शुक्रबार
२९ कार्तिक
२०७६

खाउँ खाउँ लागिरहने राजपुरको मिठाइ (फोटोफिचर)

बिहीबार कार्तिक १४, २०७६/ Thursday 10-31-19

काठमाडौं । मिठाइ भन्ने वित्तिकै कसको मुखमा पानी नआउला र ? अहिले मिठाइमा  विभिन्न खाद्य तथा अखाद्य बस्तु मिसाइएको पाइन्छ । तर, रौतहटको राजपुर क्षेत्रमा बनाइने मिठाइ भने शुद्ध गाई भैसीको दुधमा मात्रै बनाइएको हुन्छ । राजपुरको मिठाइ चोकमा ५ टन बढी दूधको दैनिक मिठाइ बन्छ । यहाँ बनेको मिठाइकाे काठमाडौं उपत्यकासहित देश विदेशबाट समेत माग हुने गरेको व्यवसायी बताउँछन् । 

गाई भैंसीको दूधलाई उमालेर पटाएर बनाउने सो मिठाइ निकै मिठो रहेको खानेहरु बताउँछन् । घ्यू, तेललगायतका चिल्लो पदार्थको प्रयोग नगरी दूध फटाएर बनाएको झिनालाई राम्ररी माडेर चिनीको पाकमा बनाउने भएकाले सबैको प्रिय बनेको हो, राजपुरको मिठाइ । निकै सस्तो पनि रहेको व्यवसायी बताउँछन् । एउटा मिठाइको मूल्य १० रुपैयाँमा बेच्ने गरेको उनीहरुको भनाइ छ ।