• Sep 23 2020 | २०७७, आश्विन ७गते

२०७७, आश्विन ७गते

यो साता चर्चामा:

जनकपुरका पूर्वमेयर गिरीको कोरोनाभाइरसको संक्रमणबाट मृत्यु

क्यानाडानेपाल डेस्क श्रावण २८ २०७७
  • 876
    SHARES
  • जनकपुरका पूर्वमेयर गिरीको कोरोनाभाइरसको संक्रमणबाट मृत्यु

    काठमाडौं | पछिल्लो समय नेपालमा कोरोनाबाट मृत्यु हुनेको संख्या बढ्दै गइरहेको छ । यस्तै मंगलबार राति पनि जनकपुरमा एक जनाको मृत्यु भएको छ । 

    मृत्यु हुनेमा जनकपुरका पूर्वमेयर ७३ वर्षीय कृष्ण गिरी रहेका छन् । उनको कोरोनाको संक्रमणबाट मंगलबार राति मृत्यु भएको हो । स्वास्थ्मा समस्या आएपछि उनलाई काठमाडौंको मेडिसिटी अस्पतालमा भर्ना गरिएको थियो । 

    उनको मंगलबार राति नै उपचारको क्रममा मृत्यु भएको जनाइएको छ । उनलाई १५ दिनअघि कोरोनाभाइरसको संक्रमण पुष्टि भएको थियो । 

    नेपाली कांग्रेसको महासमिति सदस्य रहेका उनी ०४४–०४५ सालमा जनकपुर नगरपालिकाको मेयर भएका थिए । 


    श्रावण २८, २०७७ बुधवार ०९:३६:०१ बजे : प्रकाशित

  • सम्बन्धित विषय:

  • # जनकपुर
  • # कोरोनाभाइरस
  • # मृत्यु

  • क्यानाडानेपाल डेस्क

    अर्कोसमाचार

    धोबीखोलाले बगाउँदा एक जना बेपत्ता, खोजी गरिदै

    काठमाडौं - बुधबार काठमाडौंको धोबीखोलाले बगाउँदा एक जना बेपत्ता भएका छन् । बेपत्ता हुनेमा दोलखा घर भएका ६५ वर्षीय हरिबहादुर कार्की रहेका छन् । 

    उनलाई कालोपुल क्षेत्रबाट खोलाले बगाएको प्रहरीले जनाएको छ । कार्कीलाई खोलाले बगाएको खबर पाएपछि प्रहरीले खोजी गरिरहेको बताइएको छ । बेपत्ता भएका कार्कीले कालो पुल नजिकै पसल गर्दै आइरहेको बताइएको छ । 

     


    आश्विन ७, २०७७ बुधवार २१:४५:४८ बजे : प्रकाशित

  • सम्बन्धित विषय:

  • # धोबीखोला

  • क्यानाडानेपाल डेस्क

    चीनबाट स्वास्थ्य सामग्री नेपाल भित्रियो

    चीनबाट स्वास्थ्य सामग्री नेपाल भित्रियो

    काठमाडौं - बुधबार चीनबाट स्वास्थ्य सामग्री नेपाल भित्रिएको छ । चीनबाट आयात भएका दुई ट्रक स्वास्थ्य सामग्री रसुवागढी नाकाबाट आज दिउँसो सामग्री नेपाल भित्रिएको हो । 

    आयात भएका ती सामग्रीको भन्सार जाँच गर्ने कार्य आज नै सम्पन्न भई दुवै ट्रक गन्तव्यतर्फ पठाइसकिएको  बताइएको छ । त्यस्तै बिहीबार पाँच ट्रक विविध सामग्री  रसुवागढी आइपुग्ने प्रमुख जिल्ला अधिकारी हरिप्रसाद पन्तले बताएका छन् । 

    उनका अनुसार अन्य सामग्री आयातका लागि सीमा क्षेत्रका चिनियाँ अधिकारीसँग समन्वय भइरहेको  जनाइएको छ । 


    आश्विन ७, २०७७ बुधवार २१:०५:०१ बजे : प्रकाशित

  • सम्बन्धित विषय:

  • # स्वास्थ्य सामग्री

  • क्यानाडानेपाल डेस्क

    सरकारले भन्यो - चीनले नेपाली भूमि अतिक्रमण गरेको छैन

    सरकारले भन्यो -  चीनले नेपाली भूमि अतिक्रमण गरेको छैन

    काठमाडौं - सरकारले हुम्लामा चीनले भूमि अतिक्रमण नगरेको बताएको छ । बुधबार सरकारको निर्णय सार्वजनिक गर्दै सरकारका प्रवक्ता प्रदीप ज्ञवालीले चीनले हुम्लाको लिमी उपत्यकामा भूमि अतिक्रमण नगरेको बताएका हुन् । 

    नेपाल–चीनबीच कुनै सीमा विवाद नरहेको बताउदै ज्ञवालीले चीनले घर बनाएको स्थान चीनकै रहेको प्रष्ट पारेका हुन् । 

    उनले हुम्लामा चीनले घर बनाएको समाचार सम्प्रेषण भएकोप्रति सरकारको गम्भीर ध्यानाकर्षण भएको बताउदै उनले उक्त स्थानमा जिल्ला प्रशासन कार्यालय हुम्लाको टोलीले अनुगमन गरिरहेको बताए । 
     
    उनले भने ‘बनेका घरहरु नेपाल–चीन सीमाबाट एक किलोमिटरभित्र चिनियाँ भूभागमा बनेको पाइएको रहेछ’ ।

     


    आश्विन ७, २०७७ बुधवार २०:१९:०१ बजे : प्रकाशित

  • सम्बन्धित विषय:

  • # चीन
  • # नेपाली भूमि

  • क्यानाडानेपाल डेस्क

    गण्डकीमा फेरि थपिए ३१ जना कोरोना संक्रमित, कहाँका कति ?

    गण्डकीमा फेरि थपिए ३१ जना कोरोना संक्रमित, कहाँका कति ?

    काठमाडौं -  बुधबार फेरि गण्डकी प्रदेशमा थप ३१ जनामा कोरोनाभाइरसको संक्रमण देखिएको छ ।

    क्षयरोग उपचार केन्द्र, पोखरामा गरिएको परिक्षणमा पोखराका ५ जनासहित थप ३१ जनामा कोरोना संक्रमण पुष्टि भएको हो । 

    स्वास्थ्य निर्देशनालय गण्डकीका अनुसार थप कोरोना संक्रमित हुनेहरुमा कास्कीका ५ जना, स्याङजाका ३ जना, तनहुँका ११ जना, बाग्लुङका ८ जना र पर्वतका ४ जना रहेका छन् । यससँगै गण्डकी प्रदेशमा कोरोना संक्रमितको संख्या ३ हजार ५ सय ७९  पुगेको छ ।

    यसअघि आज बिहान नै गण्डकी प्रदेशमा २५ जना कोरोना संक्रमित थपिएका थिए । 

    120034249_186312482876537_2807128731664657370_o.jpg


    आश्विन ७, २०७७ बुधवार १९:११:४७ बजे : प्रकाशित

  • सम्बन्धित विषय:

  • # कोरोना भाइरस
  • # गण्डकी प्रदेश

  • क्यानाडानेपाल डेस्क

    डा. गोविन्द केसीको जीवनरक्षा गर्न कांग्रेसको माग

    डा. गोविन्द केसीको जीवनरक्षा गर्न कांग्रेसको माग

    काठमाडौं । प्रमुख प्रतिपक्षी नेपाली कांग्रेसले १९औं सत्याग्रहमा रहेका डा. गोविन्द केसीसँग तत्काल वार्ता शुरु गर्न र जायज माग पूरा गर्न माग गरेको छ । 

    बुधबार कांग्रेसले एक विज्ञप्ति जारी गर्दै डा.केसी सँग तत्काल वार्ता गरी जीवन जोगाउन माग गरेको हो । विज्ञप्तिमा कांग्रेसले केसीलाई गरेको अपमानबाट सरकारको अविवेकी र अनुदार चरित्र थप उजागर  गरेको बताएको छ । 

    डा. केसीको पछिल्लो अनशन जुम्लामा शुरु भएर, नेपालगन्ज हुँदै काठमाडौ पुगेर जबर्जस्ती ट्रमा सेन्टर र त्यहाँबाट शिक्षण अस्पताल पुग्दै गर्दा सम्म सरकारले प्रस्तुत गरेको ब्यवहारले एक कर्मयोगिको अपमान मात्रै गरेको छैन सरकारको अविवेकी र अनुदार चरीत्र थप उजागर गरेको छ ।  विज्ञप्तिमा भनिएको छ 
     
    यस्तो छ कांग्रेसका प्रवक्ता विश्वप्रकाश शर्माले जारी गरेको विज्ञप्ति  -  डा के.सी. सँग तत्काल वार्ता शुरु गर्न, जायज माग पूरा गर्न र उहाँको जीवन जोगाउन प्रधानमन्त्रीलाई सार्वजनिक अपील ।

    * प्रधानमन्त्रीको अग्रसरता ०७५ साउन १० गते डा. गोविन्द के.सी.सँग नेपाल सरकारले गरेको सहमति स्वयं प्रधानमन्त्रीकै अगुवाइमा माघ महिना उल्लंघन नगरिएको भए आजको परिस्थिति आउने थिएन । 

    * डा. के.सी.को पछिल्लो अनशन जुम्लामा शुरु भएर, नेपालगन्ज हुँदै काठमाडौ पुगेर जबर्जस्ती ट्रमा सेन्टर र त्यहाँबाट शिक्षण अस्पताल पुग्दै गर्दा सम्म सरकारले प्रस्तुत गरेको ब्यवहारले एक कर्मयोगिको अपमान मात्रै गरेको छैन सरकारको अविवेकी र अनुदार चरीत्र थप उजागर गरेको छ ।

    * नेपाली कांग्रेसको पालामा चिकित्सा शिक्षामा विस्तार भएको, कांग्रेसकै पालामा चिकित्सा शिक्षामा सुधारका लागि उच्च स्तरीय माथेमा कार्यदल बनाइएको र डा. के.सी.का मागहरू पूरा गर्दै “राष्ट्रिय चिकित्सा शिक्षा अध्यादेश, ०७४”  पनि नेपाली कांग्रेसकै पालामा जारी गरिएको सर्वविदितै छ । 

    * सो अध्यादेशले मार्गप्रशस्त गरेको बाटोलाई नेकपाको सरकारले ईमानदार ढंगले कार्यान्वयनको दिशामा लगेको भए चिकित्सा शिक्षाको क्षेत्रमा सुधार र प्रगतिको गति यसबेला सम्म फरक उचाइमा पुगिसकेको हुने थियो । डा. के.सी.को यो अनशनको समयमा ‘बिराएको बाटोबाट ठिक बाटोमा आउन’ संघीय सरकारलाई नेपाली कांग्रेस हार्दिक अपील गर्दछ ।

    * डा. के.सी.को स्वास्थमा बढ्दो प्रतिकुलता दृष्टिगत गरेर तत्काल वार्ता समिति गठन गरि ‘इमानदार वार्ता र सार्थक कार्यान्वयन’ मा तदारुकता प्रस्तुत गर्न नेपाली कांग्रेस सम्माननिय प्रधानमन्त्री एवं उहाँको नेतृत्वको सरकारलाई अपील र आग्रह गर्दछ । जय नेपाल !

    cong.jpg
     


    आश्विन ७, २०७७ बुधवार १८:५७:४७ बजे : प्रकाशित

  • सम्बन्धित विषय:

  • # नेपाली कांग्रेस
  • # डा. गोविन्द केसी

  • क्यानाडानेपाल डेस्क

    डा. गोविन्द केसीदेखि किन आत्तियो ओली सरकार ?

  • 230
    SHARES
  • डा. गोविन्द केसीदेखि किन आत्तियो ओली सरकार ?

    काठमाडौं । चिकित्सा शिक्षा र स्वास्थ्य सेवाको सुधारको माग राखेर सत्याग्रहमा बस्दै आएका डा. गोविन्द केसीको अनशनको बुधबार दशौँ दिन हो । गत भदौ २९ गते जुम्लाबाट १९औं सत्याग्रह थालेका केसी अनशन बसेको आठौं दिनमा मंगलबार जुम्लाबाट नेपालगञ्ज हुँदै काठमाडौं आइपुगे । 

    जुम्लामा अनशन बसिरहँदा बेवास्ता गरेको सरकार केसी काठमाडौं आउने भएपछि आत्तिएको देखियो । बाबुराम भट्टराईको सरकारको पालादेखि चिकित्सा शिक्षा र स्वास्थ्य सेवा सुधारको माग राखेर अनशन बस्न थालेका डा. केसीसँग त्यसयताका सरकारले सम्झौता गरेको छ ।

    केही नयाँसहित पूर्व सहमति कार्यान्वयनको माग राखेर जुम्लामा १९औँपटक अनशन बसेका डा. केसी काठमाडौं आउने भएपछि ओली सरकार आत्तिएको देखियो । आफ्नै खर्चमा भूकम्पबाट पीडित बनेको हाइटीदेखि स्वच्छ पानीको अभावमा झाडापखलाको महामारी फैलिएको जाजरकोटसम्म औषधोपचारमा खटिएका डा. केसी लकडाउनका बेला जुम्लामा पुगेर सर्वसाधारणको उपचारमा जुटेका थिए । 

    यसैक्रममा उनलाई स्थानीय प्रशासनले घेराबन्दीमा पार्ने, मानसिक यातना दिनेजस्ता कार्य गरेको भन्दै विरोध भइरहेको थियो । यसैबेला ६ बुँदे माग राखेर गत भदौ २९ गतेदेखि जुम्लामा उनले अनशन थालेका थिए । तर, जबरजस्ती धरपकड हुने र अप्रिय घटना हुन सक्ने भन्दै उनी काठमाडौं आउने भए । जुम्लामा रहँदासम्म डा. केसीको जीवनरक्षाको पहल नगरेको सरकार काठमाडौं आउने भएपछि आत्तिएको देखियो । 

    जब मानिस आत्तिन्छ, तब कुनै विचारपूर्ण निर्णय गर्न सक्दैन । आत्तिएका बेला बेहोसी निर्णय गर्न पुग्छ भनेजस्तै मंगलबार सरकारको कदम त्यस्तै देखियो । डा. गोविन्द केसी काठमाडौं आएर त्रिवि शिक्षण अस्पतालमा अनशन बस्ने तयारीमा थिए । यो कुरा सरकारले थाहा पाएको थियो ।

    त्रिवि शिक्षण अस्पतालबाट अवकाश पाएका केसी उहीँ जान चाहेका थिए । तर, गम्भीर अपराधका दोषीलाई जस्तो मंगलबार त्रिभुवन अन्तर्राष्ट्रिय विमानस्थलमा डा. केसीमाथि प्रहरीले व्यवहार ग¥यो । सरकारको निर्देशनबिना प्रहरीले केसीलाई नियन्त्रणमा लिन नसक्ने धेरैको बुझाइ छ । 

    टिचिङ जान लागेका डा. केसीलाई नियन्त्रणमा लिएर प्रहरीले ट्रमा सेन्टर लगेको थियो । तर, उनलाई जबरजस्ती नियन्त्रणमा लिएर ट्रमा सेन्टरमा लगेको भिडिओ सार्वजनिक भएपछि सरकारको चौतर्फी विरोध भयो ।

    तत् पश्चात डा. केसीलाई टिचिङ लैजान सरकार बाध्य भयो । र ट्रमा सेन्टरको केही घण्टाको बसाइपछि डा. केसी टिचिङ पुगे । त्यहीँबाट उनले अनशन जारी राखेको छ । उनको अनशन बुधबार दशौँ दिन पुगेको छ । 

    वृद्ध शरीर, लकडाउनका बेला डाँडाकाँडा पुगेर उपचारमा खटिँदा थाकेको र नौ दिनदेखि भोको शरीर बोकेर काठमाडौं आएका डा. केसीदेखि सरकार किन आत्तियो ? सर्वत्र प्रश्न गरिएको छ । 


    आश्विन ७, २०७७ बुधवार १८:५०:०२ बजे : प्रकाशित

  • सम्बन्धित विषय:

  • # गाेविन्द केसी
  • # सरकार

  • क्यानाडानेपाल