• Sep 28 2020 | २०७७, आश्विन १२गते

२०७७, आश्विन १२गते

यो साता चर्चामा:

सरकारलाई राजु श्रेष्ठको प्रश्न– प्रेमशंकर सिंहलाई तीनपटक जिम्मेवारी थप्न हुने, कुलमानलाई नहुने ?

क्यानाडानेपाल भाद्र ३१ २०७७
  • 2.5K
    SHARES
  • सरकारलाई राजु श्रेष्ठको प्रश्न– प्रेमशंकर सिंहलाई तीनपटक जिम्मेवारी थप्न हुने, कुलमानलाई नहुने ?

    काठमाडौं । सरकारले नेपाल विद्युत प्राधिकरणको कार्यकारी निर्देशकमा कुलमान घिसिङलाई पुनर्नियुक्ति नदिएपछि चौतर्फी विरोध भइरहेको छ । कुलमानको पक्षमा र्‍याली निकालिएका छन् ।

    यही बेला पत्रकार राजु श्रेष्ठले फेसबुकमा लामो स्टाटस लेखेर घाटामा गएको कम्पनीका महाप्रवन्धकलाई तीनपटक जिम्मेवारी थप्न हुने, तर १८ घण्टाको लोडसेडिङ हटाउँदै अर्बाैं घाटामा पुगेको प्राधिकरणलाई चार वर्षमै अर्बाैं नाफा लगेका कुलमान घिसिङलाई पुनर्नियुक्ति गर्न किन गाह्रो भनेर प्रश्न गरेका छन् ।  

    सामाजिक सञ्जालमा फेसबुकमा पत्रका श्रेष्ठले लेखेका छन् :

    सरकार को चाहियो सिंह कि घिसिङ ?

    पशुपतिनाथको अनुकम्पाले चलेको हाम्रो देशमा एउटा इमान्दार कर्मचारीलाई जिम्मेवारी थप्न जति गार्हो छ, तर एउटा बेइमान कर्मचारीलाई जिम्मेवारी थप्न त्यति नै सजिलो छ ।

    जबदेखि नेपाल विद्युत प्राधिकरणका कार्यकारी निर्देशक कुलमान घिसिङलाई समय थप्ने कुरा चर्चामा आयो, देशभरिका जनता उनको पक्षमा ओर्लेका छन् । घिसिङको इमान्दारिता र उनको कार्य सफलताको चर्चाले सरकार र सिस्टम दुवैलाई चुनौती दिएको छ । नभए त अहिलेसम्म सरकारले आफ्ना कुनै सम्धी, ज्वाइँ, जेठान, सालो नभए घरबेटीलाई भएपनि नियुक्ति दिसक्या हुन्थियो । आजभोली हाम्रो देशमा यस्तै हुदै आएको पनि छ ।

    कस्तो अचम्मको हाम्रो देश, जसले १८ घण्टाको अत्यास लाग्दो लोडसेडिङको अन्त्य गर्यो, चुहावटलाई रोक्यो र अर्बौं रुपैयाँ नाफा कमाएर दियो त्यस्ता इमान्दार कर्मचारीलाई एकपटक जिम्मेवारी थप्न सरकारलाई निकै गार्हो भएको छ ।

    तर हेटौडा सिमेन्ट कारखाना प्रा. लि. जहाँ बर्षेनी करौडौ रुपैयाँको नोक्सानी थपिँदो छ । जहाँ कारखाना संचालन भन्दा बढी बन्द हुने गर्छ, त्यस्ता कम्पनीका महाप्रबन्धक प्रेमशंकर सिंहलाई चाहीँ एकपटक होइन तीन तीन पटक जिम्मेवारी थप्न सरकारलाई कहिले गार्हो भएन ।

    सरकारी स्वामित्वको हेटौडा सिमेन्ट कारखानाबाट उत्पादन हुने सिमेन्टको नेपाली बजारमा राम्रो माग छ । देशभरिमा करिब एक हजार बढी अधिकृत बिक्रेता रहेको सिमेन्ट कारखानामा सिंहले जिम्मेवारी लिएपछि अहिले मुश्किलले एक सय पचास अधिकृत बिक्रेता मात्रै बाकी छन् । बिक्रेता अभावकै कारण उत्पादित सिमेन्ट बजारसम्म पुग्न नसक्दा, तीन महिना अघि उत्पादन भएको करिब २ लाख बोरा सिमेन्ट गोदाममै थन्काएर राखेको छ ।

    त्यसैगरी चल्ने गाडीलाई बालबालिका ओसार्ने काममा लगाई, अनि कारखानाकै एक पूर्व कर्मचारी तथा एक जिल्लास्तरीय नेताको कम्पनिसँग २ वटा गाडी बार्षिक १ करोड १४ लाख रुपैयाँमा सम्झौता गरी कर्मचारी ओसारिरहेको छ । जबकि कोभिड १९ को कारण बिद्यालय पूर्णरुपमा बन्द छ र उद्योग पनि २०प्रतिशत मात्रै संचालनमा छ । यतिबेला कारखानाकै गाडी चलाएर खर्च कम गर्नुको साटो संस्थाको चल्ने गाडी थन्काएर बाहिरको महँगो गाडी गुडाएको पनि सिंह माथि आरोप छ ।

    अब अर्को सन्जोग, यो कारखाना जहिले पनि सिजनमै महिनौ महिनासम्म बिग्रिने गर्छ । जबकि महाप्रबन्धक सिंह करिब ८ बर्षदेखि यहाँको जिम्मेवारी सम्हाल्दै आइरहेका छन्, तैपनि सिजनमै मेसिन बिग्रने रोगलाई अझै सुधार्न सकेका छैनन् । बरु हेटौडा सिमेन्ट कारखानाको सिजनमै बिग्रिने रोगको कारण हेटौडामै रहेको अन्य सिमेन्ट कारखानालाई भने व्यापार गर्न निकै सजिलो बनाएको आरोप छ ।

    महाप्रबन्धक सिंह जसले सिमेन्ट कारखानामा बार्षिक करोडौँ रुपैयाको भार थप्या थप्यै छ, प्राप्त जानकारी अनुसार १२ करोड ऋणको ब्याज नतिर्दा अहिलेसम्म सावा ब्याज गरी कुल बुझाउनु पर्ने रकम ४२ करोड रुपैयाँ पुग्या छ । त्यस्तालाई कारवाहीको साटो उसैलाई कार्यकाल थपेर पुरस्कृत गरेको छ ।

    तर जसले एउटै कार्यकालमा लामो लोडसेडिङ मात्रै हटाएन बरु संस्थाको चुवाहट रोकेर संस्थालाई अर्बौ रुपैया नाफा कमाएर दियो त्यस्ता व्यक्तिलाई एकपटक कार्यकाल थप्न सरकारलाई हम्मे .. हम्मे भएको छ । होइन सरकारलाई कस्तो मान्छे चाहिएको हो, सिंह कि घिसिङ ?


    भाद्र ३१, २०७७ बुधवार १३:२७:२५ बजे : प्रकाशित

  • सम्बन्धित विषय:

  • # कुलमान घिसिङ

  • क्यानाडानेपाल

    अर्कोसमाचार

    किन सुरक्षाकर्मीले तत्काल प्रोत्साहन भत्ता नपाउने भए ?

    क्यानाडानेपाल

    आश्विन १२

  • 110
    SHARES
  • किन सुरक्षाकर्मीले तत्काल प्रोत्साहन भत्ता नपाउने भए ?

    बीबीसी। कोरोनाभाइरस सङ्क्रमण रोकथाम तथा नियन्त्रणमा खटिएका सुरक्षाकर्मीका लागि सरकारले घोषणा गरेको प्रोत्साहन भत्ता स्रोतको अभावका कारण तत्काल दिन सक्ने अवस्था नरहेको अर्थ मन्त्रालयले जनाएको छ।

    मन्त्रिपरिष्‌दले निर्णय र बजेटमा समेत व्यवस्था भए पनि आर्थिक अवस्थामा केही सुधार आएपछि भत्ता दिन सकिने उसको भनाइ छ। हाल दिन नसक्नुको कारण अरू केही नभई सरकारको आर्थिक अवस्था अनुकूल नहुनु रहेको जनाइएको छ।

    अर्थ मन्त्रालयको बजेट तथा कार्यक्रम महाशाखा प्रमुख सहसचिव धनीराम शर्माले बीबीसी नेपालीसँग कुरा गर्दै भने, "हामीले नदिने भनेका छैनौँ, केही समय पर्खिनुहोस् भनेका छौँ। अहिलेको सङ्क्रमणका कारण सरकारसँग स्रोतको अभाव छ। यो स्थिति सहज भयो र सरकारको आर्थिक अवस्थामा सुधार भयो भने दिन्छौँ।"

    तीन अर्बभन्दा बढी माग

    तीनवटै सुरक्षा निकायले भत्ता निकासा गर्न माग गर्दै तीन अर्ब रुपैयाँभन्दा बढीको विवरण अर्थ मन्त्रालयमा बुझाएका छन्। उक्त भत्ताका लागि गृह मन्त्रालयले नेपाल प्रहरीका ५० हजार र सशस्त्र प्रहरीका ३५ हजार सुरक्षाकर्मीलाई गरी झन्डै सवा दुई अर्ब रुपैयाँ अर्थ मन्त्रालयसँग माग गरेको जनाएको छ।

    नेपाली सेनाले पनि कोरोनाभाइरस सङ्क्रमण नियन्त्रणका लागि खटिएका सेनाका लागि ९६ करोड रुपैयाँ माग गरेको जनाएको छ। जसको बारम्बार ताकेता गरिएको तर हालसम्म अर्थ मन्त्रालयले रकम निकासा नगरेको ती निकायहरूले जनाएका छन्।

    सरकारको निर्णयमा उनीहरूको परिचालन अनुसार दैनिक ३ सयदेखि शत प्रतिशतसम्म भत्ता दिने उल्लेख छ। मन्त्रिपरिषद्को गत वर्ष चैत्र १६ गतेको बैठकले कोरोनाभाइरस सङ्क्रमण रोकथाम तथा नियन्त्रणमा खटिएका स्वास्थ्यकर्मी र सुरक्षाकर्मीलाई प्रोत्साहन भत्ता दिने निर्णय गरेको थियो।

    मापदण्ड बन्नै बाँकी

    सुरक्षाकर्मीहरू लकडाउनको कार्यान्वयन, क्वारन्टीन र आइसोलेशन सेन्टरको व्यवस्थापन तथा शव गाड्ने तथा जलाउनेदेखि सङ्क्रमितको सम्पर्कमा रहेका व्यक्तिको खोजीजस्ता काममा परिचालन गरिएका थिए।

    सहसचिव शर्माले कसले पाउने भन्ने बारेमा मापदण्ड समेत बनाउनुपर्ने अवस्था रहेको बताएका छन्। उनले भने, "सबै सुरक्षाकर्मीले पाउने भन्ने हैन। स्वास्थ्यकर्मीलाई मापदण्ड बनाएर भत्ता दिएजस्तै सुरक्षाकर्मीलाई कति समयसम्म खटिएको, कुनकुन काममा खटिएको जस्ता कुरा तोकेर भत्ताको मापदण्ड बनाउनुपर्छ। त्यो काम पनि गर्दै छौँ।"

    काममै खटिएका नेपाल प्रहरी सशस्त्र प्रहरी र नेपाली सेनाका गरेर पाँच हजारभन्दा बढी सुरक्षाकर्मी कोरोनाभाइरसबाट सङ्क्रमित भइसकेको बताइएको छ।

    दशैँ, तिहार र छठजस्ता पर्व नजिकिएका बेला भत्ता पाउने आशामा सुरक्षाकर्मी रहेका देखिन्छन्। सङ्क्रमणसँग जुझ्दै काम गरिरहेका सुरक्षाकर्मीले बेलामै भत्ता पाए उनीहरूको मनोबल बढने सुरक्षा अधिकारीहरू बताउँछन्।


    आश्विन १२, २०७७ सोमवार १४:४३:४१ बजे : प्रकाशित

  • सम्बन्धित विषय:

  • # सुरक्षाकर्मी
  • # प्रोत्साहन भत्ता

  • क्यानाडानेपाल

    पद्मश्री साधना सम्मान नलिने मोदनाथ प्रश्रितको घोषणा

  • 380
    SHARES
  • पद्मश्री साधना सम्मान नलिने मोदनाथ प्रश्रितको घोषणा

    काठमाडौं । साहित्यकार मोदनाथ प्रश्रितले पद्यश्री सम्मान नलिने घोषणा गरेका छन् । सम्मान घोषणा भएलगत्तै आफ्ना बारेमा फैलाइएको अपवाहले भ्रम उत्पन्न भएको भन्दै साहित्यकार प्रश्रितले सम्मान नलिने घोषणा गरेका हुन् ।

    सोमवार विज्ञप्ति प्रकाशित गरी उनले सम्मानका लागि आफूलाई छनोट गरेकोमा आयोजक खेमलाल–हरिकला लामिछाने समाज कल्याण प्रतिष्ठानप्रति आभार व्यक्त पनि गरेका छन् ।

    ‘तर समाचार प्रकाशित भए लगत्तै अप्रमाणित विषय सुनियोजित रुपमा उठान गरी मेरो व्यक्तिगत चरित्र हत्या गर्न केही व्यक्ति तथा समूह लागेको सन्दर्भमा मैले यो पुरस्कार नलिने निर्णय गरेको छु,’ विज्ञप्तिमा उल्लेख छ ।

    २०७६ को पद्यश्री पुरस्कार आख्यानकार डा.सञ्जीव उप्रेतीलाई दिने निर्णय भएको छ । उप्रेतीले प्रश्रितसँगै उभिएर आफूले पुरस्कार लिन नसक्ने घोषणा गरेपछि विवाद देखिएको थियो ।

    bigyapti.jpg


    आश्विन १२, २०७७ सोमवार १४:३२:२७ बजे : प्रकाशित

  • सम्बन्धित विषय:

  • # मोदनाथ प्रश्रित
  • # पद्मश्री साधना

  • क्यानाडानेपाल डेस्क

    स्कुल खोल्न आएका सिन्धुलीका आठ शिक्षकमा देखियो कोरोना

    क्यानाडानेपाल

    आश्विन १२

  • 338
    SHARES
  • स्कुल खोल्न आएका सिन्धुलीका आठ शिक्षकमा देखियो कोरोना

    सिन्धुली । स्कुल खोल्न आएका सिन्धुलीका आठ शिक्षकमा कोरोनाभाइरसको संक्रमण पुष्टि भएको छ । पठनपाठनको तयारीका लागि कार्यथलो फर्केका हरिहरपुरगढी गाउँपालिकाका आठ शिक्षकमा कोरोना पुष्टि भएको हो ।

    संक्रमित शिक्षकहरु जिल्ला बाहिरबाट सिन्धुली फर्केका हुन् । स्वास्थ्य कार्यालय सिन्धुलीका प्रमुख जितेन्द्रकुमार साहले जानकारी दिएका छन् ।

    आइतबार मात्रै सिन्धुलीमा १७ जनामा संक्रमण पुष्टि भएको छ । जसमा एकै परिवारका ६ जना संक्रमित समेत भेटिएका छन् । 

    लकडाउनको अवधिमा घर गएका शिक्षकहरु विद्यालय खोल्ने तयारीका लागि गाउँपालिका फर्केपछि उनीहरुलाई होम क्वारेन्टाइनमा राखिएको थियो । 

    सिन्धुलीका सबै स्थानीय तहले विद्यालय खोल्ने तयारी गरिरहेका छन् । जिल्ला बाहिर रहेका शिक्षकहरु धमाधम भित्रन थालेका छन् ।

    जिल्लाका नौ वटै स्थानीय तहले विद्यालय खोल्नुपूर्व बाहिरबाट आउने शिक्षकहरुलाई क्वारेन्टाईनमा राखि परिक्षण गर्ने भएका छन् ।


    आश्विन १२, २०७७ सोमवार १२:१३:४७ बजे : प्रकाशित

  • सम्बन्धित विषय:

  • # कोरोना भाइरस
  • # विद्यालय

  • क्यानाडानेपाल

    आहा ! कति आकर्षक र मनमोहक म्याग्दीको ‘झरना’

    क्यानाडानेपाल

    आश्विन १२

  • 158
    SHARES
  • आहा ! कति आकर्षक र मनमोहक म्याग्दीको ‘झरना’

    काठमाडौं । नेपाल प्रकृतिको सुन्दर अनुपम उपहार मानिन्छ । तराईदेखि हिमालसम्म प्रकृतिका अनुपम उपहारका रुपमा हरियाली घनाजंगलदेखि हिमतालसम्म रहेका छन् ।

    नदी, ताल, झरनाले मानिसलाई आकर्षित गर्नेगर्छ । तराईको समथर हरियाली जंगल र त्यस जंगललाई बासस्थान बनाएर बसेका जनावर हेरेर उकालो लागेको केही घण्टामै सुन्दर हिमताल हेर्न पाइने भएर विदेश पर्यटकलाई नेपालले लोभ्याएको छ । 

    प्रकृतिका अनेकन सुन्दर अनुपम उपहारमध्ये एक म्याग्दीको अन्नपूर्ण गाउँपालिका–४ नारच्याङमा रहेको छहरा खोला झरना पनि हो । निकै आकर्षक रहेको सो झरनाले आन्तरिक पर्यटकलाई लोभ्याउन थालेको छ । 

    उक्त झरनालाई अवलोकन गर्न आउने आन्तरिकसँगै बाह्य पर्यटकको नजरमा पर्न थालेपछि स्थानीय तहले पर्यटन पूर्वाधारको निर्माण गर्ने तयारी गरेको जनाइएको छ । 

    तस्बिर : कमल खत्री


    आश्विन १२, २०७७ सोमवार ११:५८:४९ बजे : प्रकाशित

  • सम्बन्धित विषय:

  • # झरना

  • क्यानाडानेपाल

    डिएसपीसहित आठ जना प्रहरीमा कोरोना संक्रमण

    क्यानाडानेपाल

    आश्विन १२

  • 206
    SHARES
  • डिएसपीसहित आठ जना प्रहरीमा कोरोना संक्रमण

    चितवन । चितवनमा नेपाल प्रहरीका नायव उपरीक्ष (डीएसपी)सहित आठ जना प्रहरीमा कोरोनाभाइरस संक्रमण पुष्टि भएको छ ।

    आइतबार राति चितवन प्रहरीका प्रवक्तासमेत रहेका डीएसपी सूर्यबहादुर थापासहित आठ जना प्रहरीहरूमा कोरोना संक्रमण पुष्टि भएको हो । 

    आइतबार राति आएको रिपोर्टमा कोरोना पोजेटिभ आएसँगै सबै संक्रमित प्रहरी कार्यालयमै आइसोलेसनमा बसेका छन् ।

    कोरोना संक्रमण देखिए पनि स्वास्थ्यमा कुनै समस्या नदेखिएको चितवन प्रहरीले जनाएको छ । चितवनमा कोरोना संक्रमितको संख्या १७ सय नाघेको छ।


    आश्विन १२, २०७७ सोमवार ११:१९:१२ बजे : प्रकाशित

  • सम्बन्धित विषय:

  • # कोरोना भाइरस

  • क्यानाडानेपाल

    जसपा अध्यक्ष महन्थ ठाकुरको मुटुको शल्यक्रिया

    क्यानाडानेपाल

    आश्विन १२

  • 522
    SHARES
  • जसपा अध्यक्ष महन्थ ठाकुरको मुटुको शल्यक्रिया

    काठमाडौं । जनता समाजवादीका अध्यक्ष महन्थ ठाकुरको मुटुको शल्यक्रिया गरिएको छ । काठमाडौंको थापाथलीस्थित नर्भिक अस्पतालमा उनको मुटुको शल्यक्रिया गरिएको हो । 

    सांसदसमेत रहेका ठाकुरको मुटुको सामान्य शल्यक्रिया गरिएको जसपाले जनाएको छ । मुटुको माइनर सर्जरी गराएका उनी हाल नर्भिक अस्पतालमै रहेर स्वास्थ्य लाभ गरिरहेका छन् । 

    दुई वर्ष अघि उनको मुटुको धमनीमा समस्या देखिएपछि भारतमा उपचार गरिएको थियो । 


    आश्विन १२, २०७७ सोमवार १०:४१:५६ बजे : प्रकाशित

  • सम्बन्धित विषय:

  • # महन्थ ठाकुर

  • क्यानाडानेपाल