काठमाडौं - बलिउडका सेलिब्रेटीहरु विवाहका लागि  धेरै नै चर्चामा आउने गर्छन्।

केही समयअघि बलिउड गायिका नेहा कक्कर र आदित्यनारायण झाबीचको विवाहको चर्चा चलेको थियो । अहिले भने बलिउड अभिनेता बरुण धवनको विवाहको चर्चा छ । बरुणको विवाह बारे गएको बर्ष देखी नै चर्चा चल्दै आइरहेको छ । 

कोरोना महामारीपछि विवाह गर्ने सोच बनाएका बरुण अहिले त्यसको तयारी गरिरहेका छन् ।

लामो समयदेखि प्रेमसम्बन्धमा रहेकी नताशासँग उनले विवाह गर्दैछन् । भारतिय मिडियाका अनुसार उनीहरुको विवाह अलीबागको एक पाँचतारे होटलबाट हुने बताइएको छ । 

उनीहरुले उक्त होटल बुक पनि गरिसकेको चर्चा चलिरहेको छ । फेशन डिजाइनर नताशा र बरुणको चिनजान सानैदेखि थियो । 

एक अन्तावार्तामा बरुणले भनेका थिए मैले जब नताशालाई पहिलोपटक देखेको थिएँ, त्यतिबेला उनी ६ कक्षामा पढ्थिंन् । हामी ११ र १२ कक्षासम्म एकअर्काका मिल्ने साथी थियौं ।

माघ ३, २०७७ शनिवार १८:४८:५५ बजे : प्रकाशित

काठमाडौं - बलिउडका चर्चित अभिनेता हुने सलमान खान । सन् १९८८ मा बिबी हो तो ऐसी मा अभिनय गरेर फिल्म क्षेत्रमा प्रवेश गरेका सलमानले हालसम्म धेरै फिल्ममा अभिनय गरिसकेका छन् । 

एक पछी अर्को फिल्ममा ब्यस्त सलमानका हरेक फिल्म दर्शकले रुचाइरहेका छन् । फिल्म क्षेत्रमै लामो समय गुजारी सकेका सलमान ५५ वर्ष पुग्दा पनि अहिलेसम्म विवाह गरेका छैनन् ।

फ्यानहरुले उनलाई सोधिरहेका हुन्छन् कहिले विहे गर्ने ? तर सलमानको जवाफ सामान्य नै हुन्छ । उनको नाम बलिउडका धेरै अभिनेत्रीहरुसँग जोडिदै आयो । तर केही समय नाम जोडिन्छ, हराउछ । 

कुनै अन्तवार्तामा सलमान गएमा विवाहकै बारे सोधिहाल्छन् । यस्तै फिल्मफेयर म्यागजिनका लागि दिएको अन्तवार्तामा सलमानले विवाह र प्रेमबारे कुरा खुलेका छन् । 

उनले भने - म यस्ती युवतीसँग विवाह गर्न चाहन्छु जसलाई म त्यो दिन सकूँ जुन उससँग उसको घरमा अथवा उसका बाबुआमासँग नभएको होस् ।

केही समयअघि सलमानको पछिल्लो फिल्म अन्तिमको टिजर सार्वजनिक भएको थियो । जसमा उनी आफ्ना ज्वाईसँग भीडन्त गरेको देखिएका थिए । उक्त टिजर दर्शकले निकै रुचाएका थिए । 

माघ ३, २०७७ शनिवार १७:१७:०३ बजे : प्रकाशित

काठमाडौं । साउथ फिल्मका अभिनेता यशको फिल्म 'केजीएफ-२'को टिजरलाई दर्शकले निकै रुचाएका छन् । यस टिजरलाई हालसम्म १५ करोड ३१ लाख बढीले हेरिसकेको छन् । 

यो टिजर अहिले पनि युट्युबको नम्बर एक ट्रेन्डिङमा रहेको छ । छोटो समयमा धेरै लाइक पाउन सफल यस फिल्मको टिजर विवदमा पनि तानिएको छ । टीजरमा यशले मेसिनगनको नालमा चुरोट जलाएको सिन विवादमा आएको हो । 

उक्त सिनमा धुम्रपान तथा मद्यपान स्वास्थ्यका लागि हानिकारक नलेखिएकोले टिजर विवादमा तानिएको हो । यो सन्देश नलेखिएको भन्दै  कर्नाटक राज्यको धुम्रपान तथा मध्यपान सम्बन्धित निकाय एन्टी टोबेको सेलले फिल्मका निर्देशक र अभिनेतालाई नोटिस पठाएको भारतिय मिडियामा जनाइएको छ । 

प्रशान्त निलले निर्देशन गरेको केजीएफको टीजर फिल्म 'केजीएफ-२' को टिजरमा यशको एक्सन सीन देखाइएको छ । 

तेलेगु, तमिल, मलायालम र हिन्दी गरी पाँच भाषामा रिलिज हुने यस फिल्ममा यश र रविनाको मूख्य भुमिका रहेको छ । फिल्ममा यशले शासकको रुपमा भुमिका निर्वाह गरेका छन् । फिल्ममा बलिउड अभिनेता संजय दत्त अधिराको भूमिकामा देखिएका छन् ।

माघ ३, २०७७ शनिवार १३:४२:२५ बजे : प्रकाशित

काठमाडौं  - बलिउड अभिनेत्री कंगना रनौतमाथि फिल्मको कथा चोरेको आरोप लागेको छ । भारतिय मिडियाका अनुसार कंगनामाथि लेखक आशीष कौलले कथा चोरेको आरोप लगाएका हुन् । 

उनले फिल्म 'मणिकर्णिका रिटर्न्स : द लिजेन्ड अफ दिद्दा'को कथाा चोरेको आरोप लगाएका हन् । कौलले कंगनालाई आफ्नो कहानी चोरेको आरोप लगाएपछि फिल्म निर्माता कमल जैन आक्रोशित भएका छन् । 

उनले आशीष कौललाई आफुले नचिन्ने बताउदै उनको किताब पनि आफुले नपढेको बताएका छन् । उनले पहिलेका वीरहरुको कथामा कुनै कपीराइट्स नलाग्ने पनि बताएका छन् । 

गएको माघ १ गते नयाँ फिल्म 'मणिकर्णिका रिटर्न्स : द लिजेन्ड अफ दिद्दा' सार्वजनिक गरेपछि कंगना विवादमा आएकी हुन् । 

माघ ३, २०७७ शनिवार १२:०६:३६ बजे : प्रकाशित

काठमाडौं - बलिउड महानायक अमिताभ बच्चनले भारतकै चर्चित टिभी शो 'कौन बनेगा करोडपति' छाडेका छन् । 

कौन बनेगा करोडपति को सिजन १२ सम्म काम गरेका उनले अब  शो छाड्ने भएका हुन् । भारतिय मिडियाका अनुसार अमिताभले एक ब्लग लेख्दै आफु रिटायर्ड भइसकेको बताएका हुन् । 

उनले शो छोडेको जानकारी दिदै ब्लगमा लेखेका छन् म अब थाकिसकेको छु र रिटायर्ड भइसकेको छु । म माफी चाहन्छु, तपाईहरु सबैसँग , कौन बनेगा करोडपतिको सुटिङको यो अन्तिम दिन निकै लामो रह्यो ।’

उनले हालै केबिसी १२ को अन्तिम एपिसोड छायांकन पुरा गरेका छन् । उनले छायांकन सकिए लगत्तै यस्तो ब्लग लेखेका हुन् । उनले भनेका छन् पाईंहरु सबैको स्नेह र प्रेमले सुटिङको अन्तिम दिन एक विदाईजस्तै बन्यो । 

उनले आफ्नो टिमले गरेको प्रेम र राम्रो व्यवहारका लागि धन्यवाद पनि दिएका छन् । ७८ वर्ष नाघेका अमिताभले अहिले पनि फिल्म क्षेत्रमा निरन्तरता दिदा उनका फ्यानहरु धेरै नै खुशी छन् । फ्यानहरुले उनको साहसको प्रशंसा गरिरहेका छन् ।

माघ १, २०७७ बिहिवार २१:४३:०० बजे : प्रकाशित

काठमाडौं - साउथ फिल्मका चर्चित अभिनेता विजयको नयाँ फिल्म ‘मास्टर’ हलहरुमा प्रदर्शनमा आएको छ । लोकेश कनागराजको निर्देशन रहेको यस फिल्म बुधवार देखि भारत लगायत विभिन्न देशमा पनि प्रदर्शनमा आएको छ । 

भारतिय मिडियाका अनुसार यस फिल्मले पहिलो दिन ४० करोडको कमाई गरेको छ । पहिलो दिन नै बम्पर ओपनिङ गरेको यस फिल्मलाई दर्शकले निकै रुचाएका छन् । 

कोरोनाका कारण लामो समयछि खुलेको फिल्म हलमा दर्शक धेरै नै देखिएका छन् । पहिलो दिन यस फिल्मले तमिलनाडुमा मात्र २३ करोड कमाएको छ भने केरल र कर्नाटकमा ३/३ करोड  र तेलंगाना र आन्ध्र प्रदेश बेल्टमा ४.५ करोड कमाएको छ । 

फिल्ममा मास्टरको भूमिकामा विजय देखिएका छन् । एकसाथ पाँच भाषामा रिलिज हुँने यस फिल्ममा एक शिक्षकको कथा प्रस्तुत गरिएको छ ।  

एक्सन जानरामा निर्माण गरिएको यस फिल्ममा विजयसँगै माल्भिका मोहनन्, एन्ड्रेड जेरेमिह, शान्थानु भाग्यराज, नसर लगायतका कलाकारको अभिनय रहेको छ ।  

माघ १, २०७७ बिहिवार २०:१६:०० बजे : प्रकाशित