• Nov 24 2020 | २०७७, मंसिर ९गते

२०७७, मंसिर ९गते

यो साता चर्चामा:

बालाचतुर्दशीको अवसरमा अर्जुनधारा धाममा कृत्रिम अङ्ग वितरण गरिने

कार्तिक २३ २०७६
  • 740
    SHARES
  • बालाचतुर्दशीको अवसरमा अर्जुनधारा धाममा कृत्रिम अङ्ग वितरण गरिने

    भद्रपुर - पूर्वको पशुपतिनाथको रुपमा सुप्रसिद्ध झापाको अर्जुनधारा जलेश्वरधाममा बालाचतुर्दशीको अवसर पारेर ३७ औँ वार्षिक अनुष्ठान हुने भएको छ । अनुष्ठानको उद्घाटन किराँत धर्मगुरु आत्मानन्द लिङ्देनले गर्नुहुने भएको छ ।मङ्सिर २ देखि ९ गतेसम्म हुने धार्मिक अनुष्ठानमा यसपटक बामन पुराण, रुद्राभिषेक महायज्ञ, सद्विजारोपण, कृत्रिम अङ्ग प्रत्यारोपण, आँखा शिविरलगायतका कार्यक्रम गरिने भएको छ ।

    हरेक वर्ष धाममा वार्षिक अनुष्ठान हुने गर्दछ । पहिलोपटक किराँत धर्मका गुरु लिङ्देनलाई अनुष्ठानको प्रमुख अतिथि बनाउने निर्णय गरिएको अर्जुनधारा जलेश्वरधाम समितिका अध्यक्ष नवीन गट्टानीले जानकारी दिनुभयो ।किराँत धर्म तथा साहित्य उत्थान सङ्घका अध्यक्ष डकेन्द्र सुब्बाले विश्वशान्ति र मानव जातिबीचको एकताका लागि अर्जुनधारा जलेश्वरधामले आयोजना गर्दै आएको धार्मिक अनुष्ठानमा किराँत धर्मका गुरु आत्मानन्द लिङ्देनलाई निमन्त्रणा गरेकोमा समस्त किराँत धर्मावलम्बी हर्षित भएको बताउनुभयो ।

    “यसबाट नेपालीमा कायम रहेको धार्मिक सद्भाव र सहिष्णुतालाई अझ बलियो बनाउँछ”, किराँतधर्म तथा साहित्य उत्थान सङ्घका अध्यक्ष सुब्बा भन्नुहुन्छ । “जगद्गुरु शङ्कराचार्य हेमानन्द गिरी र जगद्गुरु मुमुक्षानन्द महाराजजी मङ्सिर ५ गते आउनुहुने भएको छ । भारतको कोलकातास्थित महावीर सेवा सदनको सहयोगमा मङ्सिर ५ देखि ७ गतेसम्म निःशुल्क आँखा शिविर र मङ्सिर १३ देखि २० गतेसम्म निःशुल्क कृत्रिम अङ्ग प्रत्यारोपण कार्यक्रम सञ्चालन गरिने धाम समितिका कोषाध्यक्ष मनोज जोशीले बताउनुभएको छ ।”


    कार्तिक २३, २०७६ शनिवार १४:५०:०० बजे : प्रकाशित


    अर्कोसमाचार

    कोरोना संक्रमित मन्त्री लामालाई उपचारका लागि हेलिकप्टरबाट काठमाडौं लगियो

  • 130
    SHARES
  • कोरोना संक्रमित मन्त्री लामालाई उपचारका लागि हेलिकप्टरबाट काठमाडौं लगियो

    हेटौँडा । कोरोनाभाइरस संक्रमित बागमती प्रदेशका भूमि, व्यवस्था, कृषि तथा सहकारी मन्त्री दावादोर्जे लामालाई थप उपचारका लागि हेलिकप्टरमार्फत काठमाडौं लगिएको छ । 

    कोरोना संक्रमणपछि आफ्नै क्वार्टरमा आइसोलेसनमा बसेका उनको स्वास्थ्य अवस्थामा समस्या देखिएपछि  थप उपचारका लागि हेलिकप्टरमार्फत काठमाडौं लगिएको उनको निजी सचिवालयले जनाएको छ । 

    चिकित्सकको सल्लाहअनुसार उनलाई काठमाडौं लगिएको हो । निजी सचिवालयकाअनुसार मन्त्री लामामा निरन्तर खोकी लागेको र अक्सिजनको मात्रा शरीरमा कम देखिएपछि काठमाडौं लगिएको हो । 

    नेपाली सेनाको हेलिकप्टरमार्फत् मंगलबार बिहान साढे १० बजे मन्त्री लामालाई काठमाडौं लगिएको र उनको काठमाडौंको टेकुस्थित शुक्रराज ट्रपिकल तथा सरुवा रोग उपचार केन्द्रमा उपचार गरिने निजी सचिवालयले जनाएको छ ।

    यही मंसिर ५ गते गरेको स्वाब परीक्षणमा मन्त्री लामालाई कोरोना संक्रमण पुष्टि भएको थियो । 


    मंसिर ९, २०७७ मंगलवार ११:२४:१९ बजे : प्रकाशित

  • सम्बन्धित विषय:

  • # कोरोना भाइरस

  • क्यानाडानेपाल

    महोत्तरीमा बालिकाको शव बोरामा खाँदेको अवस्थामा फेला, विरोधमा सडक अबरुद्ध

    महोत्तरीमा बालिकाको शव बोरामा खाँदेको अवस्थामा फेला, विरोधमा सडक अबरुद्ध

    काठमाडौं - महोत्तरीमा आइतबार साँझदेखि हराइरहेकी बालिकाको शव फेला पारेको छ । 

    बर्दिवास नगरपालिका-१४ का शहीद आलमकी छ वर्षीया छोरी गुलाव साह खातुनको शव सोमबार राति शुभम बस्ती नजिकको झाडीमा बोरामा खाँदेको अवस्थामा फेला परेको प्रहरीले जनाएको छ । 

    बालिकाको ज्यान लिएको आशङ्कामा प्रहरीले महोत्तरीको गौशाला नगरपालिका-५ का २५ वर्षीय अरुणकुमार साहलाई पक्राउ गरेको छ । 

    प्रारम्भिक सोधपुछका क्रममा खातुनको ज्यान आफुले लिएको साहले स्वीकार गरेको प्रहरीले जनाएको छ । घटना प्रकृति हेर्दा बालिकालाई बलात्कार गरेर ज्यान लिइएको स्थानीयवासीले बताएका छन् । अहिले यस घटनाको थप अनुसन्धान भइरहेको छ।
      
    बालिकाको ज्यान लिएको विषयलाई लिएर महोत्तरीको बर्दिवास नगरपालिकामा स्थानिय तथा आफन्तले विरोध गर्दै आगजनी गरेका छन् भने सडक पनि अबरुद्ध गरेका छन् । 
     


    मंसिर ९, २०७७ मंगलवार ११:०९:१७ बजे : प्रकाशित

  • सम्बन्धित विषय:

  • # शव फेला

  • क्यानाडानेपाल डेस्क

    चितवनमा कोरोना संक्रमणबाट थप एक जनाको ज्यान गयो  

    चितवनमा कोरोना संक्रमणबाट थप एक जनाको ज्यान गयो  

    काठमाडौं - चितवनमा कोरोनाभाइरसको संक्रमणबाट थप एक जनाको ज्यान गएको छ । ज्यान जानेमा रत्ननगर नगरपालिका १० का ५२ वर्षीय पुरुष रहेका छन् । 

    उनको आज बिहान भरतपुर अस्पतालमा उपचारको क्रममा ज्यान गएको हो । ती पुरुषलाई मंसिर ७ गते कोरोनाभाइरसको संक्रमण पुष्टि भएको थियो । 

    कोरोना संक्रमण देखिएपछि मंसिर ८ गते अस्पताल भर्ना भएका ती पुरुषको अस्पतालमा उपचारको क्रममा आज बिहान ज्यान गएको हो । 


    मंसिर ९, २०७७ मंगलवार १०:१२:४५ बजे : प्रकाशित

  • सम्बन्धित विषय:

  • # कोरोना भाइरस

  • क्यानाडानेपाल डेस्क

    आज दिनभरको मौसम कस्तो रहला ?

    आज दिनभरको मौसम कस्तो रहला ?

    काठमाडौं । चिसो बढ्न थालेसँगै तराई भूभागमा कुहिरो लाग्न थालेको छ भने हिमाली र उच्च पहाडी भेगमा हिमपात हुन थालेको छ ।

    अहिले देशको पश्चिम क्षेत्रका हिमाली र पहाडी भेगमा पश्चिमी वायुको प्रभाव  देखिएको जल तथा मौसम पूर्वानुमान महाशाखाले जनाएको छ । 

    मंगलबार सुदूरपश्चिम र कर्णाली प्रदेशको उच्च पहाडी तथा हिमाली भू-भागहरुमा आंशिक देखि सामान्य बदली रहनेछ भने अन्य प्रदेशका पहाडी भू-भागहरुमा आंशिक बदली रहनेछ।  त्यस्तै सुदूर पश्चिम, कर्णाली र गण्डकीको हिमाली भू-भागका थोरै स्थानमा हल्का हिमपातको सम्भावना रहेको छ । 

    आज दिउँसो सुदूर पश्चिम र कर्णाली प्रदेशको भू-भागमा सामान्य देखि आंशिक बदली रहनेछ भने बाँकी प्रदेशका पहाडी भू-भागमा आंशिक बदली रहने छ । त्यस्तै अन्य भू भागको मौसम सफा रहनेछ । 

    त्यस्तै आज राति पनि सुदूर पश्चिम र कर्णाली प्रदेशको पहाडी भू-भागमा सामान्य बदली र तराइ भूभागमा आंशिक बदली रहनेछ भने बाँकि प्रदेशका पहाडी भू-भागमा आंशिक बदली रही अन्य भू-भागको मौसम सामान्यतया सफा रहनेछ ।

    त्यस्तै सुदूर पश्चिम र कर्णाली प्रदेशको हिमाली भू-भागमा हल्का हिमपातको सम्भावना रहेको महाशाखाले जनाएको छ । 
     


    मंसिर ९, २०७७ मंगलवार ०८:२१:२० बजे : प्रकाशित

  • सम्बन्धित विषय:

  • # मौसम

  • क्यानाडानेपाल डेस्क

    कोरोना जोखिमकाबीच कक्षा १२ को परीक्षा आजदेखि शुरु

    कोरोना जोखिमकाबीच कक्षा १२ को परीक्षा आजदेखि शुरु

    काठमाडौं - कोरोना संक्रमणको जोखिमकाबीच आजदेखि कक्षा १२ को परीक्षा शुरु हुँदैछ । 

    राष्ट्रिय परीक्षा बोर्डले कोरोना संक्रमणको जोखिमलाई ध्यानमा राख्दै आजदेखि कक्षा १२ को परीक्षा शुरु गर्ने भएको हो । यस वर्ष कक्षा १२ को परीक्षामा ४ हजार १ सय ५ परीक्षा केन्द्रबाट ४ लाख ३२ हजार बिद्यार्थी सहभागी हुँदैछन् । 

    परिक्षा दिने समयमा कोठाभित्र  २ मिटरको दुरी कायम गर्ने र  एउटा कक्षा कोठामा २० जना परीक्षार्थी मात्रै राख्ने व्यस्था गरिएको छ ।

    त्यस्तै परीक्षा केन्द्र परिसरमा रहेको हेल्थ डेस्कमा हात धुने, ज्वरो नाप्ने र मास्कको व्यवस्था गरिएको छ ।  बोर्डले  परीक्षा हल आधाघण्टा अघिदेखि खुल्ने पनि जनाएको छ ।  


    मंसिर ९, २०७७ मंगलवार ०७:५६:०८ बजे : प्रकाशित

  • सम्बन्धित विषय:

  • # कक्षा १२ को परीक्षा

  • क्यानाडानेपाल डेस्क

    भीरबाट लडेर १३ दिनको छोरा र आमाको ज्यान गयो

    भीरबाट लडेर १३ दिनको छोरा र आमाको ज्यान गयो

    काठमाडौं - डडेलधुरामा भीरबाट लडेर आमाछोराको ज्यान गएको छ । 

    ज्यान जानेमा नवदुर्गा गाउँपालिका २ बगालकी ३५ वर्षीया पुतलीदेवी भुल र उनको ३ दिनको छोरा रहेको जनाइएको छ । उनीहरु सोही गाउँपालिकाको ढोडनाको भीरबाट लडेका हुन् । 

    प्रहरीका अनुसार श्रीमान शेरबहादुर भुलसँग धामी झाक्री हेराउन जाने क्रममा आमाछोरा भीरबाट लडेका हुन् । प्रहरीले श्रीमान शेरबहादुरलाई नियन्त्रणमा लिएर अनुसन्धान गरिरहेको जनाइएको छ । 
     


    मंसिर ८, २०७७ सोमवार १९:२१:११ बजे : प्रकाशित

  • सम्बन्धित विषय:

  • # भीरबाट लडेर

  • क्यानाडानेपाल डेस्क