• Sep 23 2020 | २०७७, आश्विन ७गते

२०७७, आश्विन ७गते

सालको पातको ‘भ्यूज’ हालसम्मकै सर्वाधिक, ६ करोड २१ लाख बढी 

क्यानाडानेपाल डेस्क श्रावण २६ २०७७
  • 568
    SHARES
  • सालको पातको ‘भ्यूज’ हालसम्मकै सर्वाधिक, ६ करोड २१ लाख बढी 

    बागलुङ - लोकदोहोरी गीत ‘सालको पातको टपरी’ युट्युबमा सार्वजनिक भएको आउँदो साता २३ महिना पुग्दैछ । यस बीचमा गीतको म्युजिक भिडियोले युट्युबमा छ करोड २१ लाख बढी ‘भ्यूज’ बटुलेको छ ।

    सालको पातले पाएको भ्यूज लोकदोहोरी गीतमा हालसम्मकै सर्वाधिक रहेको बताइएको छ । सार्वजनिक भएको छोटो अवधिमा धेरै हेरिएको लोकदोहोरीमा उक्त गीत दर्ज भएको थियो । चार महिना नबित्दै युट्युबमा दुई करोड भ्यूज नाघेको थियो ।

    गीतमा कुलेन्द्र विश्वकर्मा र विष्णु माझीको मीठो स्वर भर्नुभएको छ । युवा पुस्ताका गीतकार नवराज पन्तको शब्दमा वसन्त थापाले सङ्गीत दिनुभएको छ । स्रोता÷दर्शकले अत्यधिक रुचाएपछि गीतले एकाएक चर्चा र प्रसिद्धि कमाएको थियो । अहिले पनि गीतको भ्यूज निरन्तर बढेको छ । पछिल्लो एक महिनामा झण्डै दश लाख पटक हेरिएको छ । “स्रोताको मन जित्नु ठूलो कुरा रहेछ, व्यावसायिक हिसाबले पनि गीत सफल रह्यो”, सङ्गीतकार थापाले भन्नुभयो ।

    झ्याउरे लयमा ठेट जनजीब्राका शब्द र मनछुने स्वरले गीतमा प्राण भरेको छ । कुशल अभिनय र नृत्यले दर्शक लोभ्याउँछ । म्युजिक भिडियोमा नायिका मरिष्का पोखरेलसँगै गायक विश्वकर्मा र सङ्गीतकार थापाको अभिनय छ । निर्देशन शिव विकले गर्नुभएको छ । हाल अमेरिकामा रहनुभएका गीतकार पन्तका अनुसार गीतमा प्रेममा सिर्जित अविश्वास र त्यसको भोगाइको कारुणिक यथार्थबादी कथा छ । “मानवीय प्रेम र सम्बन्धमा आउने उतारचढाव गीतको रचनागर्भ हो”, उहाँले भन्नुभयो ।

    गायक विश्वकर्माले गीतले यतिसम्म चर्चा पाउँला भनेर पहिले नसोचिएको प्रतिक्रिया दिनुभयो । उहाँको साङ्गीतिक जीवनको मानक गीतका रुपमा सालको पातलाई सधैँ सम्झिने छ । अभ्यास डिजिटल म्युजिक प्रालिद्वारा निर्मित गीत ‘वसन्त थापा’ नामको युट्युब च्यानलबाट सार्वजनिक भएको थियो । एक लाख सब्सक्राइबर (युट्युब च्यानलको समूह सदस्य) पुगेपछि उक्त च्यानलले अर्वाडसमेत पाइसकेको छ ।

    अहिले उक्त च्यानलको सब्सक्राइब झण्डै छ लाख पुगेको छ । गीतका बारेमा युट्युबमा १३ हजार बढीले प्रतिक्रिया जनाएका छन् । गीत हेर्ने, लाइक, कमेन्ट, सेयर र सब्सक्राइब गर्नेको सङ्ख्याका आधारमा युट्युबमा गीतको चर्चा मापन हुन्छ । सोही आधारमा कलाकारले पैसा पाउँछन् । पैसा आउनका लागि तोकिएको सङ्ख्यामा हेरिनुपर्ने र सब्सक्राइबर (युट्युब च्यानलको समूह सदस्य) पुग्नुपर्ने प्रावधान छ । अमेरिका, युरोपलगायतका देशबाट हेर्दा बढी पैसा आउँछ ।

    शुरुमा युट्युब एकाउन्ट परीक्षणमा रहने र मोनिटाइज भएपछि मात्र पैसा आउने कलाकार बताउँछन् । श्रव्य क्यासेट, सिडी, सिआरबिटी हुँदै सङ्गीत व्यवसाय अहिले युट्युबमा केन्द्रित छ । प्रविधिको फड्कोले सङ्गीत बजारको स्वरुप बदलेको हो । सालको पातले पनि सम्बन्धित लगानीकर्ता÷कलाकारलाई आकर्षक कमाइ दिलाएको छ । गायक विश्वकर्मा र सङ्गीतकार थापाबीच अर्को लोकदोहोरीमा पुनः सहकार्य हुँदैछ । “शब्द रचना प्रह्दाद सुवेदीले गर्नुभएको छ, गायिका को राख्ने निश्चित भइसकेको छैन”, थापाले भन्नुभयो ।

    ‘गलबन्दी’का चार करोड बढी
    मौलिक लोकदोहोरी गीत ‘गलबन्दी’को म्युजिक भिडियोले पनि युट्युबमा राम्रो भ्यूज पाएको छ । गत वर्ष सार्वजनिक गीतले हालसम्म चार करोड १४ लाख बढी भ्यूज बटुलेको छ । सार्वजनिक भएको केही सातासम्म उक्त गीत युट्युबमा सर्वाधिक हेरिएको मध्ये नं एकमा आएको थियो ।

    गलबन्दीमा प्रकाश सपुत र शान्ति श्री परियारको स्वर छ । शब्द, सङ्गीत र भिडिओ निर्देशन पनि सपुतकै छ । म्युजिक भिडियोमा सपुत र अञ्जली अधिकारीको अभिनय छ ।

    भिडियो छायाङ्कन सपुतकै जन्मघर बागलुङ धम्जामा गरिएको छ । गीतले परम्परागत रोधीको झल्को दिन्छ । मौलिक शब्द, सङ्गीत र प्रस्तुतीकरणका कारण गीतलाई स्रोता÷दर्शकले रुचाएका हुन् । कथात्मक शैली, अनौपचारिक प्रस्तुति, ठेट सम्वाद र जीवन्त अभिनयले दर्शक गीतमा लोभिन्छन् । उक्त गीत भाका नेपाल प्रालिले निर्माण गरेको हो । सपुतको गत साता सार्वजनिक तीज गीत ‘बदला बरीलै’ पनि अहिले युट्युब ट्रेन्डिङको नं एकमा छ । गीतको भ्यूज २४ लाख नाघेको छ । रासस


    श्रावण २६, २०७७ सोमवार ०८:२२:१२ बजे : प्रकाशित

  • सम्बन्धित विषय:

  • # सालको पात

  • क्यानाडानेपाल डेस्क

    अर्कोसमाचार

    दिपकको नयाँ चलचित्र 'कृष्ण लीला' मा पुष्प र दीपिकाको जोडी

    दिपकको नयाँ चलचित्र 'कृष्ण लीला' मा पुष्प र दीपिकाको जोडी

    काठमाडौं - कोरोनाभाइरसको संक्रमणका कारण नेपाली चलचित्र क्षेत्रमा निर्माण भइसकेको चलचित्रहरु प्रदर्शनमा आउन सकिरहेका छैनन् ।

    सरकारले अहिले तुरुन्तै निर्माण भइसकेका चलचित्रहरु प्रदर्शनका लागि अनुमती दिने सम्भावना पनि कम छ ।  नयाँ चलचित्रका घोषणा भए पनि छायांकन पनि शुरु भएका छैनन् । 

    कोरोनाभाइरसको संक्रमण सामान्य भएपछि चलचित्रको छायाँकनमा जाने तयारीमा निर्माता निर्देशकहरु छन् । यसैबीच चलचित्र 'कृष्ण लीला' निर्माण हुने भएको छ ।

    'पण्डित बाजेको लौरी' चलचित्र निर्देशन गरेका दीपक ओलीका निर्देशनमा चलचित्र 'कृष्ण लीला' निर्माण हुने बताइएको छ । 

    यस चलचित्रमा अभिनेता पुष्प खड्का र अभिनेत्री दीपिका प्रसाँइको मुख्य भूमिका रहने बताइएको छ ।लक्ष्मण सुवेदीको कथा, पटकथा तथा संवाद रहने यस चलचित्र कमेडी कथामा आधारित हुने निर्माण टिमले बताएको छ । 

    चलचित्र असोजको १५ गतेबाट फ्लोरमा जाने योजनामा रहेको बताइएको छ । चलचित्रको छायाङ्कन तराईका विभिन्न जिल्लामा गरिने बताइएको छ । चलचित्रमा पुष्प र दीपिकासँगै रविन्द्र झा, बुद्धि तामाङ लगायतका कलाकारको अभिनय रहने जनाइएको छ ।  


    आश्विन ७, २०७७ बुधवार १९:५१:४० बजे : प्रकाशित

  • सम्बन्धित विषय:

  • # कृष्ण लीला
  • # पुष्प खड्का
  • # दीपिका प्रसाँइ

  • क्यानाडानेपाल डेस्क

    फिल्म 'लक्ष्मीपूजा' दशैंमा प्रदर्शन हुने, जाहन्वी दोहोरो भूमिकामा देखिदै

    फिल्म 'लक्ष्मीपूजा' दशैंमा प्रदर्शन हुने, जाहन्वी दोहोरो भूमिकामा देखिदै

    काठमाडौं - नेपाली फिल्म क्षेत्रमा अहिले कोरोनाभाइरसको संक्रमणका कारण निर्माण भइसकेको फिल्महरु प्रदर्शनमा आउन सकिरहेका छैनन् । फिल्मका छायांकन पनि अधुरै छन् । 

    सरकारले अहिले तुरुन्तै निर्माण भइसकेका फिल्महरु प्रदर्शनका लागि अनुमती दिने सम्भावना कम छ । कोरोनाभाइरसको संक्रमण सामान्य भएपछि नयाँ फिल्मको छायाँकनमा जाने तयारीमा निर्माता निर्देशकहरु छन् । 

    यसैबीच अहिले फिल्म 'लक्ष्मीपूजा' को छायांकन भइरहेको छ । समिर मियाँले निर्देशन गरिरहेको यस फिल्मलाई यही दशैंमा प्रदर्शन गरिने निर्माता शोभित बस्नेतले बताएका छन् ।

    पारिवारिक प्रेमकथा बन्ने यस फिल्ममा जयकिशन बस्नेत, जाहन्वी बस्नेत, अस्मिता जुरेली, नीर शाह लगायतका कलाकारको मुख्य भूमिका रहेको छ । 

    फिल्ममा सलोन बस्नेत र रियाशा दाहालको पनि अभिनय रहने बताइएको छ । फिल्म ‘यात्रा’ मा अभिनय गरेकी जाहन्वीको यस फिल्ममा दोहोरो भूमिका निभाउदैछिन् ।


    आश्विन ६, २०७७ मंगलवार १९:०७:५१ बजे : प्रकाशित

  • सम्बन्धित विषय:

  • # लक्ष्मीपूजा

  • क्यानाडानेपाल डेस्क

    भायानेटको ब्राण्ड एम्बेसडरमा निश्चल -स्वस्तिमा

    भायानेटको ब्राण्ड एम्बेसडरमा निश्चल -स्वस्तिमा

    निर्देशक निश्चल बस्नेत र अभिनेत्री स्वस्तिमा खड्का इन्टरनेट ब्राण्ड भायानेटको ब्राण्ड एम्बेसडरको रुपमा आवद्ध भएका छन्।  विगत २० बर्षदेखी ग्राहकको सेवामा रहेका भायानेटले हरेक  वर्गका दर्शकमाझ  परिचित र लोकप्रिय रहेका कारण यो जोडीलाई आफ्ना अगामी बजार प्रवद्र्धनहरुलाई प्रभावकारी ढंगले  आफ्ना ग्राहकहरु समक्ष ल्याउनको लागि आवद्ध गरेको बताएको छ  । 
    अहिलेको समयमा इन्टरनेट अति आवश्यक कुरा हो र भायानेटले  विश्वासिलो सेवा प्रदान गरेका कारण आफुहरु यसको  ब्राण्ड एम्बेसडर बन्न तयार भएको निश्चल- स्वस्तिमाले प्रतिक्रिया दिएका छन्। 

     

     


    आश्विन ६, २०७७ मंगलवार १३:१८:५९ बजे : प्रकाशित

  • सम्बन्धित विषय:

  • # निश्चल बस्नेत
  • # स्वस्तिमा खड्का

  • क्यानाडानेपाल डेस्क

    अभिनेता जीवन लुइँटेलको आक्रोश– सधैँ हामीलाई बेचिरहे 

  • 336
    SHARES
  • अभिनेता जीवन लुइँटेलको आक्रोश– सधैँ हामीलाई बेचिरहे 

    काठमाडौं । अभिनेता जीवन लुइँटेलले जनताको नाममा विभिन्न राजनीतिक संघर्ष सफल भए पनि नागरिकको जीवनस्तरमा परिवर्तन नआएकोप्रति आक्रोश व्यक्त गरेका छन् । 

    सामाजिक सञ्जाल फेसबुकमार्फत उनले कविता प्रस्तुत गर्दै जनताको गरिबीपन र पछौटेपन अन्त्य नभएकोप्रति आक्रोश पोखेका हुन् ।

    राणाकालदेखि गणतन्त्र कालसम्म जनतालाई विभिन्न बाहना र आश्वासनमा शोषण गरिरहेको भन्दै उनले भनेका छन्, ‘सधैँ हामीलाई बेचिरहे ।’
    जनतालाई विभिन्न आश्वासन देखाएर सशस्त्र युद्ध लडाएका नेताहरुले संघर्ष सकिएर सत्तामा पुगेपछि भने तिनै जनतामाथि शोषण गर्ने र उनीहरुको आधारभूत आवश्यकता पूरा नगरेकोप्रति कवितामार्फत व्यंग्य गरेका छन् । 

    उनीले वाचन गरेको स्वयं उनको हो वा अरु कसैको खुलेको छैन । तर, करिब साढे पाँच मिनेट वाचन गरेको कवितामा जनता शोषण र उत्पीडनमा परिरहेको र सत्ता र नेताहरुले नागरिकको पीडामा मल्हम लगाउन नसकेको बताएका छन् ।  


    आश्विन ६, २०७७ मंगलवार १२:१४:५१ बजे : प्रकाशित

  • सम्बन्धित विषय:

  • # जीवन लुइँटेल

  • क्यानाडानेपाल

    चलचित्र 'हिड्दा हिड्दै' मा एकसाथ अभिनय गर्दै आकाश र सलोन 

    चलचित्र 'हिड्दा हिड्दै' मा एकसाथ अभिनय गर्दै आकाश र सलोन 

    काठमाडौं - नेपाली चलचित्र क्षेत्रका चर्चित अभिनेताद्वय आकाश श्रेष्ठ र सलोन बस्नेत एउटै चलचित्रमा अभिनय गर्ने भएका छन् ।  मिलन आले मगरको निर्देशनमा बन्ने यस चलचित्रमा आकाश र सलोनसँगै नव नायिका रेखा शाहको पनि अभिनय रहनेछ । चलचित्र 'हिड्दा हिड्दै' को  एक कार्यक्रम आयोजना गरी मुहुर्त गरिएको छ । 

    यो चलचित्र त्रिकोणात्मक प्रेमकथामा बन्ने बताइएको छ । चलचित्रलाई शुसिल पंगेनीले लेखेका हुन् भने चलचित्रका निर्माताहरु दिल लामा, राज कुमार थिंग र पारस गुरुंग हुन् । चलचित्र नारायण शुसिल पंगेनी इन्टरटेनमेन्टको प्रस्तुतीमा बन्न लागेको हो । 
     


    आश्विन ५, २०७७ सोमवार १९:५५:५९ बजे : प्रकाशित

  • सम्बन्धित विषय:

  • # हिड्दा हिड्दै

  • क्यानाडानेपाल डेस्क

    चलचित्र 'रेड वाइन' मा पल र साम्राज्ञीको जोडी  

    चलचित्र 'रेड वाइन' मा पल र साम्राज्ञीको जोडी  

    काठमाडौं - अभिनेता पल शाह र अभिनेत्री साम्राज्ञी राज्य लक्ष्मी शाह एउटै चलचित्रमा देखिने भएका छन् । निर्माता रमेश एम के पौडेलको  निर्देशनमा बन्न लागेको  नयाँ चलचित्र 'रेड वाइन' मा यी दुवै एकसाथ देखिने भएका हुन् । 

    पछिल्लो समय धेरै नै रुचाइएका पल र साम्राज्ञीको जोडी अब  चलचित्रमा देख्न पाइने भएको छ । हाल अमेरिकामा रहेका निर्देशक पौडेलले यस चलचित्रको छायाङ्कन पनि अमेरिकामा नै हुने बताएका छन् । 

    samragi paul.jpg

    उनले चलचित्र ‘रूद्रप्रिया’ र ‘रज्जा रानी’ पनि निर्माण गरेका थिए । नयाँ चलचित्र रेड वाइनमा पौडेलकै कथा र गीत लेखन रहने बताइएको छ । चलचित्रमा पल र साम्राज्ञीसँगै सन्दिप क्षेत्री र  इमिली लामाको पनि अभिनय रहने बताइएको छ ।  चलचित्रको सह–निर्माता निरु भण्डारी रहनेछिन् भने पटकथा तथा संवाद सविर श्रेष्ठले तयार पारेका छन्। चलचित्रमा पासांग लामा र आर्यन पौडेलले लगानी गर्नेछन् । 
     


    आश्विन ५, २०७७ सोमवार १८:२६:०९ बजे : प्रकाशित

  • सम्बन्धित विषय:

  • # साम्राज्ञी
  • # पल शाह
  • # रेड वाइन

  • क्यानाडानेपाल डेस्क