• Apr 13 2021 | २०७७, चैत्र ३१गते

२०७७, चैत्र ३१गते

प्रतिनिधिसभा विघटन अघिका ३२ विधेयक प्रतिनिधिसभामा पेश हुँदै

क्यानाडानेपाल फाल्गुण १६ २०७७
  • 888
    SHARES
  • प्रतिनिधिसभा विघटन अघिका ३२ विधेयक प्रतिनिधिसभामा पेश हुँदै

    काठमाडौँ । संसदीय इतिहासमा हालसम्म पाँच पटक प्रतिनिधिसभाको विघटन भएको मध्ये दुई विघटनका कदमले मात्र सार्थकता पाएको छ । विघटित प्रतिनिधिसभा दुईपटक अदालतमार्फत र एकपटक जनआन्दोलनमार्फत पुनःस्थापित भएका थिए  । 

    पहिलोपटक विसं २०५१ मा तत्कालीन प्रधानमन्त्री गिरिजाप्रसाद कोइरालाले प्रतिनिधिसभा विघटनको सिफारिस गरेका थिए ।  विसं २०५१ असार २७ गते तत्कालीन राजाबाट सो सिफारिस सदर गरिएको थियो ।  

    आर्थिक वर्ष २०५१/०५२ को सरकारको नीति तथा कार्यक्रममाथि छलफल पश्चात्  पारित गर्न विसं २०५१ असार २६ गते प्रतिनिधिसभाको बैठक बसेको थियो । सो बैठकमा  नीति तथा कार्यक्रम पारित गर्न प्रस्ताव हुँदा  पक्षमा ७४ र विपक्षमा ८६ मत परी  अस्वीकृत भएको सङ्घीय संसद् सचिवालयद्वारा प्रकाशित ‘संसद् दर्पण’मा उल्लेख छ । 

    त्यसपछि तत्कालीन प्रधानमन्त्री कोइरालाले पदबाट राजीनामा दिनुका साथै नेपाल अधिराज्यको संविधान २०४७ बमोजिम प्रतिनिधिसभा विघटन गरी विसं २०५१ कात्तिक २७ गते आमनिर्वाचनका लागि मिति तोक्न सिफारिस भएबमोजिम प्रतिनिधिसभा विघटन भएको थियो । 

    विसं २०५१ मङ्सिर १३ गते तत्कालीन नेकपा (एमाले) संसदीय दलका नेता मनमोहन अधिकारी सबैभन्दा बढी सदस्य भएको दलको नेताको हैसियतले प्रधानमन्त्रीमा नियुक्त भएका थिए । विकसित राजनीतिक घटनाक्रमसँगै विसं २०५२ जेठ २६ गते तत्कालीन प्रधानमन्त्री अधिकारीले प्रतिनिधिसभा विघटन गर्न तत्कालीन राजा समक्ष सिफारिस गरेपछि जेठ ३० गते प्रतिनिधिसभा विघटन भएको थियो ।  सर्वोच्च अदालतबाट विसं २०५२ भदौ १२ गते विघटनलाई बदर गरी प्रतिनिधिसभा पुनःस्थापना गरिएको थियो । 

    नेपालमा तेस्रोपटक प्रतिनिधिसभाको बैठक चालू रहेको १५ औँ अधिवेशनको बीचमै विसं २०५५ माघ १ गते तत्कालीन प्रधानमन्त्री गिरिजाप्रसाद कोइरालाले नेपाल अधिराज्यको संविधान २०४७ बमोजिम प्रतिनिधिसभा पुनः विघटन गरी विसं २०५६ वैशाख २० गते निर्वाचनको मिति तोक्ने सिफारिस गरेका थिए । सो सिफारिसअनुसार राजाबाट सोही दिन प्रतिनिधिसभा विघटन भएको थियो । 

    विसं २०५४ पुसमा तत्कालीन प्रधानमन्त्री सूर्यबहादुर थापाले प्रतिनिधिसभा विघटनका लागि तत्कालीन राजा वीरेन्द्रलाई सिफारिस गरेका थिए । राजाले सो सिफारिसलाई कार्यान्वयन नगरी सर्वोच्च अदालतसँग राय मागेका थिए । सर्वोच्चले विघटन नगर्ने राय दिएको थियो ।

    चौथौपटक विसं २०५९ जेठ ९ गते प्रतिनिधिसभाको बैठक बस्ने गरी संसद्को २२ औँ अधिवेशन आह्वान भएकामा तत्कालीन प्रधानमन्त्री शेरबहादुर देउवाले विसं २०५९ जेठ ८ गते प्रतिनिधिसभा विघटनका लागि सिफारिस गरेका थिए ।  निर्वाचनको लागि मिति तोक्न सिफारिस गरेबमोजिम सोही दिन प्रतिनिधिसभा विघटन भएको थियो ।

    विघटन भएको प्रतिनिधिसभा जनआन्दोलनको बलबाट तत्कालीन राजा ज्ञानेन्द्र शाहबाट विसं २०६३ वैशाख ११ गते राति ११ बजे पुनःस्थापना गरी २०६३ साल १५ गते बैठक बस्ने गरी मितिसमेत तोकिएको थियो । पाँचौँ पटक विसं २०७७ प्रधानमन्त्री केपी शर्मा ओलीले मन्त्रिपरिषद्को सिफारिससहित नेपालको संविधानबमोजिम र संसदीय प्रणालीको आधारभूत मर्म एवं अभ्यास बमोजिम गत पुस ५ गते प्रतिनिधिसभा विघटन गरियोस् भनी सिफारिस गरेका थिए। 
    सो सिफारिसबमोजिम राष्ट्रपतिबाट वर्तमान प्रतिनिधिसभा विघटन गरी विसं २०७८  वैशाख १७ र २७ गते गरी दुई चरणमा प्रतिनिधिसभाको निर्वाचन सम्पन्न गर्ने गरी मिति तोकिएको थियो । सर्वोच्च अदालतले यही फागुन ११ गते प्रतिनिधिसभा विघटनविरुद्धको मुद्दामा सुनुवाइपछि पुनःस्थापना गर्ने फैसला गरेको थियो । 

    फैसला सुनाउँदै अदालतले १३ दिनभित्र संसद् अधिवेशन बोलाउन परमादेश समेत जारी गरेको छ । अदालतको फैसलापछि सरकारले यही फागुन २३ गते प्रतिनिधिसभाको बैठक बोलाउन राष्ट्रपतिसमक्ष सिफारिश गर्ने निर्णय गरेको छ । 

    प्रतिनिधिसभामा ३२ विधेयक प्रक्रियामा

    नेपालको संविधान जारी भएपश्चात् विसं २०७४ को आमनिर्वाचन सम्पन्न भई विसं २०७४ फागुन २१ गतेदेखि सङ्घीय संसद्को पहिलो अधिवेशन शुरुआत भएको थियो । सो समयदेखि हालसम्म विधेयक शाखा (प्रतिनिधिसभा) मा दर्ता भएका विधेयक ८७ रहेका छन् । तीमध्ये प्रमाणीकरण भएका विधेयक जम्मा ५३ रहेका छन् भने दर्ता भएपश्चात् तीन विधेयक सरकारले फिर्ता लिएको थियो । 

    हाल प्रतिनिधिसभामा प्रक्रियामा ३२ विधेयक रहेका छन् । तीमध्ये दर्ता भएर वितरण गरिएका आठ, समितिमा विचाराधीन १०, सभामा विचाराधीन १२ र राष्ट्रियसभाबाट प्राप्त सन्देश पेश हुन बाँकी दुई विधेयक रहेको सचिवालयका सूचना अधिकारी दशरथ धमलाले जानकारी दिए ।

    सङ्घीय संसद्को पहिलो अधिवेशन विसं २०७४ फागुन २१ गतेदेखि चैत २० गतेसम्म भएको थियो । संसद्को दोस्रो अधिवेशन विसं २०७५ वैशाख २३ गतेदेखि असोज ११ गतेसम्म, तेस्रो अधिवेशन विसं २०७५ पुस ११ गतेदेखि चैत १० गतेसम्म, चौथो अधिवेशन विसं २०७६ वैशाख १६ गतेदेखि असोज २ गतेसम्म भएको थियो । 

    त्यस्तै संसद्को पाँचौं अधिवेशन विसं २०७६ पुस ४ गतेदेखि चैत २४ गतेसम्म र छैटौँ अधिवेशन विसं २०७७ वैशाख २६ गतेदेखि असार १८ गतेसम्म चलेको थियो । सङ्घीय संसद्मा दुवै सभातर्फ दर्ता भएका सन्धी÷सम्झौताको सङ्ख्या १४ छ । उक्त छ सन्धी÷सम्झौता दुवै सभाबाट अनुमोदन भएका छन् भने आठ सन्धी÷सम्झौता सदस्यलाई वितरण मात्र भएका छन् । 


    फाल्गुण १६, २०७७ आइतवार १७:५९:३५ बजे : प्रकाशित

    अर्कोसमाचार

    ओलीले पार्टीलाई एकपक्षीय रुपमा सञ्चालन गरे - माधव नेपाल 

    क्यानाडानेपाल

    चैत्र ३०

  • 152
    SHARES
  • ओलीले पार्टीलाई एकपक्षीय रुपमा सञ्चालन गरे - माधव नेपाल 

    जनकपुरधाम - नेकपा (एमाले) का निलम्बित नेता माधवकुमार नेपालले पार्टीमा भेदभाव बढ्दै गएको बताएका छन् ।

    सोमबार जनकपुरधाममा आयोजित एक कार्यक्रममा बोल्दै नेपालले सो कुरा बताएका हुन् । उनले पार्टीमा आलोचना र सुझाव दिनेलाई शत्रुवत् व्यवहार गर्न नहुने बताए । 

    उनले पार्टी अध्यक्ष केपी शर्मा ओलीले पार्टीलाई एकपक्षीय रुपमा सञ्चालन गरेको आरोप पनि लगाए । उनले भने - 'पार्टीभित्र आलोचना सुन्ने र सुझावलाई अङ्गीकार गरी गल्ती स्वीकार गरेर अघि बढ्नु पर्छ'
     
    उनले देशमा सबैभन्दा राम्रो पार्टी कम्युनिष्ट पार्टी भए पनि पछिल्लो समय पार्टीमा सङ्कट बढ्दै गएको बताए ।


    चैत्र ३०, २०७७ सोमवार १९:२७:१७ बजे : प्रकाशित

  • सम्बन्धित विषय:

  • # माधव नेपाल

  • क्यानाडानेपाल डेस्क

    कांग्रेस केन्द्रीय कार्यसमितिको बैठक वैशाख ५ गते बस्ने

    क्यानाडानेपाल

    चैत्र ३०

  • 146
    SHARES
  • कांग्रेस केन्द्रीय कार्यसमितिको बैठक वैशाख ५ गते बस्ने

    काठमाडौं - नेपाली कांग्रेस केन्द्रीय कार्यसमितिको बैठक २०७८ वैशाख ५ गते बस्ने भएको छ । आज चैत्र ३० गते बस्ने भनिएको बैठक वरिष्ठ नेता रामचन्द्र पौडेलका माईला भाई  गोविन्दराज पौडेलको निधन भएपछि स्थगीत गरिएको थियो ।

    अब आउँदो आइतबार बैठक बस्ने बारे कांग्रेसका मुख्य सचिव कृष्णप्रसाद पौडेलले विज्ञप्तिमार्फत जानकारी गराएका छन् । विज्ञप्तिमा बैठक वैशाख ५ गते आइतबार दिनको २ बजे बस्ने जनाइएको छ । 

    बैठकमा केन्द्रीय कार्यसमितिका पदाधिकारी, केन्द्रीय सदस्यहरु तथा आमन्त्रित सदस्यहरुको उपस्थितिका लागि अनुरोध गरिएको छ । आजको बैठकमा महाधिवशेन केन्द्रीत रहेर छलफल हुने बताइएको थियो । 


    चैत्र ३०, २०७७ सोमवार १८:१९:१२ बजे : प्रकाशित

  • सम्बन्धित विषय:

  • # कांग्रेस केन्द्रीय कार्यसमितिको बैठक

  • क्यानाडानेपाल डेस्क

    जनताले संघीयताको विकल्प खोजे

    क्यानाडानेपाल

    चैत्र ३०

  • 508
    SHARES
  • जनताले संघीयताको विकल्प खोजे

    काठमाडौं । प्रधानमन्त्री केपी शर्मा ओलीले जनताले संघीयताको विकल्प खोज्न थालेको बताएका छन् । काठमाडौंमा सोमबार आयोजित एक कार्यक्रममा प्रधानमन्त्री ओलीले जनताले संघीयताको विकल्प खोज्न थालेको बताएका हुन् । 

    संघीयताले काम गरेन भनेर जनताले विकल्प खोज्न थालेको बताएका प्रधानमन्त्री ओलीले भने, ‘जनताले संघीयताले काम गरेन भन्न थालेका छन् । मन्त्रीले भनेका छन् । सांसदले भनेका छन् । कुदेका छन् । कागज बोकेको छ । अपवित्र गठबन्धन गरेर प्रदेशका सरकार हटाउने खेल चलाइएको छ । यस्तो दृष्यले जनताले संघीयता नहुने रहेछ भन्न थालेका छन् ।’

    नेताहरुको कार्यशैलीले जनतामा संघीयताप्रति वितृष्णा बढेको बताएका उनले भने, ‘विकास नहुने, जनताको पक्षमा कुनै काम नहुने अनि द्वैष फैलाउने घृणा फैलाउने काम हुन थालेको छ ।’

    एकअर्काे प्रसङ्गमा प्रधानमन्त्री तथा एमालेका अध्यक्ष ओलीले आफूले पार्टीलाई एकताबद्ध गरेर लैजाने खोजेको भए पनि उल्टै आफूमाथि कारबाही गरेको नाटक गरेको टिप्पणी गरे । 

    माओवादी केन्द्रका अध्यक्ष पुष्पकमल दाहाल प्रचण्डप्रति कटाक्ष गर्दै ओलीले भने, ‘आफूले पार्टी एक गरेर लैजान खोजेको, भष्माशूरलाई वरदान दिएझै मेरै टाउकोमा हात राख्न खोज्ने । मलाई नै पार्टीबाट हटाए । पार्टी अध्यक्ष, दलको नेता र सदस्यबाटै निष्काशन गरे । तमासा देखाइएको छ, केटाकेटीलाई दशैं आएझै भएको छ ।’


    चैत्र ३०, २०७७ सोमवार १६:२१:११ बजे : प्रकाशित

  • सम्बन्धित विषय:

  • # जनता
  • # संघीयताको विकल्प

  • क्यानाडानेपाल

    संसदमा राष्ट्रिय सहमति सरकारको चर्चा

    क्यानाडानेपाल

    चैत्र ३०

  • 228
    SHARES
  • संसदमा राष्ट्रिय सहमति सरकारको चर्चा

    काठमाडौं । प्रमुख प्रतिपक्षी दल नेपाली कांग्रेसले राष्ट्रिय सहमतिको सरकार बनाउनु पर्नेमा जोड दिएको छ । सोमबार बसेको प्रतिनिधि सभाको बैठकमा कांग्रेस सांसद प्रदीप गिरीले राष्ट्रिय सहमतिको सरकार बनाउनु पर्नेमा जोड दिएका हुन् । 

    कांग्रेसले आफ्नो नेतृत्वमा सरकार बनाउन छलफल थालेका बेला सांसद गिरीले प्रधानमन्त्री केपी शर्मा ओलीलाई पुनः संसद विघटन नगर्न आग्रह गरे । 

    विद्यमान राजनीतिक संकटको दोष प्रधानमन्त्री ओलीमाथि लगाएका उनले संसदमा भनाभन गरेर समस्याको समाधान ननिस्कने भएकाले राष्ट्रिय सहमति खोज्नुपर्ने बताएका हुन् ।

    संविधानको रक्षा गर्दै सबैको भावना समेट्नु पर्ने भन्दै संसदमा उनले भने, ‘संविधानको रक्षा गर्छौं कि गर्दैनौं ? रक्षा गर्दा यही रुपमा गर्छौं वा यथोचित परिर्माजनका साथ गर्छौं ? त्यो परिमार्जन टालटुले हुन्छ वा मुलुकको सबै समुदाय, जातिको चित्त बुझाउने गर्छौं ? यो संविधानलाई बचाएर अगाडि बढ्ने हो वा २०४७ सालको जस्तै विजोग गर्ने हो ? अथवा चुच्चे नक्साको जस्तो विजोगमा लैजाने हो ?’


    चैत्र ३०, २०७७ सोमवार १५:५५:०५ बजे : प्रकाशित

  • सम्बन्धित विषय:

  • # सरकार

  • क्यानाडानेपाल

    कोरिया जान नपाएका नेपाली कामदारकाबारेमा सरकारले बेवास्ता गर्‍यो - गगन थापा

    क्यानाडानेपाल

    चैत्र ३०

  • 192
    SHARES
  • कोरिया जान नपाएका नेपाली कामदारकाबारेमा सरकारले बेवास्ता गर्‍यो - गगन थापा

    काठमाडौं - नेपाली कांग्रेसका सांसद गगनकुमार थापाले कोरिया जान नपाएका नेपाली कामदारका बारेमा सरकारले वेवास्ता गरेको बताएका छन् ।

    सोमबार बसेको प्रतिनिधि सभाको बैठकको शून्य समयमा बोल्दै थापाले सो कुरा बताएका हुन् । उनले कोरियामा रोजगारीमा जान भाषा र सीप परीक्षणा उतीर्ण गरेकाहरूको रोजगारी सुनिश्‍चितता गर्न माग पनि गरेका छन् ।

    उनले भने - 'दक्षिण कोरियाको भाषा र सीप परीक्षा उत्तीर्ण गरेका करिब १० हजार पाँच सय र प्रतिवद्ध कामदार २ हजार महिनौंदेखि काठमाडौंमा बसेका छन्। उनीहरूको बारेमा सरकारले वेवास्ता गरेको छ।'

    कोरोना प्रभावले लाखौंले राजगारी गुमाएको बताउदै उनले कोरियालगायत वैदेशिक रोजगारीबाट फर्केर आएका कामदारहरु जान नपाएको र यस बारेमा सरकारले केही नगरेको बताए।  

    उनले विदेशबाट फर्केर आएका कामदारहरुले रोजगारी पाउने बारेमा मन्त्रालयले ठोस कदम चलेर जानकारी गराउन माग गरेका छन् ।   


    चैत्र ३०, २०७७ सोमवार १४:२९:०६ बजे : प्रकाशित

  • सम्बन्धित विषय:

  • # गगन थापा

  • क्यानाडानेपाल डेस्क

    केपी ओली र माधवकुमार नजिकिँदै !

    क्यानाडानेपाल

    चैत्र ३०

  • 370
    SHARES
  • केपी ओली र माधवकुमार नजिकिँदै !

    काठमाडौं । सत्तारुढ नेकपाको आन्तरिक विवाद समाधान भइसकेको छैन ।

    अध्यक्ष केपी शर्मा ओलीले वरिष्ठ नेता माधवकुमार नेपाल, उपाध्यक्ष भीम रावल, उपमहासचिव घनश्याम भुसाल र स्थायी कमिटी सदस्य सुरेन्द्र पाण्डेलाई ६ महिनाका लागि साधारण सदस्यबाटै निलम्बन गरेपछि विवाद झनै उत्कर्षमा पुगेको छ ।

    नेपाल–खनाल समूहले मुलुकभर सामान्तर कमिटी गठन गर्न थालेको छ । तर, यस अवस्थामा प्रधानमन्त्रीसमेत रहेका अध्यक्ष ओलीले पार्टीको केन्द्रीय कमिटीको बैठक बोलाएका छन् । अध्यक्ष ओलीले वैशाख ६ गते बस्ने गरी केन्द्रीय कमिटी बैठक बोलाएको हो । 

    पार्टीभित्रको विवाद छलफल र संवादबाट अन्त्य गर्न सकिने नेता नेपालको सार्वजनिक अभिव्यक्तिपछि अध्यक्ष ओलीले सो बैठक बोलाएका हुन् । संवाद र छलफलबाटै विवादको समाधान र 

    गुट उपगुटको अन्त्य गर्नुपर्नेमा जोड दिँदै नेता नेपालले पार्टी भित्रको विवाद अन्त्य गर्न विधि र पद्धतिअनुसार बैठक र छलफल राख्नु पर्ने बताएका थिए । नेता नेपालको सो अभिव्यक्तिपछि अध्यक्ष ओलीले केन्द्रीय कमिटी बैठक बोलाएका हुन् । यो संयोग हो वा दुई नेताबीचको आपसी कुराकानीबाट बैठक बोलाइएको हो, यसबारे केही खुलेको छैन ।

    माधवकुमार नेपालको लचकता माधवकुमार नेपालको लचकता

    तर, आइतबार पर्साको वीरगञ्जमा आयोजित पत्रकार सम्मेलनमा नेपालले पार्टीभित्रको विवाद समाधान गर्न सकिने र यसका लागि बैठक र छलफल राख्नुपर्ने बताएका थिए । यसको भोलिपल्ट सोमबार अध्यक्ष ओलीले केन्द्रीय कमिटी बैठक आउँदो वैशाख ६ गतेका लागि बोलाएका हुन् । 

    सो बैठकले पार्टीको महाधिवेशनका विषयमा निर्णय गर्ने नेताहरुको अपेक्षा छ । 


    चैत्र ३०, २०७७ सोमवार १४:१९:४९ बजे : प्रकाशित

  • सम्बन्धित विषय:

  • # केपी ओली
  • # माधवकुमार

  • क्यानाडानेपाल