• May 17 2021 | २०७८, जेठ ३गते

२०७८, जेठ ३गते

कोरोना नियन्त्रणमा मोदी सरकारको एक्सन, बिरामीको विशेष निगरानीदेखि जागिरको अवसरसम्म

क्यानाडा नेपाल बैशाख २१ २०७८
  • 376
    SHARES
  • कोरोना नियन्त्रणमा मोदी सरकारको एक्सन, बिरामीको विशेष निगरानीदेखि जागिरको अवसरसम्म

    काठमाडौँ। भारतमा कोरोनाभाइरसको भयावह अवस्थामा कमि आउन सकेको छैन । पछिल्ला दैनिकरुपमा लाखौँ मानिस संक्रमित भइरहेका छन्। त्यसैगरी, मृत्यु हुनेको संख्या पनि तिब्ररुपमा बढ्दै गएको छ। यस्तो अवस्थामा भारतका सबै अस्पतालहरुमा शय्या, अक्सिजन, भेन्टिलेटर, आइसीयुका साथ साथै स्वास्थ्यकर्मीको अभाव भइरहेको छ।

    यस महामारी र भयावहको अवस्था अन्त्यका लागि प्रधानमन्त्री नरेन्द्र मोदीले ठोस कदम चाल्ने घोषणा गरेका छन्। एनईईटी–पीजी परीक्षा स्थगित गर्ने निर्णयको घोषणा गर्दै प्रधानमन्त्री मोदीले भने, ’अहिले देशमा मेडिकल स्टाफको अभाव छ, त्यसैले मेडिकल इन्टर्नलगायत योग्य डाक्टरहरूले अस्पतालमा सेवा प्रदान गरे कोरोनासँग लड्न धेरै मद्दत पुग्नेछ।’

    उनले कोरोना बिरामीहरूको समयमै उपचार नहुनुको सबैभन्दा ठूलो कारण भनेको अस्पतालमा शय्या अपुु्ग र स्वास्थ्यकर्मीको अभाव हुनु रहेको बताएका छन्। तसर्थ, स्वास्थ्यकर्मीको अभाव पूर्ति गर्न मोदी सरकारले एमबीबीएस सकेका विद्यार्थीहरू वा हालसालै फाइनल वर्षमा प्रवेश गरेका एमबीबीएसका विद्यार्थीहरुलाई कोरोनाका बिरामीहरूलाई सेवा प्रदान गर्न आग्रह गरेको भारतीय संचार माध्यमहरुले जनाएका छन्।

    मेडिकल इन्टर्नहरुलाई पनि सेवामा तैनाथ गरिने

    हालै प्रधानमन्त्री नरेन्द्र मोदीले स्वास्थ्य विशेषज्ञहरुसँग कोरोना महामारी बैठक गर्दै मेडिकल इन्टर्न तथा योग्य डाक्टरहरूलाई कोरोनाका बिरामीहरुको सेवामा खटाउने निर्णय गरेका छन्। तर, त्यो भन्दा पहिले यी सबैलाई कोरोनाको खोप लगाइनुपर्नेमा उनले जोड दिएका छन्।

    कोरोना स्वास्थ्यकर्मीहरूले सरकारी जागीरमा अवसर पाउने

    प्रधानमन्त्रीको कार्यालयअनुसार कुनै पनि पदका मेडिकल स्टाफले अस्पतालमा एक सय दिनको अवधिसम्म कोरोना योद्धाको रुपमा काम गरेको भएमा उक्त मेडिकल स्टाफलाई सरकारी जागीरमा भर्तीका लागि प्राथमिकता दिइनेछ।

    हल्का लक्षण भएका कोरोनाका बिरामीहरूलाई विशेष निगरानी गरिने

    कोरोना संक्रमणको हल्का लक्षण भएका बिरामीहरुलाई घरमै आइसोलेसनमा बसेर आफ्नो हेरचाह गर्न डाक्टर तथा विज्ञहरूले सल्लाह दिएका छन्। यद्यपि, कोही बिरामीहरु आफु जोखिममा परेको भन्दै अस्पतालमा भर्ना हुन्छन्। यस्तो अवस्थामा भारतीय प्रधानमन्त्रीले एमबीबीएसका अन्तिम वर्षका विद्यार्थीहरूले हल्का लक्षण भएका कोरोना बिरामीहरूलाई अस्पतालमा निगरानी गर्न सक्ने बताएका छन् । यसरी, सेवा दिएर १०० दिने कार्यकाल पूरा गर्नेलाई प्रधानमन्त्री कोभिड राष्ट्रिय सेवा सम्मानबाट सम्मानित गरिने घोषणा गरिएको भारतीय संचार माध्यमहरुले जनाएका छन्।


    बैशाख २१, २०७८ मंगलवार १३:२६:४० बजे : प्रकाशित

  • सम्बन्धित विषय:

  • # कोरोना भाइरस
  • # कोरोना

  • क्यानाडा नेपाल

    अर्कोसमाचार

    भारतमा कोरोना संक्रमण दर घट्दै, एकैदिन ३ लाख ७८ हजार बढीले जिते कोरोना

    जेठ ३

  • 180
    SHARES
  • भारतमा कोरोना संक्रमण दर घट्दै, एकैदिन ३ लाख ७८ हजार बढीले जिते कोरोना

    काठमाडौं । भारतमा पछिल्लो समय कोरोनाभाइरसको संक्रमण दर घट्दै गइरहेको छ । दैनिक ४ लाख कोरोना संक्रमित फेला परेको भारतमा पछिल्लो समय संक्रमितको दर घट्दै गइरहेको छ ।  

    पछिल्लो २४ घण्टामा २ लाख ८१ हजार ८६० जनामा कोरोना संक्रमण देखिएको छ । यसअघि भारतमा ३ लाख १० हजार ८२२ जनामा कोरोना संक्रमण भएको थियो । यससँगै कोरोना संक्रमितको कुल संख्या २ करोड ४९ लाख ६४ हजार ९२५ पुगेको छ ।

    यस्तै पछिल्लो २४ घण्टामा ४ हजार ९२ जनाले कोरोना संक्रमणबाट ज्यान गुमाएका छन् । यससँगै हालसम्म भारतमा कोरोना संक्रमणबाट ज्यान गुमाउनेको संख्या २ लाख ७४ हजार ४११ पुगेको छ ।

    यस्तै भारतमा पछिल्लो २४ घण्टामा ३ लाख ७८ हजार ५७१ जना कोरोना संक्रमणमुक्त भएका छन् । यससँगै हालसम्म कोरोनामुक्त हुनेहरुको संख्या २ करोड ११ लाख ६७ हजार ६०९ जना पुगेको छ । 

    भारतको महाराष्ट्र, राजस्थान, तामिलनाडू, पन्जाब, मध्य प्रदेश, दिल्ली, गुजरात, कर्नाटक, हरियाणा लगायतका स्थानमा पछिल्लो समय कोरोनाको बढी प्रभाव रहेको छ । 
     


    जेठ ३, २०७८ सोमवार ०८:१६:२८ बजे : प्रकाशित

  • सम्बन्धित विषय:

  • # कोरोना भाइरस
  • विश्वभर कोरोनाको संक्रमणबाट मृत्यु हुनेको संख्या ३३ लाख ९३ हजार, हेर्नुहोस् कुन देशमा कति संक्रमित र मृत्यु ?

    जेठ ३

  • 248
    SHARES
  • विश्वभर कोरोनाको संक्रमणबाट मृत्यु हुनेको संख्या ३३ लाख ९३ हजार, हेर्नुहोस् कुन देशमा कति संक्रमित र मृत्यु ?

    काठमाडौं । विश्वका विभिन्न देशमा पछिल्लो समय कोरोनाभाइरसको संक्रमण पुन बढ्न थालेको छ । विभिन्न देशमा नयाँ भेरियन्टसहितको कोरोनाभाइरस देखिएको छ ।

    कोरोना संक्रमणका बीच विभिन्न देशमा कोरोना खोप पनि लगाइएको छ । वर्ल्डोमिटर्सको तथ्यांक हेर्दा अहिले भारत लगायत केही देशमा संक्रमितको संख्या तिव्र रुपमा बढेको देखिन्छ ।

    वर्ल्डोमिटर्सको तथ्यांक अनुसार विश्वभर कोरोना संक्रमितको संख्या १६ करोड ३७ लाख १८ हजार २ सय ९८ पुगेको छ भने कोरोना संक्रमणबाट ज्यान गुमाउनेको संख्या ३३ लाख ९३ हजार ३ सय ३५ पुगेको छ ।

    त्यस्तै हालसम्म विश्वमा १४ करोड २१ लाख ६९ हजार ५७ कोरोना संक्रमित उपचारपछि निको भइसकेका छन् । त्यस्तै अमेरिकामा मात्र कोरोनाको संक्रमणबाट ६ लाख १ सय ४७ जनाको मृत्यु भएको छ भने संक्रमितको संख्या ३ करोड ३७ लाख १५ हजार ९ सय ५१ पुगेको छ । यस्तै अमेरिकामा २ करोड ७१ लाख ३६ हजार २० कोरोना संक्रमित निको भइसकेका छन् । 

    त्यस्तै ब्रजिलमा कोरोनाको संक्रमणबाट मुत्यु हुनेको संख्या ४ लाख ३५ हजार ८ सय २३ पुगेको छ भने संक्रमितको संख्या १ करोड ५६ लाख २७ हजार ४ सय ७५ पुगेको छ । यस्तै एक करोड ४० लाख ९७ हजार २ सय ८७ निको भइसकेका छन् । 

    hh.PNG


    जेठ ३, २०७८ सोमवार ०९:५८:१६ बजे : प्रकाशित

  • सम्बन्धित विषय:

  • # कोरोना भाइरस
  • कोरोनाविरुद्धको पहिलो औषधि बनायो भारतले

    जेठ ३

  • 226
    SHARES
  • कोरोनाविरुद्धको पहिलो औषधि बनायो भारतले

    काठमाडौं - भारतमा पछिल्लो समय नयाँ भेरियन्टसहितको कोरोनाभाइरस फैलिरहेको छ । यसैबीच भारतले कोरोनाभाइरसविरुद्धको औषधि तयार पारेको बताएको छ । 

    भारतले आफुले तयार पारेको कोरोनाविरुद्धको औषधिलाई आज नै सार्वजनिक गर्ने बीबीसीमा जनाइएको छ । कोरोनाविरुद्धको औषधि तयार पार्ने देश भारत पहिलो हो । 

    corona.jpg

    भारतले कोरोनाविरुद्धको यो औषधि भारतको औषधि महानियन्त्रक(डीजीसीआई)ले आपतकालीन प्रयोगका लागि अनुमति दिएको थियो । कोरोनाविरुद्धको  २–डीजी नामको औषधि आज भारतीय रक्षा मन्त्री राजनाथ सिंहले सार्वजनिक गर्ने जनाइएको छ । 

    औषधि तयार पारेको बारे रक्षामन्त्री राजनाथ सिंहले पनि सामाजिक सञ्जाल ट्वीटरमा जनाएका छन् । उनले यो औषधि डीआरडीओको इन्स्टिच्युट अफ न्यूक्लियर मेडिसिन एण्ड अलायर साइन्सेज९इनमास०ले औषधि बनाउने कम्पनी डाक्टर रेड्डीज लेबोरेट्रीजसँग बिलेर तयार पारेको बताएका छन् । 

    उनले यो औषधिले कोरोना संक्रमण भएका बिरामीको अक्सिजनमाथिको निर्भरतालाई कम गर्न सहयोग गर्ने जनाएका छन् । 
     


    जेठ ३, २०७८ सोमवार १२:०७:३६ बजे : प्रकाशित

    बम राख्दै गरेका तालिबानी लडाकूको विस्फोटमा मृत्यु

    जेठ ३

  • 140
    SHARES
  • बम राख्दै गरेका तालिबानी लडाकूको विस्फोटमा मृत्यु

    सोमबार बिहान अफगानिस्तानको पश्चिमी प्रान्त हेरातको एक सडकमा बम राख्दै गरेका तालिवानी लडाकूको सोही बम विस्फोटमा परेर मृत्यु भएको छ । 

    उक्त प्रान्तका सुरक्षा अधिकारीले सो जानकारी दिएका छन् । उनका अनुसार सो सडकको छेउमा तीन जना तालिबानी लडाकूले बम राख्दै गरेका थिए । 

    अफगानिस्तानमा तालिबानी लडाकूहरुले सडकको छेउमा लुकाइ छिपाइ बम राख्ने र यसको विस्फोट गराएर सर्वसाधारणको ज्यान लिने गरेका छन् । तर आज भने उनीहरुले बम राखेर भाग्दै गर्दा अकस्मात बम विस्फोट भएपछि बम राख्नेमध्येका तीन जनाको ज्यान गएको बताइएको छ ।सिन्ह्वा 
     
     


    जेठ ३, २०७८ सोमवार १३:०१:४९ बजे : प्रकाशित

  • सम्बन्धित विषय:

  • # अफगानिस्तान
  • यस वर्षको 'मिस युनिभर्स' जितिन् मेक्सिकोकी २६ वर्षीया मेजाले

    जेठ ३

  • 324
    SHARES
  • यस वर्षको 'मिस युनिभर्स' जितिन् मेक्सिकोकी २६ वर्षीया मेजाले

    काठमाडौ - यस वर्षको 'मिस युनिभर्स' मेक्सिकोकी एन्ड्रिया मेजा बनेकी छिन् । 'मिस यूनिभर्स'को ६९ औँ संस्करणमा फ्लोरिडास्थित सेमिनोल हार्डरक होटल एन्ड क्यासिनो हलिउडमा भएको थियो । 

    उक्त कार्यक्रममा 'मिस यूनिभर्स २०२०'को ताज  मेक्सिकोकी २६ वर्षीया मेजाले पहिरिएकी हुन् । विश्वका ७४ देशका सुन्दरीहरुमा ताजको लागि २१ जनाले प्रतिस्पर्धा गरेका थिए । उनी २१ जना मध्येबाट छानिदै ताज जितेकी हुन् । 

    उनले उक्त कार्यक्रममा कोरोना सम्बन्धि प्रश्नको उत्तर दिएकी थिइन् । उनलाई कोभिड १९ नियन्त्रणका लागि कस्तो कदम चाल्नुहुन्छ भनि सोधिएको थियो । उनले उक्त प्रश्नको उत्कृष्ट जवाफ दिँदै मिस युनिभर्स को ताज जितेकी हुन् । 

    मेक्सिकोको चिहुवाहुवा सहरमा जन्मेकी मेजा लैङ्गिक हिंसा अन्त्यका लागि सक्रिय हुँदै आएकी थिइन् ।  यो प्रतियोगितामा नेपालकी अनिष्का शर्माले पनि सहभागिता जनाएकी थिइन् ।
     


    जेठ ३, २०७८ सोमवार १४:०२:०० बजे : प्रकाशित

    कोभाक्समा खोप उपलब्ध गराउन युनिसेफको सात औद्योगिक राष्ट्रसंग आग्रह

    जेठ ३

  • 160
    SHARES
  • कोभाक्समा खोप उपलब्ध गराउन युनिसेफको सात औद्योगिक राष्ट्रसंग आग्रह

    संयुक्तराष्ट्रसंघ – संयुक्त राष्ट्रसंघीय बालकोष (युनिसेफ)की कार्यकारी निर्देशक हेनरिटा फोरले विश्वका सात प्रमुख औद्योगिक राष्ट्रहरुको समूह (जी–७) का मुलुकहरुलाई आफूसँग बढी भएको कोभिड–१९ विरुद्धको खोप कोभाक्सका लागि उपलब्ध गराउन आग्रह गर्नु भएको छ । 

    विश्वका न्यून तथा मध्यम आय भएका मुलुकका लागि खोप खरिद एवं वितरण गर्नेगरी विश्व स्वास्थ्य संगठन (डब्लुएचओ) मातहत कोभाक्स स्थापना भएको छ । यस कोभाक्समा विभिन्न राष्ट्र, व्यक्ति तथा संस्थाले खोपको व्यवस्था गर्न रकम उपलब्ध गराइरहेका छन् । 

    बेलायतको राजधानी लन्डनमा आगामी जुन महिनामा जी–७ का नेताहरुको शिखर सम्मेलन हुँदैछ । 

    वैज्ञानिक अनुसन्धान सम्बन्धी कार्य गर्ने एयरफिनिटी संस्थाले उपलब्ध गराएको नयाँ विवरणमा जी–७ का राष्ट्र एवं युरोपेली युनियनले आगामी जुन, जुलाई र अगस्टमा आफूसँग उपलब्ध हुने २० प्रतिशत मात्र खोप उपलब्ध गराए १५ करोड ३० लाख डोज कोभाक्समा प्राप्त हुने उल्लेख छ । 

    महानिर्देशक फोरले एक विज्ञप्ति जारी गर्दै आफ्ना नागरिकलाई खोप लगाउने लक्ष पूरा गरेरै पनि कोभाक्समा ठूलो परिमाणमा खोप उपलब्ध हुन सक्ने बताउनुभयो । 

    “कतिपय जी–७ का सदस्य मुलुकहरुसँग अन्यको तुलनामा बढी नै आपूर्ति हुँदैछ भने केहीले देशभित्र थप खोप लगाउने अभियान सञ्चालन गरिरहेका छन् । यस्तो अवस्थामा पनि बढी भएको खोप कमजोर राष्ट्रहरुलाई उपलब्ध गराउन सकिन्छ,” उहाँले भन्नुभयो ।

    उहाँले अतिरिक्त खोप तत्कालै उपलब्ध गराउनु न्यूनतम, अत्यावश्यक र आपतकालीन उपाय हो, र यो तत्कालै जरुरी भइसकेको छ भन्नुभयो । 

    भारतमा कोरोनाभाइरस महामारी तिब्र गतिमा फैलिएका कारण पनि कोभाक्समा उपलब्ध हुने खोपमा व्यापक कमी आएको छ । भारतको सेरम इन्स्टिच्यूट कोभाक्सका लागि खोप उपलब्ध गराउने प्रमुख खोप उत्पादक कम्पनी हो । 

    तर भारतमै खोपको माग अत्यधिक रहेका कारण मे महिनाको अन्त्यसम्ममा कोभाक्समा उपलब्ध हुनुपर्ने १४ करोड डोज खोप प्राप्त हुने सम्भावना देखिएको छैन जसका कारण न्युन एवं मध्यम आय भएका मुलुकहरुलाई कोभाक्समार्फत खोप उपलब्ध गराउने योजनामा धक्का लाग्ने निश्चित छ । 

    यतिमात्र होइन, आगामी जुन महिनामा थप पाँच करोड डोज पनि उपलब्ध हुने सम्भावना देखिन्न, महानिर्देशक फोरले भन्नुभयो । 

    कोरोनाभाइरस महामारीबाट उम्किने सबैभन्दा प्रभावशाली उपाय भनेकै खोपको विश्वभर समतामूलक वितरण र उपचार नै हो । कोभाक्सको प्रमुख साझेदार संस्थाका रुपमा युनिसेफ पनि यस अभियानमा सक्रियतापूर्वक लागेको छ, उहाँले भन्नुभयो ।सिन्ह्वा


    जेठ ३, २०७८ सोमवार १४:५३:४० बजे : प्रकाशित

  • सम्बन्धित विषय:

  • # कोभाक्समा खोप