• Jul 24 2021 | २०७८, श्रावण ९गते

२०७८, श्रावण ९गते

ओलीले पदमा पुग्न जे पनि भन्ने रहेछन् भन्ने देखियो - प्रचण्ड

फाल्गुण १५ २०७७
  • 948
    SHARES
  • ओलीले पदमा पुग्न जे पनि भन्ने रहेछन् भन्ने देखियो - प्रचण्ड

    काठमाडौं । नेपाल कम्युनिष्ट पार्टी नेकपा प्रचण्ड–नेपाल समूहका अध्यक्ष  पुष्पकमल दाहाल प्रचण्डले प्रधानमन्त्री केपी शर्मा ओलीले आफू र माधवकुमार नेपालबीच फाटो पार्न लागिपरेको बताएका छन् । 

    शनिवार ललितपुरमा नेकपा सम्बद्ध शिक्षकहरूको राष्ट्रिय भेलालाई सम्बोधन गर्दै प्रचण्डले सो कुरा बताएका हुन् । उनले जनताको बहुदलीय जनवाद र एमाले विघटन गर्ने कार्यमा पहिलो हस्ताक्षर ओलीले गरेको बताए । 

    तीन दल मिल्दा भारतका लागि सबैभन्दा राम्रो हुने बताएपछि प्रचण्डको चर्को आलोचना तीन दल मिल्दा भारतका लागि सबैभन्दा राम्रो हुने बताएपछि प्रचण्डको चर्को आलोचना

    ओली कम्युनिष्ट आन्दोलन सक्नेतर्फ लागेको बताउदै उनले भने - 'एकता भएको तीन महिनामै मैले यो कुरा बुझेको थिएँ। तत्कालै झगडा गर्न पनि भएन। आलोपालो भनेको एक दिनपनि मान्नु भएन। तरपनि म चुप लागेर बसेँ।'

    उनले ओलीले पदमा पुग्न जे पनि भन्ने रहेछन् भन्ने देखिएको बताए । उनले ओलीले आफुलाई महाराजाधिराज मान्न थालेको बताए । 

    एकतापछि ओलीले पालैपालो प्रधानमन्त्री तथा पार्टी अध्यक्ष बन्ने भर पहिले हस्ताक्षर गरेको पनि प्रचण्डले उक्त कार्यक्रममा बताए । उनले आफु र ओलीले हस्ताक्षर गरेको प्रमाण अझै पनि रहेको बताए । 
     
     


    फाल्गुण १५, २०७७ शनिवार १४:४०:०७ बजे : प्रकाशित

    अर्कोसमाचार

    ‘श्री ५ बडामहाराजबाट आममाफी मिलेछ, अब हामी नाच्नु पर्ने भयो’ 

  • 418
    SHARES
  • ‘श्री ५ बडामहाराजबाट आममाफी मिलेछ, अब हामी नाच्नु पर्ने भयो’ 

    काठमाडौं । दोस्रो तहका नेताहरु पार्टी एकतामा लागि रहँदा एमालेका शीर्ष नेताहरुले एकअर्कालाई कटाक्ष गरिरहेका छन् ।

    बिहीबार अध्यक्ष  केपी शर्मा ओलीले बाटो बिराएर गएकाहरुलाई आममाफी दिने भन्दै एमालेको मूल प्रवाहमा आउन आग्रह गरे । 

    अध्यक्ष ओलीको उक्त अभिव्यक्तिलाई असन्तुष्ट समूहले विरोध जनायो । नेपाल कम्युनिष्ट पार्टीका संस्थापक पुष्पलाल श्रेष्ठको स्मृति दिवसका सन्दर्भमा शुक्रबार आयोजित कार्यक्रममा असन्तुष्ट नेपाल समूहका माधवकुमार नेपालले अध्यक्ष ओलीलाई ‘श्री ५ बडामहाराजधिराज’को संज्ञा दिएका छन् । 

    बडामहाराजधिराज (अध्यक्ष ओली)बाट आममाफी दिएकोमा आफूहरू गदगद भएको बताउँदै नेता नेपालले भने, ‘हिजो  श्री ५ बडामहाराजधिराजबाट अभिव्यक्ति आयो, माधव नेपाल लगायतका माननीय सदस्यहरुमाथि जति पनि स्पष्टीकरण सोधिएका छन्, उनीहरुलाई आममाफी दिइन्छ । एम्नेस्टी इज ग्रान्टेड । हामी गदगद् भयौं !’

    ओलीको उक्त अभिव्यक्तिप्रति कटाक्ष गर्दै उनले बडामहाराजधिराजबाट माफी मिलेकाले अब आफू नाच्नुपर्ने भएको व्यंग्य गरे । 

    ‘बडामहाराजाधिराजबाट हामीलाई आममाफी मिलेछ । नाच्नु पर्ने भयो, खुसी हुनुपर्ने भयो । यही हो पद्धति ? यसलाई कम्युनिस्ट पद्धति भनिन्छ ?’, नेता नेपालले भने । 


    श्रावण ८, २०७८ शुक्रवार १८:३६:३१ बजे : प्रकाशित

  • सम्बन्धित विषय:

  • # श्री ५ बडामहाराज
  • # आममाफी

  • क्यानाडा नेपाल

    किन ओली र माधवकुमार एमाले विभाजन गर्न चाहन्छन् ?

  • 1.3K
    SHARES
  • किन ओली र माधवकुमार एमाले विभाजन गर्न चाहन्छन् ?

    काठमाडौं ।  प्रमुख प्रतिपक्षी दल नेकपा एमालेको आन्तरिक विवाद समाधानमा शीर्षनेताहरु जिम्मेवार बन्न सकेका छैनन् । दोस्रो तहका नेताहरु विवाद समाधानका लागि क्रियाशील रहँदा शीर्षनेताहरु भने एकता प्रक्रियामा अवरोध सृजना हुने गरी अभिव्यक्ति दिइरहेका छन् । 

    अध्यक्ष केपी शर्मा ओली र वरिष्ठ नेता माधवकुमार नेपालको टकरावका कारण एमाले विभाजनको अवस्थामा रहिरहेको छ । साविक नेकपाका बेला दुई शीर्षनेताबीच सुरु भएको ‘इगो’ समस्याले अहिले एमालेलाई समेत विभाजनतर्फ धकेलिरहेको छ । 

    सुवास नेम्वाङ, भीम रावल, गोकर्ण विष्टसहितका दोस्रो तहका नेताहरु एकताका लागि निरन्तर वार्तामा रहँदा अध्यक्ष ओली र वरिष्ठ नेता नेपालको अभिव्यक्ति भने एकतालाई भाँड्न खालका देखिन्छन् । 

    बिहीबार र शुक्रबार दुई दिनकै अभिव्यक्ति हेर्ने हो भने पनि एकता प्रक्रियामा अवरोध हुने खालका देखिन्छन् । फ्लोर क्रस गरेर देउवा सरकारलाई विश्वासको मत दिएका नेपाल समूहका सांसदहरुलाई २४ घण्टे स्पष्टीकरण सोधेका अध्यक्ष ओलीले उनीहरुले उल्टै अध्यक्षमाथि प्रश्न उठाएर जवाफ दिए ।

    यसपछि बिहीबार अध्यक्ष ओलीले बाटो बिराएकाहरुलाई आममाफी दिने भन्दै एमालेको मूल प्रवाहमा आउन आग्रह । आममाफी शब्दले नेपाल समूहले अपमानको महसुस गर्‍यो । जवाफ स्वरुप नेता नेपालले ओलीलाई ‘श्री ५ बडामहाराजधिराज’को संज्ञा दिए । 

    बिहीबार ललितपुरको एक कार्यक्रममा अध्यक्ष ओलीले बाटो बिराएका नेताहरूलाई आममाफी दिने घोषणा गर्दै भने, ‘बाटो बिराएका भड्किएका साथीहरुलाई पनि आग्रह गर्न चाहन्छु, यस पार्टी र आन्दोलनको एकताका लागि पुष्पलाललाई सम्झिएर भन्न चाहन्छु, सबैलाई एम्नेष्टी इज ग्रान्टेड । जे सुकै भएको होस्, एम्नेष्टी । आउनुस् मिलेर काम गरौं ।’

    यसको जवाफ दिँदै नेता नेपालले ओलीलाई श्री ५ महाराजअधिकारको संज्ञा दिएका हुन् । नेपाल कम्युनिष्ट पार्टीका संस्थापक पुष्पलाल श्रेष्ठको स्मृति दिवसका सन्दर्भमा शुक्रबार आयोजित कार्यक्रममा नेता नेपालले भने, ‘हिजो  श्री ५ बडामहाराजधिराजबाट अभिव्यक्ति आयो, माधव नेपाल लगायतका माननीय सदस्यहरुमाथि जति पनि स्पष्टीकरण सोधिएका छन्, उनीहरुलाई आममाफी दिइन्छ । एम्नेस्टी इज ग्रान्टेड । हामी गदगद् भयौं ! ‘बडामहाराजाधिराजबाट हामीलाई आममाफी मिलेछ । नाच्नु पर्ने भयो, खुसी हुनुपर्ने भयो । यही हो पद्धति ? यसलाई कम्युनिस्ट पद्धति भनिन्छ ?’ 

    यी ताजा उदाहारण हुन् । तर, नेताहरु पार्टी एकताका लागि क्रियाशील रहँदा संयमता अपनाउनु पर्ने ओली र नेपालले वार्ता भाँड्ने गरी अभिव्यक्ति दिइरहँदा कतै उनीहरुले एमालेको विभाजन चाहेका त होइनन् भन्ने प्रश्न उठाउन थालिएको छ । 


    श्रावण ८, २०७८ शुक्रवार २०:१६:५९ बजे : प्रकाशित

  • सम्बन्धित विषय:

  • # ओली
  • # माधवकुमार

  • क्यानाडा नेपाल

    राष्ट्रपति भण्डारी र प्रधानमन्त्री देउवाबीचको भेटवार्तामा के भयो ?

    श्रावण ९

  • 1.3K
    SHARES
  • राष्ट्रपति भण्डारी र प्रधानमन्त्री देउवाबीचको भेटवार्तामा के भयो ?

    काठमाडौं - राष्ट्रपति विद्यादेवी भण्डारी र प्रधानमन्त्री शेरबहादुर देउवाबीच शुक्रबार भेटवार्ता भएको छ । प्रधानमन्त्री देउवा शुक्रबार साझँ राष्ट्रपति भण्डारीलाई भेट्न शीतलनिवास पुगेका थिए।  

    प्रधानमन्त्रीसँग नियमित भेटवार्ता भएको बताइएको छ । उनीहरुबीच समसामयिक राजनीतिक विषयमा छलफल भएको बताइएको छ । 

    पद तथा गोपनियताको शपथग्रहणपछि प्रधानमन्त्री देउवाको राष्ट्रपतिसँगको पहिलो भेट हो । यसअघि शुक्रबार बिहान राष्ट्रपति भण्डारीले पूर्वप्रधानमन्त्री केपी शर्मा ओलीसँग भेटवार्ता गरेकी थिइन् । 
     


    श्रावण ९, २०७८ शनिवार ०८:०२:४२ बजे : प्रकाशित

  • सम्बन्धित विषय:

  • # शेर बहादुर देउवा
  • कांग्रेस पदाधिकारी बैठक आज पनि   

    श्रावण ९

  • 156
    SHARES
  • कांग्रेस पदाधिकारी बैठक आज पनि    

    काठमाडौं – नेपाली कांग्रेसको पदाधिकारी बैठक आज पनि बस्दैछ । बैठक आज बिहान ९ बजे सभापति तथा प्रधानमन्त्री शेरबहादुर देउवाको निजि निवास बूढानिलकण्ठमा बस्नेछ । 

    बैठक १४ औं महाधिवेशन तयारी र क्रियाशील सदस्यता विवादमा केन्द्रित रहने बताइएको छ । यसअघि शुक्रबार बिहान बसेको बैठकमा महाधिवेशन तोकिएको समयमा गर्ने गरी अधिवेशनको तालिका हेरफेर गर्ने बारे छलफल भएको थियो ।  

    उक्त बैठकमा सभापति देउवाले भदौँ १६ मा महाधिवेशन गर्नेगरी तयारीमा जुट्न निर्देशन दिएका थिए ।


    श्रावण ९, २०७८ शनिवार ०९:१६:२९ बजे : प्रकाशित

    संविधान बचाएर ठूलो लडाइँ जितियो, अब राम्रो काम गर्न  झन् ठूलो चुनौती छ - प्रचण्ड

    श्रावण ९

  • 130
    SHARES
  • संविधान बचाएर ठूलो लडाइँ जितियो, अब राम्रो काम गर्न  झन् ठूलो चुनौती छ - प्रचण्ड

    काठमाडौं - नेकपा माओवादी केन्द्रका अध्यक्ष पुष्पकमल दाहाल 'प्रचण्ड'ले संविधान बचाएर ठूलो लडाइँ जितिएको बताएका छन् ।

    शनिवार नेकपाका संस्थापक नरबहादुर कर्मचार्यको ८ औं स्मृति दिवसको अवसरमा आयोजिक कार्यक्रममा बोल्दै प्रचण्डले सो कुरा बताएका हुन् । 

    संविधानको रक्षा गर्ने ठाउँमा आइपुगिएको भन्दै प्रचण्डले अब झन् ठूलो चुनौती रहेको बताए । उनले अब चुनौती बुद्धिमत्तताका साथ सामना गर्नुपर्ने पनि बताए । उनले पार्टीका सबै सांसदले मन्त्री बन्न खोजेपछि तनावमा परेको पनि उनले बताए । 

    'मन्त्री बन्न दबाब दिने मान्छेहरुको हुलबाट आएको छु म'  उनले भने - '४९ जना सबैलाई मन्त्री चाँहिएको छ। तर पाउने त थोरै छ।'

    उक्त कार्यक्रममा अब सरकारलाई राम्रो काम गर्न अब चुनौती रहेको भन्दै उनले कुनै पनि मन्त्रीलाई लापरबाही नगर्न आग्रह गरे । 
     
     
     


    श्रावण ९, २०७८ शनिवार ११:२४:२९ बजे : प्रकाशित

    प्रधानमन्त्री देउवा र प्रचण्डबीच बालुवाटारमा भेटवार्ता, यी बिषयमा भए छलफल ?

    श्रावण ९

  • 156
    SHARES
  • प्रधानमन्त्री देउवा र प्रचण्डबीच बालुवाटारमा भेटवार्ता, यी बिषयमा भए छलफल ?

    काठमाडौं - प्रधानमन्त्री शेर बहादुर देउवा र नेकपा माओवादी केन्द्रका अध्यक्ष पुष्पकमल दाहाल प्रचण्डबीच भेटवार्ता भएको छ । 

    शनिवार प्रधानमन्त्री देउवा र प्रचण्डबीच सरकारी निवास बालुवाटारमा भेटवार्ता भएको हो । उनीहरुबीच मन्त्रिपरिषद् बिस्तार गर्ने बिषयमा छलफल भएको बताइएको छ । 

    उनीहरुबीच पूर्वप्रधानमन्त्री केपी शर्मा ओलीले नेतृत्वको सरकारले गरेको नियुक्त खारेज गर्ने बिषयमा छलफल भएको र यस कुरामा प्रधानमन्त्री देउवा र प्रचण्ड सहमत भएको बतायएको छ । उनीहरुबीच अब छिट्टै नै मन्त्रिपरिषद् बिस्तार गर्ने बारे छलफल भएको छ ।  


    श्रावण ९, २०७८ शनिवार १३:४४:१४ बजे : प्रकाशित

    images
    ताजा खबर