• May 10 2021 | २०७८, बैशाख २७गते

२०७८, बैशाख २७गते

चितवनमा सुरेन्द्र पाण्डेविरूद्ध पार्टीका कार्यकताले गरे नाराबाजी

मंसिर ६ २०७७
  • 1.3K
    SHARES
  • चितवनमा सुरेन्द्र पाण्डेविरूद्ध पार्टीका कार्यकताले गरे नाराबाजी

    काठमाडौं - चितवनमा सत्तारुढ दल नेपाल कम्युनिस्ट पार्टी (नेकपा)का कार्यकर्ताले नेकपाकै नेता तथा पूर्वमन्त्री सुरेन्द्र पाण्डेमाथि दुर्व्यवहार गरेका छन्। 

    शनिबार नेकपा चितवन राप्ती नगर कमिटीको ‘बैठक तथा प्रशिक्षण’ कार्यक्रममा सुरेन्द्र पाण्डेविरूद्ध उनकै पार्टीका कार्यकर्ताले जुलुस गरेका हुन् । कार्यक्रममा प्रधानमन्त्री केपी ओली पक्षले माधव नेपाल पक्षका नेता पाण्डेविरूद्ध नारा लगाएको बताइएको छ । 

    उक्त कार्यक्रममा १५/२० जनाको समूह प्रवेश गरी नारावाजी गरेको बताइएको छ । उनीहरूले पार्टी एकता जिन्दावाद, गुटको भेला गर्न पाइँदैन, केपी ओली जिन्दावाद भन्दै नारा लगाएका थिए । 

    कार्यक्रममा पाण्डेले बोलिरहेको समयमा नारावाजी गरी बोल्न नदिइएको बताइएको छ । 
     


    मंसिर ६, २०७७ शनिवार १७:१६:४४ बजे : प्रकाशित

  • सम्बन्धित विषय:

  • # सुरेन्द्र पाण्डे
  • अर्कोसमाचार

    डिभीको नतिजा सार्वजनिक, यसरी हेर्नुहोस्

    बैशाख २६

  • 726
    SHARES
  • डिभीको नतिजा सार्वजनिक, यसरी हेर्नुहोस्

    काठमाडौं । अमेरिकी डिभीको नतिजा सार्वजनिक भएको छ ।  सन् २०२२ का लागि खोलिएको डिभीको नतिजा मे ८ अर्थात शनिवार रातीदेखि हेर्न सकिने भएको हो । 

    डिभीको नतिजा सार्वजनिक भएको बारे नेपालस्थित अमेरिकी दूतावासले सूचना जारी गर्दै जानकारी गराएको छ ।  दुतावासले  घरबाट मखउचयनचबm।कतबतभ।नयख यो वेबसाइटमा निःशुल्क डिभी परेको नपरेको नतिजा हेर्न सकिने जनाएको छ । 

    यस्तै दुतावासले डिभी परेकाहरुलाई भिसा अन्तर्वार्ताका लागि अग्रिम शुल्क पनि नमागिने जनाएको छ । नतिजा हेर्न https://dvprogram.state.gov मा गएर निशुल्क हेर्न सकिनेछ ।

    दूतावासले भनेको छ - 'आज मे ८ अर्थात वैशाख २५ गते नेपाली समयअनुसार रातिको ९:४५ बजेबाट डिभी २०२२ का लागि तपाईंले दिनुभएको आवेदनको नतिजा https://dvprogram.state.gov मा गएर निशुल्क हेर्न सकिनेछ, र नतिजा हेर्न आवेदन दिंदा तपाईंलाई उपलब्ध गराइएको कन्फर्मेशन नम्बरको प्रयोग गर्नुपर्नेछ।'


    बैशाख २६, २०७८ आइतवार ०९:०३:३३ बजे : प्रकाशित

  • सम्बन्धित विषय:

  • # डिभी
  • अस्पतालमा शय्या भरिएपछि काठमाडौँका कोरोना संक्रमित हेलिकोप्टरमार्फत चितवन लगिदै

    बैशाख २६

  • 210
    SHARES
  • अस्पतालमा शय्या भरिएपछि काठमाडौँका कोरोना संक्रमित हेलिकोप्टरमार्फत चितवन लगिदै

    चितवन - राजधानी काठमाडौँसहित देशका मुख्य ठूला शहरका अस्पतालमा शय्या भरिएपछि हेलिकोप्टरमार्फत यहाँ सङ्क्रमित ल्याउन थालिएको छ । यहाँ अक्सिजन र शय्याको अभाव हालसम्म नदेखिएपछि अन्यत्रबाट यहाँ सङ्क्रमित ल्याउने क्रम बढेको हो ।जिल्लाको सरकारी भरतपुर अस्पताल, चितवन मेडिकल कलेज र कलेज अफ मेडिकल साइन्सेजमा कोभिड उपचार हुँदै आएको छ । 

    यहाँकै विपी कोइराला मेमोरियल क्यान्सर अस्पतालले पनि क्यान्सरका बिरामी र कर्मचारी सङ्क्रमित भएमा राख्नका लागि २० शय्याको कक्ष तयार गरेको छ । यी सबै अस्पतालका आफ्नै अक्सिजन प्लान्ट भएकाले हालसम्म अक्सिजनको अभाव देखिएको छैन ।

    चितवन मेडिकल कलेजका प्रमुख कार्यकारी निर्देशक प्रताप देवकोटाका अनुसार हालसम्म काठमाडौँबाट दुई, नेपालगञ्जबाट दुई, दाङ र भैरहवाबाट एक÷एक सङ्क्रमितलाई हेलिकोप्टरबाट यहाँ ल्याइएको छ । 

    आज मात्रै एक सङ्क्रमितलाई काठमाडौँबाट हेलिकोप्टरमार्फत यहाँ ल्याइएको उहाँले जानकारी दिनुभयो । उहाँका अनुसार एम्बुलेन्स र अन्य साधन प्रयोग गरी धेरै टाढाबाट आउने सङ्क्रमितको सङ्ख्या ठूलो छ । उहाँले भन्नुभयो, “यसरी आउनेको यकिन तथ्याङ्क त छैन तर ठूलो सङ्ख्यामा काठमाडौँलगायतका ठूला शहरबाट सङ्क्रमित यहाँ आएका छन् ।” रासस


    बैशाख २६, २०७८ आइतवार ०९:५७:५० बजे : प्रकाशित

  • सम्बन्धित विषय:

  • # कोरोना भाइरस
  • गुल्मीका ७ वर्षीय बालकले पाँचौँ दिनमा जिते कोरोना 

    बैशाख २६

  • 198
    SHARES
  • गुल्मीका ७ वर्षीय बालकले पाँचौँ दिनमा जिते कोरोना 

    तम्घास - गुल्मीमा एक सात वर्षीय बालकले पाँचौँ दिनमा कोरोनाभाइरसलाई जितेका छन् । 

    गुल्मीको मदाने गाउँपालिकाले सञ्चालन गरेको कोभिड–१९ विशेष अस्पतालमा रहेका अग्लुङका सात वर्षीय बालक राजेश राउतले कोरोना जितेका हुन्।

    उनलाई श्वास फेर्न गाह्रो हुने र ज्वरो आएपछि अभिभावकले वैशाख २० गते स्वास्थ्यचौकी लगेका थिए । स्वास्थ्यकर्मीले कोरोनाको आशङ्कामा एन्टिजेन परीक्षण गर्दा कोरोना पोजिटिभ देखिएको थियो । 

    कोरोना देखिएपछि गाउँपालिकाले वडा नं ४ म्यालपोखरीमा सञ्चालन गरेको अस्थायी कोभिड अस्पतालमा सा्ेही दिन उनलाई भर्ना गरेर अक्सिजन दिइएको थियो । 


    बैशाख २६, २०७८ आइतवार ११:३०:१० बजे : प्रकाशित

  • सम्बन्धित विषय:

  • # कोरोना भाइरस
  • # गुल्मी
  • बाँके अस्पतालमा एकै रातमा ८ जना कोरोना संक्रमितको मृत्यु

    बैशाख २६

  • 184
    SHARES
  • बाँके अस्पतालमा एकै रातमा ८ जना कोरोना संक्रमितको मृत्यु

    बाँके - बाँकेका अस्पतालमा गए राति कारोना संक्रमणबाट थप ८ जनाको मृत्यु भएको छ । जिल्ला कोभिड सङ्कट व्यवस्थापन केन्द्र बाँकेका अनुसार भेरी अस्पतालमा ५ जना र शिक्षण अस्पताल कोहलपुरमा ३ जना कोरोना संक्रमितको एकैरातमा मृत्यु भएको हो । 

    मृत्यु हुनेहरुमा बढैयाताल गाउँपालिका–१ बर्दिया निवासी ३० वर्षीया महिला, सोही गाउँपालिका–२ निवासी ६५ वर्षीया महिला, दङ्गीशरण गाउँपालिका–५ दाङ निवासी ८५ वर्षीया महिला, नेपालगञ्ज उपमहानगरपालिका–१५ निवासी ७३ वर्षीय पुरुष र नेपालगञ्ज उपमहानगरपालिका–२ निवासी ५३ वर्षीया महिला रहेका छन् ।
     
    यस्तै लम्कीचुहा नगरपालिका–१ कैलाली निवासी ४३ वर्षीय पुरुष, तुलसीपुर उपमहानगरपालिका–६ दाङ निवासी ४९ वर्षीय पुरुष र नेपालगञ्ज उपमहानगरपालिका–११ निवासी ४३ वर्षीय पुरुषको कोरोना संक्रमणबाट गए राति नै मृत्यु भएको हो । 


    बैशाख २६, २०७८ आइतवार १२:४४:१६ बजे : प्रकाशित

    नेपालको भूउपग्रह अध्ययन गर्न चार कम्पनीको प्रस्ताव

    बैशाख २६

  • 154
    SHARES
  • नेपालको भूउपग्रह अध्ययन गर्न चार कम्पनीको प्रस्ताव

    काठमाडौँ – नेपालको आफ्नै भूउपग्रह राख्न आवश्यक अध्ययनका लागि चार कम्पनीले प्रस्ताव गरेका छन् । नेपाल दूरसञ्चार प्राधिकरणले गत मङ्सिरमा पुरानो प्रस्ताव रद्द गरेर भूउपग्रह स्थापनाको नियमन तथा सुरक्षा, व्यापार र सञ्चालन ढाँचाको नीति तय गर्न नयाँ प्रस्ताव आह्वान गरेको हो । प्राधिकरणको प्रस्तावानुसार गत पुसमा देशका नौ कम्पनीले आशयपत्र बुझाएका थिए ।

    आशयपत्र पेश गरेका कम्पनीमध्ये प्राधिकरणले पाँचलाई प्राविधि रुपमा योग्य ठहर गर्दै आर्थिक प्रस्ताव माग गरेको थियो । पाँच कम्पनीसँग प्रस्ताव माग गरिएकामा चारले प्रस्ताव पेश गरेको प्राधिकरणका प्रवक्ता सन्तोष पौडेलले जानकारी दिनुभयो ।

    उहाँका अनुसार भारतको केपिएमजी असुरेन्स एन्ड कन्सल्टिङ सर्भिस एलएलपी, बेलायतको लन्डन इकोनोमिक्स लिमिटेड, फ्रान्सको युरो कन्सल्ट र संयुक्त अरब इमिरेटसको एसथ्री टेल इन्टरनेशनलले आर्थिक प्रस्ताव पठाएका छन् । आर्थिक प्रस्ताव पेश नगर्नेमा अमेरिकाको स्पेस पार्टनरसिप इन्टरनेशनल छ । यसअघि चीनको बेइजिङ स्पेसकी टेक्नोलोजी कम्पनी लिमिटेड, फ्रान्सको युरो कन्सल्ट, बेलायतको लण्डन इकोनिमिक्स लिमिटेड र भारतको केपीएमजी–एग्रोस्याटले आशयपत्र बुझाएका थिए ।

    यसैगरी अमेरिकाको स्पेस, युएईको एसथ्रिटेल, बेलायतको किस्पे स्पेस सिस्टम लिमिटेडको जेभी किस्पे टिम, सिंगापुरको सेलिस्टियल कन्सल्टिङ सर्भिस र जर्मनीको स्पेस टेक पार्टनर छन् । आर्थिक प्रस्ताव पेश गरेका चार कम्पनीमध्येबाट प्रतिस्पर्धाका आधारमा एक कम्पनी छनोट हुनेछ । चालीस प्रतिशत कम्पनीको योग्यता, ५० प्रतिशत अनुभव र १० प्रतिशत क्षमताका आधारमा कम्पनी छनोट गरिनेछ ।

    प्रवक्ता पौडेलका अनुसार छनोटमा परेका चार कम्पनीसँग पहिलो चरणमा प्राविधिक र वित्तीय प्रस्ताव माग गरिने छ । उनीहरुबाट आएको प्रस्ताव अध्ययन गरी प्राधिकरणले भूउपग्रह स्थापनासम्बन्धी आधारभूत कामको जिम्मा एक कम्पनीलाई दिनेछ । सन् २०२२ भित्र आफ्नै स्याटेलाइट सञ्चालनमा ल्याउन गत असारमा भूउपग्रहसम्बन्धी नीति सार्वजनिक गरिएको थियो । यसअघि नेपालको आफ्नै भूउपग्रह राख्ने गरी प्राधिकरणले २०७३ साल असोज २० गते आह्वान गरेको आशयपत्रमा १२ देशका २२ कम्पनीले स्याटेलाइट राख्न रुचि देखाएका थिए ।

    चीन, भारत, जापान, दक्षिण कोरिया, थाइल्यान्ड, सिंगापुर, सउदी अरब, क्यानडा, अमेरिका, फ्रान्स, रुस र इजरायलका गरी २२ कम्पनीले नेपालका लागि स्याटेलाइट राखिदिने रुचिसहित प्रस्ताव पेश गरेका थिए । दूरसञ्चार सेवा प्रदायक रेडियो तथा टेलिभिजन विदेशी भूउपग्रहबाट सञ्चालन हुँदै आएकामा आफ्नै जडान गरेर रेडियो तथा टेलिभिजन सञ्चालन गर्ने सरकारको लक्ष्य रहेको छ ।रासस 


    बैशाख २६, २०७८ आइतवार १४:४८:३९ बजे : प्रकाशित

  • सम्बन्धित विषय:

  • # भूउपग्रह
  • झलनाथ खनाल कोरोना संक्रमणमुक्त, भने - सक्रिय रुपमा कामकाजमा फर्कनेछु 

    बैशाख २६

  • 114
    SHARES
  • झलनाथ खनाल कोरोना संक्रमणमुक्त, भने - सक्रिय रुपमा कामकाजमा फर्कनेछु 

    काठमाडौं - नेकपा एमालेका बरिष्ठ नेता तथा पूर्वप्रधानमन्त्री झलनाथ खनाल कोरोना संक्रमणमुक्त भएका छन् । 

    एक हप्ताअघि कोरोना संक्रमण पुष्टि भएपछि थापाथलीस्थित नर्भिक इन्टरनेशनल हस्पिटल भर्ना भएका उनले आफु कोरोना संक्रमणमुक्त भएको बार सामाजिक सञ्जालमार्फत जानकारी दिएका छन् । 

    उनले आज गरिएको परिक्षणमा रिपोर्ट नेगेटिभ आएको बताएका छन्  । उनले स्वास्थ्य सुधारोन्मुख अवस्थामा रहेको र केहि समयको आराम पछि अस्पतालबाट डिस्चार्ज हुने पनि बताएका छन् । 

    अस्पतालबाट डिस्चार्ज भएपछि सक्रिय रुपमा कामकाजमा फर्कने पनि उनले बताएका छन् । उपचारमा खटिएका सम्पूर्ण स्वास्थ्यकर्मीहरु प्रति हार्दिक आभार ब्यक्त गरेका छन् ।
     


    बैशाख २६, २०७८ आइतवार २२:०८:०६ बजे : प्रकाशित

  • सम्बन्धित विषय:

  • # झलनाथ खनाल