• Nov 24 2020 | २०७७, मंसिर ९गते

२०७७, मंसिर ९गते

यो साता चर्चामा:

तस्बिरमा हेर्नुहोस् सराङ्गकोटबाट देखिएको माछापुच्छ्रे हिमाल

कार्तिक २३ २०७६
  • 884
    SHARES
  • तस्बिरमा हेर्नुहोस् सराङ्गकोटबाट देखिएको माछापुच्छ्रे हिमाल

    पोखरा - सूर्योदय र हिमाली दृश्यावलोकनको आकर्षक गन्तव्य कास्कीको सराङ्गकोटमा हालै सञ्चालनमा आएको सराङ्गकोट माउन्टेन लजको छतमा रहेको स्वीमिङ पुल र यहाँबाट देखिएको माछापुच्छ«े हिमालसहितको रमणीय दृश्य । पछिल्ला वर्षमा पोखरा  आसपासमा होटल तथा अन्य पर्यटकीय पूर्वाधारमा लगानी बढ्दै गएको छ । तस्वीर : वासुदेव पौडेल 

    \"\"


    कार्तिक २३, २०७६ शनिवार १५:०८:०० बजे : प्रकाशित


    अर्कोसमाचार

    कोरोना संक्रमणबाट सशस्त्र प्रहरी बलका इन्सपेक्टरको मृत्यु

    कोरोना संक्रमणबाट सशस्त्र प्रहरी बलका इन्सपेक्टरको मृत्यु

    काठमाडौं - कोरोना संक्रमणबाट सशस्त्र प्रहरी बलका इन्सपेक्टरको मृत्यु भएको छ ।

    सशस्त्र प्रहरी गण ३ नम्बर हेड क्वाटर मोरङमा कार्यरत इन्सपेक्टर ३३ वर्षीय नवीन बुढाथोकीको गए राति विराटनरको विराट मेडिकल कलेजमा उपचारको क्रममा मृत्यु भएको हो । 

    ज्वरो र श्वासप्रश्वासमा समस्या देखिएपछि उनलाई कात्तिक २६ अस्पताल भर्ना गरिएको थियो। 

    कात्तिक २७ गते कोरोना संक्रमण पुष्टि भएका ती सशस्त्र प्रहरी बलका इन्सपेक्टरको भेन्टिलेटरमा राखेर उपचार गरिएको थियो । उनको उपचारकै क्रममा गए राति मृत्यु भएको अस्पतालले जनाएको छ । 


    मंसिर ९, २०७७ मंगलवार १२:२०:३१ बजे : प्रकाशित

  • सम्बन्धित विषय:

  • # कोरोना भाइरस

  • क्यानाडानेपाल डेस्क

    पथरीका पूर्व गाविस अध्यक्ष राईको कोरोना संक्रमणबाट मृत्यु

    पथरीका पूर्व गाविस अध्यक्ष राईको कोरोना संक्रमणबाट मृत्यु

    विराटनगर - मोरङको पथरीका पूर्व अध्यक्ष तिलक वान्तवा राईको कोरोना संक्रमणबाट मृत्यु भएको छ । 

    कोरोना संक्रमित भएका ६६ वर्षीय राईको आज बिहान उपचारको क्रममा मृत्यु भएको हो । उनलाई कात्तिक २१ गते कोरोना संक्रमण देखिएपछि मोरङको बूढीगंगास्थित विराट शिक्षण अस्पतालमा भर्ना गरिएको थियो । 

    २ हप्तादेखि उक्त अस्पतालमा उपचार गराइरहेका राइको आज बिहान मृत्यु भएको हो ।

    पथरी शनिश्चरे नगरपालिका-१ निवासी राईलाई श्वासप्रश्वासमा समस्या देखिएको थियो । उनी २०४९ सालको स्थानीय निर्वाचनमा पथरी गाविस अध्यक्षमा निर्वाचित भएका थिए । 

     


    मंसिर ९, २०७७ मंगलवार ११:५५:२० बजे : प्रकाशित

  • सम्बन्धित विषय:

  • # कोरोना भाइरस

  • क्यानाडानेपाल डेस्क

    कोरोना संक्रमित मन्त्री लामालाई उपचारका लागि हेलिकप्टरबाट काठमाडौं लगियो

  • 154
    SHARES
  • कोरोना संक्रमित मन्त्री लामालाई उपचारका लागि हेलिकप्टरबाट काठमाडौं लगियो

    हेटौँडा । कोरोनाभाइरस संक्रमित बागमती प्रदेशका भूमि, व्यवस्था, कृषि तथा सहकारी मन्त्री दावादोर्जे लामालाई थप उपचारका लागि हेलिकप्टरमार्फत काठमाडौं लगिएको छ । 

    कोरोना संक्रमणपछि आफ्नै क्वार्टरमा आइसोलेसनमा बसेका उनको स्वास्थ्य अवस्थामा समस्या देखिएपछि  थप उपचारका लागि हेलिकप्टरमार्फत काठमाडौं लगिएको उनको निजी सचिवालयले जनाएको छ । 

    चिकित्सकको सल्लाहअनुसार उनलाई काठमाडौं लगिएको हो । निजी सचिवालयकाअनुसार मन्त्री लामामा निरन्तर खोकी लागेको र अक्सिजनको मात्रा शरीरमा कम देखिएपछि काठमाडौं लगिएको हो । 

    नेपाली सेनाको हेलिकप्टरमार्फत् मंगलबार बिहान साढे १० बजे मन्त्री लामालाई काठमाडौं लगिएको र उनको काठमाडौंको टेकुस्थित शुक्रराज ट्रपिकल तथा सरुवा रोग उपचार केन्द्रमा उपचार गरिने निजी सचिवालयले जनाएको छ ।

    यही मंसिर ५ गते गरेको स्वाब परीक्षणमा मन्त्री लामालाई कोरोना संक्रमण पुष्टि भएको थियो । 


    मंसिर ९, २०७७ मंगलवार ११:२४:१९ बजे : प्रकाशित

  • सम्बन्धित विषय:

  • # कोरोना भाइरस

  • क्यानाडानेपाल

    महोत्तरीमा बालिकाको शव बोरामा खाँदेको अवस्थामा फेला, विरोधमा सडक अबरुद्ध

    महोत्तरीमा बालिकाको शव बोरामा खाँदेको अवस्थामा फेला, विरोधमा सडक अबरुद्ध

    काठमाडौं - महोत्तरीमा आइतबार साँझदेखि हराइरहेकी बालिकाको शव फेला पारेको छ । 

    बर्दिवास नगरपालिका-१४ का शहीद आलमकी छ वर्षीया छोरी गुलाव साह खातुनको शव सोमबार राति शुभम बस्ती नजिकको झाडीमा बोरामा खाँदेको अवस्थामा फेला परेको प्रहरीले जनाएको छ । 

    बालिकाको ज्यान लिएको आशङ्कामा प्रहरीले महोत्तरीको गौशाला नगरपालिका-५ का २५ वर्षीय अरुणकुमार साहलाई पक्राउ गरेको छ । 

    प्रारम्भिक सोधपुछका क्रममा खातुनको ज्यान आफुले लिएको साहले स्वीकार गरेको प्रहरीले जनाएको छ । घटना प्रकृति हेर्दा बालिकालाई बलात्कार गरेर ज्यान लिइएको स्थानीयवासीले बताएका छन् । अहिले यस घटनाको थप अनुसन्धान भइरहेको छ।
      
    बालिकाको ज्यान लिएको विषयलाई लिएर महोत्तरीको बर्दिवास नगरपालिकामा स्थानिय तथा आफन्तले विरोध गर्दै आगजनी गरेका छन् भने सडक पनि अबरुद्ध गरेका छन् । 
     


    मंसिर ९, २०७७ मंगलवार ११:०९:१७ बजे : प्रकाशित

  • सम्बन्धित विषय:

  • # शव फेला

  • क्यानाडानेपाल डेस्क

    चितवनमा कोरोना संक्रमणबाट थप एक जनाको ज्यान गयो  

    चितवनमा कोरोना संक्रमणबाट थप एक जनाको ज्यान गयो  

    काठमाडौं - चितवनमा कोरोनाभाइरसको संक्रमणबाट थप एक जनाको ज्यान गएको छ । ज्यान जानेमा रत्ननगर नगरपालिका १० का ५२ वर्षीय पुरुष रहेका छन् । 

    उनको आज बिहान भरतपुर अस्पतालमा उपचारको क्रममा ज्यान गएको हो । ती पुरुषलाई मंसिर ७ गते कोरोनाभाइरसको संक्रमण पुष्टि भएको थियो । 

    कोरोना संक्रमण देखिएपछि मंसिर ८ गते अस्पताल भर्ना भएका ती पुरुषको अस्पतालमा उपचारको क्रममा आज बिहान ज्यान गएको हो । 


    मंसिर ९, २०७७ मंगलवार १०:१२:४५ बजे : प्रकाशित

  • सम्बन्धित विषय:

  • # कोरोना भाइरस

  • क्यानाडानेपाल डेस्क

    आज दिनभरको मौसम कस्तो रहला ?

    आज दिनभरको मौसम कस्तो रहला ?

    काठमाडौं । चिसो बढ्न थालेसँगै तराई भूभागमा कुहिरो लाग्न थालेको छ भने हिमाली र उच्च पहाडी भेगमा हिमपात हुन थालेको छ ।

    अहिले देशको पश्चिम क्षेत्रका हिमाली र पहाडी भेगमा पश्चिमी वायुको प्रभाव  देखिएको जल तथा मौसम पूर्वानुमान महाशाखाले जनाएको छ । 

    मंगलबार सुदूरपश्चिम र कर्णाली प्रदेशको उच्च पहाडी तथा हिमाली भू-भागहरुमा आंशिक देखि सामान्य बदली रहनेछ भने अन्य प्रदेशका पहाडी भू-भागहरुमा आंशिक बदली रहनेछ।  त्यस्तै सुदूर पश्चिम, कर्णाली र गण्डकीको हिमाली भू-भागका थोरै स्थानमा हल्का हिमपातको सम्भावना रहेको छ । 

    आज दिउँसो सुदूर पश्चिम र कर्णाली प्रदेशको भू-भागमा सामान्य देखि आंशिक बदली रहनेछ भने बाँकी प्रदेशका पहाडी भू-भागमा आंशिक बदली रहने छ । त्यस्तै अन्य भू भागको मौसम सफा रहनेछ । 

    त्यस्तै आज राति पनि सुदूर पश्चिम र कर्णाली प्रदेशको पहाडी भू-भागमा सामान्य बदली र तराइ भूभागमा आंशिक बदली रहनेछ भने बाँकि प्रदेशका पहाडी भू-भागमा आंशिक बदली रही अन्य भू-भागको मौसम सामान्यतया सफा रहनेछ ।

    त्यस्तै सुदूर पश्चिम र कर्णाली प्रदेशको हिमाली भू-भागमा हल्का हिमपातको सम्भावना रहेको महाशाखाले जनाएको छ । 
     


    मंसिर ९, २०७७ मंगलवार ०८:२१:२० बजे : प्रकाशित

  • सम्बन्धित विषय:

  • # मौसम

  • क्यानाडानेपाल डेस्क