• Aug 01 2021 | २०७८, श्रावण १७गते

२०७८, श्रावण १७गते

कोरोनाविरुद्ध रुसले बनाएको खोपले काम गर्ने अमेरिकाको विश्वास

श्रावण ३१ २०७७
  • 2.3K
    SHARES
  • कोरोनाविरुद्ध रुसले बनाएको खोपले काम गर्ने अमेरिकाको विश्वास

    वासिङटन, एएनआई - कोरोनाविरुद्ध रुसले बनाएको खोपले काम गर्ने अमेरिकाले विश्वास व्यक्त गरेको छ ।अमेरिकी राष्ट्रपति डोनाल्ड ट्रम्पले रुसी खोप प्रभावकारी र उपयोगी हुने विश्वास शुक्रबार व्यक्त गर्नुभएको हो । 

    “मलाई रुसले बनाएको भनिएको खोपका बारेमा धेरै थाहा छैन, तर त्यो प्रभावकारी, उपयोगी हुन्छ र त्यसले काम गर्छ भन्ने मलाई विश्वास छ,” उहाँले भन्नुभयो । अमेरिकी राष्ट्रपतिको कार्यालय ह्वाईट हाउसमा भएको पत्रकार सम्मेलनमा बोल्ने क्रममा उहाँले रुसी खोपका बारेमा सकारात्मक धारणा राख्नु भएको हो । कोरोनाभाइरस विरुद्धको खोप तयार पार्न रुस विश्वको पहिलो राष्ट्र हुने पनि उहाँको भनाई छ । 

    “मलाई जानकारी भएसम्म कोरोनाभाइरसविरुद्धको खोप तयार पार्न रुस विश्वकै पहिलो मुलुक भएको छ, यो दर्ता भइसकेको पनि मैले थाहा पाएको छु,” उहाँले बताउनुभयो । उहाँले चाडै नै ठूलो मात्रामा सो खोपको उत्पादन र प्रयोग हुन थाल्ने विश्वास पनि व्यक्त गर्नुभयो । राष्ट्रपति ट्रम्पले यो साह्रै नै महत्वपूर्ण रहेको पनि बताउनुभयो ।

    आधारभूत प्रक्रियाहरु पूरा गर्ने र परीक्षण सवै सफल भएपछि आधिकारीक निकायले त्यसको प्रयोगका लागि स्विकृति दिने उहाँको भनाई छ । नयाँ खोप प्रक्रियामा गएको छ र अहिलेसम्म सकारात्मक नतिजा आएको थाहा पाउँदा आफूहरुलाई अन्त्यन्त धेरै खुशी लागेको उहाँले बताउनुभयो । 

    उहाँले अमेरिकमा पनि केही बैज्ञानिकहरुले तीन ओटा खोपलाई परीक्षण गरिरहेको र त्यो अहिले तेस्रो चरणमा पुगेको जानकारी दिनुभयो । अहिलेसम्म औषधीको औपचारिक प्रयोग गर्न नपाएर विश्वभरी महामारीको रुपमा फैलिएको कोरानोभाइरसविरुद्ध विश्वभरी धेरै बैज्ञानिकहरुले औषधी बनाइरहेको दाबी गरेका छन् । तर ती सवै परीक्षणका क्रममा रहेका छन् भने अहिलेसम्म विश्वस्वास्थ्य संगठनले कसैलाई पनि कोरोनाको औषधीको मान्यता दिएको छैन ।
     


    श्रावण ३१, २०७७ शनिवार २१:५३:३५ बजे : प्रकाशित

    अर्कोसमाचार

    भारतमा एकैदिन ४१ हजार कोरोना संक्रमित थपिए, ३७ हजार निको

    श्रावण १६

  • 238
    SHARES
  • भारतमा एकैदिन ४१ हजार कोरोना संक्रमित थपिए, ३७ हजार निको

    काठमाडौं । भारतमा पछिल्लो समय कोरोनाभाइरसको संक्रमण र मृत्यु दर घटबढ भइरहेको छ । भारतमा कुनै समय दैनिक ४ लाख कोरोना संक्रमित फेला परेका थिए । तर पछिल्लो समय कोरोना संक्रमितको संख्या घटबढ भएको छ । 

    भारतमा पछिल्लो २४ घण्टामा कोरोना संक्रमणबाट ५ सय ९८ जनाको मृत्यु भएको छ ।  यससँगै हालसम्म भारतमा कोरोना संक्रमणबाट ज्यान गुमाउनेको संख्या ४ लाख २३ हजार ८४२ पुगेको छ ।  

    पछिल्लो २४ घण्टामा ४१ हजार ४९९ जनामा कोरोना संक्रमण देखिएको छ ।  यससँगै कोरोना संक्रमितको कुल संख्या ३ करोड १६ लाख १२ हजार ७९४ पुगेको छ ।

    यस्तै पछिल्लो २४ घण्टामा ३७ हजार ३ सय १४ कोरोना संक्रमित निको भएका छन् । यससँगै हालसम्म ३ करोड ७ लाख ७३ हजार ५ सय ५५ कोरोना संक्रमित निको भइसकेका छन् । 


    श्रावण १६, २०७८ शनिवार ०७:२७:४४ बजे : प्रकाशित

  • सम्बन्धित विषय:

  • # कोरोना भाइरस
  • विश्वभर कोरोना संक्रमितको संख्या १९ करोड ८० लाख नाघ्यो, हेर्नुहोस् कुन देशमा कति संक्रमित र मृत्यु ?

    श्रावण १६

  • 320
    SHARES
  • विश्वभर कोरोना संक्रमितको संख्या १९ करोड ८० लाख नाघ्यो, हेर्नुहोस् कुन देशमा कति संक्रमित र मृत्यु ?

    काठमाडौं । विश्वका विभिन्न देशमा पछिल्लो समय कोरोनाभाइरसको संक्रमण विस्तारै घट्दै गइरहेको छ । अहिले विभिन्न देशमा कोरोना खोप पनि लगाइएको छ। वर्ल्डोमिटर्सको तथ्यांक हेर्दा अहिले केही देशमा मात्र कोरोना संक्रमितको संख्या बढेको देखिन्छ ।

    वर्ल्डोमिटर्सको तथ्यांक अनुसार हालसम्म विश्वभर कोरोना संक्रमितको संख्या १९ करोड ८० लाख ३१ हजार ३ सय ३६ पुगेको छ भने यसबाट मृत्यु हुनेको संख्या ४२ लाख २४ हजार ३ सय ४६ पुगेको छ ।

    त्यस्तै हालसम्म विश्वभर १७ करोड ८९ लाख २५ हजार ४ सय ६७ कोरोना संक्रमित उपचारपछि निको भइसकेका छन् । त्यस्तै अमेरिकामा मात्र कोरोनाको संक्रमणबाट ६ लाख २९ हजार ६४ जनाको मृत्यु भएको छ भने संक्रमितको संख्या ३ करोड ५६ लाख ८८ हजार ५ सय ६ पुगेको छ । यस्तै अमेरिकामा २ करोड ९६ लाख ५२ हजार ३८ कोरोना संक्रमित निको भइसकेका छन् । 

    त्यस्तै ब्राजिलमा कोरोनाको संक्रमणबाट मुत्यु हुनेको संख्या ५ लाख ५५ हजार ५ सय १२ पुगेको छ भने संक्रमितको संख्या १ करोड ९८ लाख ८० हजार २ सय ७३ पुगेको छ ।

    ddd.PNG


    श्रावण १६, २०७८ शनिवार १०:१२:४२ बजे : प्रकाशित

  • सम्बन्धित विषय:

  • # कोरोना भाइरस
  • भारतीय प्रधानमन्त्री मोदीले भने - 'नेपाल र भारत सुख–दुःखका साथी'

    श्रावण १६

  • 344
    SHARES
  • भारतीय प्रधानमन्त्री मोदीले भने - 'नेपाल र भारत सुख–दुःखका साथी'

    काठमाडौं - भारतीय प्रधानमन्त्री नरेन्द्र मोदीले नेपाल र भारत सुख–दुःखका साथी भएको बताएका छन्। शनिबार सामाजिक सञ्जाल ट्वीटरमार्फत मोदीले सो कुरा बताएका हुन् । 

    नेपाल, भूटान, माल्दिभ्स सबै छिमेकी भएको बताउदै उनले सबैसँग सोच र सामाजिक चालचलन मिल्ने बताएका छन् । 

    उनले लेखेका छन् - 'भूटान होस्, नेपाल होस्, माल्दिभ्स होस्, मोरिसस होस्, हामी केवल छिमेकी मात्रै होइन, बरु हाम्रो सोच र सामाजिक चालचलनमा पनि धेरै समानता छ । हामी सबै सुख–दुःखका साथी हौं । जब, कुनै आपत आउँछ, विपत्ति आउँछ, तब सबैभन्दा पहिले हामीले एक अर्कालाई सहयोग गर्छौँ।'

    sssg.PNG
     


    श्रावण १६, २०७८ शनिवार १६:४५:२७ बजे : प्रकाशित

    मलामी गएका व्यक्तिमाथि बम आक्रमण, ८ जनाको ज्यान गयो

    श्रावण १६

  • 348
    SHARES
  • मलामी गएका व्यक्तिमाथि बम आक्रमण, ८ जनाको ज्यान गयो

    बग्दाद - इराक राजधानी बगदादबाट उत्तरी क्षेत्रमा अतिवादी आइएसले मलामी गएका व्यक्तिमाथि बम आक्रमण गरेका छन् । ती इराकको उत्तरी क्षेत्र यात्रिब नगरको एक गाउँमा शुक्रबार राति उनीहरुले सो आक्रमण गरेका थिए । त्यस क्रममा आइएसले कम्तीमा आठ जनाको हत्या गरेको बताइएको छ ।  

    सो आक्रमणमा परेर अरु १० जना नराम्ररी घाइते भएका छन् । बम लागेर घाइते भएका उनीहरुलाई नजिकैको अस्पताल पु¥याइएको छ । उक्त नगरको अल्बु जिल्ली भन्ने स्थानमा आइएसले यसअघि पनि आक्रमण गरी कैयौँ गाउँलेको ज्यान लिएका थिए ।

    उक्त गाउँको एक सुरक्षा जाँच चौकीमा पनि उनीहरुले हमला गर्दा केही व्यक्ति घाइते भएको पनि बताइएको छ ।सिन्ह्वा

     


    श्रावण १६, २०७८ शनिवार २०:३३:२८ बजे : प्रकाशित

  • सम्बन्धित विषय:

  • # इराक
  • तथ्याङ्क सुरक्षासम्बन्धी कानून उल्लङ्घन गरेको अभियोगमा अमेजनलाई ८८.६६ करोड डलर जरिवाना  

    श्रावण १७

  • 192
    SHARES
  • तथ्याङ्क सुरक्षासम्बन्धी कानून उल्लङ्घन गरेको अभियोगमा अमेजनलाई ८८.६६ करोड डलर जरिवाना   

    ब्रसेल्स - अमेजन कम्पनीलाई युरोपेली सङ्घ ईयूको तथ्याङ्क सुरक्षासम्बन्धी कानून उल्लङ्घन गरेको अभियोगमा ८८.६६ करोड अमेरिकी डलर जरिवाना तोकिएको छ । त्यस्तो जरिवाना लक्जेम्बर्गको तथ्याङ्क सुरक्षासम्बन्धी राष्ट्रिय आयोगले जारी गरेको हो ।

    खासगरी प्रविधि क्षेत्रको काम गर्ने यस कम्पनीले ईयूको कानूनसँग मेल नखानेगरी व्यक्तिगत तथ्याङ्कलाई छनोट गरेको दाबी गरेको छ ।

    अमेजनले भने तिर्नुपर्ने उक्त जरिवाना ‘तथ्यमा आधारित नरहेको’ बताउँदै आफूले यसको ‘जोडदार’ प्रतिरोध गर्ने जनाएको छ ।

    लक्जेम्बर्गको तथ्याङ्क सुरक्षा निकाय, सीएनपीडीले १६ जुलाईमा त्यस्तो जरिबाना तिर्नुपर्ने सूचना जारी गरेको भएपनि यो अहिले चर्चामा आएको हो । ठूला प्रविधि कम्पनीहरूमाथि गोपनीयता र गलत सूचनालाई लिएर निगरानी बढाइनुपर्ने चासो उठिरहेका बेला यस्तो निर्णय आएको हो ।

    अमेजनकी एक प्रवक्ताले ‘सेवाग्राहीको सूचना र विश्वासको सुरक्षा’ सुनिश्चित गर्नु आफूहरूको ‘उच्च प्राथमिकता’ भएको बताउँदै हल्लाका पछि नलाग्न सम्बन्धित सबैलाई आग्रह गर्नुभएको छ ।

    “कुनै तथ्याङ्कको दुरुपयोग भएको छैन र सेवाग्राहीका विवरण कुनै तेस्रो पक्षलाई दिइएको छैन,” उहाँले भन्नुभयो । “यी कुनै विवाद गर्न नपर्ने तथ्य हुन् ।” उहाँले आफ्नो कम्पनीले सीएनपीडीको निर्णयलाई बलियोसँग अस्वीकार गर्ने भन्दै त्यसको लागि पुनरावेदनमा जाने सोचेको बताउनुभयो ।एएफपी 

     


    श्रावण १७, २०७८ आइतवार ०६:३८:१४ बजे : प्रकाशित

  • सम्बन्धित विषय:

  • # अमेजन
  • भारतमा एकैदिन कोरोनाबाट ५ सय ४२ जनाले ज्यान गुमाए 

    श्रावण १७

  • 242
    SHARES
  • भारतमा एकैदिन कोरोनाबाट ५ सय ४२ जनाले ज्यान गुमाए 

    काठमाडौं । भारतमा पछिल्लो समय कोरोनाभाइरसको संक्रमण र मृत्यु दर घटबढ भइरहेको छ । भारतमा कुनै समय दैनिक ४ लाख कोरोना संक्रमित फेला परेका थिए । तर पछिल्लो समय कोरोना संक्रमितको संख्या घटबढ भएको छ । 

    भारतमा पछिल्लो २४ घण्टामा कोरोना संक्रमणबाट ५ सय ४२ जनाको मृत्यु भएको छ ।  यससँगै हालसम्म भारतमा कोरोना संक्रमणबाट ज्यान गुमाउनेको संख्या ४ लाख २४ हजार ३८४ पुगेको छ ।  

    पछिल्लो २४ घण्टामा ४१ हजार ७९० जनामा कोरोना संक्रमण देखिएको छ । यससँगै कोरोना संक्रमितको कुल संख्या ३ करोड १६ लाख ५४ हजार ५८४ पुगेको छ । यस्तै हालसम्म ३ करोड ८ लाख १२ हजार ८ सय ७३ कोरोना संक्रमित निको भइसकेका छन् । 
     

     
     


    श्रावण १७, २०७८ आइतवार ०७:३९:३१ बजे : प्रकाशित

  • सम्बन्धित विषय:

  • # कोरोना भाइरस