• Sep 21 2020 | २०७७, आश्विन ५गते

२०७७, आश्विन ५गते

यो साता चर्चामा:

नेपाल आज म्यान्मासँग भिड्दै, कति बजे हुदैछ खेल ?

कार्तिक २१ २०७६
  • 496
    SHARES
  • नेपाल आज म्यान्मासँग भिड्दै, कति बजे हुदैछ खेल ?

    काठमाडौँ - कतारमा सन् २०२२ मा आयोजना हुने फिफा विश्वकप फुटबल छनोटमा आधा दर्जन खेल खेलिसकेको नेपालले आज म्यान्मासँग मैत्रीपूर्ण खेल खेल्दैछ ।म्यान्माको मन्डला थिरी स्टेडियमा हुने खेलमा नेपालले विजयी लक्ष्य हासिल गर्ने उद्देश्यका साथ म्यान्माको सामना गर्दैछ । खेल नेपाली समयअनुसार अपराह्न ४ः१५ बजे शुरु हुनेछ । 
        
    म्यान्मासँग नेपालले यसअघि एकपटक प्रतिस्पर्धा गरेको थियो जसको नतिजा म्यान्माको पक्षमा थियो । सन् २००८ मा भारतको हैदरावादमा भएको एएफसी च्यालेञ्ज कपमा नेपाल म्यान्मासँग ३–० गोल अन्तरले पराजित भएको थियो ।विश्वकप छनोटमा नेपाल समूह बी मा रहेको छ भने म्यान्मा समूह एफमा छ । विश्वकप छनोटको सबै अवे खेल खेलिसकेको नेपालले होम खेलअन्तर्गत पहिलो खेल कुवेतसँग आगामी मङ्सिर ३ गते दशरथ रङ्गशालामा खेल्नेछ । विश्वकप छनोटमा नेपालले यसअघि खेलेको ४ खेलमा एक खेलमा जित तथा तीन खेलमा हार बेहोरेको छ । 
        
    यसअघि कुवेतसँग अवे खेलमा नेपाल ७–० गोलअन्तरले पराजित भएको थियो भने दोस्रो खेलमा नेपालले चाइनिज ताइपेलाई २–० गोल अन्तरले पराजित गरेको थियो ।त्यस्तै तेस्रो खेलमा अष्ट्रेलियासँग ५–० ले पराजित हुँदा अन्तिम अवे खेलमा नेपाल जोर्डनसँग ३–० गोल अन्तरले पराजित भएको थियो । यता समूह एफमा रहेको म्यान्माले ३ खेल खेलिसक्दा कुनै अङ्क जोड्न सकेको छैन । म्यान्माले यही कात्तिक २८ गते घरेलु मैदानमा ताजिकिस्तानको सामना गर्दैछ ।
        
    नेपाली टोलीको गोलकिपर विकेस कुथु, विशाल श्रेष्ठ र एलन न्यौपाने छन् भने डिफेन्डरमा सरोज दाहाल, अजित भण्डारी, दिनेश राजवंशी, अनन्त तामाङ, देवेन्द्र तामाङ, रजिन धिमाल र सुमन अर्याल छन् । त्यस्तै मिडफिल्डरमा सुनिल बल, रवि पासवान, अञ्जन विष्ट, सुजल श्रेष्ठ, विक्रम लामा, तेज तामाङ, सन्तोष तामाङ, सुवास गुरुङ र मिक्छेन तामाङ तथा फरवार्डमा भरत खवास, विमल घर्ती मगर, अभिषेक रिजाल र नवयुग श्रेष्ठ छन् । 


    कार्तिक २१, २०७६ बिहिवार ०७:२३:०० बजे : प्रकाशित


    अर्कोसमाचार

    माने चम्किँदा लिभरपुलले चेल्सीलाई हरायो

    माने चम्किँदा लिभरपुलले चेल्सीलाई हरायो

    काठमाडौं - गए राति इंग्लिस प्रिमियर लिग च्याम्पियन लिभरपुलले सानदार जित निकालेको छ । निकै रोमान्चक बनेको उक्त खेलमा लिभरपुलले चेल्सीलाई २-० गोलले पराजित गरेको हो । 

    उक्त खेलको पहिलो हाफमा दुवै टिमले कुनै गोल हुन सकेन । दोस्रो हाफमा खेलको ५०औं मिनेटमा लिभरपुलका फरवार्ड साडियो मानेले गोल गरी टिमलाई अग्रता दिलाए । 

    त्यसपछि उक्त गोल गरेको २ मिनेटमै मानेले नै अर्को गोल गरे । चेल्सीले खेलमा गोल गर्ने मौका पाएको थियो । तर गोल गर्न सकेन । 
       


    आश्विन ५, २०७७ सोमवार ०९:२६:४२ बजे : प्रकाशित

  • सम्बन्धित विषय:

  • # चेल्सी
  • # लिभरपुल

  • क्यानाडानेपाल डेस्क

    स्पेनिस ला लिगा : रियल मड्रिड सोसिडाडसँग बराबरीमा रोकियो

    स्पेनिस ला लिगा : रियल मड्रिड सोसिडाडसँग बराबरीमा रोकियो

    एजेन्सी । गए राति स्पेनिस ला लिगा अन्तर्गत भएको खेलमा डिफेन्डिङ च्याम्पियन रियल मड्रिड सोसिडाडसँग बराबरीमा रोकिएको छ । निकै प्रतिस्पर्धात्मक बनेको उक्त खेलमा दुवै मिबाट कुनै गोल हुन सकेन । 

    रियल सोसिडाडको घरेलु मैदान भएको उक्त खेलमा दुवै टिमले गोल गर्ने मौका पाउदा पनि गोल गर्न सकेनन् । गोल हुन नसकेपछि  दुबै टोलीले अंक बाढे । 

    ला लिगाको नयाँ सिजनमा दोस्रो खेल खेलेको रियल सोसिडाडले दुई खेलबाट दुई अंक जोड्दै तालिकाको नवौं स्थानमा रहेको छ । त्यस्तै रियल मड्रिडले भने  पहिलो खेलमा तालिकामा एक अंक जोड्दै १० औं स्थानमा रहेको छ । 


    आश्विन ५, २०७७ सोमवार ०८:३०:४९ बजे : प्रकाशित

  • सम्बन्धित विषय:

  • # स्पेनिस ला लिगा

  • क्यानाडानेपाल डेस्क

    रोनाल्डोको गोलमा युभेन्टसको जित

    रोनाल्डोको गोलमा युभेन्टसको जित

    एजेन्सी । आइतबार राति इटालियन सिरी ए अन्तर्गत भएको खेलमा युभेन्टसले सानदार जित निकालेको छ । 

    निकै रोमान्चक बनेको उक्त खेलमा युभेन्टसले साम्पडोरियालाई ३–० गोलले पराजित गरेको हो ।

    खेलमा युभेन्टसका लागि डेजान कुलुसेवस्की, लिओनार्दो बोनुची र क्रिस्टियानो रोनाल्डोले एक एक गोल गरेका थिए । 

    ronaldo.png

    खेलको १३ औं मिनेटमा युभेन्टसका कुलुसेवस्कीले गोल गरी टिमलाई अग्रता दिलाए । त्यसपछि दोस्रो हाफमा खेलको ७८ औं मिनेटमा युभेन्टसका डिफेन्डर लिओनार्दोले गोल गरी टिमलाई अग्रता दोब्बर बनाए । 

    त्यसपछि खेलको अन्तिम समयमा रोनाल्डोले गोल गरी टिमलाई जित दिलाए । जितसँगै नयाँ सिजनको घरेलु लिगमा युभेन्टसले अंक तालिकामा एक खेलबाट तीन अंक जोडेको छ ।
     


    आश्विन ५, २०७७ सोमवार ०८:०३:३१ बजे : प्रकाशित

  • सम्बन्धित विषय:

  • # क्रिस्टियानो रोनाल्डो

  • क्यानाडानेपाल डेस्क

    आइपीएल : सन्दीप आवद्ध दिल्लीको विजयी सुरुवात

    आइपीएल : सन्दीप आवद्ध दिल्लीको विजयी सुरुवात

    काठमाडौं - नेपाली क्रिकेटर सन्दीप लामिछाने आवद्ध रहेको दिल्ली क्यापिटल्सले आइतबार राति भएको इन्डियन प्रिमियर लिग ९आइपिएल० अन्तर्गतको खेलमा जित निकालेको छ ।  यूएईमा सम्पन्न उक्त खेलमा सुपरओभरबाट दिल्ली क्यापिटल्सले पञ्जाबलाई पराजित गरेको हो । 

    खेलमा दुवै टिमको रन बराबरीमा टुङ्गिएपछि सुपरओभरबाट विजेताको टुङ्गो लागेको हो । खेलमा पहिले ब्याटिङ गरेको दिल्लीले सात विकेट गुमाएर १५७ रन बनाएको थियो । १ सय ५८ रनको लक्ष्य पक्ष्याएकोे पञ्जाबले ८ विकेट गुमाएर १ सय ५७ रन बनाएपछि खेल सुपर ओभरमा धकेलियो ।

    पञ्जाबका लागि मयंक अग्रवालले ८९ रन, ओपनर केएल राहुलले २१, कृष्णाप्पा गौथमले २० र सर्फराज खानले १३ रन बनाएका थिए ।

    सुपर ओभरमा दिल्लीका लागि कागीसो रबाडाले बलिङ गर्दा लोकेश राहुल र निकोलस पुरण ब्याटिङ गरेका थिए। जसमा राहुलले पहिलो बलमा २ रन जोडे । तर दोस्रो बलमा भने आउट भए। 

    त्यस्तै अर्को बलमा कागीसो रबाडाले निकोलस पुरणलाई बोल्ड गरे। त्यसपछि दिल्लीको तर्फबाट ऋषभ पन्त र श्रेयस ऐरले ब्याटिङ गरे ।  मोहम्मद शमीले एक वाइड फ्याँके र त्यसपछि ऋषभ पन्तले दुई रन दौडेर टिमलाई जित दिलाए ।
     


    आश्विन ५, २०७७ सोमवार ०७:३१:१३ बजे : प्रकाशित

  • सम्बन्धित विषय:

  • # आइपीएल

  • क्यानाडानेपाल डेस्क

    एम्बाप्पेको गोलमा पीएसजीको जित

    एम्बाप्पेको गोलमा पीएसजीको जित

    काठमाडौं - आइतबार साँझ फ्रोन्स लिग वान अन्तर्गत भएको खेलमा पेरिस सेन्ट जर्मन (पीएसजी) ले सानदार जित निकालेको छ । निकै रोमान्चक बनेको उक्त खेलमा पीएसजीले नाइसलाई ३–० गोलले पराजित गरेको हो । 

    उक्त खेलको ३८ औं मिनेटमा पीएसजीका केलियन एम्बाप्पे गोल गरी टिमलाई अग्रता दिलाए । त्यसपछि खेलको पहिलो हाफको अन्तिम समयमा पीएसजीका एन्जल डि मारियाले गोल गरी टिमलाई अग्रता दोब्बर बनाए । 

    त्यसपछि खेलको ६६ औं मिनेटमा पीएसजीका माक्र्युनियोसले गोल गरे । त्यसपछि दुवै टिमबाट कुनै गोल हुन सकेन । जितसँगै पीएसजीले चार खेलबाट ६ अंक जोडेको छ । यसअघि सुरुवात दुई खेल गुमाएको पीएसजीलेपछिल्लो २ खेलमा भने जित निकालेको छ । 


    आश्विन ४, २०७७ आइतवार १९:१०:४६ बजे : प्रकाशित

  • सम्बन्धित विषय:

  • # पीएसजी

  • क्यानाडानेपाल डेस्क

    प्रिमियर लिग : आर्सनलको जित, म्यान्चेस्टर युनाइटेड पराजित 

    प्रिमियर लिग : आर्सनलको जित, म्यान्चेस्टर युनाइटेड पराजित 

    काठमाडौं - शनिवार राति इङलिस प्रिमियर लिग अन्तर्गत भएको खेलमा आर्सनलले सानदार जित निकालेको छ । निकै रोमान्चक बनेको उक्त खेलमा आर्सनलले वेष्ट ह्याम युनाइटेडलाई २–१ गोलले पराजित गर्यो । 

    उक्त खेलमा आर्सनलका लागि अलेक्जेण्डर लाकाजेट् र एन्केतियाले एक एक गोल गरे भने वेष्ट ह्यामका लागि मिचेल एन्टोनियोले एक गोल गरे । 

    g.jpg

    त्यस्तै अर्को खेलमा म्यान्चेस्टर युनाइटेड क्रिष्टल प्यालेससँग पराजित भएको छ । उक्त खेलमा क्रिष्टल प्यालेसले म्यान्चेस्टर युनाईटेडलाई ३–१ गोलले पराजित गर्न सफल भयो ।

    खेलमा क्रिष्टल प्यालेसका लागि विल्फ्रेड जाहाले दुई र एन्ड्रोस टाउन्सेन्डले एक गोल गरे भने म्यान्चेस्टरका लागि डोनी भान डे विकले एक गोल गरे । यस खेलमा म्यान्चेस्टर युनाईटेडले मौका पाउदा पनि गोल गर्न सकेन । 

     


    आश्विन ४, २०७७ आइतवार ०९:२६:५१ बजे : प्रकाशित

  • सम्बन्धित विषय:

  • # प्रिमियर लिग

  • क्यानाडानेपाल डेस्क