• Apr 13 2021 | २०७७, चैत्र ३१गते

२०७७, चैत्र ३१गते

बेलायती प्रधानमन्त्री जोन्सनलाई गोर्खा सङ्गठनहरूले पठाए पत्र

क्यानाडानेपाल चैत्र २५ २०७७
  • 334
    SHARES
  • बेलायती प्रधानमन्त्री जोन्सनलाई गोर्खा सङ्गठनहरूले पठाए पत्र

    लण्डन - भूतपूर्व गोर्खाहरूको हकहितका लागि भनी गठित भूपू गोर्खाका पाँच सङ्गठन र गैरआवासीय नेपाली सङ्घ बेलायतले संयुक्तरूपमा बेलायतका प्रधानभमन्त्री बोरिस जोन्सनलाई पत्र पठाएका छन् । लामो समयदेखि भूपू गोर्खाहरूको असमान पेन्सन तथा अन्य समस्याहरूका सम्बन्धमा पटकपटक आन्दोलन गर्दै आइरहेका सङ्गठनहरूले यसपटक एकजुट भई मङ्गलबार पत्र पठाएका हुन् ।

    पत्रमा यही जुलाई १ तारिखभित्र नेपाल र बेलायत सरकारबीच वार्ता समिति गठन गरी भूपू गोर्खालाई दिँदै आएको असमान पेन्सनलगायतका समस्याहरू समाधान गर्न आग्रह गरिएकोछ । संयुक्तपत्रका एक हस्ताक्षरकर्ता मेजर टिकेन्द्र दल देवानले पत्रको जवाफ बेलायत सरकारले जुन रूपमा फर्काउँछ सोहीअनुरुप आफूहरूले थप अन्य कार्यक्रम तयार पार्ने बताउनुभयो ।

    उक्त संयुक्तपत्रमा ब्रिटिश गोर्खा नेपाली नागरिकता निरन्तरता अभियान यूकेका संयोजक थर्क राना, गेसोका कार्यवाहक सभापति धर्म तामाङ, गोर्खा सत्याग्रह संयुक्त सङ्घर्ष समितिका प्रमुख संयोजक कृष्णबहादुर राई, ब्रिटिस गोर्खा नेपाल भूपू सैनिक सङ्घका अध्यक्ष केशबहादुर गुरुङ, ब्रिटिस गोर्खा वेलफेयर सोसाइटीका अध्यक्ष मेजर (रि.) टिकेन्द्र दल देवान र गैरआवासीय नेपाली सङ्घ यूकेका उपाध्यक्ष एवं गोर्खा विभागका प्रमुख संयोजक प्रेम गाहा मगरको हस्ताक्षर रहेको मेजर देवानले जानकारी दिनुभयो ।

    यसैगरी सङ्गठनहरूले संयुक्तरूपमा प्रधानमन्त्री केपी शर्मा ओलीलाई पनि केही समयभित्रै एक छुट्टै पत्र लेखी पठाउने कार्यक्रम रहेको बताएका छन् ।रासस 


    चैत्र २५, २०७७ बुधवार ०८:०८:४२ बजे : प्रकाशित

  • सम्बन्धित विषय:

  • # बोरिस जोन्सन
  • # गोर्खा सङ्गठन

  • क्यानाडानेपाल डेस्क

    अर्कोसमाचार

    अमेरिकामा सडक दुर्घटनामा परी एक नेपाली युवकको मृत्यु

    क्यानाडानेपाल

    चैत्र ३०

  • 282
    SHARES
  • अमेरिकामा सडक दुर्घटनामा परी एक नेपाली युवकको मृत्यु

    काठमाडौं - अमेरिकामा सडक दुर्घटनामा परी एक नेपालीको मृत्यु भएको छ । मृत्यु हुनेमा भक्तपुरको चाँगुनारायण नगरपालिका ६, बास्तोला गाउँ घर भएका २४ वर्षका सुविन बास्तोला रहेका छन् । 

    सडक दुर्घटनामा परी घाइते भएका उनको त्यहाँको एक अस्पतालमा उपचारको क्रममा आइतबार मृत्यु भएको हो । उनी सवार गाडीलाई अर्को एक गाडीले ठक्कर दिएको जनाइएको छ । 

    दुर्घटनामा मृत्यु भएका बास्तोला सपरिवार अमेरिका बसोबास गर्दै आइरहेका थिए । अमेरिकामा उनी आमा, बा, बहिनीसँग बस्ने गर्दथे । 

     


    चैत्र ३०, २०७७ सोमवार १३:२५:४१ बजे : प्रकाशित

  • सम्बन्धित विषय:

  • # अमेरिका

  • क्यानाडानेपाल डेस्क

    अमेरिकामा गोली लागेर एक नेपालीको ज्यान गयो

    क्यानाडानेपाल

    चैत्र २६

  • 1.0K
    SHARES
  • अमेरिकामा गोली लागेर एक नेपालीको ज्यान गयो

    काठमाडौं - अमेरिकामा एक नेपालीको मृत्यु भएको छ । मृत्यु हुनेमा पोखरा सराङकोटका रमेश थापा रहेका छन् । 

    उनको टेक्ससमा भएको गोली प्रहारको घटनामा मृत्यु भएको हो । उनी टेक्ससको अस्टिनमा बस्दै आइरहेका थिए । 

    उनलाई मंगलबार मध्यरात स्थानीय आवसिय क्षेत्रमा गोली हानिएको त्यहाँको प्रहरीले जनाएको छ । प्रहरी त्यहाँ पुग्दा थापा घाइते अवस्थामा फेला परेका थिए । तर त्यही उनको मृत्यु भएको जनाइएको छ । थापाको ज्यान लिनेको खोजी भइरहेको त्यहाँको प्रहरीले जनाएको छ । 

     


    चैत्र २६, २०७७ बिहिवार १४:४५:०१ बजे : प्रकाशित

  • सम्बन्धित विषय:

  • # अमेरिका

  • क्यानाडानेपाल डेस्क

    विदेशमा थप ४ जना नेपालीको कोरोना संक्रमणबाट ज्यान गयो

    क्यानाडानेपाल

    चैत्र २२

  • 336
    SHARES
  • विदेशमा थप ४ जना नेपालीको कोरोना संक्रमणबाट ज्यान गयो

    काठमाडौँ - कोरोना सङ्क्रमणबाट विदेशमा थप चार नेपालीको मृत्यु भएको छ । गैरआवासीय नेपाली सङ्घअन्तर्गतको स्वास्थ्य समितिका संयोजक डा सञ्जीव सापकोटाका अनुसार यो साता कतारमा तीन र रुसमा एक गैरआवासीय नेपालीको कोरोना सङ्क्रमणका कारण मृत्यु भएको हो ।
     
    सङ्घका अनुसार कोरोना सङ्क्रमणका कारण शनिबार साँझसम्म हालसम्म २३ देशमा रहेका ३४९ नेपालीको निधन भएको  छ । उनका अनुसार  यो साता माल्दिभ्स, मलेसिया, कतार र युएईमा रहेका नेपालीमा थप कोरोना सङ्क्रमण देखिएको छ । 

    हालसम्म ५४ देशमा ६५  हजार २८७  नेपालीमा कोरोना सङ्क्रमण पुष्टि भएको छ । तीमध्ये  ६२ हजार  ६६३ कोरोना सङ्क्रमणमुक्त भएका छन् ।पछिल्लो समय नेपालसहित विश्वका विभिन्न मुलुकमा पनि कोरोनाको जोखिम थप बढ्दै गएकाले स्वास्थ्य सावधानी अपनाउन सङ्घले अनुरोध गरेको छ ।रासस  
     


    चैत्र २२, २०७७ आइतवार २०:१८:०४ बजे : प्रकाशित

  • सम्बन्धित विषय:

  • # कोरोना भाइरस

  • क्यानाडानेपाल डेस्क

    दक्षिण कोरियामा राहदानीको अवधि नभए प्रवेशाज्ञा नथपिने 

    क्यानाडानेपाल

    चैत्र २२

  • 330
    SHARES
  • दक्षिण कोरियामा राहदानीको अवधि नभए प्रवेशाज्ञा नथपिने 

    सउल - दक्षिण कोरियामा बसोबास गर्ने नेपालीलगायत विदेशी नागरिकको राहदानीको अवधि सकिएमा प्रवेशाज्ञा (भिसा) थप नहुने भएको छ । यहाँको न्याय मन्त्रालयले नयाँ नियम बनाई सूचना जारी गर्नुका साथै यहाँस्थित नेपाली राजदूतावासमा समेत पत्र काटेर उक्त नियमका बारेमा जानकारी गराएको हो । सूचनामा प्रवेशाज्ञा थप गर्न अनिवार्यरूपमा राहदानीको अवधि हुनुपर्ने बताइएको छ ।

    न्याय मन्त्रालयको पत्रानुसार नेपाली राजदूतावासले पनि एक सूचना जारी गर्दै यहाँ रहेका नेपालीहरूलाई उक्त कुरा जानकारी गराएको छ । विशेषगरी इपिएस माध्यमद्वारा इ नाइन भिसामा आउने नेपाली श्रमिकको शुरुमा तीन वर्षको सम्झौता हुन्छ भने बाँकी एक वर्ष १० महिना प्रवेशाज्ञा थपिने हुन्छ तर अबको नयाँ नियमानुसार राहदानीको अवधि नभएमा प्रवेशाज्ञा नथपिने भएको हो । 

    यो नियम आगामी जुलाई १ तारिखदेखि लागु हुँदैछ । कोरियामा एफ फाइभ, एफ टु फोर, जी वान सिक्स भिसाबाहेक अन्य भिसावाहक विदेशी नागरिकको भिसा थप गर्न अनिवार्यरूपमा राहदानीको अवधि हुनुपर्ने छ । विविध कारण तत्काल राहदानी नवीकरण गर्ने अवस्था नभएमा कारण हेरेर आगामी डिसेम्बरसम्म मात्र भिसा थप हुन सक्ने पनि बताइएको छ ।

    सन् २०२० मा मात्र १६ हजार १३० विदेशी नागरिकको राहदानीको अवधि सकिएको तर उनीहरूले राहदानी नवीकरण नगरेको सूचना सार्वजनिक भएको छ । यो नियम लागु भएपछि दक्षिण कोरियामा रहेका विदेशीहरुलाई उचित व्यवस्थापन गर्न सहज हुने न्याय मन्त्रालयको विश्वास छ । विदेशीले आफ्नो राहदानी नवीकरण भइसकेपछि १५ दिनभित्र नजिकैको अध्यागमनमा दर्ता गरेमा कुनै जरिवाना नलाग्नेसमेत बताइएको छ ।रासस 
     


    चैत्र २२, २०७७ आइतवार ०९:५३:११ बजे : प्रकाशित

  • सम्बन्धित विषय:

  • # दक्षिण कोरिया

  • क्यानाडानेपाल डेस्क

    दक्षिण कोरियामा एक नेपालीको निधन, थियो घर आउने तयारी

    क्यानाडानेपाल

    चैत्र १८

  • 572
    SHARES
  • दक्षिण कोरियामा एक नेपालीको निधन, थियो घर आउने तयारी

    काठमाडौं - दक्षिण कोरियामा एक जना नेपालीको निधन भएको छ । निधन हुनेमा सुर्खेतका गगन रावल रहेका छन् । 

    उनको मंगलबार राति हृदयघातका कारण निधन भएको सुर्खेत समाज दक्षिण कोरियाले जनाएको छ । दक्षिण कोरियामा ४ बर्ष १० महिना बसिसकेका उनी नेपाल आउने तयारी गरिरहेका थिए । 

    तर मंगलबार राति एक्कासी ठूलो आवाजमा गगन चिच्याएको प्रत्यक्षदर्शी नेपालीहरुले बताएका छन् । चिच्याएको आवाज सुनेपछि हेर्न जाँदा रावल भुँर्यमा बेहोस अवस्थामा फेला परेका थिए । 
     
     


    चैत्र १८, २०७७ बुधवार १९:०१:११ बजे : प्रकाशित

  • सम्बन्धित विषय:

  • # दक्षिण कोरिया

  • क्यानाडानेपाल डेस्क

    विदेशमा कोरोना संक्रमणबाट थप एक नेपालीको मृत्यु

    क्यानाडानेपाल

    चैत्र ९

  • 480
    SHARES
  • विदेशमा कोरोना संक्रमणबाट थप एक नेपालीको मृत्यु

    काठमाडौं - कोरोनाभाइरसको संक्रमणबाट विदेशमा थप एक जनाको मृत्यु भएको छ ।

    कोरोना संक्रमणबाट यो साता साउदी अरबमा एकजना नेपालीको मृत्यु भएको गैरआवासीय नेपाली संघ (एनआरएनए)ले जनाएको छ । यससँगै हालसम्म विदेशमा कोरोना संक्रमणबाट ज्यान गुमाउनेको संख्या ३ सय ४२ जना पुगेको छ । यो तथ्यांक २१ देशको हो । 

    यो साता जापान, भारत, साउदी अरब, कतार, युएई, नर्वे, बेल्जियम र साउथ अफ्रिकामा थप कोरोना संक्रमित नेपाली भेटिएका छन् । हालसम्म ५३ देशको तथ्यांक हेर्दा ६३  हजार ६ सय २९ जना नेपालीमा कोरोना संक्रमण भएको छ । 

    जसमध्ये ६१ हजार ७ सय ७३ जना कोरोना संक्रमित नेपाली निको भइसकेका छन् । हालसम्म विदेशमा संक्रमणमुक्त हुने दर ९६ दशमलव ८ प्रतिशत रहेको छ । विश्वका विभिन्न देशमा रहेका हजारौँ नेपालीले कोरोना खोप पनि लिइसकेका छन् । 
      


    चैत्र ९, २०७७ सोमवार ११:३७:४० बजे : प्रकाशित

  • सम्बन्धित विषय:

  • # कोरोना भाइरस

  • क्यानाडानेपाल डेस्क