• Aug 01 2021 | २०७८, श्रावण १७गते

२०७८, श्रावण १७गते

ओलीसँग सम्बन्ध सुधार्ने कसरतमा उपेन्द्र यादव

चैत्र २० २०७७
  • 4.5K
    SHARES
  • ओलीसँग सम्बन्ध सुधार्ने कसरतमा उपेन्द्र यादव

    काठमाडौं । जनता समाजवादी पार्टी (जसपा) भित्र केपी शर्मा ओलीको सरकारलाई समर्थन गर्ने कि नगर्ने विषयले खैलाबैला सिर्जना भइरहेको छ ।

    जसपाका अध्यक्ष महन्थ ठाकूर समूह ओली सरकारलाई समर्थन गर्नुपर्ने अडिगमा रहेको बेला डा. बाबुराम भट्टराई र उपेन्द्र यादव समूह प्रचण्डलाई समर्थन गरेर नयाँ सरकार गठन गर्नुपर्नेमा अडान लिँदै आएका छन् । 

    जसपा भित्रको किचलो मिलाउन नसकेर माओवादी केन्द्रले समेत ओली सरकारलाई दिएको समर्थन फिर्ता लिन सकेको छैन । महन्थ ठाकुरलाई सहमतिमा ल्याउन प्रचण्डले धेरै कोशिश गरे, तर सफल हुन नसकेपछि डा. बाबुराम भट्टराईमार्फत उपेन्द्र यादवलाई यो काम सुम्पिएका थिए ।

    उपेन्द्र यादवले महन्थ ठाकुर र राजेन्द्र महतोलाई प्रचण्डलाई साथ दिन सम्झाउने कोशिशा गरेका छन् । तर, उल्टै महन्थले उपेन्द्रको सोचमा परिवर्तन ल्याइदिएका जसपाका नेताले जानकारी दिए । ती नेताकाअनुसार अहिले उपेन्द्र यादव केपी शर्मा ओलीलाई रिझाउने र सम्बन्ध बनाउने कसरतमा लागेका छन् ।

    दुई शीर्षनेताको भेटमा उपेन्द्र यादवले महन्थ ठाकुरलाई ओलीसरकार ढाल्न प्रचण्डलाई समर्थन गरुम् कि नयाँ गठन हुने सरकारमा आफ्नो दबदबा देखाउँ भन्दै प्रस्ताव गरेका थिए । नेता ठाकुर र राजेन्द्र महतोले उपेन्द्र यादवको कुरा सुनेपछि उनलाई सुझाव दिँदै भने, ‘प्रचण्डको भर नपर्नुस्, ओलीको कुरा नसुने पनि देउवादेखि माधव नेपालको हविगत देख्नु भएको होला ।’ 

    सुझाव सुनेपछि उपेन्द्र यादवले भने, ‘अब त्यस्तो हुँदैन बरु हामी सुरुवात मै लिखित सम्झौता गर्ने, त्यो गर्न प्रचण्ड तयार छन् । हामी मध्ये एकले सरकारमा राम्रो ठाउँ समेत पाउँछौ । महन्थ ठाकुरलाई प्रधानमन्त्री नै बनाउ समेत भन्नुभएको छ ।’

    यो कुरा सुनेपछि महन्थ ठाकुरले मुस्काउँदै भने, “तपाई हामी भनेको मधेशी जनताले साथ दिएर मात्र अघि बढ्न सकेका छौँ । तर तपाइँ प्रचण्डको पछि लाग्न थाल्नुभयो भने न मधेशीले साथ देलान् न हाम्रो साथ पाउनुहोला । प्रचण्डले लिखित सहमति नै गरेका थिए ओलीसँग तर हेर्नुस के के हुँदैछ । अन्तिममा फेरि प्रचण्डसँगै मिलेर राजनीति गर्ने कि हामी संगै मिलेर गर्ने सोच्नुस् ।“

    महन्थ ठाकूरको भनाई सुनेपछि उपेन्द्र यादवले आफ्नो अडान छोडेर प्रधानमन्त्री ओलीलाई नै सहयोग गर्न तयार भएका छन् । यसपछि उपेन्द्र यादवले अहिले परशुराम बस्नेतमार्फत ओलीसँग सम्बन्ध सुधार्ने कोशिशमा लागेका छन् । परशुराम बस्नेतलाई दूत बनाएर प्रधानमन्त्री ओलीसँग सम्बन्ध सुधार्ने कसरतमा लागेका हुन् । परशुराम बस्नेतले उपेन्द्र यादवको सन्देश बालुवाटार पुर्याएका छन् तर ओलीले उपेन्द्रमाथि कत्तिको विश्वास गर्छन गर्दैनन् भन्ने कुनै जवाफ दिएका छैनन् ।

    श्रोतका अनुसार उपेन्द्र यादवलाई प्रचण्डले नयाँ सरकार गठन गर्दा उपप्रधान तथा गृहमन्त्री बनाउने आश्वासन दिएका छन् । जसका कारण नेता यादव ओली विरुद्ध खनिएका थिए । तर अहिले प्रचण्डले सरकारको समर्थन फिर्ता लिन सक्ने कुनै अवस्था नदेखेपछि ओलीसंग सम्बन्ध सुधार्ने मूडमा पुगेका हुन् ।


    चैत्र २०, २०७७ शुक्रवार १२:०३:०५ बजे : प्रकाशित

    अर्कोसमाचार

    माधवकुमार नेपाल किनारा लाग्दै

  • 444
    SHARES
  • माधवकुमार नेपाल किनारा लाग्दै

    काठमाडौं । नेकपा एमालेका वरिष्ठ नेता माधवकुमार नेपाल अब आफ्नै पार्टीबाट औपचारिक रुपमा किनारा लाग्न थालेका छन् । लामो समयको आन्तरिक विवाद समाधानका अनेकौँ प्रयास असफल भएपछि नेता नेपाललाई अब नपर्खने मनस्थितिमा संस्थापन केपी शर्मा ओली पक्ष देखिएको छ । 

    सहमतिका लागि गरिएका हरेक प्रस्तावप्रति विमति जनाएका नेता नेपाल एमालेमै रहन नचाहेको स्वयं उनीपक्षीय नेताहरुले अनुभव गर्न थालेका छन् । 

    आफैंले बनाएको कार्यदलबीच गत असार २७ गते भएको १० बुँदे सहमतिप्रति नेता नेपालले असन्तुष्टि जनाए । तर, सो सहमतिलाई एमालेको बैठकले अनुमोदन गरेको छ । दोस्रो अध्यक्षमा सहमति गर्न संस्थापन पक्ष राजी भए पनि अन्ततः फेरि नेपाल पक्षले असहमति जनाएको छ । 

    सुरुवातमा पार्टीलाई २०७५ जेठ २ को अवस्थामा लैजानुपर्ने अडान लिएको नेपाल समूह अहिले पार्टीलाई सोही अवस्था पु¥याउँदा फेरि माग थप्दै विवाद लम्ब्याइरहेको ओली समूहको बुझाइ छ । 

    विघटित कार्यदलका सदस्यको आग्रहमा शनिबार स्थगित स्थायी कमिटीको आज आइतबार बस्ने बैठकले महत्वपूर्ण निर्णय गरेर अघि बढ्नुपर्ने तर्क नेताहरुले गर्न थालेका छन् । 

    आफ्नै पार्टीविरुद्ध मतदान र गतिविधि गरेर हिँड्न समूहलाई पर्खेर पार्टीका अरु गतिविधिलाई प्रभाव पार्न नहुने पक्षमा संस्थापन पक्ष पुगेको छ । नेता नेपालले व्यवहार र राजनीतिक आचारणका कारण उनका समूहका नेताहरु ओली समूहमा फर्कन थालेका छन् । 

    नर्वाैं महाधिवेशनमा अध्यक्षबाट पराजित नेता नेपालले अहिले अध्यक्ष ओलीसरह अधिकार खोजेर पार्टी एकतालाई भाँड्न खोजेको एमालेका नेताहरुको आरोप छ । अब नेता नेपाललाई नपर्खने र उनको समूहका आउने नेताहरुलाई स्वागत गरेर पार्टीलाई गतिशील बनाउने पक्षमा अध्यक्ष ओली पनि पुगेका छन् । 

    यदी संस्थापन पक्षले नेपाल समूहलाई नपर्खने र पार्टीलाई गतिशील बनाउने हो भने माधवकुमार पक्षीय नेताहरु संस्थापनमा जानेछन् भने नेता नेपाल एमालेबाटै किनारा लाग्न सक्ने नेताहरुले बताउन थालेका छन् ।


    श्रावण १७, २०७८ आइतवार ११:३४:०७ बजे : प्रकाशित

  • सम्बन्धित विषय:

  • # माधवकुमार नेपाल

  • क्यानाडा नेपाल

    माओवादीले भने –माधव नेपाल समूहका कारण मन्त्रिपरिषद् विस्तारमा ढिलाइ

  • 182
    SHARES
  • माओवादीले भने –माधव नेपाल समूहका कारण मन्त्रिपरिषद् विस्तारमा ढिलाइ

    काठमाडौं । नेकपा माओवादी केन्द्रले एमालेको नेपाल समूहका कारण मौजुदा मन्त्रिपरिषद् विस्तारमा ढिलाइ भएको बताएको छ । 
    पार्टीको स्थायी कमिटीको बैठकपछि माओवादीका प्रवक्ता नारायणकाजी श्रेष्ठले एमालेको खनाल–नेपाल समूहका कारण  मन्त्रिपरिषद् विस्तारमा ढिलाइ भएको बताएका हुन् । 

    मन्त्रिपरिषद् विस्तारका लागि केही समय कुर्न नेपाल समूहले भनेको जानकारी दिँदै उनले गठबन्धनमा आवद्ध जसपाको आधिकारिकता विवादका कारण केही ढिलाइ भएको बताए । 

    तर, मन्त्रिपरिषद् विस्तार गर्न केही समय कुर्न भनेको नेपाल समूहले सरकारमा सहभागी हुने या नहुने निर्णय गरिसकेको छैन भने सरकारमा सहभागी हुँदा दल त्यागको कारबाहीमा पर्ने भएकाले सो समूह अलमलमा परेको छ । 

    तर, कुनै अमूक दललाई सरकारमा सहभागी गराउने बाहनामा मुलुक सञ्चालनमा असर पार्न नहुने आवाज उठिरहे पनि प्रधानमन्त्री शेरबहादुर देउवाले मन्त्रिपरिषद् विस्तारमा ध्यान दिएका छैनन् । 

    तर, गठबन्धन मन्त्रिपरिषद् विस्तारमा ढिलाइ गर्न नहुनेमा निष्कर्षमा पुगेको प्रवक्ता श्रेष्ठले जानकारी दिए । उनकाअनुसार अब एकदुई दिनमै मन्त्रिपरिषद् विस्तार हुनेछ । 

     


    श्रावण १७, २०७८ आइतवार १४:१३:३८ बजे : प्रकाशित

  • सम्बन्धित विषय:

  • # मन्त्रिपरिषद् विस्तार

  • क्यानाडा नेपाल

    ओलीको बैठकमा वामदेव गौतम सहभागी

  • 346
    SHARES
  • ओलीको बैठकमा वामदेव गौतम सहभागी

    काठमाडौं । नेकपा एमालेको जारी स्थायी कमिटी बैठकमा उपाध्यक्ष वामदेव गौतम सहभागी भएका छन् । ओली र माधवकुमार नेपाल समूहमा एमाले विभाजित भएको छ ।

    विवाद समाधान नभएको भन्दै अध्यक्ष ओलीले बोलाएको बैठकमा नेपाल समूहका नेताहरु सहभागी भएका छैनन् ।

    तर, नेपाल समूहलाई पार्टी फुटाए आफू सहभागी हुने बताएका उपाध्यक्ष गौतम भने ललितपुरको च्यासलस्थित तुलसीलाल स्मृति भवनमा जारी स्थायी कमिटी बैठकमा सहभागी भएका छन् । यसअघिका बैठकमा उनी अनुपस्थित थिए । 


    श्रावण १७, २०७८ आइतवार १६:५०:५८ बजे : प्रकाशित

  • सम्बन्धित विषय:

  • # नेकपा एमाले

  • क्यानाडा नेपाल

    माधव नेपाल समूह सरकारमा नजाने, प्रचण्डले भने– अब मन्त्रिपरिषद्लाई पूर्णता दिऊँ  

  • 234
    SHARES
  • माधव नेपाल समूह सरकारमा नजाने, प्रचण्डले भने– अब मन्त्रिपरिषद्लाई पूर्णता दिऊँ  

    काठमाडौं । प्रमुख सत्तासाझेदार दल नेकपा माओवादी केन्द्रले अब मन्त्रिपरिषद्लाई पूर्णता दिनुपर्ने बताएको छ । 

    पेरिसडाँडास्थित पार्टी मुख्यालयमा आइतबार बसेको स्थायी समितिको बैठकमा अध्यक्ष पुष्पकमल दाहाल प्रचण्डले एमालेको नेपाल समूह तत्काल सरकारमा सहभागी नहुने भएकाले अब मन्त्रिपरिषद्लाई पूर्णता दिनुपर्ने बताएका हुन् । 

    नेपाल समूह सरकारमा सहभागी हुने सम्भावना अहिलेका लागि टरेकाले अब मन्त्रिपरिषद् विस्तार गरेर अघि बढ्नुपर्नेमा प्रचण्डले जोड दिएका हुन् । 

    व्यक्तिगत रुपमा नेपाल समूह सरकारमा सहभागी हुने अवस्था रहने र संस्थागत रुपमा पनि अहिले वातावरण नबनेकाले अब मन्त्रिपरिषद्लाई पूर्णता दिन विलम्ब गर्न नहुने बताउँदै प्रचण्डले एमालेको एकता नै आफूहरुले पनि चाहेको बताए । 

    पछिल्लो समय पटक पटक माधवकुमार नेपाललाई भेटेर छलफल गर्दै आएका प्रचण्डले नेपाल समूह सरकारमा सहभागी हुने सम्भावना नरहेको बैठकलाई जानकारी गराएका हुन् । 

    त्यस्तै माओवादीले सरकारमा सहभागी हुने नेताहरूको नामबारे सोमबार बस्ने बैठक टुङ्गो लगाउने भएको छ ।


    श्रावण १७, २०७८ आइतवार १७:३३:४१ बजे : प्रकाशित

  • सम्बन्धित विषय:

  • # काठमाडौँ

  • क्यानाडा नेपाल

    एमालेको स्थानीय तहका अधिवेशन असोज ९ भित्र सक्ने, डाकियो केन्द्रीय कमिटी बैठक 

  • 164
    SHARES
  • एमालेको स्थानीय तहका अधिवेशन असोज ९ भित्र सक्ने, डाकियो केन्द्रीय कमिटी बैठक 

    काठमाडौं । नेकपा एमालेले आउँदो असोज ९ गतेभित्र स्थानीय तहको अधिवेशन सक्न निर्देशन दिएको छ ।

    आइतबार बसेको स्थायी कमिटी बैठकले आउँदो असोज ९ गतेभित्र अधिवेशन सक्न मुलुकभरका सबै पालिकाहरुलाई निर्देशन दिएको हो । 

    बैठकपछि पत्रकारहरुसँग कुरा गर्दै पार्टीका महासचिव ईश्वर पोखरेलले दिएको जानकारीअनुसार आइतबारको बैठकले असोज ९ सम्म पालिकास्तरको अधिवेशन सक्ने निर्णय भएको हो । 

    ललितपुरको च्यासलस्थित तुल्सीलाल स्मृति प्रतिष्ठान भवनमा आइतबार बसेको स्थायी कमिटी बैठकले यही साउन २४ गतेलाई केन्द्रीय कमिटी बैठक बोलाउने निर्णय पनि गरेको उनले जानकारी दिए । 


    श्रावण १७, २०७८ आइतवार १८:०८:४९ बजे : प्रकाशित

  • सम्बन्धित विषय:

  • # एमाले
  • # अधिवेशन

  • क्यानाडा नेपाल

    प्रचण्डको नियति : पहिले बालुवाटार धाउँथे अहिले कोटेश्वर 

  • 266
    SHARES
  • प्रचण्डको नियति : पहिले बालुवाटार धाउँथे अहिले कोटेश्वर 

    काठमाडौं । दोस्रो जनआन्दोलनसँगै शान्ति प्रक्रियामार्फत खुला राजनीतिमा आएका नेकपा माओवादी केन्द्रका अध्यक्ष पुष्पकमल दाहाल प्रचण्डको वरिपरि मुलुकको राजनीति डेढ दशकदेखि घुमिरहेको छ । उनी सत्तामा रहँदा हुन् वा सरकार बाहिर रहँदा किन नहोस्, राजनीतिक निर्णायक विन्दुमा रहँदै आएका छन् । 

    मुलुकको राजनीतिको उत्तरचढापमा उनको भूमिका र सक्रियताले प्रचण्डलाई सधैं चर्चामा ल्याइरह्यो । अस्थिर, भावुक र स्पष्ट वक्ताको रुपमा परिचय बनाएका प्रचण्डको प्रवृत्ति दलहरुलाई धोका दिने रहेको टिप्पणी पनि हुने गरेको छ । 

    पछिल्लो केही वर्षयता मुलुकको राजनीतिकको केन्द्रविन्दुमा प्रचण्ड देखिँदै आएका छन् । एमाले र माओवादी केन्द्रलाई एकता नेकपा गठन गरे। जसलाई स्वीकारेर जनताले २०७४ सालमा भएको निर्वाचनमार्फत उनीहरुलाई दुई तिहाइ नजिक बहुमत पनि दिए । 

    तर, तत्कालीन नेकपाका अध्यक्षद्वय केपी शर्मा ओली र प्रचण्डको टकरावका कारण आन्तरिक विवाद सुरु भयो । नेकपामा ओली र प्रचण्ड–नेपाल समूहमा विभाजित भयो । 

    पार्टीको विवाद समाधान गर्ने बाहनामा दैनिकजसो खुमलटारबाट प्रचण्डको यात्रा बालुवाटारसम्म हुन्थ्यो । ओलीलाई भेट्न भन्दै प्रचण्ड दैनिकजसो बालुवाटार धाउँथे । तर, नेकपा खारेज भयो, एमाले र माओवादी केन्द्र ब्यूँतियो । यसपछि प्रचण्डको बालुवाटार धाउने काम पनि बन्द भयो । 

    तर, एमाले आन्तरिक विवादमा फसिरहेको छ । एमाले ओली र नेपाल समूहमा विभाजित भएको छ । नेपाल समूह प्रचण्डसँग नजिक छ । प्रचण्डकै डिजाइनअनुसार एमालेका वरिष्ठ नेता माधवकुमार नेपाल परिचालित भएको ओली समूहको आरोप छ । ओलीलाई सत्ताच्यूत गर्न प्रचण्ड र नेता नेपालले कांग्रेसलाई साथ दिएर शेरबहादुर देउवालाई प्रधानमन्त्री बनाए । 

    कांग्रेस, माओवादी, जसपा, एमालेको नेपाल समूह, राष्ट्रिय जनमोर्चा आवद्ध गठबन्धनको अहिलेको सरकारमा नेपाल समूहलाई सहभागी गराउन प्रचण्ड सक्रिय रहँदै आएका छन् । 

    प्रचण्ड कोटेश्वरको तारेख

    देउवा सरकारमा नेपाल समूहलाई सहभागी गराउन प्रचण्ड दैनिकरुपमा माधवकुमार नेपाललाई भेट्न उनको निवास कोटेश्वर धाउने गरेका छन् । आजै आइतबार पनि प्रचण्ड कोटेश्वर पुगेका थिए ।

    पहिले नेकपाको आन्तरिक विवाद समाधान गर्न भन्दै प्रचण्ड ओलीलाई भेट्न बालुवाटार धाउने गरेका थिए । अहिले यसलाई बिर्साउने गरी प्रचण्ड कोटेश्वर धाउन थालेका छन् । 

    पछिल्लो केही हप्ताको मात्रै हेर्ने हो भने पनि प्रचण्ड केही दिन बिराएर कोटेश्वर पुगेका छन् । गत असार २२, २६ र साउन २, १२, १४, १७ गते उनी माधवकुमार नेपाललाई भेट्न कोटेश्वर पुगेको यो प्रतिनिधि गतेहरु मात्रै हुन् । 


    श्रावण १७, २०७८ आइतवार १९:३३:४१ बजे : प्रकाशित

  • सम्बन्धित विषय:

  • # प्रचण्ड

  • क्यानाडा नेपाल