर करिश्मा मानन्धरलाई राखेका थिए । 

    त्यस बेलादेखि दीपकराज गिरी र दीपाश्री निरौला समुहसँग जितुको सम्बन्ध चिसिएको थियो । जितुले यस समुहसँग फिल्म ‘६ एकान ६’ देखि पछिल्लो फिल्म ‘छ माया छपक्कै’ सम्म काम गर्दै आइरहेका छन् ।

    मंगलबार जन्मदिनको अवसरमा दीपकराजले मतभेद रहेको स्वीकार गर्दै आफूहरुको गति कहिले नरोकिने बताएका छन् । उनले कहिले काहिँ मतभेदका छालहरू एकअर्कासँग ठोक्किए पनि आफूहरुको गति कहिले नरोकिएको र नरोकिने बताएका छन् ।

    उनले भनेका छन् - 'तपाइ संग जे छ ,त्यो म संग छैन ! म संग भएका तपाइ संग नहुन सक्छ !! सायद यहि एक अर्को संग नभएका कुरा अैचो पैचो गर्दै  एउटै खोलामा मिसियौ  र बग्दै गयौ निरन्तर कहिलेकाहि हाम्रा मतभेदका छालहरू एक अर्को संग  ठोक्किए पनि हाम्रो गति कहिले रोकिएन र रोकिदैन पनि !!'

    'तपाइ लाइ इश्वरले सधै उस्तै उर्जाशील र शृजनशील बनाइ रहुन् तपाइ संग भएका सकारात्मकताले तपाइमा भएका कमि कमजोरीलाइ परास्त गर्न सकोस! घर परिवारमा सुख शान्ति रहि रहोस !! जय मित्रता!! जन्मदिनको लाखौ करौडौ शुभकामना!!!'


    आषाढ १, २०७८ मंगलवार १५:११:४६ बजे : प्रकाशित

    मोडल निशा घिमिरेको उपचारका लागि बैंक खाता सञ्चालन

    आषाढ १

  • 258
    SHARES
  • मोडल निशा घिमिरेको उपचारका लागि बैंक खाता सञ्चालन

    काठमाडौँ - मोडल निशा घिमिरेको उपचारका लागि बैंक खाता सञ्चालनमा ल्याइएको छ । दुई वर्ष अघि कलाकारिता सिक्न भारतको देहरादुन गएकी २३ बर्षिय निशा सडक दुर्घटनामा परी गम्भीर घाइते भएकी थिइन् । परिवारको आर्थिक अवस्था कमजोर हुँदा उपचार सम्भव नभएपछि उनको स्वास्थ्य अवस्था निकै नाजुक बन्दै गइरहेको थियो । 

    उनको अवस्थाबारे जानकारी पाएपछि नवजीवन परोपकार समाजका अध्यक्ष दुर्गानाथ दाहालले समाजिक सञ्जालमा घिमिरेको तस्बीर सार्वजनिक गरेका थिए । 

    political leaders kotishwar niwas.jpg

    तस्बीरमा निशाको अवस्था दर्दनाकपूर्ण देखेपछि सहयोग गर्नुपर्ने भन्दै आवाज उठ्न थाल्यो । अहिले उनको नर्भिक अस्पतालमा उपचार भइरहेको छ । अस्पतालकी निर्देशक मेघा चौधरीले निशालाई अस्पतालमा निःशुल्क उपचार गराइरहेकी छिन् । 

    अहिले उनको स्वास्थ्यमा सुधार हुँदै गइहरेको छ । अहिले देश तथा विदेशबाट उनलाई सहयोग गरिरहेका छन् । उपचारमा थप सहयोगका लागि नवजीवनका अध्यक्ष दाहाल, चलचित्र कलाकार सङ्घका उपाध्यक्ष मोहन निरौला र निशाका बुवा प्रेमप्रसादका नाममा कृषि विकास बैंकमा खाता खोलिएको छ । ‘निशा घिमिरे संरक्षण कोष’को खाता नं ०२१०४०१८८३००९०१८ रहेको दाहालले जानकारी दिए ।  


    आषाढ १, २०७८ मंगलवार १८:३१:२६ बजे : प्रकाशित

  • सम्बन्धित विषय:

  • # निशा घिमिरे
  • केशव भावुकको ‘म मजदुर मायाको’सार्वजनिक 

    आषाढ २

  • 212
    SHARES
  • केशव भावुकको ‘म मजदुर मायाको’सार्वजनिक 

    काठमाडौँ । गायक केशव भावुकको नयाँ गीत सार्वजनिक भएको छ । गायक भावुक र गीतकार नमिता मिलेर ल्याएको ‘म मजदुर मायाको’ बोलको गीतको भिडियो हालै युट्युबमा सार्वजनिक गरिएको हो। गीतमा गायक भावुकको स्वर र नमिता दवाडीको शब्द शृजना  रहेको छ ।

    कोरोना महामारीको समयमा सांगीतिक बजार सुस्ताएका बेला गायक भावुक र गीतकार नमिताले नयाँ गीत बजारमा ल्याएका हुन् । गीतमा म मजदुर मायाकोमा प्रेम, विरह र विछोडका कथालाई मुख्य विषय बनाइएको छ ।

    गीतमा भावुककै संगीत रहेको गीतको एरेन्ज उदयराज पौडेलले गरेका हुन् । अशोक मर्हजनको मिक्सिगं रहेको गीतको छायांकन, सम्पादन र कलरिगं मिराज अर्यालको रहेको छ ।  यस्तै निर्देशन पनि अर्यालले नै गरेका हुन्  


    आषाढ २, २०७८ बुधवार १८:४३:४० बजे : प्रकाशित

  • सम्बन्धित विषय:

  • # केशव भावुक