काठमाडौं - पछिल्लो समय साउथ फिल्मका चर्चित अभिनेता प्रभास फिल्म 'सलार' मा व्यस्त छन् । 

केजीएफ फिल्मका निर्देशक प्रशान्त नीलले  निर्देशन गरेको यस फिल्मको सुटिङ केही दिनअघि शुरु भइसकेको छ । फिल्मको सुटिङ अहिले हैदाराबादमा भइरहेको छ । 

केही समयअघि यस फिल्ममा दिशा पटानीको अभिनय रहने बतायएको थियो । तर अहिले भने उनको स्थानमा अर्कि अभिनेत्री आएकी छिन् । भारतिय मिडियाका अनुसार यस फिल्ममा अभिनेत्री क्याट्रिना कैफले अभिनय गर्ने भएकी छिन् । 

फिल्मका निर्माताले दिशालाई भन्दा क्याट्रिनालाई मन पराएको बताइएको छ । पहिलो पटक फिल्म ‘मल्लेसवरी’बाट तेलुगु फिल्ममा अभिनय शुरु गरकी क्याट्रिनाको यो दोस्रो फिल्म हुनेछ । 

केही समयअघि यस फिल्मको फस्टलुक पनि सार्वजनिक भएको थियो । जसमा प्रभाष देखिएका थिए । फस्टलुक दर्शकले निकै रुचाएका थिए । 
 

माघ ७, २०७७ बुधवार १४:०८:५२ बजे : प्रकाशित

काठमाडौं । बलिउड अभिनेत्री अभिनेत्री कंगना रनौतको फिल्म धाकड को नयाँ पोष्टर सार्वजनिक भएको छ । 

हालै सार्वजनिक पोष्टरमा अभिनेता अर्जुन रामपाल देखिएका छन् । आफ्नो फस्टलुक अर्जुनले सामाजिक सञ्जालमार्फत सार्वजनिक गरेका हुन् । 

रजनेश घई निर्देशन गरेको यस फिल्ममा कंगना, अर्जुन, दिव्या दत्त लगायतका कलाकारको अभिनय रहनेछ । यो फिल्म १ अक्टोबरमा रिलीज हुँदैछ ।

कही समयअघि कंगनाको फस्टलुक पनि सार्वजनिक भएको थियो । उक्त पोष्टमा कंगना डरलाग्दो अवतारमा देखिएकी थिइन् । 

माघ ७, २०७७ बुधवार १३:१३:३५ बजे : प्रकाशित

काठमाडौं - बलिउड अभिनेता सलमान खानको नयाँ फिल्म ‘राधे : योर मोस्ट वान्टेड भाइ’ सन् २०२१ को इदमा रिलिज हुने भएको छ । 

सलमान र दिशा पटानीको मूख्य अभिनय रहेको यस फिल्म हलमा नै चलाइने भारतिय मिडियामा बताइएको छ । 

डिजिटल प्लेटफर्मबाट रिलिज हुने तयारीमा रहेको यस फिल्म अब हलमा चलाइने बताइएको छ । प्रदर्शक र वितरकको आर्थिक संकटलाई मध्य नजर गर्दै सलमानले फिल्म हलमा चलाउने निर्णय गरेको बताइएको छ । 

प्रभु देवाको निर्देशन रहेको यस फिल्ममा सलमान र दिशासँगै रण दीप हुण्डा , ज्याकी श्रोफ लगायतका कलाकारको अभिनय रहेको छ ।फिल्ममा सलमानले ठूलै खर्च गरेर दमदार एक्शन दृश्यहरु राखेको बताइएको छ ।   

माघ ६, २०७७ मंगलवार २०:२८:३१ बजे : प्रकाशित

काठमाडौं - साउथ फिल्मका चर्चित अभिनेता विजयको नयाँ फिल्म ‘मास्टर’ ले दर्शकको मन जितेको छ । गएको बुधबारदेखि हलहरुमा प्रदर्शनमा आएको यस फिल्मले शुरुवातदेखि नै धमाकेदार व्यापार गरेको छ । 

भारत बाहिर पनि प्रदर्शनमा आएको यस फिल्मले पहिलो दिनमा नै ४० करोडको कमाई गरेको थियो । भारतिय मिडियाका अनुसार यस फिल्म ५ दिनमा सय करोड क्लबमा प्रबेश गरेको छ । 

यस फिल्मले पहिलो हप्तामा एक सय २५ करोडको कमाई गरिसकेको छ । लोकेश कनागराजको निर्देशन रहेको यस फिल्म हेर्न दर्शकहरुको हलमा भीड लागेको छ । 

३८ सय पर्दामा रिलिज भएको यस फिल्मले तमिलनाडुमा ८१ करोड र आन्ध्र प्रदेशमा २० करोड कमाई गरेको हो । फिल्ममा मास्टरको भूमिकामा विजय देखिएका छन् । एकसाथ पाँच भाषामा रिलिज हुँने यस फिल्ममा एक शिक्षकको कथा प्रस्तुत गरिएको छ ।  
 

माघ ६, २०७७ मंगलवार १८:५६:०० बजे : प्रकाशित

काठमाडौं - दिवंगत अभिनेत्री श्रीदेवीकी कान्छी छोरी हुन् खुशी कपूर । भारतिय मिडियाका अनुसार खुशी अब बलिउडमा डेब्यु गर्ने तयारीमा छिन् । 

श्रीदेवीकी जेठी छोरी जान्हवी कपुरले बलिउडमा पाइला टेकिसकेकी छिन् । उनले फिल्म धडक बाट बलिउडमा डेब्यु गरेकी थिइन् । 

उनका बुवा बोनी कपूरले खुशीले बलिउडमा डेब्यु गर्ने बारे खुलाएका हुन् । एक अन्तर्वार्तामा उनले खुशीको क्यारियर योजना बताएका थिए । 

उनले अन्तवार्तामा खुशीलाई अभिनयको धेरै मनपर्ने बताउदै चाँडै यससँग सम्बन्धित ठूलो घोषणा सुन्न सकिने बताए । उनले निर्माताले फिल्मको प्रस्ताव गरेको पनि संकेत गरे । 
  

माघ ६, २०७७ मंगलवार १४:४७:१४ बजे : प्रकाशित

काठमाडौं - बलिउड अभिनेता इमरान हाश्मी फेरि फिल्म क्षेत्रमा देखिदैछन् । फिल्म 'मुम्बई सागा' मा उनी देखिने भएपछि चर्चामा पनि आएका छन् । 

उनको एक्सन क्राइम फिल्म मुम्बई सागा मा अभिनेता जोन अब्राहम पनि देखिदैछन् । फिल्ममा इमरान एक प्रहरीको भूमिकामा देखिदैछन् भने जोन ग्याङस्टारको भूमिकामा देखिनेछन् । 

सञ्जय गुप्ताले निर्देशन गरेको यस फिल्मको ट्रेलर पनि अब छिट्टै रिलिज हुने बताइएको छ । 

भारतिय मिडियाका अनुसार हालै यस फिल्म अमेजन प्राइममा ६५ करोडमा  बिक्री भएको छ । फिल्ममा इमरान, जोन, सुनील सेट्टी, गुल्सन ग्रोबर, ज्याकी श्राफ, प्रतीक बब्बर लगायतका कलाकारको अभिनय रहेको छ । 

माघ ६, २०७७ मंगलवार ११:२७:१४ बजे : प्रकाशित