• Sep 27 2020 | २०७७, आश्विन ११गते

२०७७, आश्विन ११गते

लकडाउनले भेट्न नपाएका प्रेमिल जोडीको पीडायुक्त गीत ‘जहाजै चढेर’मा दयाहाङकाे दमदार अभिनय

क्यानाडानेपाल श्रावण २७ २०७७
  • 836
    SHARES
  • लकडाउनले भेट्न नपाएका प्रेमिल जोडीको पीडायुक्त गीत ‘जहाजै चढेर’मा दयाहाङकाे दमदार अभिनय

    काठमाडौं । गीत संगीत मन नपराउने सायदै होलान् । गीत संगीत सुनेर मानिसमात्रै होइन हर प्राणी मन्त्रमुग्ध हुन्छन् । संगीतले सबैलाई आकर्षित गर्छ । गीतले मानिसको ध्यानमात्रै आकर्षित गर्दैन, उसलाई ऊर्जा र प्रेरणा जगाउने काम पनि गर्छ । गीत र संगीतले मानिसको मन छुनु पर्छ । शब्दले दिमाखमा स्थान जमाउन सक्नु पर्छ । 

    तर, हिजोआज बजारमा आएका सबै गीतले दिमाखमा स्थान जमाउन सकेको देखिँदैन । दर्शक र स्रोताको हृदयमा बसिरहने भन्दा पनि युट्युबमा बढी भ्युज आउने र सस्तो लोकप्रियतालाई ख्याल गरेर गीतहरु सार्वजनिक हुन थालेका छन् । जसले सँगै सार्वजनिक भएका जीवन्त गीत ओझेल पर्ने गरेका छन् । 

    दर्शक र स्रोताले पनि तडकभडकलाई रुचाउँदा सांगीतिक क्षेत्र पनि सस्तो लोकप्रियताको बाटोमा अग्रसर भएको देखिन्छ । यसलाई रोक्नु पर्ने दायित्व सबैको हो । गीतले स्रोता र दर्शकको मनमुटुलाई छुनु पर्ने हालै ‘जहाजै चढेर’ गीत सार्वजनिक गरेका गायक अमृत क्षेत्रीको बुझाइ छ । 

    दुई दशकदेखि सांगीतिक क्षेत्रमा रहेका गायक अमृत स्रोता र दर्शकको चाहना र मागलाई ध्यान दिएर सस्तो लोकप्रियताका लागि भन्दा पनि जीवन्तता ख्याल गरेर गीत ल्याउनु पर्ने बताउँछन् । युट्युब देखिने भ्युज नै गीत संगीतको मापन बन्दा जीवन्त गीतहरु ओझेलमा परेको उनको बुझाइ छ । गीत सुनिरहँदा मनोरञ्जन दिनेमात्रै होइन पछिसम्म केही सकारात्मक छाप दिने खालको हुनुपर्ने तर्क गरेका गायक अमृत भन्छन्, ‘युट्युबको ट्रेन्डिङ र भ्यूजका लागि गीत ल्याउने चलनको विकास भइरहेको छ । तर, यसले सांगीतिक क्षेत्रलाई सस्तो लोकप्रियतामा भुलाउने छ ।’

    नेपाली सांगीतिक क्षेत्रमा अहिले राम्रा र जीवन्त गीत भाइरल नभएका भने होइनन् । तर, तुलनात्मक रुपमा चर्चा कमाउनका लागि ल्याइएका गीतले बजार ओगेटको उनको अनुभव छ । 

    २०५७ सालबाट सांगीतिक क्षेत्रमा प्रवेश गरेर २०६१ सालमा पहिलो गीत ‘जोगी’ ल्याएका उनले प्रविधिको विकासले अहिले जबरजस्त दर्शक र स्रोतालाई गीत सुन्न बाध्य बनाइएको बताउँछन् । 

    गीत समाजको पथप्रदर्शक पनि हो । गीत र संगीतले विश्व परिर्वतन गर्न ल्याकत राख्छ । ठूल्ठूला आन्दोलन र प्रदर्शनमा गीतको महत्व बढ्दै गएको छ । नेपालको राजनीतिक परिवर्तनका लागि भएका सशक्त आन्दोलनमा पनि गीत संगीतको उत्तिकै भूमिका देखिएका छ ।

    यसर्थ गीतले सधैं ऊर्जा र सकारात्मक सोचको विकास गराउनु पर्ने गायक अमृत बताउँछन् । यसलाई ध्यानमा राखेर अहिले आफूले ‘जहाजै चढेर’ गीत ल्याएको उनले बताए । सो गीतमा जहाज चढेर परदेशीएका नेपालीको कथा समेटिएको जानकारी दिँदै उनले सो गीतमा लकडाउनका कारण आफ्नो मायालुलाई भेट्न नपाएका जोडीको कथा रहेको बताए । 

    ‘जहाजै चढेर’ गीतमा गायक अमृत क्षेत्री र गायिका मेलिना राईको स्वर रहेको छ भने शब्द र कम्पोज पनि गायक अमृतकै रहेको छ। थिएटर शैलीमा बनाइएको सो गीतको भिडियोलाई निकेश खड्काले निर्देशन गरेका छन् भने दयाहाङ राईको उत्कृष्ट अभिनय रहेको छ । जसमा केनिपा सिंह पहरीको पनि अभिनय रहेको छ । 


    श्रावण २७, २०७७ मंगलवार १९:४५:५३ बजे : प्रकाशित

  • सम्बन्धित विषय:

  • # नेपाली संगीत
  • # गीत

  • क्यानाडानेपाल

    अर्कोसमाचार

    मेलिना राईको गीतमा अभिनेता ध्रूब दत्त र निरु कोइरालाको रोमान्स

  • 202
    SHARES
  • मेलिना राईको गीतमा अभिनेता ध्रूब दत्त र निरु कोइरालाको रोमान्स

    काठमाडौँ । गीतकार ज्योति गुरुङको शब्द रहेको 'यो कस्तो माया' बोलको गीतको भिडियो सार्वजनिक भएको छ । गुरुङको  आफ्नै च्यानल जेजी क्रियशनबाट सार्वजनिक भिडियोले प्रेम वियोगको कथालाई मर्म स्पर्शी ढंगले प्रस्तुत गरेको छ । 

    लामो समयदेखि बेलायतमा नै बस्दै आएकी गीतकार गुरुङले आगामी दिनमा गीत तथा साहित्य शृजनामा निरन्तरता दिने बताएकी छिन् । शनिबार सार्वजनिक गीतमा लोकप्रिय गायिका मेलिना राइको स्वर रहेको छ । जसमा संगीत अर्जुन सुनमको रहेको छ  भने एरेन्ज बिबी अनुरागीको रहेको छ । 

    एउटी नारी आर्दश प्रेमको विश्वासमा परेर पुरुषबाट पाएको धोकालाई पछिल्लो पुस्ताका चर्चित निर्देशक कुशल श्रेष्ठले कलात्मक शैलीमा सं्रब्य दृश्य मार्फत प्रस्तुत गरेका छन् ।

    जसमा अभिनेता  ध्रुब दत्त, निरु कोइराला र आस्था जोशी बटाजुको जिवन्त अभिनय देख्न सकिन्छ । बेलायतमा नै छायांकन गरिएको भिडियोको छायांकन, सम्पादन र कन्सेप्ट पनि निर्देशक श्रेष्ठकै रहेको छ ।  निर्देशक श्रेष्ठले बेलायतबाट नै चलचित्रका गीत र म्युजीक भिडियो गरी ३ दर्जनबढी निर्माण निर्देशन गरिसकेका छन् ।


    आश्विन १०, २०७७ शनिवार १७:४७:२३ बजे : प्रकाशित

  • सम्बन्धित विषय:

  • # मेलिना राई
  • # यो कस्तो माया

  • क्यानाडानेपाल डेस्क

    प्रमोद खरेलको 'ओइ कान्छी' मा पल र पूजाको अभिनय (भिडियो)

  • 274
    SHARES
  • प्रमोद खरेलको 'ओइ कान्छी' मा पल र पूजाको अभिनय (भिडियो)

    काठमाडौं - गायक प्रमोद खरेलको नयाँ गीत सार्वजनिक भएको छ । गायक खरेल र सुजता केसीको सुमधुर स्वरमा 'ओइ कान्छी' बोलको गीतको भिडियो शुक्रबार युट्युबमा सार्वजनिक भएको हो । 

    गीतमा दिपक शर्माको शब्द तथा संगीत रहेको छ भने एरेञ्ज सहस शाक्यको रहेको छ । भिडियोमा पल शाह र पूजा शर्माको धमाकेदार अभिनय रहेको छ । 

    काजिस श्रेष्ठको कोरियोग्राफी एंव निर्देशन रहेको छ यस भिडियोलाई अर्जुन तिवारी खिचेका हुन् । भिडियोको सम्पादन भने दिपक विष्टले गरेका हुन् ।


    आश्विन १०, २०७७ शनिवार १३:००:२० बजे : प्रकाशित

  • सम्बन्धित विषय:

  • # प्रमोद खरेल

  • क्यानाडानेपाल डेस्क

    सौगात र सृष्टिको चलचित्र 'तीन जन्तु' को टिजर सार्वजनिक

  • 166
    SHARES
  • सौगात र सृष्टिको चलचित्र 'तीन जन्तु' को टिजर सार्वजनिक

    काठमाडौं । अर्पण थापाको नयाँ चलचित्र 'तीन जन्तु' को टिजर सार्वजनिक भएको छ । अभिनेता सौगात मल्ल र सृष्टि श्रेष्ठ को मूख्य अभिनय रहेको चलचित्र 'तीन जन्तु' को टिजर शुक्रबार युट्युबमा सार्वजनिक भएको हो । 

    यस चलचित्रमा पैसाको लुटपाटका पछाडिको कथा देखाइनेछ । चलचित्रमा सौगात मल्ल, अर्पण थापा, रोविन तामाङ, सृष्टि श्रेष्ठ लगायतका कलाकारको अभिनय रहेको छ । 
     
    चलचित्रलाई अर्पण थापाले निर्देशन गरेका छन् । चलचित्र २०२१ को जनवरी १ मा रिलिज गरिने बताइएको छ । 

     


    आश्विन १०, २०७७ शनिवार ११:५६:२१ बजे : प्रकाशित

  • सम्बन्धित विषय:

  • # तीन जन्तु

  • क्यानाडानेपाल डेस्क

    साम्राज्ञी राज्यलक्ष्मी शाह: हटेन निर्माताको रोजाई , घटेन उनको व्यस्तता

  • 268
    SHARES
  • साम्राज्ञी राज्यलक्ष्मी शाह: हटेन निर्माताको रोजाई , घटेन उनको व्यस्तता

    साम्राज्ञी राज्यलक्ष्मी शाह नेपाली चलचित्र क्षेत्रमा स्थापित नाम हो । 'ड्रिम्स' चलचित्रबाट डेव्यु गरेकी शाहले आफ्नो उपस्थिति नेपाली चलचित्र क्षेत्रमा शिर्ष स्थानमा राख्न सफल भएकी छिन्।  मिडियामा पनि साम्रागी अनेक हिसाबले छाईरहेकी हुन्छिन् । चर्चा र विवादको बिचमा रहने साम्राज्ञी पछिल्लो पुस्तामा सर्वाधिक पारिश्रमिक लिने अभिनेत्री मध्येमा पर्छिन् । लकडाउनको बिचमा उनले दिएको अभिव्यक्तिले चलचित्र  क्षेत्र र आम दर्शकमाझ तरंग पैदा गर्यो । उनले आफुले चलचित्र क्षेत्रमा प्रवेश गर्दा भोगेका पिडा खुलस्त पोखिन् । ह्यारेस्मेन्ट देखि धेरै बिषयमा उनले उठाएको आवाजले उनलाई चलचित्रमा लिन निर्माता निर्देशक सोचनीय हुने आवाज उठ्न थाल्यो ।

    तर यसको ठिक विपरित अभिनेत्री शाह एकपछी अर्को चलचित्रमा लगातार अनुबन्धित भैरहेकी छिन् । उनले मनिष राउत र आना शर्मा साथ रहने एक चलचित्र केहि समय अगाडी साइन गरेकी थिइन् । केहि दिन अगाडी मात्र उनले पल शाहसंग जोडी बाधिने एक चलचित्रमा साईन गरेकी छिन् । यही बिचमा निर्देशक मिलन चाम्सको चलचित्रमा उनि अनुबन्धित भएको खबर बाहिरिएको छ । त्यस्तै एक ठुलो व्यानरको मल्टिस्टारर चलचित्रको लागी पनि उनको नाम अगाडी आइरहेको छ ।

    आफुलाई प्रमाणित गरेरे 'टप पेड' अभिनेत्रीको रुपमा  स्थापित गर्न सफल भैसकेकी शाहको नेपाली चलचित्रमा उपस्थिति अझ दरिलो र बलियो रहने पक्कापक्की जस्तै देखिन्छ । पछिल्ला केहि चलचित्र कर्मसियल हिसाबले सफल हुननसके पनि उनको माग र चर्चा भने अझ बढ्दो रहेको छ ।


    आश्विन १०, २०७७ शनिवार ११:५६:१३ बजे : प्रकाशित

    प्रताप दासको 'खेल रैछ माया' सार्वजनिक 

  • 188
    SHARES
  • प्रताप दासको 'खेल रैछ माया' सार्वजनिक 

    काठमाडौं - सौगात श्रेष्ठको नयाँ म्युजिक भिडियो सार्वजनिक भएको छ । गायक प्रताप दासको सुमधुर स्वरमा 'खेल रैछ माया' बोलको गीतको भिडियो शुक्रबार युट्युबमा सार्वजनिक भएको छ । 

    गीतमा सौगात श्रेष्ठको शव्द र वल्सन श्रेष्ठको संगीत रहेको छ । नेपाल आइडलबाट सांगीतिक क्षेत्रमा उदाएका प्रतापको गीत धेरैले रुचाउने गर्छन् । गीतको भिडियोमा प्रताप आफै देखिएका छन् । 

    गीतको भिडियोमा प्रदाप दासलाई मात्र देखिएको छ । भिडियोलाई कृष्ण मगरले छायाँकन, वल्सन श्रेष्ठको निर्देशन र बिक्रम शाक्यको सम्पादन रहेको छ । 

     


    आश्विन १०, २०७७ शनिवार ११:११:२९ बजे : प्रकाशित

  • सम्बन्धित विषय:

  • # प्रताप दास

  • क्यानाडानेपाल डेस्क

    मेलिना र शंकरको 'दुनियाँलाई दुर राखौला'

  • 294
    SHARES
  • मेलिना र शंकरको 'दुनियाँलाई दुर राखौला'


    गायिका मेलिना राई र गायक शंकर योङ्गहाङ्गको स्वरमा रहेको नयाँ गीत सार्वजनिक भएको छ ।  'दुनियाँलाई दुर राखौला' बोलको गीतमा सुबिन / शंकरको शब्द र सुविन श्रेष्ठको संगीत रहेको छ। 
    किरण दाहालको निर्देशनमा तयार भएको गीतको भिडियोमा विकास लामिछाने र ऋचा थापा फिचर रहेका छन् ।  भिडियोलाई विकेश मगरले छायाँकन र सम्पादन गरेका छन्।

     


    आश्विन १०, २०७७ शनिवार १०:३७:३९ बजे : प्रकाशित

  • सम्बन्धित विषय:

  • # मेलिना राई

  • क्यानाडानेपाल डेस्क