• Dec 01 2021 | २०७८, मंसिर १५गते

२०७८, मंसिर १५गते

पत्रकार सुवेदीले 'दारा निस्केको महानायिका' भनेपछि यसरी आक्रोश पोखिन् पुजाले

श्रावण २४ २०७७
  • 3.4K
    SHARES
  • images
    images
    पत्रकार सुवेदीले 'दारा निस्केको महानायिका' भनेपछि यसरी आक्रोश पोखिन् पुजाले

    काठमाडौं । अभिनेत्री पुजा शर्माले सिने पत्रकार तथा निर्देशक प्रकाश सुवेदीले आफुविरुद्ध दिएको अभिव्यक्ती प्रति आपत्ति जनाएकी छिन् । उनले पत्रकारले नै बोलाएर अपमान गरेको भन्दै सामाजिक सञ्जाल फेसबुकमा आक्रोस पोखेकी छिन् ।  

    images

    उनले कति चुप रहने ?  कति सहने ? भन्दै अन्तरवार्ताका लागि पत्रकारले बोलाउँदा आउँदिन भनिदिएकै कारण अपमान हुन परेको बताएकी छिन् । अन्तरवार्ताका लागि  आउँदिन भन्दा एउटा टेलिभिजनको कार्यक्रममै आफुलाई 'दारा निस्केको महानायिका' भनेर शारिरिक हाउभाउ लाइ लक्षित गरेर अत्यन्त क्षुब्ध ढंगले प्रस्तुत गरेर  मानहानि गरेको बताएकी छिन् । 

    उनले  भनेकी छिन् - "कतिचूप रहने ?कति सहने? Prime tv  मा अन्तर्वार्तामा बोलाइयो गएँ सामान्य ज्ञान संग सम्बन्धित प्रश्न गरियो  Interview चल्दा चल्दै मैले पत्रकार प्रकाश सुबेदीजी लाइ मैले राम्रो गर्न सकिन प्लिज यो काटिदिनुस, भने मान्नु भएन 

    त्यो चिज प्रसारण भयो viral भयो मेरो थुप्रै troll हरू बने, आफ्नै गल्ति हो भनेर चूपचाप बसे ,  पछि जब प्रकाशजी Ap1 जानु भो मलाइ पुन: interview मा आउ पुजा भनेर भन्नु भो  म मानसिक तनाब झेलिरहेको थिए, अब फेरी पूरानो गल्ति कसरी गर्न सक्थे ? 
     
    म त्रसित पनि थिए ,तसैले मैले सरी दाइ म आउन सक्दिन भने , तर त्यसपछि उहॉले आफ्नो कार्यक्रम मा मलाइ लक्षित गरेर “ दारा निस्केको, महानायिका” भनेर शारिरिक हाउभाउ लाइ लक्षित गरेर अत्यन्त क्षुब्ध ढंगले प्रस्तुत गरेर मेरो  मानहानि गर्न कुनै कसर छोड्नु भएन ,

    के एक पत्रकारले यस्तो अशिष्ट ,अभद्र र अमर्यादित शब्द प्रयोग गर्न मिल्छ ? पत्रकारले गर्न सक्ला मानौ, के टेलिभिजन मा यस्ता असभ्य कुरा सम्पादन गर्ने कुनै निकाए छैन ?हरेक troll को शिकार देखि , यस्तो अभद्र व्यवहार प्रति हामि कलाकार सधै मौन नै रहनु पर्ने ? अहिले आएर उहॉले “ मैले कसैको नाम तोकेको छैन “ भनेर भन्दै हुनुहुन्छ के यसरी पन्छिन मिल्छ ? 

    म नभए पनि कोहि अभिनेत्री लाइ त दारे अभिनेत्री सम्बोधन गरिएकै छ त्यॉहा !हामि कलाकार हरू कहिले सम्म पालै पालो यस्तो अतिबादको शिकार भैरहने?  हाम्रा गल्ति छन्, होलान् पनि त्यो कुरा पत्रकार मित्रहरू ले औल्याइ दिनु पर्छ । तर यो ढंगको प्रस्तुतीकरण ले के पत्रकारिता को पनि इज़्ज़त बढ्छ त?  कृपया सूझाब सल्लाह को अपेक्षा गर्द्छू !  यंहाहरूको सल्लाह अनुसार अगाढि बढ्ने छू ! धन्यवाद!!"
     
    पछिल्लो समय कलाकारहरु अन्तरवार्तामा बोल्न नजान्दा ट्रोलको शिकार हुन थालेका छन् । यसअघि पनि पत्रकार सुवेदीको कार्यक्रममा सोधिएका सामान्य ज्ञानसंग सम्बन्धित  प्रश्नको उत्तर दिन नजान्दा पुजा ट्रोल बनेकी थिइन् । 


    श्रावण २४, २०७७ शनिवार १८:०२:३९ बजे : प्रकाशित

    images
    images
  • सम्बन्धित विषय:

  • # पुजा शर्मा
  • अर्कोसमाचार

    बहुपति प्रथामा आधारित चलचित्र ‘टुल्की’लाई प्रदर्शनको अनुमति, यस्तो छ कथा

  • 360
    SHARES
  • बहुपति प्रथामा आधारित चलचित्र ‘टुल्की’लाई प्रदर्शनको अनुमति, यस्तो छ कथा

    डोल्पा - हिमाली जिल्ला डोल्पामा खिचिएको चलचित्र ‘टुल्की’ले प्रदर्शनको अनुमति पाएको छ । हिमाली क्षेत्रमा प्रचलित बहुपति प्रथामा आधारित चलचित्र ‘टुल्की’ले बुधबार केन्द्रीय चलचित्र जाँच समितिबाट प्रदर्शनको अनुमति पाएको हो ।

    images

    समितिका पदाधिकारीले हेरेपछि प्रमाणपत्र प्रदान गरेको चलचित्र निर्माता शेखर लामाले जानकारी दिनुभयो । ‘द पाल्म ग्रुप प्रालि’को ब्यानरमा निर्माण गरिएको उक्त चलचित्रमा हिमाली भेगमा प्रचलित बहुपति प्रथालाई देखाइएको छ । एक ब्राम्हण बस्तीमा जन्मेकी ‘टुल्की’ले प्रेमविवाह गरेर उपल्लो डोल्पा जाँदा संस्कारका नाममा भोग्नुपरेको कहालीलाग्दो पीडालाई सो चलचित्रमा उतारिएको छ ।

    चलचित्रको निर्देशन तथा छायाँङ्कन देवजङ्ग थापाले गर्नुभएको छ । चलचित्रमा लगानी शेखर लामा र आरपी कर्माचार्यको रहेको छ । सो चलचित्रको कथा लक्ष्मण सुनारले लेख्नुभएको हो । 

    चलचित्रमा शिशिर वाङ्देल, स्वस्तिमा कार्की, सोफिया लिम्बू, नरेन्द्र तामाङ, सोम लामा, शेखर लामा, सौजन सुब्बा, भक्तसिंह कठायत, रत्नप्रसाद न्यौपानेलगायत कलाकारको अभिनय रहेको छ । करिब चार वर्षको अध्ययनपछि निर्माण गरिएको उक्त चलचित्र विभिन्न देशमा प्रदर्शन गरिसकेपछि मात्र नेपालमा देखाइने लामाको भनाइ छ । अन्तर्राष्ट्रिय फिल्म महोत्सवमा समेत सो चलचित्र प्रदर्शन गरिने बताइएको छ ।रासस 


    मंसिर ९, २०७८ बिहिवार २१:३२:३८ बजे : प्रकाशित

  • सम्बन्धित विषय:

  • # टुल्की

  • क्यानाडा नेपाल

    मुख्यमन्त्री राईले भने- म रचना रिमाललाई वान साइड लभ गर्छु

  • 860
    SHARES
  • मुख्यमन्त्री राईले भने- म रचना रिमाललाई वान साइड लभ गर्छु

    काठमाडौं । प्रदेश १ मुख्यमन्त्री राजेन्द्रकुमार राईले गायिका रचना रिमाललाई वान साइड लभ गरेको बताएर आफू नेपाली गीतसंगीतलाई माया गर्ने व्यक्ति रहेको जानकारी दिएका छन् ।

    images

    झापाको बेलडाँगीस्थित भुटानी शरणार्थी शिविरमा  इन्ट्रा नेशनल वेल्फेर एन्ड सपोर्ट फाउन्डेसन अफ अमेरिकाले  ज्येष्ठ नागरिकका लागि निर्माण गरेको डे केयर भवनको उद्घाटन तथा सांस्कृतिक कार्यक्रममा शनिबार मुख्यमन्त्री राईले गायिका रचनाको गायिकी क्षमता र वाक् शैलीप्रति आफू वान साइड लभमा परेको बताएका हुन् ।

    ’झापाकी गायिका रचना रिमालप्रति म वान साइड लभमा छु’, उनले भने,  ’उनको गायिकी क्षमताको प्रेममा परेको हुँ ।’

    रचनाको जबाफ दिने शैलीको तारिफ गर्दै मुख्यमन्त्री राईले भने, ’अन्तर्वार्ता लिँदा तपाईं कसलाई मन पराउनु हुन्छ भनेर सोध्दा रचनाले म तपाईंलाई मन पराउँछु भनेर जबाफ दिन्छिन् ।’

    नेपाली गीतसंगीतप्रति चासो र चिन्ता रहेको बताउँदै उनले विभिन्न कलाकारकाे क्षमताबारे बताए ।

    गायक प्रेमराजा महतले ’पानको पात’ बोलको गीत गाउँदा नायिका रिमालसहित गायक प्रमोद खरेल, नायिकाद्वय केकी अधिकारी र वर्षा राउत, शंकर विसीलगायत कलाकारसँग मुख्यमन्त्री राई नाचेका थिए ।


    मंसिर ११, २०७८ शनिवार १७:१४:०९ बजे : प्रकाशित


    क्यानाडा नेपाल

    केकी र वर्षासँग छमछमी नाचे मुख्यमन्त्री राई, साथ दिए प्रमोदले

  • 116
    SHARES
  • केकी र वर्षासँग छमछमी नाचे मुख्यमन्त्री राई, साथ दिए प्रमोदले

    झापा | प्रदेश १ का मुख्यमन्त्री राजेन्द्रकुमार राई शनिबार चर्चित कलाकारसँग छमछमी नाचेका छन् ।

    images

     नेपालमा रहेका भुटानी शरणार्थीलाई सहयोग गर्दै आएको इन्ट्रा नेशनल वेल्फेर एन्ड सपोर्ट फाउन्डेसन अफ अमेरिकाले झापाको बेलडाँगीस्थित भुटानी शरणार्थी शिविरमा ज्येष्ठ नागरिकका लागि निर्माण गरेको डे केयर भवनको उद्घाटन तथा सांस्कृतिक कार्यक्रममा शनिबार मुख्यमन्त्री राई नायिकाद्वय केकी अधिकारी र वर्षा राउतसँग छमछमी नाचेका हुन् । 

    मुख्यमन्त्री राईलाई साथ दिन गायक प्रमोद खरेल, शंकर विसीसहितका कलाकार पनि नाचेका थिए ।

    गायक प्रेमराजा महतले ’पानको पात’ बोलको गीत गाउँदा  कलाकारसँग मुख्यमन्त्री राई नाचेका हुन् । गायक महतको आग्रहमा मुख्यमन्त्री नाचेका हुन् । गीत गाउनुअघि महतले मुख्यमन्त्रीलाई नाच्न र उनलाई साथ दिन केकी र वर्षालाई आग्रह गरेका थिए ।

    सो कार्यक्रममा मुख्यमन्त्री राईले आफू नेपाली गीतसंगीतलाई माया गर्ने व्यक्ति रहेको बताए ।

    नेपाली गीतसंगीतप्रति चासो र चिन्ता रहेको बताउँदै उनले विभिन्न कलाकारकाे क्षमताबारे बताए ।


    मंसिर १२, २०७८ आइतवार १३:१८:२९ बजे : प्रकाशित


    क्यानाडा नेपाल

    आर्यन र स्वस्तिमाको 'हजार जुनिसम्म' युट्युबमा सार्वजनिक, हेर्नुहोस् पूरा फिल्म

  • 426
    SHARES
  • आर्यन र स्वस्तिमाको 'हजार जुनिसम्म' युट्युबमा सार्वजनिक, हेर्नुहोस् पूरा फिल्म

    काठमाडौं - विकासराज आचार्यको निर्देशनमा बनेको फिल्म 'हजार जुनिसम्म' युट्युबमा सार्वजनिक भएको छ । 

    images

    अभिनेता आर्यन सिग्देल र स्वस्तिमा खड्काको मूख्य अभिनय रहेको यस फिल्म आइतबार साझँ युट्युबमा सार्वजनिक भएको हो । कविता रेग्मी कार्यकारी निर्माता रहेको यस फिल्ममा विशाल चाम्लिङको लगानी रहेको छ ।

    फिल्म पूर्ण रुपमा पारिवारिक र प्रेम कथामा निर्माण भएको छ । फिल्ममा आर्यन र स्वस्तिमासहित संचिता लुईंटेल, शिवहरी पौड्याल, प्रियंका कार्की, सलोन बस्नेत, अखिलेस प्रधान, अनुभव रेग्मी लगायतका कलाकारको अभिनय रहेको छ ।

     


    मंसिर १२, २०७८ आइतवार १९:२८:३१ बजे : प्रकाशित


    क्यानाडा नेपाल

    रेखा थापा भन्छिन् - 'मलाई केपी ओली मन पर्नुहुन्छ, तर मेरो सिद्धान्त मिल्दैन'

  • 384
    SHARES
  • रेखा थापा भन्छिन् - 'मलाई केपी ओली मन पर्नुहुन्छ, तर मेरो सिद्धान्त मिल्दैन'

    काठमाडौं - राष्ट्रिय प्रजातन्त्र पार्टीकी नेतृ तथा अभिनेत्री रेखा थापाले नेकपा एमाले अध्यक्ष केपी शर्मा ओलीको भिजन प्रति सहमति जनाएकी छिन् ।

    images

    अभिनेतृ थापाले ओलीको भिजन दूरगामी भएको बताएकी छन् । उमेर बढी भए पनि ओलीको सोच र दिमाग युवा पुस्ताको झै भएको बताएकी हुन् । उनले एमालेको १०औं महाधिवेशनमा ओलीले अवलम्बन गरेको नीति पनि आफूलाई मन परेको बताएकी छन् ।

    'म केपी ओलीको पार्टीको मान्छे होइन । उहाँसँग मेरो सिद्धान्त मिल्दैन । तर, उहाँको भिजन मनपर्छ । त्यसैले मलाई ओली मन पर्ने नेताभित्र पर्नुहुन्छ,' उनले भनिन् ।
     


    मंसिर १४, २०७८ मंगलवार ०७:४४:५६ बजे : प्रकाशित

  • सम्बन्धित विषय:

  • # रेखा थापा

  • क्यानाडा नेपाल

    सौगात र बुद्धिको नयाँ फिल्म 'मन्त्र' को प्रदर्शन मिति सार्वजनिक

  • 262
    SHARES
  • सौगात र बुद्धिको नयाँ फिल्म 'मन्त्र' को प्रदर्शन मिति सार्वजनिक

    काठमाडौँ । अभिनेता सौगात मल्लको नयाँ फिल्म 'मन्त्र'को फस्ट लुक सार्वजनिक भएको छ । खिलबहादुर गुरुङले निर्देशनमा बन्ने यस फिल्मको प्रदर्शन मिति पनि घोषणा गरिएको छ । 

    images

    हिमाली प्रेमकथा बोल्ने यस फिल्म माघ २८ गते प्रदर्शनमा आउने भएको छ । फिल्मको फस्ट लुक पोस्टरमा सौगातसँगै बुद्धि तामाङ र दिया पुन पनि देखिएका छन् । 

    यो फिल्मको छायांकन ५ हजार १०० मिटरभन्दा माथिको मनासलु हिमालको बेस क्याम्पमा गरिएको हो । फिल्ममा रविराज खत्री, सुरेश कार्की र शुभ श्रेष्ठको लगानी रहेको छ भने साम्तेन भुटियाको कथा रहेको  छ ।

    mantra.jpg


    मंसिर १४, २०७८ मंगलवार १४:०९:०० बजे : प्रकाशित


    क्यानाडा नेपाल