• Jan 28 2021 | २०७७, माघ १५गते

२०७७, माघ १५गते

हजार प्रेमिका भएका धार्मिक नेतालाई १०७५ वर्षको जेल सजाय

क्यानाडानेपाल पौष २९ २०७७
  • 740
    SHARES
  • हजार प्रेमिका भएका धार्मिक नेतालाई १०७५ वर्षको जेल सजाय

    काठमाडौँ। टर्कीका एक मुस्लिम धार्मिक नेता अदनान ओक्तरलाई इस्तानबुल अदालतले यौन उत्पीडन सम्बन्धी १० विभिन्न मुद्दामा १०७५ वर्षको कैद सजाय सुनाएको छ।

    अदनान ओक्तरलाई १० वटा छुट्टाछुट्टै आरोप लगाइएको थियो जसमा बाल यौन शोषण, आपराधिक गिरोहको नेतृत्व, बलात्कार, ब्ल्याकमेल, धोखाधडी, राजनीतिक तथा सैनिक जासुसी र यातना दिने कामहरु समावेश छन्। यी आरोपलाई पुष्टि गर्दै अदालतले उनलाई १०७५ वर्षको कैद सजाय सुनाएको हो ।

    उनी टेलिभिजनमार्फत इस्लामिक उपदेशहरू प्रचार प्रसार गर्थे। र मानिसहरूलाई कट्टरपन्थी दृष्टिकोणबारेमा प्रचार गर्ने गर्थे। उनी महिलाहरुलाई ’किट्टेन’ अर्थात् बिरालीहरु भनेर बोलाउने गर्थे।

    अदनान यी महिलाहरूसँग टिभी कार्यक्रमहरूमा नृत्य पनि गर्थे जसले प्लास्टिक सर्जरी गरेका थिए। ६४ वर्षीय अदनानको एनाइन टेलिभिजन च्यानल सन् २०११ बाट प्रसारणमा आएको थियो। जसलाई टर्कीका धार्मिक नेताहरुले कडा आलोचना पनि गरेका थिए।

    अदनान पहिलोपटक सन् १९९० को दशकमा विश्व सामु चिनिएका थिए। त्यस समय उनी एक यस्तो सम्प्रदायका नेता थिए, जो थुप्रै यौन जन्य अपराधमा फसिसकेको थियो। अदालतको सुनुवाइको क्रममा अदनानको बारेमा धेरै गोप्य कुरा र डरलाग्दो यौन अपराधहरू उजागर भएको थियो।

    डिसेम्बरको सुनवाइमा अदनानले न्यायाधीशलाई आफ्नो एक हजार प्रेमिका रहेको बताएका थिए। उनले भने, ’ मेरो हृदयमा महिलाप्रतिको प्रेम अनन्त छ, प्रेम भनेको मानिसको विशेषता हो। र यो एक मुसलमानको गुण पनि हो।’ त्यसैगरी अर्को प्रश्नमा उनले आफु सँग बुवा बन्ने असाधारण क्षमता रहेको बताएका थिए।

    त्यसैगरी, एक महिलाले सुनवाइको क्रममा अदनानले आफु लगायत अन्य थुप्रै महिलाहरुलाई धेरै पटक यौन दुर्व्यवहार गरेको आरोप लगाइन् । उनले महिलालाई जबरजस्ती बलात्कार गर्ने र गर्भ निरोधक औषधि खान बाध्य पार्ने गरेको बताएकी थिइन्।

    प्रहरीद्वारा अदनानको घरबाट ६९ हजार गर्भ निरोधक चक्की बरामद गरिएको थियो । यसबारेमा प्रश्न गर्दा अदनानले उक्त औषधि छाला विकार र मासिक धर्म अनियमितताको उपचार गर्न प्रयोग गरिएको बताएका समाचार माध्यम डेली मेलले लेखेको छ ।

    अदनानसहित उनका तेह्र सहयोगीहरूलाई पनि त्यस्तै आरोपमा लामो सजाय सुनाइएको टर्कीको सरकारी एजेन्सीले रिपोर्ट गरेको छ। यसक्रममा करिब २३६ जना संदिग्धहरुमाथि मुद्दा चलाइएका थियो। जस मध्ये ७८ जना पक्राउ परेका छन्।

    Adnan Oktar.jpg


    पौष २९, २०७७ बुधवार १५:५७:०९ बजे : प्रकाशित

    अर्कोसमाचार

    विश्वभर कोरोना संक्रमितको संख्या १० करोड १४ लाख नाघ्यो, हेर्नुहोस् कुन देशमा कति संक्रमित र मृत्यु ?

    क्यानाडानेपाल

    माघ १५

  • 102
    SHARES
  • विश्वभर कोरोना संक्रमितको संख्या १० करोड १४ लाख नाघ्यो, हेर्नुहोस् कुन देशमा कति संक्रमित र मृत्यु ?

    काठमाडौं - कोरोनाभाइरसका कारण हालसम्म विश्वका धरै देशहरु प्रभावित भइरहेका छन् । विश्वका विभिन्न देशमा हरेक दिन कोरोना संक्रमितको संख्या बढ्दै गइरहे पनि निको हुनेको संख्या पनि बढ्दै गइरहेको छ ।  

    वर्ल्डोमिटर्सको तथ्यांक अनुसार विश्वभर कोरोना संक्रमितको संख्या १० करोड १४ लाख ३४ हजार ९ सय ३८ पुगेको छ भने कोरोना संक्रमणबाट ज्यान गुमाउनेको संख्या २१ लाख ८४ हजार १ सय २६ पुगेको छ ।

    त्यस्तै हालसम्म विश्वमा ७ करोड ३३ लाख २४ हजार ९ सय ९ कोरोना संक्रमित उपचारपछि निको भइसकेका छन् । 

    त्यस्तै अमेरिकामा मात्र कोरोनाको संक्रमणबाट ४ लाख ३९ हजार ५ सय १७ जनाको मृत्यु भएको छ भने संक्रमितको संख्या २ करोड ६१ लाख ६६ हजार २ सय १ पुगेको छ ।  त्यसैगरी निको हुनेको संख्या एक करोड ५९ लाख ४२ हजार ७ सय ५७ पुगेको छ ।

    त्यस्तै ब्रजिलमा कोरोनाको संक्रमणबाट मुत्यु हुनेको संख्या २ लाख २० हजार २ सय ३७ पुगेको छ भने संक्रमितको संख्या ९० लाख४ सय ८५ पुगेको छ ।

    s.PNG


    माघ १५, २०७७ बिहिवार ०८:५४:४५ बजे : प्रकाशित

  • सम्बन्धित विषय:

  • # कोरोना भाइरस

  • क्यानाडानेपाल डेस्क

    भ्रष्टाचारको अभियोगमा किर्गिजस्तानका पूर्व प्रधानमन्त्री पक्राउ

    क्यानाडानेपाल

    माघ १४

  • 228
    SHARES
  • भ्रष्टाचारको अभियोगमा किर्गिजस्तानका पूर्व प्रधानमन्त्री पक्राउ

    विश्केक – किर्गिजस्तानका पूर्वप्रधानमन्त्री मुखाम्मेदकल्यी अब्यल्गाजीभलाई बुधबार प्रहरीले पक्राउ गरेको छ । भ्रष्टा,चारसम्बन्धी अभियोगमा छानबिनका लागि उहाँलाई पक्राउ गरिएको प्रहरी अधिकारीहरुले जानकारी दिएका छन् ।

    उहाँले भ्रष्टाचार गरेका केही प्रमाणहरु भेटिएको र अनुसन्धानको सिलसिला चलिरहेकाले थप अनुसन्धानका लागि नियन्त्रणमा लिइएको उनीहरुको भनाइ छ ।प्रधानमन्त्रीको जिम्मेवारीमा रहेका बेला अब्यल्गाजीभले कानूनको उलङ्घन गरेको, स्रोत र शक्तिको दुरुपयोग गरेको, राज्यलाई नोक्सान पारेकोलगायतका आरोपहरु उहाँलाई लगाइएको छ ।

    खनिज स्रोत उपयोग र परिचालनसम्बन्धी निर्णयमा उहाँले अनियमितता गरेको भन्दै उहाँसहित सरोकारवालाहरुलाई पनि प्रहरीले अनुसन्धान गरिरहेको जनाइएको छ ।

    पूर्वप्रधानमन्त्री अब्यल्गाजीभको वैधानिक रुपमा देखिने आम्दानीभन्दा कैयौँ गुणा धेरै आम्दानी देखिएकाले पनि शङ्का गर्ने आधार बढेको प्रहरी अधिकारीहरुले बताएका छन् ।

    देशभरी नै उहाँको धेरै सम्पत्ति भेटिएको र त्यसको आम्दानीको स्रोत र आधार विश्वासीलो नभएको पाइएको छ । उहाँ किर्गिजस्तानको प्रधानमन्त्रीको रुपमा सन् २०१८ को अप्रिल २० तारिखका दिन नियुक्त हुनु भएको थियो । उहाँले झण्डै दुई वर्षपछि अर्थात् गत सन् २०२० को जुन १५ मा प्रधानमन्त्री पदबाट राजीनामा दिनुभएको थियो । सिन्ह्वा 


    माघ १४, २०७७ बुधवार २१:५९:१६ बजे : प्रकाशित

  • सम्बन्धित विषय:

  • # मुखाम्मेदकल्यी अब्यल्गाजीभ

  • क्यानाडानेपाल डेस्क

    क्यामरुनमा बसमा आगलागी हुँदा ५३ जनाको मृत्यु

    क्यानाडानेपाल

    माघ १४

  • 240
    SHARES
  • क्यामरुनमा बसमा आगलागी हुँदा ५३ जनाको मृत्यु

    याउन्डे - यात्रुवाहक बसमा आगलागी हुँदा क्यामरुनमा बुधबार कम्तीमा ५३ जनाको मृत्यु भएको छ ।  पेट्रोलियम पदार्थ बोकेको ट्याङ्करसँग ठोकिएर बसमा समेत आगलागी भएको अधिकारीहरूले जनाएका छन् । 

    “दुर्घटनामा परी मृत्यु भएकाहरूको शव जलेको अवस्थामा रहेको छ, उनीहरूको पहिचान गर्न सकिएको छैन,” स्थानीय गभर्नर अवा फोङ्का औगस्टीनले भन्नुभयो ।स्थानीय समयअनुसार दिउँसो ३ः३० बजे दुर्घटना भएको अधिकारीहरूले जनाएका छन् । दुर्घटनामा परेको बसमा ७० सिट रहेको थियो । 

    देशको मध्य पश्चिमी क्षेत्रमा पर्ने क्लिफ अफ डिस्चाङ भन्ने ठाउँमा दुर्घटना भएको समाचारमा जनाइएको छ । 

    सरकारी अधिकारीहरूले घटनाका बारेमा अनुसन्धान भइरहेको जानकारी दिएका छन् । प्रारम्भिक विवरणअनुसार पेट्रोलियम पदार्थ ढुवानी गर्ने ट्याङ्करका चालकले नियन्त्रण गुमाएकाले दुर्घटना भएको देखिएको छ । एएफपी
     


    माघ १४, २०७७ बुधवार २१:०३:२८ बजे : प्रकाशित

  • सम्बन्धित विषय:

  • # क्यामरुनमा बसमा आगलागी

  • क्यानाडानेपाल डेस्क

    बेलायतमा कोरोनाका कारण अझै ५० हजारको मृत्यु हुन सक्ने

    क्यानाडानेपाल

    माघ १४

  • 224
    SHARES
  • बेलायतमा कोरोनाका कारण अझै ५० हजारको मृत्यु हुन सक्ने

    काठमाडौँ।  बेलायतमा कोरोनाभाइरसका कारण मृत्यु हुनेको सङ्ख्या एक लाख नाघेको दिन एक जना वरिष्ठ वैज्ञानिकले अझै थप ५०,००० को मृत्यु हुन सक्ने बताएका छन्। 

    सरकारको आपत्कालका लागि वैज्ञानिक सुझाव समूहका प्राध्यापक कालुम सेन्पलले महामारी कम हुनभन्दा पहिले अर्को ४० देखि ५० हजार जनाको मृत्यु हुन सक्ने बताएका हुन्। "अहिले उकालो लागिरहेको मृत्यु सङ्ख्या ओरालो लाग्दा पनि त्यसै गरी घट्ने सम्भावना हुन्छ," उनले भने।

    बेलायतमा हालसम्म ३६ लाख ८९ हजार ७ सय ४६ जना कोरोना संक्रमित भइसकेका छन् भने १ लाख १ सय ६२ जनाले संक्रमणका कारण ज्यान गुमाएका छन्।  यस्तै उपचार पश्चात निको हुनेको संख्या बेलायतमा १६ लाख ६२ हजार ४ सय ८४ रहेको छ।  बीबीसी 


    माघ १४, २०७७ बुधवार १६:२०:१६ बजे : प्रकाशित

    रिपब्लीकन सिनेटरहरु ट्रम्पमाथिको महाभियोगको विपक्षमा उभिने संकेत

    क्यानाडानेपाल

    माघ १४

  • 248
    SHARES
  • रिपब्लीकन सिनेटरहरु ट्रम्पमाथिको महाभियोगको विपक्षमा उभिने संकेत

    वासिङ्टन - पूर्व अमेरिकी राष्ट्रपति डोनाल्ड ट्रम्प विरुद्धको महाभियोग प्रस्तावको विपक्षमा सबैजसो रिपब्लीकन सिनेट सदस्यहरु उभिने संकेत देखिएको छ ।

    ट्रम्पको उक्साहटमा अमेरिकी संसदमा आक्रमण भएको भन्दै डेमोक्रेटिक पार्टीले उनी विरुद्ध महाभियोग प्रस्ताव अगाडि बढाएको छ । ट्रम्पको कार्यकाल समाप्त भइसकेको अवस्थामा पनि अमेरिकी माथिल्लो सदन सिनेटमा महाभियोग प्रस्ताव अद्यापी विचाराधीन छ ।

    डेमोक्रेट पार्टीको बहुमत रहेको तल्लो सदन हाउस अफ रिप्रिजेन्टेटिभ्सले भने ट्रम्प विरुद्ध महाभियोग प्रस्ताव पारित गरी सिनेटमा छलफलका लागि पठाइसकेको छ ।

    उक्त प्रस्तावमा आगामी फेब्रुअरी ९ देखि सिनेटमा छलफल गर्नेगरी कार्यतालिका सार्वजनिक भइसकेको छ ।

    ट्रम्प विरुद्धको महाभियोग प्रस्ताव पारित हुन कम्तीमा १७ जना रिपब्लीकन सिनेटरले डेमोक्रेट पार्टीलाई साथ र समर्थन गर्नु पर्नेछ जुन डेमोक्रेटका लागि फलामको च्यूरा चपाएसरह हुनेछ । अमेरिकी कानुन बमोजिम कुनै पनि राष्ट्रपति विरुद्धको महाभियोग पारित हुन सिनेटमा दुई तिहाई मत आवश्यक पर्दछ ।

    हाल सिनेटमा रिपब्लीकन र डेमोक्रेट पार्टीबाट ५०–५० सदस्य छन् ।

    पूर्व राष्ट्रपति ट्रम्पको कार्यकाल समाप्त भई विदा भइसकेको अवस्थामा महाभियोगमाथि छलफल गर्नुको औचित्य छैन भन्ने केन्टकी राज्यका रिपब्लीकन सिनेटर रान्ड पलको भनाईलाई सिनेटमा भएको मतदानमा ५५–४५ ले अस्वीकार गरेको थियो ।

    मतदानपछि बोल्दै सिनेटर पलले ४५ जना सिनेटर महाभियोगको विपक्षमा रहेकाले महाभियोग प्रस्तावको संवैधानिक आधार समाप्त भइसकेको जिकिर गरेका थिए ।

    महाभियोगको सुनुवाईको अध्यक्षता गरेका ८० वर्षीय सिनेटर प्याट्रिक लेही मङ्गलबारको प्रारम्भिक सुनुवाईपछि एकाएक अस्वस्थ भएर अस्पताल भर्ना भएका थिए । तर उनको स्वास्थ्य अवस्था सुधार भइसकेको उनका प्रवक्ताले बताएका छन् ।

    पछिल्ला राजनीतिक घटनाक्रम र अर्कान्सा राज्यको गभर्नरका लागि ह्वाइट हाउसकी पूर्व प्रेस सचिव सराह हक्याबी स्यान्डर्सको मनोनयनले रिपब्लीकन पार्टीभित्र ट्रम्पको प्रभाव निकै रहेको अनुमान गरिएको छ । एएफपी 


    माघ १४, २०७७ बुधवार १४:५४:१८ बजे : प्रकाशित

  • सम्बन्धित विषय:

  • # डोनाल्ड ट्रम्प

  • क्यानाडानेपाल डेस्क

    कोरोनाभाइरस नियन्त्रणमा आएको चीनमा फेरि संक्रमित प्रतिदिन बढ्दै

    क्यानाडानेपाल

    माघ १४

  • 262
    SHARES
  • कोरोनाभाइरस नियन्त्रणमा आएको चीनमा फेरि संक्रमित प्रतिदिन बढ्दै

    बेइजिङ - चीनमा कोरोना भाइरसका नयाँ सङ्क्रमतिहरु प्रत्येक दिन जसो भेटिन थालेको यहाँका स्वास्थ्य अधिकारीहरुले जानकारी गराएका छन् । शुरुमा कोरोना भाइरसको सङ्क्रमण चीनको वुहान शहरबाट नै निस्किएको बताइएको थियो । गत वर्षको डिसेम्बरमा यो भाइरस भेटिएको हो ।
     
    यसरी वुहानबाट देखिएको यो भाइरस संसारका देशहरुमा पुगि सेकेको छ र ती देशमा अहिले पनि सङ्क्रमित हुने क्रम जारी नै रहेका समाचारहरु आइरहेका छन् ।यसरी वर्षदिन पुगिसक्दा पनि यस भाइरसको नियन्त्रण हुन सकेको छैन । तर चीनले भने छ महिनाभन्दा अघि नै यहाँ यो भाइरस नियन्त्रणमा लिएको जनाएको थियो । तर पछिल्ला दिनहरुमा भने यहाँ फेरि यसका सङ्क्रमितहरु देखिन थालेका चीन सरकारले जनाएको छ ।
     
    चीन सरकारले जनाएअनुसार चीनभित्रै पनि संक्रमणका नयाँ घटना दिनहुँ भेटिन थालेका हुन् । चिनियाँ अधिकारीहरुका अनुसार मङगलबार मात्र चीनमा कोरोना भाइरस ७५ जनामा नयाँ सङ्क्रमण देखिएको हो । तीमध्ये थप ५५ जना स्वदेशमा नै पाइएको ती अधिकारीले जानकारी दिए । त्यस्तै अरु २० वटा नयाँ घटना बाहिरबाट आएका पनि मङ्गलबार यहाँका स्वास्थ्य अधिकारीले दिएको समाचारमा जनाइएको हो ।
     
    चीनको नेशनल हेल्थ कमिसनले दिएको जानकारीअनुसार चीनमा पछिल्ला केही दिनमा विभिन्न सहरमा नयाँ नयाँ सङ्क्रमित भेटिएका छन् ।यहाँका स्थानीय नागरिकहरुबाटै ती  जना व्यक्ति सङ्क्रमित भएका पाइएको समाचारमा जनाइएको छ । सोही कारणले चीनले पछिल्लो समयमा कोरोनाको परीक्षणलाई तिब्रता दिएको जनाएको छ ।   
     
    चीनले कोरोनाबाट निको भएका नागरिकहरुको पुनः स्वास्थ्य जाँच सुरु गरेको छ । कोरोना पुनः हुनसक्ने सम्भावनालाई मध्यनजर गर्दै चीनले यस्तो कदम सुरु गरेको जनाएको छ । मङ्गलबार भेटिएका स्वदेशी सङ्क्रमितहरुमध्ये उत्तरी चीनको हेबेइ र होलिज्याङ प्रान्तका कतिपय शहर र जिलिङ नगरका धेरै नागरिक रहेका पाइएका हुन् ।
     
    यसबाट सो क्षेत्रमा पछिल्लो समयमा स्थानीय स्तरमा कोरोना संक्रमण बढेको पाइएको बताइएको छ र चिनियाँ स्वास्थ्य अधिकारीहरुले ती क्षेत्रमा बढी सतर्कता अपनाउन भनेका छन् । चीनका हेलिङजाङ, हेइबेइलगायतका प्रान्तमा नयाँ सङ्क्रमित भेटिन थालेको समाचार गत महिना देखि नै अएको हो । ती प्रान्तका सरकारहरुले यहाँ आइसोलेसन वार्ड निर्माण पनि गरिरहेका बताएका छन् ।
     
    सोही कारण चीनले विशेषगरी ती क्षेत्रहरुमा निको भएका बिरामीमाथि पनि निगरानी राख्न र पुनः स्वास्थ्य परीक्षण गर्ने काम केही महिना यतादेखि नै थालेको हो ।सिन्ह्वा
     


    माघ १४, २०७७ बुधवार १३:४७:०१ बजे : प्रकाशित

  • सम्बन्धित विषय:

  • # कोरोना भाइरस

  • क्यानाडानेपाल डेस्क