• Oct 31 2020 | २०७७, कार्तिक १५गते

२०७७, कार्तिक १५गते

यो साता चर्चामा:

क्यान्सरसँग लडिरहेका संजय दत्तले भने, ' नोभेम्बरबाट नयाँ चलचित्रको छायाङ्कनको काम सुरु गर्छु'     

क्यानाडानेपाल आश्विन ३० २०७७
  • 568
    SHARES
  • क्यान्सरसँग लडिरहेका संजय दत्तले भने, ' नोभेम्बरबाट नयाँ चलचित्रको छायाङ्कनको काम सुरु गर्छु'     

    भारतीय चलचित्र उद्योग बलीवुडका स्थापित अभिनेता सञ्जय दत्तले आफूलाई क्यान्सर भएको पुष्टि गरेका छन्। भारतीय सञ्जारमाध्यमले उनको स्वास्थ्यबारे केही सातादेखि विभिन्न अनुमान गर्दै आएका थिए।

    सामाजिक सञ्जाल इन्स्टाग्राममा एउटा भिडिओ प्रेषित गर्दै ६१ वर्षीय दत्तले आफूले "चाँडै क्यान्सरलाई परास्त गर्ने" विश्वास व्यक्त गरेका छन्। उनले आगामी नोभेम्बर महिनादेखि नयाँ चलचित्रको छायाङ्कन गर्ने सुरु गर्ने बताएका छन्। अहिलेसम्म दत्तले १५० वटाभन्दा बढी चलिचित्रमा अभिनय गरिसकेका छन्।

    समस्या

    गत अगस्ट महिनामा सास फेर्न गाह्रो भएपछि उनको कोभिड-१९ परीक्षण गरिएको थियो। तर उनलाई कोरोनाभाइरस सङ्क्रमण भएको देखिएन। त्यसपछि मुम्बईस्थित लीलावती अस्पतालमा विभिन्न परीक्षण गरियो। फोक्सोको क्यान्सर देखिएको अपुष्ट समाचारअनुसार आएकै बेला उनले "औषधोपचारका लागि कामबाट छोटो बिदा" लिने बताएका थिए।

    सञ्जय दत्त र उनकी पत्नी मान्यताले छुट्टाछुट्टै विज्ञप्ति जारी गर्नै प्रशंसकहरूलाई उनको अवस्थाबारे "चिन्ता नलिन वा अनावश्यक अनुमान नगर्न" आग्रह गरेका छन्। आफ्ना केशविन्यासकार आलिम हकिमको सलोनमा खिचिएको भिडिओमा दत्तले देब्रे आँखीभौँदेखि टाउकोको छेउसम्म बनेको एउटा दाग देखाएका छन्।

    "यो मेरो जीनवको आलो दाग हो। तर म यसलाई परास्त गर्छु। म क्यान्सरबाट चाँडै मुक्त हुन्छ।" दत्तले नयाँ चलचित्रको छायाङ्कनमा जान पाउने भएकोमा प्रसन्नता व्यक्त गरेका छन्।

    विगत

    सन् २०१३ मा पाँच वर्ष जेल परेपछि उनको अभिनययात्रामा विश्राम लागेको थियो। सन् १९९३ मा मुम्बईमा भएका विस्फोटन र बन्दुकसम्बन्धी मुद्दामा उनी दोषी ठहर भएका थिए। ती घटनामा २५७ मानिसको ज्यान गएको थियो भने ७१३ जना घाइते भएका थिए। तर सन् २०१६ मा कारागरबाट छुटेपछि उनी फेरि चलचित्र उद्योगमा फर्किए।

    उनले त्यसपछि अभिनय गरेका केही चलचित्रहरू धेरै सफल भए। रणवीर कपूरले अभिनय गरेको दत्तको जीवनकथामा आधारित चलचित्र धेरै चल्यो। सञ्जय दत्तले आफू लागुपदार्थको दुर्व्यसन र मुम्बई घटनामा दोषी ठहर भएको विषयमा खुलेरै अन्तर्वार्ता दिएका छन्।

    ती घटनाले आफूलाई बलियो बनाएको उनको भनाइ छ। उनकी आमा नरगिसको सन् १९८१ मा र पहिली पत्ती ऋचा शर्माको १९९६ मा क्यान्सरकै कारण मृत्यु भएको थियो। उनका बुवा सुनील दत्त र आमा नरगिस दुवै जना कलाकार थिए। सुनीत दत्त पछि राजनीतिमा पनि लागे।

    समाचार: बीबीसी नेपाली सेवा 


    आश्विन ३०, २०७७ शुक्रवार १६:१०:२९ बजे : प्रकाशित

    अर्कोसमाचार

    साउथ फिल्मबाट आफ्नो करियर सुरु गर्ने बलिउडका यी चर्चित अभिनेत्री

  • 334
    SHARES
  • साउथ फिल्मबाट आफ्नो करियर सुरु गर्ने बलिउडका यी चर्चित अभिनेत्री

    काठमाडौँ। साउथ फिल्म सामूहिक रूपमा दक्षिण भारतको पाँच अलग फिल्म उद्योगहरूको सगोलमा चिनिन्छ। जसमा, तमिल, तेलुगु, मलयालम, कन्नड़ र  तुलु फिल्म उद्योगहरूको समावेशीकरण रहेको छ। यी सबै फिल्म उद्योगका एकल इकाईहरु चेन्नई, हैदराबाद, कोची, बेंगलुरु, म्याङलोर र त्रिवेंद्रममा अवस्थित् छन्।

    यद्यपि लामो समय देखि एक फिल्म उद्योगको रुपमा विकसित भएपनि कलाकारहरु आफुलाई बलिउडमा स्थापित गर्न पाउँदा आफ्नो भाग्य उदय भएको मान्ने गर्छन्। 

    जान्नुहोस् साउथ फिल्मबाट आफ्नो करियर शुरु गर्ने बलिउडका चर्चित अभिनेत्री

    १. प्रियंका चोपडा : बलिउड देखि हलिउडसम्म नाम कमाउन सफल अभिनेत्री हुन्, प्रियंका चोपडा । तर बलिउडमा प्रवेश गर्नु भन्दा अघि साउथबाट उनले आफ्नो फिल्मको करियर शुरु गरेकी थिइन्।  उनले सन् २००२ को तमिल फिल्म थामिझामबाट आफ्नो अभिनय शुरु गरेकी थिइन्। 

    २. एश्वर्या राय बच्चन : एक समयकी मिस वर्ल्ड एश्वर्या राय बच्चनले पनि आफ्नो फिल्मी करियर साउथ फिल्मबाट गरेकी थिइन्।  उनले सन् १९९७को मनिरत्नमबाट निर्देशित फिल्म इरुवरबाट आफ्नो बलिउड यात्रा तय गरेकी थिइन्। 

    ३. दीपिका पादुकोण :  बलिउड देखि हलिउडसम्म नाम कमाउन सफल अभिनेत्री हुन्,  दिपिका पादुकोण। उनले बलिउडका सुपरस्टार साहरुख खानसँग ओम शान्ति ओममा जोडी बनाएर बलिउडमा आफ्नो नाम स्थापित गर्न सफल भएकी थिइन्।  तर, एक समय उनले आफ्नो करियर साउथ फिल्मबाट सुरुगरेकी थिइन्।  उनले सन् २००६ मा कन्नड फिल्म  ऐश्वर्यामा अभिनय गरेकी थिइन्। 

    ४. इलियाना डी क्रुज :  इलियानाले पनि बलिउड प्रवेश गर्नु भन्दा अघि साउथ फिल्ममा काम गरेकी थिइन्।  उनले सन् २००६ मा तेलगु फिल्म देवदासुबाट आफ्नो अभिनय क्षेत्रलाई सुरुवात गरेकी थिइन्। 

    ५. यामी गौतम :गौताम यस्ती अभिनेत्री जसले आफ्नो करियर विज्ञापनबाट सुरु गरेकी हुन्। विज्ञापनबाट सुरु गरेकी उनि अहिले बलिउडमा एक स्थापित नाम हुन्।  उनले पनि आफ्नो पहिलो फिल्म साउथबाट गरेकी थिइन्।  उनले कन्नड फिल्म उल्लास उत्साहबाट अभिनय सुरु गरेकी थिइन्। 

    ६. श्रीदेवी : बलिउडको एक चर्चित नाम हो, श्रीदेवी।  अभिनयले मात्रै हैन आफ्नो अन्दाज र नृत्यले लाखौंको मुटुमा बस्न सफल अभिनेत्री श्रीदेवीले पनि आफ्नो करियर साउथ फिल्मबाट गरेकी थिइन्।  उनले सन् १९६७ देखि आफ्नो अभिनय क्षमता प्रस्तुत् गर्दै आएकी छिन्।  शुरुवाती दिनमा उनले बालकलाकारको भूमिकाबाट आफ्नो अभिनय सुरु गरेकी थिइन्। 

    ७. कृति सेनन : बलिउडमा प्रवेशमा गर्नु भन्दा अघि कृति सेननले आफ्नो करियर साउथ फिल्मबाटै गरेकी थिइन्।  उनले साउथका चर्चित अभिनेता महेश बाबुसँग काम गर्ने मौका पाएकी थिइन्।  दुवै अभिनेताले अभिनय गरेको उक्त फिल्म अहिले पनि लोकप्रिय छ।  सो फिल्मको नाम हो नेनोक्कादीन र यसको बजेट ७० करोड भारतीय रुपैंया रहेको थियो। 

    ८. हेमा मालिनी : कुनै समय बलिउडकी ड्रिम गर्ल भनेर चिनिने हेमा मालिनीले पनि आफ्नो अभिनयको सुरुवात साउथ चलचित्रबाट गरेकी थिइन्।  उनले सन् १९६ ३को साउथ फिल्म इधु सथियमबाट आफ्नो अभिनय करियर सुरु गरेकी हुन्। 

    ९. तपसी पन्नु : अहिले बलिउडमा आफ्नो नाम स्थापित गर्न सफल अभिनेत्री हुन्, तपसी पन्नु।  उनले बलिउडका सर्वोकृष्ट अभिनेताहरु सँग पनि काम गरिसकेकी छिन्।  उनले आफ्नो करियरको सुरुवातमा सन् २०१० मा साउथको फिल्म जुमाण्डी नादनबाट गरेकी थिइन्। 

    १०. रेखा : हिन्दी सिनेमा जगतमा इभरग्रिन अभिनेत्री हुन्, रेखा।  बलिउड करियरमा दर्जनौँ सुपरहिट चलचित्र दिएकी रेखाले आफ्नो करियरको सुरुवात साउथ फिल्मबाट गरेकी थिइन्।  उनको सो फिल्मको नाम थियो, अपरेशन ज्याकपट नल्ली सीआइडी। 

    ११. दिशा पटानी : बलिउडमा आफ्नो अभिनय क्षमताका साथ साथै आफ्नो रुपले लाखौँ दर्शकलाई घायल बनाउन सफल दिशाले पनि आफ्नो करियरको सुरुवात साउथको फिल्मबाट गरेकी थिइन्।  उनले पहिलो साउथ फिल्म थियो, लोफर।  यस फिल्ममा सफलता हाँसिल गरेपछि उनले एम.एस धोनी फिल्म पाएकी हुन्।    


    कार्तिक १४, २०७७ शुक्रवार १८:४९:३० बजे : प्रकाशित

  • सम्बन्धित विषय:

  • # साउथ फिल्म
  • # बलिउड
  • # अभिनेत्री

  • क्यानाडानेपाल डेस्क

    बलिउड अभिनेत्री काजल अग्रवाल आज बिहे गर्दै

  • 302
    SHARES
  • बलिउड अभिनेत्री काजल अग्रवाल आज बिहे गर्दै

    काठमाडौं । बलिउड तथा दक्षिण भारतीय फिल्मकी अभिनेत्री काजल अग्रवाल आज वैवाहिक जीवन बाँधिँदैछिन् । उनले प्रेमी गौतम किचलुसँग बिहे गर्न लागेकी हुन् ।

    कोभिड महामारीका कारण सीमित पारिवारिक जमघटका बीच काजलको बिहे हुँदैछ । काजलले अक्टोबर ६ मा आफूले विवाह गर्न लागेको जानकारी दिएकी थिइन् ।

    काजोलको मेहेन्दी कार्यक्रम बिहीबार आयोजना गरिएको थियो । बलिउडमा चलचित्र ‘सिंघम’मा काम गरेपछि काजलको चर्चा चुलिएको थियो । साउथमा भने उनी निकै चर्चित छिन् ।


    कार्तिक १४, २०७७ शुक्रवार १२:१७:३७ बजे : प्रकाशित

  • सम्बन्धित विषय:

  • # काजल अग्रवाल
  • # बलिउड अभिनेत्री

  • क्यानाडानेपाल डेस्क

    विवाह गर्न नमानेपछि अभिनेत्रीमाथि चक्कु प्रहार 

  • 808
    SHARES
  • विवाह गर्न नमानेपछि अभिनेत्रीमाथि चक्कु प्रहार 

    काठमाडौं - बलिउड अभिनेत्री मालवी मल्होत्रामाथि चक्कु प्रहार भएके छ् । सोमबार बेलुका अभिनेत्री मालवी चक्कु प्रहार भएको हो । चक्कु प्रहारबाट घाइते भएकी उनको मुम्बईस्थित कोकिलाबेन अस्पतालमा उपचार भइरहेको छ । 

    उनीमाथि मुम्बईको बर्सोवा क्षेत्रमा चक्कु प्रहार भएको हो। अभिनेत्री मालवीले आफूमाथि चक्कु प्रहार गर्ने प्रोड्यूसर योगेश मालवी रहेको बताएकी छिन् ।

    malabi malhotra.PNG

    आफूसँग विवाह गर्न नमानेको आरोपमा योगेश मालवीले चक्कु प्रहार गरेको अभिनेत्री मालवीको आरोप छ । योगेश उनका फेसबुकका साथि हुन् । 
     
    घटनापछि मालवीले भनिन् - ५ मिनेट टाढा कफी पसल थियो, त्यहाँबाट म फर्किरहेकी थिएँ। त्यसपछि अचानक योगेश आफ्नो कारबाट आएर मसँग कुरा गर्न खोजे। त्यसपछि उसले मलाई आफ्नो कार तिर लाग्यो र चक्कु प्रहार गर्यो।

    वास्तवमा ऊ मेरो अनुहारमा आक्रमण गर्न चाहान्थ्यो तर मैले उसको अनुहारमा हात राखिदिए। उसको स्क्वायर मेरो दाहिने हातमा थियो। त्यसपछि म भुइँमा लोटे पछि केही व्यक्ति मेरो सहयोगका लागि आए र मलाई अस्पताल लगे।

    m.jpg


    कार्तिक १३, २०७७ बिहिवार २०:३८:४२ बजे : प्रकाशित

  • सम्बन्धित विषय:

  • # मालवी मल्होत्रा

  • क्यानाडानेपाल डेस्क

    एउटै फिल्मको यति धेरै पारिश्रमिक लिन्छन् महेश बाबू, कति छ सम्पत्ति ?

  • 2.8K
    SHARES
  • एउटै फिल्मको यति धेरै पारिश्रमिक लिन्छन् महेश बाबू, कति छ सम्पत्ति ?

    काठमाडौं - साउथ फिल्मका चर्चित अभिनेता हुन् महेश बाबु । १९७९ मा कमियो नीडा मा बालकलाकारको भुमिका निभाएर अभिनय शुरु गरेका उनी नयाँ फिल्मका कारण मात्र नभई सामाजिक कार्यबाट पनि चर्चामा आइरहने गर्छन् । 

    यसैबीच हालै उनले बाढी पिडितका लागि ठुलो रकम सहयोग गरेर चर्चामा आएका थिए । हालसम्म धेरै फिल्ममा अभिनय गरिसकेका उनका धेरै प्रशंसकहरू छन् ।

    li-korea.jpg

    भारतिय मिडियाका अनुसार उनी दक्षिण भारतीय फिल्म उद्योगका सबैभन्दा धेरै पारिश्रमिक बुझ्ने अभिनेता पनि हुन् । 

    उनले एक फिल्ममा काम गरेको २० देखि २२ करोडसम्म पारिश्रमिक लिने गर्छन् । उनका हरेक फिल्मले बक्सअफिसमा राम्रो व्यापार पनि गरेका छन् । फिल्ममा उनको लुक्स, अभिनय र स्टाइल धेरैले रुचाउने गर्छन् । 

    भारतिय मिडियाका अनुसार उनको १५० करोडभन्दा बढी सम्पत्ति रहेको छ । उनलाई साउथ सुपरस्टार रजनीकान्त धेरै नै मनपर्ने गर्छ ।  


    कार्तिक १३, २०७७ बिहिवार १९:४३:४१ बजे : प्रकाशित

  • सम्बन्धित विषय:

  • # महेश बाबू

  • क्यानाडानेपाल डेस्क

    श्रद्धा कपूर नागिन बन्दै 

  • 666
    SHARES
  • श्रद्धा कपूर नागिन बन्दै 

    काठमाडौं । बलिउडकी चर्चित अभिनेत्री हुन् श्रद्धा कपूर ।  सन् २०१० को फिल्म ुतीन पत्तीु बाट अभिनय यात्रा शुरु गरेकी श्रद्धाले हालसम्म धेरै फिल्ममा अभिनय गरिसकेकी छिन् । 

    भारतिय मिडियाका अनुसार उनी फेरि ठूलो पर्दामा देखिदैछिन् । फिल्ममा उनी पहिलो पटक नागिनको भूमिकामा देखिने बताइएको छ । विशाल फुरियाले निर्देशन गर्ने फिल्म नागिन मा उनले इच्छाधारी नगिन बन्न लागेकी हुन् । 

    shraddhakapoor.jpg

    आफू इच्छाधारी नगिन बन्न लागेको बारे उनले सामाजिक सञ्जालमार्फत जानकारी गराएकी हुन् । प्रेमकथामा आधारित रहने यस फिल्मको कथा मनपरेपछि उनले फिल्म साइन गरेकी हुन् । 

    उनले यस फिल्मलाई लिएर आफू उत्साहित भएको बताएकी छिन् । यसअघि पनि ८० को दशकमा श्रीदेवीले नागिन बनेर सबैको मन जितेकी थिइन्  ।

    फिल्मलाई निखिल द्विवेदी, विशाल फुरिया र सैफरान ब्राडकास्ट तीनजना मिलेर बनाउन लागेको भारतिय मिडियाका बताइएको छ । 


    कार्तिक १३, २०७७ बिहिवार १३:२३:०५ बजे : प्रकाशित

  • सम्बन्धित विषय:

  • # श्रद्धा कपूर

  • क्यानाडानेपाल डेस्क

    अभिनेत्री काजल अग्रवालको विवाह भोलि हुँदै, को हुन् बेहुला ?

  • 7.6K
    SHARES
  • अभिनेत्री काजल अग्रवालको विवाह भोलि हुँदै, को हुन् बेहुला ?

    काठमाडौं - साउथ फिल्म तथा बलिउडकी चर्चित अभिनेत्री काजल अग्रवालको विवाह भोलि अर्थात ३० अक्टोबरमा हुँदैछ । काजलको परिवारले उनलाई मिल्दो बेहुला व्यवसायी गौतम किचलूलाई खोजेका छन् । 

    व्यवसायी गौतम किचलूसँग काजलले भोलि मुम्बईमा विवाह गर्दैछिन् । काजलको घरमा अहिले विवाहको धमाधम तयारी भइरहेको छ । कोरोनाभाइरसको जोखिम अवस्थामान विवाहमा नजिकको आफन्त, साथीहरू मात्र बोलाइने बताइएको छ ।  

    काजलले विवाहपछि पनि आफ्नो कामलाई निरन्तरता दिने बताएकी छिन् । विवाहको कार्यक्रम दुई दिन चल्ने बताइएको छ । 

    बलिउडमा फिल्म 'क्यों हो गया ना' बाट डेब्यू गरेकी उनी पछि साउथ फिल्ममा लागेकी थिइन् । उनले हालसम्म धेरै फिल्ममा अभिनय गरिसकेकी छिन् ।  


    कार्तिक १३, २०७७ बिहिवार १२:०८:१८ बजे : प्रकाशित

  • सम्बन्धित विषय:

  • # काजल अग्रवाल

  • क्यानाडानेपाल डेस्क