काठमाडौं - बलिउडका चर्चित अभिनेता हुने सलमान खान । सन् १९८८ मा बिबी हो तो ऐसी मा अभिनय गरेर फिल्म क्षेत्रमा प्रवेश गरेका सलमानले हालसम्म धेरै फिल्ममा अभिनय गरेर चर्चा कमाइरहेका छन् । 

एक पछी अर्को फिल्ममा ब्यस्त रहने सलमान पछिल्लो समय कोरोनाभाइरसका कारण केही फिल्ममा मात्र व्यस्त भएका छन् । 

५५ वर्ष पुग्दा पनि अहिलेसम्म विवाह नगरेका सलमानको बेलाबेलामा प्रेमसम्बन्धबारे पनि चर्चा हुने गर्छ । फिल्म क्षेत्रमा काम गर्ने समयमा उनको नाम धेरै अभिनेत्रीहरुसँग जोडियो । भनिन्छ उनी सोमी अलीसँग पनि ८ बर्षसम्म प्रेमसम्बन्धमा रहेका थिए । 

सामाजिक सञ्जालमा सक्रिय रहने पूर्वप्रेमिका सोमीले सलमानले आफुलाई धोका दिएको आरोप पनि लगाएकी छन् । उनले एक अन्तवार्तामा आफ्नो पूरानो सम्बन्धको बारेमा खुलेर बोलिन् । 

उनले सलमानसँग ब्रेकअप भएको २० बर्ष पुगेको बताइन् । उनले भनिन् - ‘मैले उनीसँग ब्रेकअप गरेको २० वर्ष भएको छ । उनले मलाई धोका दिएका थिए । त्यसैले मैले उनीसँग सम्बन्ध तोडेँ ।

उनले सलमानसँग आफ्नो सम्बन्ध तोडिएपछि ५ वर्षसम्म बोलचाल बन्द भएको बताइन् । सोमी पाकिस्तानी मुलकी अमेरिकी अभिनेत्री हुन् । उनले ९० को दशकमा बलिउडका धेरै फिल्ममा काम गरेकी थिइन् । 

चैत्र ३०, २०७७ सोमवार २०:०४:१३ बजे : प्रकाशित

काठमाडौं। बलिउड अभिनेता अक्षयकुमार अस्पतालबाट डिस्चार्ज भएका छन्। चैत्र २२ गते आफुलाई कोरोना संक्रमण भएको बारे सामाजिक सञ्जालमार्फत जानकारी दिएका अक्षय भोलि पल्ट नै अस्पताल भर्ना भएका थिए । 

उनले आफ्नो स्वास्थ्य अवस्था ठीक भएको र चिकित्सकको उचित सवाधानीको सल्लाहमा अस्पतालमा भर्ना भएको बताएका थिए । 

८ दिन अस्पताल बसेर उनी आज डिस्चार्ज भएका छन् । अक्षय अस्पतालबाट डिस्चार्ज भएको बारे उनकी पत्नीले जानकारी दिएकी हुन् । 

उनी आफ्नो आउँदो फिल्म ‘राम सेतु’ को छायांकनको क्रममा संक्रमित भएका थिए ।यस्तै उनको फिल्म ुराम सेतुु का ४५  कलाकारमा पनि कोरोना संक्रमण देखिएको छ । 

भारतिय मिडियाका अनुसार ुराम सेतुु का ४५ जुनियर कलाकारमा संक्रमण देखिएको छ । सेटका धेरै कलाकारमा संक्रमण देखिएपछि फिल्मको सुटिङ पनि रोकिएको छ । 
 
 

चैत्र ३०, २०७७ सोमवार १८:४३:०८ बजे : प्रकाशित

काठमाडौं - बलिउड अभिनेता अभिषेक बच्चनको मूख्य अभिनय रहेको फिल्म 'द बिग बुल' अहिले ओटीटी प्लेटफर्म डिज्नी हटस्टारमा प्रदर्शनमा आएको छ । 

८ अप्रिलबाट रिलिज भएको यस फिल्मलाई दर्शक र समीक्षकले राम्रो प्रतिक्रिया दिएका छन् । तर सामाजिक सञ्जालमा भने फरक प्रतिक्रिया आएको छ । कुनै प्रयोगकर्ताले यस फिल्मलाई ‘थर्ड क्लास’ पनि भनेका छन् ।

फिल्म हेरिसकेपछि एक जनाले सधैं जस्तो अभिषेक बच्चनको कथित ‘थर्ड रेट’ अभिनय भनेका छन् । यसको जवाफमा अभिषेकले - 'मैले तपाईंलाई निराश हुन नदिएकोमा खुसी छु । फिल्म हेर्नका लागि समय निकालेकोमा धन्यवाद ।'भनेका छन् । 

कूकी गुलाटीले निर्देशन गरेको यस फिल्ममा अभिषेकले शेयर दलाली हर्षद मेहताको भूमिका निभाएका छन् । फिल्ममा अभिषेक, इलियाना डिक्रूज, निकिता दत्ता, सौरभ शुक्ला, राम कपूर लगायतका कलाकारको अभिनय रहेको छ । 

चैत्र २९, २०७७ आइतवार २१:१०:३५ बजे : प्रकाशित

काठमाडौं - भारतका चर्चित अभिनेता सतिश कौलको निधन भएको छ । उनको ७४ वर्षको उमेरमा निधन भएको हो । 

उनले बीआर चोपडाको टिभी कार्यक्रम ‘महाभारत’ मा इन्द्र देवको भूमिका निधाएका थिए । कोरोना संक्रमित रहेका कौलको निधन भएको बारे उनकी बहिनी सुष्माले पुष्टि गरेकी हुन् । उनको निधनमा भारतका कलाकारहरुले शोक व्यक्त गरेका छन् । 

केही दिनदेखि बिरामी रहेका उनी कोरोनाको डरले स्वास्थ्य परिक्षण गराएका थिएनन् । स्वास्थ्य स्थिती खराब हुँदै गएपछिट उनलाई अस्पताल भर्ना गरिएको थियो ।  अस्पतालमा परिक्षण गर्दा उनका कोरोना पोजेटिभ देखिएको थियो । 

कोरोना पोजेटिभ देखिएपनि उनको स्थीती सुधारोन्मुख रहेको थियो । तर उनको एक्कासी आज बिहान निधन भएको हो । उनले ३ सय भन्दा बढी पञ्जाबी र हिन्दी फिल्ममा काम गरेका थिए । 
 

चैत्र २८, २०७७ शनिवार १८:०२:३१ बजे : प्रकाशित

काठमाडौं - बलिउडकी चर्चित अभिनेत्री कियारा आडवाणीको पछिल्लो समय फिल्म क्षेत्रमा बढी माग हुन थालेको छ । 

फिल्म  ‘कविर सिंह’ बाट चर्चामा आएकी कियारा हालै एक नयाँ फिल्ममा जोडिएकी छिन् । उनले साउथ फिल्मका निर्देशक शंकरसँग ‘अन्नियन’ को हिन्दी रिमेकमा काम गर्ने भएकी छिन् । 

भारतिय मिडियाका अनुसार यस फिल्ममा कियारासँगै अभिनेता रणवीर सिंहले पनि अभिनय गर्ने भएका छन् । २००५ मा रिलिज भएको सुपरहिट फिल्म ‘अन्नियन’मा कामको लागि शंकरले रणवीरसँग कुरा गरिरहेको बताइएको छ । एउटा वकिलको कथामा बन्ने यस फिल्म दर्शकले रुचाउने अनुमान गरिएको छ । 

शंकर २० वर्षपछि बलिउड फिल्ममा कमब्याक गर्ने भएका हुन् । यसअघि उनले धेरै बर्ष पहिले फिल्म नायक बनाएका थिए । जसमा अभिनेता अनिल कपुरको मूख्य अभिनय रहेको थियो । 

चैत्र २८, २०७७ शनिवार १४:१३:१६ बजे : प्रकाशित

काठमाडौं - बलिउडका चर्चित अभिनेता अमिताभ बच्चन फिल्म ‘दि इन्टर्न’मा देखिने भएका छन् । गएको बर्षको जनवरीमा घोषणा गरिएको यस फिल्मलाई दीपिका पादुकोणले निर्माण गर्दैछिन् । 

अभिनेता ऋषि कपुरको निधनपछि यो फिल्म बन्नेमा अन्योल रहेको थियो । तर अब यो फिल्म बन्ने र अमिताभको अभिनय रहने पक्का भइसकेको भारतिय मिडियामा जनाइएको छ ।

हिन्दी रिमेक ‘दि इन्टर्न’ बारे दीपिकाले सामाजिक सञ्जालमार्फत जानकारी गराएकी छिन् । उनले फिल्म निर्माण प्रक्रिया अघि बढेको बताएकी छिन् ।

उनले विशेष सहकर्मीसँग दोस्रो पटकसँगै काम गर्ने मौका मिलेको बताउदै अमिताभलाई स्वागत गरेकी छिन् । यसअघि फिल्म पिकुमा अमिताभ र दीपिकाले बाबुछोरीको भूमिका निभाएका थिए। 
 

चैत्र २८, २०७७ शनिवार ११:३२:२८ बजे : प्रकाशित