• May 10 2021 | २०७८, बैशाख २७गते

२०७८, बैशाख २७गते

भारतीय विमान सेवा किन सामुद्रिक विमानमा परिणत हुँदैछ ?

कार्तिक १४ २०७७
  • 1.3K
    SHARES
  • भारतीय विमान सेवा किन सामुद्रिक विमानमा परिणत हुँदैछ ?

    बीबीसी।  भारतीय वायुसेवा स्पाइस जेट महामारीमा यात्रा वृद्धिका निम्ति सामुद्रिक विमानमा परिणत हुँदैछ। देशको ठूलो क्षेत्रीय विमान सेवाले १८ वटा समुद्री मार्गका निम्ति अनुमति पाएको छ। त्यसमध्येको एउटा मार्ग गुजरातस्थित केवडियासम्मको छ जहाँ भारतका 

    पहिलो गृहमन्त्री वल्लभ भाइ पटेलको सम्मानमा निर्मित विश्वकै अग्लो १८२ मिटरको सालिक छ। महामारीका बेला स्पाइस जेटले कार्गो ढुवानी र साना जहाजबाट क्षेत्रीय उडान लगायतका आम्दानीका नयाँ स्रोतमा आफूलाई केन्द्रित गरेको छ।

    सामुद्रिक विमानका लाभ के हुन्?

    विमान सेवा कम्पनीहरूले कोरोनाभाइरसको महामारीका बेला नाफा कायम राख्न सङ्घर्ष गरेका छन्। कैयौँले अस्तित्व कामय राख्न सकेका छन् र व्यापक रूपमा रोजगारी कटौती गरेका छन्। केही विमान सेवाले आयस्रोतका वैकल्पिक बाटो खोजिरहेका छन्।

    स्पाइस जेटका अध्यक्ष अजय सिंहले भारत सरकारद्वारा प्रोत्साहनको प्रयासको सङ्ज्ञा दिँदै सामुद्रिक विमानले क्षेत्रीय सम्पर्क विस्तारमा सहयोग गर्ने बताए। "निकै महँगा विमानस्थल र धावनमार्गविना नै विमानहरू साना जलाशय र छोटा धावनमार्गमा अवतरण र त्यहाँबाट उडान गर्न सक्छन्।"

    भारतीय प्रधानमन्त्री नरेन्द्र मोदीले वल्लभ भाइ पटेलको १४५ औँ जन्म जयन्तीका अवसरमा शनिवार अहमदावाददेखि केवडियासम्मको उडानमा सहभागी हुने ठानिएको छ। ३० मिनेट लामो उडानमार्फत् स्पाइसको विमानले सेवा सुरु गर्नेछ, जसको एकतर्फको भाडा भारतीय रुपैयाँ १५ बाट सुरु हुनेछ।

    ट्वीनअटरको प्रयोग

    स्पाइस जेटले आफ्ना ३०० वटा ट्वीनअटर जहाजलाई सामुद्रिक विमानको रूपमा प्रयोग गर्नेछ। तीनमा यात्रु र चालक दलका सदस्य‍सहित १९ जना अटाउन सक्छन्। फ्लाइट ग्लोबल म्यागेजिनका ग्रेग वाल्ड्रोन भन्छन्, "साना सेवा प्रदायकमाझ ट्वीनअटर निकै लोकप्रिय छ र मालदिभ्स लगायतमा सामुद्रिक विमानको रूपमा निकै प्रयोग भइरहेका छन्।" उनका अनुसार सानो आकारले गर्दा ती जहाज ठूला विमान पुग्न अव्यावहारिक हुने ठाउँहरूमा पनि पुग्न सक्छन्।

    स्पाइस जेटले नागपुर, गुवाहाटी र मुम्बईमा सन् २०१७ मा भारतमा सामुद्रिक विमानको परीक्षण सुरु गरेको थियो। उसले जलाशय र अन्तरदेशीय जलमार्गहरूमार्फत् हवाई सम्पर्कको सम्भावना खोजी गरिरहेको छ। भारतमा राष्ट्रव्यापी लकडाउनका बेला स्पाइस जेटले १० लाखभन्दा बढी भारतीयलाई स्वदेश फर्काउँदा सक्रिय रूपमा उडान गरेको थियो।


    कार्तिक १४, २०७७ शुक्रवार १७:२०:४२ बजे : प्रकाशित

    अर्कोसमाचार

    विश्वभर कोरोना संक्रमणबाट ज्यान गुमाउनेको संख्या ३२ लाख ९६ हजार, हेर्नुहोस् कुन देशमा कति संक्रमित र मृत्यु ?

    बैशाख २६

  • 374
    SHARES
  • विश्वभर कोरोना संक्रमणबाट ज्यान गुमाउनेको संख्या ३२ लाख ९६ हजार, हेर्नुहोस् कुन देशमा कति संक्रमित र मृत्यु ?

    काठमाडौं । विश्वका विभिन्न देशमा पछिल्लो समय कोरोनाभाइरसको संक्रमण पुन बढ्न थालेको छ । विभिन्न देशमा नयाँ भेरियन्टसहितको कोरोनाभाइरस देखिएको छ ।

    कोरोना संक्रमणका बीच विभिन्न देशमा कोरोना खोप पनि लगाइएको छ । वर्ल्डोमिटर्सको तथ्यांक हेर्दा अहिले भारत लगायत केही देशमा संक्रमितको संख्या तिव्र रुपमा बढेको देखिन्छ ।

    वर्ल्डोमिटर्सको तथ्यांक अनुसार विश्वभर कोरोना संक्रमितको संख्या १५ करोड ८३ लाख २७ हजार ६ सय २६ पुगेको छ भने कोरोना संक्रमणबाट ज्यान गुमाउनेको संख्या ३२ लाख ९६ हजार ८ सय ३५ पुगेको छ ।

    त्यस्तै हालसम्म विश्वमा १३ करोड ५७ लाख ७८ हजार ४ सय ८४ कोरोना संक्रमित उपचारपछि निको भइसकेका छन् । त्यस्तै अमेरिकामा मात्र कोरोनाको संक्रमणबाट ५ लाख ९५ हजार ५ सय ८८ जनाको मृत्यु भएको छ भने संक्रमितको संख्या ३ करोड ३४ लाख ५४ हजार ५ सय ८१ पुगेको छ । यस्तै अमेरिकामा २ करोड ६४ लाख ५ हजार ८ सय ७१ कोरोना संक्रमित निको भइसकेका छन् । 

    त्यस्तै ब्रजिलमा कोरोनाको संक्रमणबाट मुत्यु हुनेको संख्या ४ लाख २१ हजार ४ सय ८४ पुगेको छ भने संक्रमितको संख्या १ करोड ५१ लाख ५० हजार ६ सय २८ पुगेको छ ।

    fff.PNG


    बैशाख २६, २०७८ आइतवार १०:२८:१९ बजे : प्रकाशित

  • सम्बन्धित विषय:

  • # कोरोना भाइरस
  • दिल्लीमा फेरि थप एक साता लकडाउन, केजरीवालले भने - लकडाउन गर्नु रहर नभई बाध्यता हो

    बैशाख २६

  • 218
    SHARES
  • दिल्लीमा फेरि थप एक साता लकडाउन, केजरीवालले भने - लकडाउन गर्नु रहर नभई बाध्यता हो

    काठमाडौं - भारतको दिल्लीमा लकडाउन एक साताको लागि थपिएको छ । कोरोनाभाइरसको संक्रमण तिव्र गतिमा बढेपछि फेरि एक साता लकडाउन थप गर्ने मुख्यमन्त्री अरविन्द केजरीवालले निर्णय गरेका हुन् । 

    कोरोना संक्रमित बढ्दै जाने क्रम नरोकिए पछि लकडाउन लम्बाइएको केजरीवालले बताएका छन् । उनले लकडाउन नै कोरोना नियन्त्रणको मुख्य उपाय भएको र लकडाउन गर्नु रहर नभई बाध्यता भएको बताएका छन् । 

    अब लकडाउन १७ मे सम्म चल्ने भारतिय मिडियामा जनाइएको छ । यसअघि दिल्लीमा मे ३ र मे १० मा गरी दुई पटक लकडाउन बढाइएको छ ।  

    भारतमा पछिल्लो २४ घण्टामा ४ लाख बढीमा कोरोना संक्रमण देखिएको छ भने ४१ सय बढीले ज्यान गुमाएका छन् । यससँगै भारतमा कोरोना संक्रमितको कुल संख्या २ करोड १८ लाख ८६ हजार नाघेको पुगेको छ । 


    बैशाख २६, २०७८ आइतवार १३:४९:५३ बजे : प्रकाशित

  • सम्बन्धित विषय:

  • # कोरोना भाइरस
  • काबुलमा विद्यालय बाहिर तीन वटा बिस्फोट, विद्यार्थी समेत कम्तीमा ५० जनाको मृत्यु

    बैशाख २६

  • 182
    SHARES
  • काबुलमा विद्यालय बाहिर तीन वटा बिस्फोट, विद्यार्थी समेत कम्तीमा ५० जनाको मृत्यु

    काबुल – अफगानिस्तानको काबुलस्थित एउटा बालिका माध्यमिक विद्यालय बाहिर भएका तीन वटा बिस्फोटमा परेर मृत्यु हुनेको संख्या ५० पुगेको प्रहरीले जनाएको छ । 

    प्रहरीका अनुसार शैयद उल सौहादा माध्यमिक विद्यालय बाहिर शनिबार अपराह्न ४ बजे भएको उक्त बिस्फोटमा अरु १०० भन्दा बढी व्यक्ति घाइते भएका छन् । 

    काबुल प्रहरीका प्रवक्ता फरदौस फरामर्जले एउटा बिस्फोटको प्रारम्भिक अवस्था हेर्दा कार बम बिस्फोटजस्तो देखिएको बताए । अन्य दुई वटा बिस्फोटन भने बारुदी सुरुङबाट भएको प्रवक्ता फरदौसले बताए ।

    विद्यार्थीहरु विद्यालय छुट्टी भएर आआफ्ना घरतिर जानै लाग्दा बिस्फोट भएको छ । अधिकांश पीडितहरु विद्यालयका केटाकेटी रहेको अनुमान गरिएको छ । बाटो हिँड्ने व्यक्तिहरुको पनि मृत्यु वा घाइते भएका प्रहरीको भनाई छ । 

    अफगानिस्तानको सबैभन्दा ठूलो विद्रोही समूह तालिबान भने उक्त घटनामा आफ्नो संलग्नता नरहेको जनाएको छ । यस घटनामा इस्लामिक स्टेटको संलग्नता रहेको तालिबानको आरोप छ । 

    अफगानिस्तानका राष्ट्रपति मोहम्मद अश्रफ घानीले उक्त आक्रमणको निन्दा एवं भत्र्सना गरेका छन् । उनले घाइतेको सर्वोत्तम उपचारको प्रबन्ध मिलाउन स्वास्थ्य अधिकारीहरुलाई निर्देशन पनि दिएका छन्।सिन्ह्वा


    बैशाख २६, २०७८ आइतवार १४:१४:०१ बजे : प्रकाशित

  • सम्बन्धित विषय:

  • # काबुल
  • चिनियाँ रकेटका भग्नावशेष माल्दिभ्स नजिक महासागरमा खसे

    बैशाख २६

  • 228
    SHARES
  • चिनियाँ रकेटका भग्नावशेष माल्दिभ्स नजिक महासागरमा खसे

    बेइजिङ – चीनको लङ मार्च ५बी रकेटका भग्नावशेष हिन्द महासागरमा आइतबार खसेको चिनियाँ अन्तरिक्ष इन्जिनियरिङ कार्यालयले जनाएको छ । गत अप्रिलमा प्रक्षेपण गरिएको उक्त रकेटले अन्तरिक्षमा चीनको पहिलो स्टेशन बनाउन मद्दत गर्ने लक्ष्य राखिएको थियो । 

     

    कार्यालयका अनुसार चाङ झेङ ५बी नामको रकेट पृथ्वीको वायुमण्डलमा यही मे ९ तारिखको बिहान १० बजेर २९ मिनेटमा पुनः प्रवेश गरेको थियो, र उक्त रकेट हिन्द महासागरमा माल्दिभ्स नजिक खसेको थियो । 

    पृथ्वीको वायुमण्डलमा प्रवेश गर्नासाथ उक्त रकेटको अधिकांश भाग आगो लागेर ध्वस्त भइसकेको थियो, कार्यालयको विज्ञप्तिमा उल्लेख छ । 

    गत बुधबार अमेरिकी रक्षा मन्त्रालयले अनियन्त्रित भएको चिनियाँ रकेटको आफूहरुले ट्र्याकिङ गरिरहेको जनाएको थियो । मन्त्रालयले यही साता उक्त रकेटका अवशेष पृथ्वीमा खस्ने बताएको थियो ।

    शुक्रबार चीनले विज्ञहरुले चासो देखाए पनि अनियन्त्रित रकेटबाट पृथ्वीमा कुनै असर नपर्ने दाबी गरेको थियो ।एएनआई


    बैशाख २६, २०७८ आइतवार १९:०२:०३ बजे : प्रकाशित

  • सम्बन्धित विषय:

  • # चिनियाँ रकेट
  • माल्दिभ्सका पूर्व राष्ट्रपति नाशीदमाथि आक्रमण गरेको आरोपमा तेस्रो व्यक्ति पक्राउ

    बैशाख २६

  • 132
    SHARES
  • माल्दिभ्सका पूर्व राष्ट्रपति नाशीदमाथि आक्रमण गरेको आरोपमा तेस्रो व्यक्ति पक्राउ

    माले - माल्दिभ्स प्रहरीले आइतबार पूर्व राष्ट्रपति तथा सभामुख मोहम्मद नशीदमाथिको आक्रमणमा सम्लग्नता रहेको भनी आरोपित तेस्रो व्यक्ति पक्राउ गरेको छ । आक्रमणमा सम्लग्नता रहेका भनिएका दुई आरोपितलाई प्रहरीले शनिवार पक्राउ गरी अनुसन्धान सुरू गरेको बताइएको छ । 

    “मे ३ मा पूर्व राष्ट्रपतिमाथि भएको आक्रमणका तेस्रो योजनाकारलाई आइतबार बिहान पक्राऊ गरिएको छ,” माल्दिभ्सको प्रहरीले ट्वीट गरी जानकारी गराएको छ । आज पक्राउ परेका आरोपित उक्त आक्रमणको ‘प्रमुख’ योजनाकारसमेत रहेको विश्वास प्रहरीले गरेको छ । 

    राजधानी मालेमा बिहीबार बम बिष्फोटनमा ५३ वर्षीय नशीद घाइते भएका थिए । उनी अस्पतालमा उपचाररत छन् भने स्वास्थ्यमा क्रमशः सुधार आएको बताइएको छ । नशीदको घरनजिकै भएको उक्त घटनामा दुई अन्य व्यक्ति घाइते भएका थिए । 

    घाइते हुनेमा नशीदका अङ्गरक्षक र जसलाई एक विदेशी नागरिक पैदल यात्री घाइते भएका थिए । प्रहरीले नशीदमाथि भएको आक्रमणलाई आतङ्कवादी आक्रमण बताएको छ ।एएनआई

     


    बैशाख २६, २०७८ आइतवार १९:५२:३२ बजे : प्रकाशित

    गिनीको सुन खानीमा खसेको पहिरोका कारण १५ जनाको मृत्यु

    बैशाख २६

  • 218
    SHARES
  • गिनीको सुन खानीमा खसेको पहिरोका कारण १५ जनाको मृत्यु

    कोनाक्री – पश्चिम अफ्रिकी मुलुक गिनीको उत्तरपूर्वी सिगुइरी क्षेत्रको एउटा सुन खानीमा पहिरो खस्दा कम्तीमा १५ जनाको मृत्यु भएको छ ।

    रेडक्रसका स्थानीय अधिकारीहरुले खानीभित्र अरु मानिस पनि पुरिएको हुन सक्ने बताएका छन् ।पहाडको माथिल्लो भागबाट शुरु भएको पहिरो खानीमाथि खसेको थियो ।

    पहिरोका कारण खानी भित्र कार्यरत मजदूरहरु थुनिएका वा माथिबाट ढुङ्गाले लागेको हो भन्ने यकिन हुन नसकेको अधिकारीहरुको भनाई छ ।सिन्ह्वा


    बैशाख २६, २०७८ आइतवार २०:२९:५७ बजे : प्रकाशित

  • सम्बन्धित विषय:

  • # अफ्रिकी मुलुक गिनी