• Jan 25 2021 | २०७७, माघ १२गते

२०७७, माघ १२गते

निर्वाचन आयोगले भन्यो - मतदाता नामावली अद्यावधिक अवसरको सदुपयोग गर्नुस्  

क्यानाडानेपाल पौष २९ २०७७
  • 584
    SHARES
  • निर्वाचन आयोगले भन्यो - मतदाता नामावली अद्यावधिक अवसरको सदुपयोग गर्नुस्  

    काठमाडौं - प्रमुख निर्वाचन आयुक्त दिनेशकुमार थपलियाले स्वच्छ, स्वतन्त्र, निष्पक्ष, विश्वसनीय र मितव्ययी निर्वाचनका लागि पूर्वशर्तका रुपमा रहेको मतदाता नामावली अद्यावधिक गर्ने र मतदानस्थल तथा मतदान केन्द्र पुनरावलोकन गर्न सबै सरोकारवालासँग प्रभावकारी समन्वय गरी जिम्मेवारीपूर्ण रुपमा सम्पादन गर्नुपर्ने बताउनुभएको छ ।

    मतदाता नामावली अद्यावधिक, मतदानस्थल तथा मतदान केन्द्र पुनरावलोकन कार्यक्रम, कार्यान्वयनसम्बन्धी अनलाइन प्रविधिमार्फत दोस्रो समूहमा प्रदेश नं १, प्रदेश नं २ र वाग्मती प्रदेशस्थित जिल्ला निर्वाचन कार्यालयमा कार्यरत कम्प्युटर अपरेटरका लागि सञ्चालित एक दिने प्रशिक्षणको उद्घाटन गर्दै उहाँले निर्वाचन व्यवस्थापनमा सुधार गर्नका लागि आयोगको तेस्रो पञ्चवर्षीय रणनीतिक योजनामा उल्लेख भएबमोजिम आयोगका गतिविधिमा प्रविधिको प्रयोगको विस्तार बढाउँदै लगिने बताउनुभयो ।
     
    प्रमुख थपलियाले भन्नुुभयो, “मतदाता नामावली ऐनअनुसार निर्वाचनको मिति घोषणा भइसकेपछि सो निर्वाचनको प्रयोजनको लागि मतदाता नामावलीमा नाम दर्ता गर्न नसकिने तर निर्वाचन प्रयोजनका लागि मतदाता नामावली अद्यावधिक गरिने व्यवस्थाअनुसार मतदाता नामावलीमा रहेको त्रुटि सच्याउने र दाबी विरोधका कार्यक्रम मात्र सञ्चालन गरिनेछ ।” 

    निर्वाचनले लोकतन्त्रलाई बलियो बनाई सुशासन कायम गर्न सहयोग पु¥याउने भएको हुँदा आयोगलाई प्राप्त संवैधानिक जिम्मेवारीअनुुरुप निर्वाचन गराउनु आयोगको प्रमुख कर्तव्य भएको बताउदैँ उहाँले निर्वाचन व्यवस्थापनको आधारभूत पक्षका रुपमा रहेको मतदाता नामावली शुद्ध र त्रुटिरहित बनाउन एवं मतदाताको हितलाई ध्यान दिई सुरक्षित, पहुँचयोग्य, विवादरहित र पायक पर्ने स्थानमा मतदानस्थल निर्धारण गर्नुपर्ने बताउनुभयो ।

    सबै नागरिकको सहजताका लागि स्थानीय तहमा मतदाता नामावली अद्यावधिक कार्यक्रम सञ्चालन गर्न लागिएकाले सम्पूर्ण नागरिकलाई उक्त अवसरको सदुपयोग गर्न आयोगले अनुरोध गरेको छ ।रासस


    पौष २९, २०७७ बुधवार २०:४८:४९ बजे : प्रकाशित

  • सम्बन्धित विषय:

  • # निर्वाचन आयोग

  • क्यानाडानेपाल डेस्क

    अर्कोसमाचार

    १६ जना डीएसपीको एसपीमा बढुवा सिफारिस, को को हुँदैछन् ? हेर्नुहोस् 

    क्यानाडानेपाल

    माघ १२

  • 146
    SHARES
  • १६ जना डीएसपीको एसपीमा बढुवा सिफारिस, को को हुँदैछन् ? हेर्नुहोस् 

    काठमाडौं - नेपाल प्रहरीका १६ जना डीएसपीलाई एसपीमा बढुवाको सिफारिस गरिएको छ ।

    सोमबार बसेको बढुवा समितिको बैठकले उनीहरुलाई एसपीमा बढुवाको सिफारिस गरेको हो।

    बढुवाको लागि सिफारिस भएका १६ जना डीएसपीको नामावली प्रहरी प्रधान कार्यालयले सूचनामार्फत प्रकाशित गरेको छ ।  तलको सूचीमा हेर्नुहोस् 

    dsp1.jpg

    dsp2.jpg

     

     


    माघ १२, २०७७ सोमवार २१:१४:०१ बजे : प्रकाशित

  • सम्बन्धित विषय:

  • # डीएसपीको एसपीमा बढुवा

  • क्यानाडानेपाल डेस्क

    नेपालमा एकैदिन ४ सय १ जनाले जिते कोरोना, सक्रिय संक्रमित कति ?

    क्यानाडानेपाल

    माघ १२

  • 286
    SHARES
  • नेपालमा एकैदिन ४ सय १ जनाले जिते कोरोना, सक्रिय संक्रमित कति ?

    काठमाडौं - नेपालमा पछिल्लो २४ घण्टामा ४ सय १ जना कोरोना संक्रमणमुक्त भएका छन्।

    सोमबार स्वास्थ्य तथा जनसंख्या मन्त्रालयले पछिल्लो २४ घण्टामा थप ४ सय १ जनाले कोरोनालाई जितेको जानकारी दिएको हो ।

    यससँगै नेपालमा कोरोना जित्नेको संख्या २ लाख ६४ हजार ५ सय ३८ पुगेको छ ।

    यस्तै पछिल्लो २४ घण्टामा ४ हजार ८ सय ५८ जनाको परिक्षण गर्दा मुलुकभर ३३९ जनामा कोरोना संक्रमण पुष्टि भएको छ। जसमा १ सय ३३ महिला र २ सय ६ पुरुष रहेका छन् ।   

    यससँगै कोरोना संक्रमितको कूल संख्या २ लाख ६९ हजार ७ सय ८९ पुगेको छ । हालसम्म ३ हजार २ सय ४० सक्रिय संक्रमित रहेका छन् । 

    यसैगरी पछिल्लो २४ घण्टामा १० जना कोरोनाभाइरस संक्रमितले ज्यान गुमाएका छन् । योसँगै कोरोनाभाइरस संक्रमणबाट ज्यान गुमाउनेको संख्या २ हजार ११ पुगेको स्वास्थ्य मन्त्रालयले जनाएको छ । 


    माघ १२, २०७७ सोमवार १७:५६:४८ बजे : प्रकाशित

  • सम्बन्धित विषय:

  • # कोरोना भाइरस

  • क्यानाडानेपाल डेस्क

    उखु किसानको वक्यौता रकम नदिने उद्योगीलाई कारबाही गर्न गृह मन्त्रालयको ताकेता 

    क्यानाडानेपाल

    माघ १२

  • 140
    SHARES
  • उखु किसानको वक्यौता रकम नदिने उद्योगीलाई कारबाही गर्न गृह मन्त्रालयको ताकेता 

    काठमाडौं । सरकारले उखु किसानको वक्यौता दिन आनाकानी गर्ने चिनी उद्योगीहरुलाई कारबाही गर्न मातहतका निकायलाई ताकेता गरेको छ । 

    गृहमन्त्रालले भुक्तानी गर्न अटेर गर्ने उद्योगका सञ्चालकहरुलाई कानून बमोजिम कारवाही गर्न प्रहरी प्रधान कार्यालयलाई निर्देशन भएको र ती निर्देशन कार्यान्वयन हेतु निरन्तर ताकेता भइरहेको जानकारी दिएको हो । 

    सोमबार गृहमन्त्रालयले विज्ञप्ति जारी गरेर उखु किसानको भुक्तानी दिन अटेर गर्ने चिनी उद्योगका सञ्चालकहरुलाईलाई कानुनअनुसार कारबाही गर्न यसअघि मन्त्रालययले दिएको निर्देशन कार्यान्वयन गर्न मातहतका निकायलाई ताकेता गरेको जानकारी दिएको हो । 

    गृहमन्त्रालयले जारी गरेको विज्ञप्तिको पूर्णपाठ :

    रौतहट, सर्लाही र पश्चिम नवलपरासी लगायत विभिन्न जिल्लामा सञ्चालित चिनी उद्योगहरूले किसानबाट उखु खरिद गरे बापतको रकम भुक्तानी नदिएको सम्बन्धमा उखु किसानहरूले पाउनुपर्ने बक्यौता रकम भुक्तानीका लागि विगत देखि नै गृह मन्त्रालय र मातहत निकायबाट आवश्यक समन्वय एवं प्रयास हुँदै आएको व्यहोरा विदितै छ ।

    लामो समयसम्म पनि उखु किसानहरुको बक्यौता रकम भुक्तानी नगर्ने ती उद्योगका सञ्चालकहरू उपर आवश्यक कारबाही गरिदिन भनी उद्योग, वाणिज्य तथा आपूर्ति मन्त्रालयबाट गृह मन्त्रालयलाई अनुरोध भएअनुसार माननीय गृहमन्त्री रामबहादुर थापा “बादल“को अध्यक्षतामा मिति २०७७ मंसिर ३० गते सम्पन्न बैठकको निर्णयानुसार उखु किसानको बक्यौता रकम भुक्तानी नगर्ने इन्दिरा सुगर एण्ड इण्डष्ट्रिज प्रा.लि. नवलपरासी, लुम्बिनी चिनी उद्योग प्रा.लि. सुनील नवलपरासी, अन्नपूर्ण सुगर एण्ड जेनेरल इण्डष्ट्रिज प्रा.लि. सर्लाही र श्रीराम सुगर मिल्स लि. महम्मदपुर रौतहटका सञ्चालकहरूलाई तत्काल कानून बमोजिम कारबाही गर्न प्रहरी प्रधान कार्यालय र सम्बन्धित प्रमुख जिल्ला अधिकारीहरूलाई निर्देशन दिइसकिएको छ । 

    उक्त निर्देशन बमोजिम प्रमुख जिल्ला अधिकारीहरूबाट बक्यौता रकम भुक्तानीको लागि थप पहल भइरहेको छ । बक्यौता रकम नतिर्ने उद्योगका सञ्चालकहरूको नाममा पक्राउ पुर्जी जारी भई कानूनी कारबाही प्रक्रिया सुरू भएको छ । सोको फलस्वरूप हालसम्म श्रीराम सुगर मिल्स लि.बाट भुक्तानी गर्नुपर्ने सम्पूर्ण रकम रू. ४० करोड उद्योगको खातामा जम्मा गरी हालसम्म रू. ३५ करोड ७५ लाख ४४ हजार रूपैया कृषकहरुलाई भुक्तानी भईसकेको छ । 

    त्यसैगरी इन्दिरा सुगर एण्ड इण्डष्ट्रिज प्रा.लि.बाट रू. ३० लाख, लुम्बिनी चिनी उद्योग प्रा.लि.बाट रू. ४ करोड ९५ लाख र अन्नपूर्ण सुगर एण्ड जेनेरल इण्डष्ट्रिज प्रा.लि.बाट रू.१० करोड ८८ लाख रकम भुक्तानी भएको छ । साथै ती उद्योगहरुबाट भुक्तानी हुन बाँकी रकम यथासक्य छिटो वितरण गराउन सम्बन्धित जिल्ला प्रशासन कार्यालयहरूलाई पुनः निर्देशन दिइएको, भुक्तानी गर्न अटेर गर्ने उद्योगका सञ्चालकहरुलाई कानून बमोजिम कारवाही गर्न प्रहरी प्रधान कार्यालयलाई निर्देशन भएको र गृह मन्त्रालयबाट ती निर्देशन कार्यान्वयन हेतु निरन्तर ताकेता भईरहेको व्यहोरा सम्बन्धित सबैको जानकारीको लागि अनुरोध छ ।

    press note.jpg


    माघ १२, २०७७ सोमवार १७:४६:४३ बजे : प्रकाशित

     कोटेश्वर–कलङ्की सडकखण्डमा ट्राफिक बत्ती जडान गरिने 

    क्यानाडानेपाल

    माघ १२

  • 244
    SHARES
  •  कोटेश्वर–कलङ्की सडकखण्डमा ट्राफिक बत्ती जडान गरिने 

    काठमाडौँ।  सडक विभागले चक्रपथको विस्तार भइसकेको खण्डमा ट्राफिक बत्ती जडान गर्ने भएको छ । विभागले दुई वर्ष पहिले चीन सरकारका आर्थिक सहयोगमा विस्तार भएको कोटेश्वर–कलङ्की सडकमा सात स्थानमा बत्ती राख्न लागेको हो । विभागले सवारीसाधनको चाप बढी भएका र पैदलयात्रु बढी भएका सडकमा ट्राफिक बत्ती जडान गर्दै आएको छ । यस सडकमा चालू आवभित्रै सम्झौता गर्ने योजना रहेको विभागका सडक सुरक्षा तथा ट्राफिक शाखाका प्रमुख कृष्णनाथ ओझाले जानकारी दिए ।

    चक्रपथका विभिन्न खण्डमा बत्ती राख्न चालू आवमा बजेट नभए पनि अर्को वर्ष निरन्तर हुने गरी सम्झौता गरिने उनको भनाइ छ । उनले भने, “यो वर्ष ठेक्का सम्झौता भइसकेर अर्को वर्ष बनिसक्नेछ ।”   सरकारले दुई वर्ष पहिलेदेखि उपत्यकाका विभिन्न सडकमा र जेब्राक्रसिङमा ट्राफिक बत्ती जडान गर्दै आएको छ । बढी सवारी चाप भएका ठाउँमा बत्तीका कारण सवारीसाधन व्यवस्थापन गर्न सजिलो भएको देख्न सकिन्छ । विभागले चालू आवभित्रै जडीबुटी, कोटेश्वर, थापाथली, दरबारमार्ग र केशरमहलमा बत्ती जडान गर्दैछ । 

    उपत्यकाका बढी सवारी चाप र यात्रुले सडक पार गर्ने स्थान छनोट गरी बत्ती जडान भइरहेको विभागले जनाएको छ । पाँच चोक र त्यहाँका आठ जेब्राक्रसिङमा बत्ती जडान गरिने सवारी व्यवस्थापन तथा ट्राफिक शाखाका प्रमुख ओझाले जानकारी दिए । ती बत्ती जडानका लागि रु एक करोड १५ लाखमा ठेक्का सम्झौता भएको छ ।

    विभागले अहिले बत्ती जडान गरिरहेका स्थानमध्ये थापाथली र जडीबुटीमा पहिले पनि बत्ती रहेका थिए । पहिले थापाथलीमा एउटा निजी सस्ंथाले परीक्षणका लागि आफ्नो खर्चमा बत्ती जडान गरेको थियो । सो प्रविधि सफल नभएपछि संस्थाले बत्ती निकालेर लगेको उनले जानकारी दिए । 

    तीनकुने–सूर्यविनायक सडक विस्तार गरेको जापान अन्तरराष्ट्रिय सहयोग नियोग (जाइका) ले जडीबुटीमा बत्ती जडान गरेको थियो । बत्तीले काम नगरेको र पुरानो प्रविधि भएकाले त्यसका ठाउँमा नयाँ प्रविधिको बत्ती जडान गर्न लागिएको उनले बताए । रासस 

     


    माघ १२, २०७७ सोमवार १५:३०:५५ बजे : प्रकाशित

    अझै हिउँदे वर्षा हुने सम्भावना देखिएन  : मौसमविद्

    क्यानाडानेपाल

    माघ १२

  • 162
    SHARES
  • अझै हिउँदे वर्षा हुने सम्भावना देखिएन  : मौसमविद्

    काठमाडौँ।  यस वर्ष हिउँदयाममा पानी नपर्दा हिउँदे बालीनालीका उत्पादनमा असर पुग्ने भएको छ । गत वर्षको मङ्सिर, पुस र माघमा वर्षा भएको थियो ।  यस वर्ष एकपटक पनि पानी परेको छैन ।

    पश्चिमका केही स्थानमा हल्का पानी परेको भए पनि अन्य ठाउँमा तीन महिनादेखि पानी नपरेको मौसमविद् विभूति पोखरेलले जानकारी दिए । “हाल कायम रहेको पश्चिमी वायुको प्रभावले पानी पर्ने सम्भावना कमै रहेको छ”, उनले भने ।


    वर्षा हुन्का लागि पश्चिमी वायु सक्रिय भई प्राप्त मात्रामा जलवाष्पयुक्त हावा बहनु पर्दछ । अझै एक साता वर्षा हुने सम्भावना नरहेको मौसमविद्को अनुमान  छ । पानी पार्ने उल्लेखनीय मौसमी प्रणाली देशभर नै नरहेको जल तथा मौसम विज्ञान विभागले जनाएको छ ।

    हिउँदयाममा पानी नपरेकाले गहुँ, तोरी, फापरलागयतका बालीमा सुख्खा लागेकाले ५० देखि ७० प्रतिशत उत्पादन घट्ने सम्भावना रहेको वरिष्ठ कृषि विज्ञ डा केदार बूढाथोकीले बताए ।“

    माघ महिनाभित्र पानी परे केही राहत मिल्छ ।  धेरै नोक्सानी हुँदैन”, उनले भने । हिउँदे बालीलाई कात्तिक र मङ्सिरमा पानी पर्दा हिउँदे बालीको उत्पादन वृद्धि हुने जनाइएको छ । रासस 


    माघ १२, २०७७ सोमवार १५:००:५० बजे : प्रकाशित

    प्रधानमन्त्री ओलीको नयाँ रेकर्ड, गणतन्त्र आएपछि पशुपतिनाथको पूजा गर्ने पहिलो प्रधानमन्त्री

    क्यानाडानेपाल

    माघ १२

  • 484
    SHARES
  • प्रधानमन्त्री ओलीको नयाँ रेकर्ड, गणतन्त्र आएपछि पशुपतिनाथको पूजा गर्ने पहिलो प्रधानमन्त्री

    काठमाडौं । प्रधानमन्त्री केपी शर्मा ओलीले सोमबार पशुपतिनाथको दर्शन गरेका छन् । गणतन्त्र आएपछि शिवरात्री, साउने सोमबार, तीज जस्ता विशेष पर्वमाबाहेक राष्ट्रपति तथा प्रधानमन्त्रीहरु पशुपतिनाथको दर्शन गर्न गएका थिएनन् । 

    तर, सोमबार प्रधानमन्त्री ओली पशुपतिनाथ पुगेर विश्व शान्ति एवं राष्ट्र कल्याणको सङ्कल्पसहित सवा लाख दीप प्रज्ज्वलन गर्दै पूजाअर्चना गरेका छन् । ‘सम्माननीय प्रधानमन्त्रीज्यू आज पशुपतिनाथ आएर विशेष पूजाअर्चना गर्नु भएको हो’, पशुपति क्षेत्र विकास कोषका सदस्य सचिव डा. प्रदीप ढकालले क्यानडानेपालले जानकारी दिए । 

    कोषको रेकर्डअनुसार गणतन्त्र आएपछि सामान्य अवस्थामा प्रधानमन्त्रीको हैसियतमा पशुपतिनाथको पूजा गर्न आएका ओली पहिलो प्रधानमन्त्री हुन् ।  ‘कोषलाई जानकारी दिएर सामान्य अवस्थामा प्रधानमन्त्रीको हैसियतमा पूजा गर्न आउनु भएको पहिलो प्रधानमन्त्री ओली रहनु भएको छ’, सदस्य सचिव ढकालले भने, ‘कोषलाई जानकारी नदिई कोही आउनु भएको भए थाहा भएन ।’

    kpoli 1.jpg

    भारतका राष्ट्रपति तथा प्रधानमन्त्री नेपाल भ्रमणमा आउँदा पशुपतिनाथको दर्शन गर्न जाने गरेका छन् । तर, आफ्नै देशभित्रको आराध्यदेव महादेवको दर्शन गर्न हिन्दू राष्ट्रपति र प्रधानमन्त्री पशुपति नगएको भन्दै आलोचना भइरहेको थियो । 

    यसैबेला प्रधानमन्त्री ओली सोमबार पशुपतिनाथको दर्शन गर्न पुगेका हुन् । सोमबार बिहान पत्नी राधिका शाक्यसहित प्रधानमन्त्री ओलीले विधिवित् पशुपतिनाथको परिक्रमा गर्दै पूजाअर्चना र दीप प्रज्ज्वलन गरेका हुन् । 

    विशेषपूजापछि पशुपतिनाथका मूल भट्ट रावल गणेश भट्टले प्रधानमन्त्री ओली दम्पत्तिलाई प्रसाद लगाइदिएका थिए ।  मूलसहित चारैजना भट्ट विशेष पूजामा सहभागी भएका थिए । 

    kpoli 3.jpg

    प्रधानमन्त्री ओलीसँग संस्कृतिमन्त्री भानुभक्त ढकाल, प्रधानमन्त्रीका परराष्ट्र मामिला सल्लाहकार डा राजन भट्टराई तथा काठमाडौँका प्रमुख जिल्ला अधिकारी कालीप्रसाद रिजाल पनि पशुपतिनाग पुगेका थिए ।  सो क्रममा प्रधानमन्त्री ओलीले पशुपतिनाथ र सो क्षेत्रकाबारेमा जानकारी पनि लिएका छन् । 

    तस्बिर : प्रधानमन्त्रीकाे निजी सचिवालय


    माघ १२, २०७७ सोमवार ११:२५:०४ बजे : प्रकाशित