काठमाडौं - वरिष्ठ हास्य कलाकार मदनकृष्ण श्रेष्ठ पुनः अस्पताल भर्ना भएका छन् । वैशाख ६ गते कोरोना संक्रमित भएका मदनकृष्ण स्वास्थ्यमा समस्या बढेपछि ललितपुरस्थित मेडिसिटी हस्पिटलमा भर्ना भएका थिए । 

स्वास्थ्यमा सुधार आएपछि घर फर्किएका मदनकृष्ण फेरि अस्पताल भर्ना भएका हुन् । शरीरमा अक्सिजनको लेभल घटेपछि मदनकृष्ण अस्पताल भर्ना भएका हुन् । 

८ दिनको उपचारपछि घर फर्किएका उनको अक्सिजनको लेवल ८४ मा झरेपछि फेरि अस्पताल लगिएको बताइएको छ । उनको  छोरा, छोरी र बुहारीको स्वास्थ्यमा भने सुधार आएको बताइएको छ ।  

बैशाख २२, २०७८ बुधवार १९:४८:३६ बजे : प्रकाशित

काठमाडौं । वरिष्ठ संगीतकार तथा गायक प्रेमध्वज प्रधानको निधन भएको छ । छातिमा समस्य आएपछि अस्पताल भर्ना भएका उनको बिहीबार निधन भएको हो ।

न्यूरो अस्पतालमा उपचारका क्रममा उनको ८४ वर्षको उमेरमा बिहीबार दिउँसो पौन २ बजे निधन भएको हो । उनको निधनबारे संगीतकार संघका पूर्वअध्यक्ष लक्ष्मण शेषले सामाजिक सञ्जाल फेसबुकमार्फत जानकारी दिएका छन् । 

प्रधानको निधन पुष्टि गर्दै उनले फेसबुकमा लेखेका छन्, ‘अत्यन्त दुखद समाचार, अमर श्रष्टा तथा अजर–अमर गायक श्रद्देय प्रेमध्वज प्रधानको स्वर्ग महाप्रस्थानको खवर आयो। वहाँको अन्तिम श्रद्दाञ्जलीका लागि सुरक्षित रहि नियमानुशार सहभागी भैदिनु हुन सम्पूर्ण श्रष्टा जगत र गीत सँगीत सम्वन्धि सम्पूर्ण संघ सँस्थाका पदाधिकारी ज्युहरुलाई  सुन्धारा स्थित न्युरो हष्पिटलमा सहभागी भैदिनु हुन विनम्र अनुरोध गर्दछु।’

केही दिन अघि उपचारका लागि अस्पताल भर्ना हुुँदा गरिएको कोरोना परीक्षणको रिपोर्ट नेगेटिभ आएको थियो । 

उनका घुम्तीमा नआऊ है, तिमीलाई अचेल कहाँ देखुँ, गोरेटो यो गाउँको, पर लैजाऊ फूलहरु जस्ता चर्चित गीतहरु नेपाली सांगीतिक क्षेत्रमा रहेका छन् । 

वि.सं.१९९४ असारमा सिन्धुपाल्चोकको चौतारामा उनको जन्म भएको थियो । बुबा रत्नध्वज प्रधान र आमा प्राणदेवी प्रधानको कोखबाट जन्मिएका उनको घरमा साङ्गितिक माहोल थियो। 

बुढाहजुरबुवा नारायणकृष्ण प्रधान र हजुरबुवा उत्तरध्वज प्रधान शास्त्रीय सङ्गीतमा गहिरो रुचि राख्ने भएसँगै सांगीतिक माहोलमा हुर्किएका प्रेमध्वज नेपाल सांगीतिक आकाशका एक नक्षत्र हुन् । 

बैशाख २३, २०७८ बिहिवार १४:४७:३७ बजे : प्रकाशित

काठमाडौं । वरिष्ठ संगीतकार तथा गायक प्रेमध्वज प्रधानको बिहीबार ८४ वर्षको उमेरमा निधन भएको छ ।

छातिमा समस्य आएपछि केही दिन अघि अस्पताल भर्ना भएका उनको उपचारका क्रममा बिहीबार दिउँसो पौन २ बजे निधन भएको हो । केही दिन अघि उपचारका लागि अस्पताल भर्ना हुुँदा गरिएको कोरोना परीक्षणको रिपोर्ट नेगेटिभ आएको थियो । 

उनका घुम्तीमा नआऊ है, तिमीलाई अचेल कहाँ देखुँ, गोरेटो यो गाउँको, पर लैजाऊ फूलहरु जस्ता चर्चित गीतहरु नेपाली सांगीतिक क्षेत्रमा रहेका छन् । 

वि.सं.१९९४ असारमा सिन्धुपाल्चोकको चौतारामा उनको जन्म भएको थियो । उनै वरिष्ठ गायक तथा संगीतकार प्रधानसँग क्यानडानेपालले एक वर्ष अघि भिडिओ अन्तवार्ता गरेको थियो। सो क्रममा उनले आफ्नो गीतबाट अरुले करोडौँ कमाएको गुनासो गरेका थिए । 

अर्काइभबाट सोही भिडिओ अन्तर्वार्ता :

बैशाख २३, २०७८ बिहिवार १७:११:१८ बजे : प्रकाशित

काठमाडौं । नेपाली चलचित्र क्षेत्रका तीन सफल कलाकारहरु नायिकाद्धय पूजा शर्मा र आँचल शर्माको साथमा नायक आकाश श्रेष्ठ एकसाथ भिडियोमा देखिएका छन् । गायक रोशन अधिकारी र गायिका समिक्षा अधिकारीको स्वरमा समावेश ‘धारै नखोली’ बोलको गीतमा यी सफल कलाकारहरुलाई फिचरिङ गरिएको हो । भिडियोमा गायक रोशनले पनि अभिनय गरेका छन् । 

यो गीतमा दिनेश राज पुरीको शब्द, अर्जुन पोखरेलको संगीत छ । भिडियोको  निर्देशन विधान कार्कीले गरेका हुन् । भिडियोमा सुरेन्द्र बसेलको कोरियोग्राफी, विकास दाहालको सम्पादन, उत्सव दाहालको छायांकन छ । 

भिडियोमा पूजा र आँचल आकाश र रोशनसँग रोमान्टिक देखिएका छन् । विधानले डान्सिङ नम्बरमा कलरफूल भिडियो तयार पारेका छन् ।

बैशाख २५, २०७८ शनिवार ०९:४१:२० बजे : प्रकाशित

काठमाडौं - नायिका सुहाना थापाको आज जन्मदिन। उनी आजबाट २४ बर्षमा प्रबेश गरेकी छन् । 

चलचित्र ‘ए मेरो हजुर ३’बाट नेपाली चलचित्र क्षेत्रमा प्रवेश गरेकी उनले आज आफ्नो जन्मदिन अमेरिकामा मनाउदैछिन् । 

पहिलो चलचित्रमा नै उनको अभिनयलाई दर्शकले रुचाएका थिए । उनी अब चलचित्र ‘ए मेरो हजुर ४’मा देखिदैछिन् । 

उनलाई अन्य चलचित्रको अफर आएपछि आमा तथा नायिका झरना थापाको निर्देशनमा बनेको चलचित्रमा अभिनय गर्ने चाहाना राखिन् । उनले चलचित्र ‘डिसेम्बर फल्स’को प्रस्ताव पनि अस्विकार गरेकी थिइन् । 

बैशाख २६, २०७८ आइतवार १०:०६:१४ बजे : प्रकाशित

काठमाडौं - अभिनेत्री वर्षा राउतलाई कोरोनाभाइरसको संक्रमण देखिएको छ । आफुलाई कोरोना संक्रमण भएको बारे राउतले सामाजिक सञ्जाल इन्स्टाग्राममार्फत जानकारी गराएकी हुन् । 

उनले पिसिआर परीक्षण गराउँदा आफूमा कोरोना संक्रमण देखिएको बताएकी छिन् । निषेधाज्ञामा घरमै सीमित रहेकी बर्षाले आफुमा  स्वाद, गन्ध हराएको र रुघा खोकीको समस्या देखिएको बताएकी छिन् । 

कोरोना संक्रमण फैलन थालेपछि अभिनेत्री बर्षा कुनै फिल्ममा व्यस्त छैनिन् । लकडाउनअघि उनी फिल्म ‘दुई नम्बरी’ को छायांकनमा व्यस्त थिइन् । त्यसपछि उनी केही म्युजिक भिडियोमा देखिएकी थिइन् । 
 
नेपालमा पछिल्लो समय कोरोनाभाइरसको संक्रमण तिव्र गतिमा बढ्दै जाँदा यसको चपेटामा  नेपाली कलाकारहरु पनि परिरहेका छन् । 

बैशाख २६, २०७८ आइतवार १४:३६:२० बजे : प्रकाशित