यो साता चर्चामा:
- यो साता चर्चामा :
काठमाडौं - साउथ फिल्मका चर्चित अभिनेता विजयको नयाँ फिल्म ‘मास्टर’ आज देखी हलहरुमा प्रदर्शनमा आएको छ । लोकेश कनागराजको निर्देशन रहेको यस फिल्म भारत मात्र नभई विभिन्न देशमा प्रदर्शनमा आउँदैछ ।
भारतसँगै विभिन्न देशमा प्रदर्शन हुँदैछ । सोमबारदेखि प्रिबुकिङ सुरु भएको यस फिल्मको टिकट लिन दर्शकको भिड देखिएको छ । कोरोनाका कारण लामो समयछि खुलेको फिल्म हलमा दर्शक धेरै नै देखिएका छन् ।
यस्तै नेपालमा पनि यो फिल्म प्रदर्शनमा आउने भएको छ । यो फिल्म बिहिबारबाट नेपाली हलहरुमा प्रदर्शनमा आउने बताइएको छ ।
दर्शकहरुलाई हलहरुमा फर्काउन जोखिम मोलेर भएपनि फिल्म ल्याएको वितरक मनोज राठीले बताएका छन् । राठीको कम्पनी ब्यांकटेस इन्टरटेन्मेन्टले यस फिल्मको नेपाल प्रदर्शन अधिकार लिएको बताइएको छ ।
फिल्ममा मास्टरको भूमिकामा विजय देखिएका छन् । एकसाथ पाँच भाषामा रिलिज हुँने यस फिल्ममा एक शिक्षकको कथा प्रस्तुत गरिएको छ ।
एक्सन जानरामा निर्माण गरिएको यस फिल्ममा विजयसँगै माल्भिका मोहनन्, एन्ड्रेड जेरेमिह, शान्थानु भाग्यराज, नसर लगायतका कलाकारको अभिनय रहेको छ ।
फिल्म ‘मास्टर’ को ट्रेलरमा विजयको एक्सन अवतार (भिडियो)
काठमाडौं - बलिउडका चर्चित अभिनेता बबी देओलले आज आफ्नो जन्मदिन मनाउदैछन् । जनवरी २७ का दिन जन्मिएका उनी आज ५२ वर्ष पुरा भएका छन् ।
सन् १९७७ मा फिल्म ‘धरम वीर’बाट बलिउडमा डेब्यु गरेका उनले हालसम्म धेरै फिल्ममा अभिनय गरिसकेका छन् । उनले फिल्म ‘धरम वीर’मा बाल कलाकारको भूमिका निभाएका थिए ।
त्यसपछि उनले अभिनेताको रुपमा फिल्म ‘बरसात’ बाट शुरु गरे । उक्त फिल्ममा उनले अभिनेत्री ट्विंकल खन्नासग् अभिनय गरेका थिए । जुन फिल्म दर्शकले निकै रुचाएका थिए ।
उनले हालसम्म और प्यार हो गया, करीब, सोल्जर, दिललगी, अपने, यमला पगला दीवाना, बादल, अजनबी, हमराज, किस्मत, बर्दाश्त, अब तुम्हारे हवाले वत साथियो लगायतका धेरै फिल्ममा अभिनय गरे । उनका दाजु सनी देओल र बुवा धर्मेन्द्र पनि बलिउडकै सफल कलाकार हुन् ।
पछिल्लो केहि बर्षअघि अर्थात सन् २०१८ मा बबी देओल सलमान खानसँग फिल्म रेस(३ मा देखिएका थिए । त्यस्तै उनको पछिल्लो फिल्म हाउसफुल ४ पनि दर्शकले रुचाए । २०२० मा प्रदर्शन भएको वेब सीरीज ‘आश्रम’ पनि दर्शकले रुचाए ।
काठमाडौं - बलिउडकी चर्चित अभिनेत्री ज्याकलिन फर्नान्डेजले हलिउड फिल्ममा अभिनय गर्ने भएकी छिन् । भारतिय मिडियाका अनुसार ज्याकलिनले फिल्म ‘वुमेन्स स्टोरीज’ बाट हलिउडमा डेब्यू गर्ने भएकी हुन् ।
६ हिस्सामा बाँडिएको फिल्मको निर्देशन विश्वका अलग निर्देशकले निर्देशन गर्ने बताइएको छ । यस फिल्ममा ज्याकलिनको हिस्सा लीना यादवले निर्देशन गर्ने बताइएको छ ।
लर्वोलिनो इन्टरटेन्मेन्टको को९प्रोडक्शन र नन प्रफिट प्रोडक्शन कम्पनी ‘वि डू इज टुगेदर’ ले बनाउने यस फिल्ममा मरिया सोल टोन्गान्जी, लुसिया पुएन्जो लगायतले काम गर्ने बताइएको छ । फिल्ममा महिला कलाकार मात्र हुनेछन् ।
काठमाडौं - बलिउड अभिनेता विद्युत जामवालको नयाँ फिल्म 'सनक' को तीन नयाँ पोष्टर सार्वजनिक भएको छ ।
कनिष्क वर्माको निर्देशन रहेको यस फिल्मको नयाँ पोष्टर भारतिय फिल्म समिक्षक तरन आदर्शले सार्वजनिक गरेका छन् ।
सार्वजनिक तीन पोष्टरमा फिल्मका मूख्य अभिनेता विद्युत जामवाल फरक फरक अवतारमा देखिएका छन् । इमोशनल एक्शन थ्रिलर यस फिल्ममा विद्युतसँगै बंगाली अभिनेत्री रुक्मिणी मैत्रको पनि अभिनय रहेको छ ।
फिल्मलाई विपुल अमृतलाल शाह र जी स्टुडियोले निर्माण गर्दैछन् । फिल्मको रिलिज मिति भने अहिलेसम्म सार्वजनिक गरिएको छैन ।
काठमाडौं । बलिउडकी चर्चित अभिनेत्री हुन् सोनाक्षी सिन्हा । फिल्म 'दबंग'बाट बलिउडमा कदम राख्ने सोनाक्षीले हालसम्म धेरै फिल्ममा अभिनय गरिसकेकी छिन् ।
फिल्म क्षेत्रबाटै कमाई गरिरहेकी सोनाक्षीले हालै आफ्नो सपना पूरा गरेकी छिन् । उनले महँगो मूल्यमा घर किनेकी छिन् ।
उनले आफ्नै कमाईले मुम्बईको बान्द्रामा ४ तले अपार्टमेन्ट किनेकी हुन् । आफ्नो कमाईले घर किन्ने सपना आज उनले पुरा गरेकी छिन् ।
घर किनेपछि सोनाक्षीले सपना पुरा भएको भन्दै भनिन् - 'जब म बलिउडमा काम गर्न सुरु गरेँ, मेरो एक सपना थियो कि म आफ्नै कमाइले एउटा घर किन्न सकुँ। ३० वर्षको उमेर नपुग्दै घर किन्ने चाहना मेरो थियो। आज मैले आफ्नो सपना पूरा गरे। '
उनले हालै अभिभावकलाई छोडेर अपार्टमेन्टमा नसर्ने पनि बताएकी छिन् । घर किनेपछि बलिउडका कलाकार र उनका फ्यानले उनलाई बधाई दिइरहेका छन् ।
काठमाडौं । कन्नड अभिनेत्री जयश्री रमैया मृत अवस्थामा फेला परेकी छिन् ।
बिग बोस कन्नडकी पूर्व कन्टेस्टेन्ट समेत रहेकी जयश्री सोमबार दिउँसो बेंगलुरुमा वृद्धा आश्रमको कोठामा पासो लागेको अवस्थामा फेला परेको भारतिय मिडिया आजतकमा जनाइएको छ ।
अहिले उनको शव पोस्टमार्टमको लागि नीलामंगला हस्पिटल लगिएको जनाइएको छ । अभिनेत्री जयश्री लामो समयदेखि डिप्रेसनको शिकार भएको र उनको बेंगुलरुमा उपचार भइरहेको थियो ।
गएको साल जयश्रीले आफ्नो डिप्रेसनको बारेमा सामाजिक सञ्जालमार्फत पनि जानकारी दिएकी थिइन् ।
काठमाडौं - ‘बाहुबली’ निर्देशक एसएस राजामौलीको नयाँ फिल्म ‘आरआरआर’को रिलीज डेट सार्वजनिक भएको छ ।
साउथ फिल्मका चर्चित अभिनेता एनटिआर जुनियर र राम चरणको मूख्य भूमिका रहेको यस फिल्म आगामी दशैंमा रिलिज हुने भएको हो ।
भारतिय मिडियाका अनुसार फिल्म ‘आरआरआर’ २०२१ अक्टोबर १३ मा रिलिज हुनेछ । यस फिल्मको नयाँ पोष्टर पनि सार्वजनिक भएको छ ।
पोष्टरमा एनटिआर र राम चरण घोडा र बाइकमा दौडिएको देखिएको छ । फिल्ममा राम चरण र जूनियर एनटीआरसँगै अजय देवगण, आलिया भाट र श्रीया सरानको पनि मूख्य भुमिका रहेको छ ।
महँगो लगानीमा निर्माण भइरहेको यस फिल्मलाई महत्वका साथ हेरिएको छ ।
