• Jun 21 2021 | २०७८, आषाढ ७गते

२०७८, आषाढ ७गते

पल र वर्षाको फिल्म ‘वीर विक्रम २’ अब हिन्दी भाषामा, यस्तो छ ट्रेलर

बैशाख ३० २०७८
  • 708
    SHARES
  • पल र वर्षाको फिल्म ‘वीर विक्रम २’ अब हिन्दी भाषामा, यस्तो छ ट्रेलर

    काठमाडौं । फिल्म ‘वीर विक्रम २’ हिन्दी भाषामा पनि प्रदर्शनमा आउने भएको छ । मिलन चाम्सले निर्देशन गरेको यस फिल्मलाई हिन्दी भाषामा प्रदर्शनमा ल्याउदा दर्शकले रुचाउने अपेक्षा गरिएको छ । 

    निर्देशक चाम्सले हिन्दी भाषामा रहेको फिल्मको ट्रेलर सामाजिक सञ्जालमार्फत सार्वजनिक गरेका छन् । भिडियोमा अभिनेता पल शाह र बर्षा शिवाकोटी देखिएका छन् । 

    फिल्ममा पल र वर्षासँगै ट्रेलरमा बुद्धि तामाङ, नाजिर हुसेन, बालकलाकार, मनिस लिम्बुलगायतको समेत अभिनय रहेको छ । 


     


    बैशाख ३०, २०७८ बिहिवार २०:१८:१४ बजे : प्रकाशित

  • सम्बन्धित विषय:

  • # वीर विक्रम २
  • अर्कोसमाचार

    मोडल निशा घिमिरेको उपचारका लागि बैंक खाता सञ्चालन

    आषाढ १

  • 352
    SHARES
  • मोडल निशा घिमिरेको उपचारका लागि बैंक खाता सञ्चालन

    काठमाडौँ - मोडल निशा घिमिरेको उपचारका लागि बैंक खाता सञ्चालनमा ल्याइएको छ । दुई वर्ष अघि कलाकारिता सिक्न भारतको देहरादुन गएकी २३ बर्षिय निशा सडक दुर्घटनामा परी गम्भीर घाइते भएकी थिइन् । परिवारको आर्थिक अवस्था कमजोर हुँदा उपचार सम्भव नभएपछि उनको स्वास्थ्य अवस्था निकै नाजुक बन्दै गइरहेको थियो । 

    उनको अवस्थाबारे जानकारी पाएपछि नवजीवन परोपकार समाजका अध्यक्ष दुर्गानाथ दाहालले समाजिक सञ्जालमा घिमिरेको तस्बीर सार्वजनिक गरेका थिए । 

    political leaders kotishwar niwas.jpg

    तस्बीरमा निशाको अवस्था दर्दनाकपूर्ण देखेपछि सहयोग गर्नुपर्ने भन्दै आवाज उठ्न थाल्यो । अहिले उनको नर्भिक अस्पतालमा उपचार भइरहेको छ । अस्पतालकी निर्देशक मेघा चौधरीले निशालाई अस्पतालमा निःशुल्क उपचार गराइरहेकी छिन् । 

    अहिले उनको स्वास्थ्यमा सुधार हुँदै गइहरेको छ । अहिले देश तथा विदेशबाट उनलाई सहयोग गरिरहेका छन् । उपचारमा थप सहयोगका लागि नवजीवनका अध्यक्ष दाहाल, चलचित्र कलाकार सङ्घका उपाध्यक्ष मोहन निरौला र निशाका बुवा प्रेमप्रसादका नाममा कृषि विकास बैंकमा खाता खोलिएको छ । ‘निशा घिमिरे संरक्षण कोष’को खाता नं ०२१०४०१८८३००९०१८ रहेको दाहालले जानकारी दिए ।  


    आषाढ १, २०७८ मंगलवार १८:३१:२६ बजे : प्रकाशित

  • सम्बन्धित विषय:

  • # निशा घिमिरे
  • केशव भावुकको ‘म मजदुर मायाको’सार्वजनिक 

    आषाढ २

  • 394
    SHARES
  • केशव भावुकको ‘म मजदुर मायाको’सार्वजनिक 

    काठमाडौँ । गायक केशव भावुकको नयाँ गीत सार्वजनिक भएको छ । गायक भावुक र गीतकार नमिता मिलेर ल्याएको ‘म मजदुर मायाको’ बोलको गीतको भिडियो हालै युट्युबमा सार्वजनिक गरिएको हो। गीतमा गायक भावुकको स्वर र नमिता दवाडीको शब्द शृजना  रहेको छ ।

    कोरोना महामारीको समयमा सांगीतिक बजार सुस्ताएका बेला गायक भावुक र गीतकार नमिताले नयाँ गीत बजारमा ल्याएका हुन् । गीतमा म मजदुर मायाकोमा प्रेम, विरह र विछोडका कथालाई मुख्य विषय बनाइएको छ ।

    गीतमा भावुककै संगीत रहेको गीतको एरेन्ज उदयराज पौडेलले गरेका हुन् । अशोक मर्हजनको मिक्सिगं रहेको गीतको छायांकन, सम्पादन र कलरिगं मिराज अर्यालको रहेको छ ।  यस्तै निर्देशन पनि अर्यालले नै गरेका हुन्  


    आषाढ २, २०७८ बुधवार १८:४३:४० बजे : प्रकाशित

  • सम्बन्धित विषय:

  • # केशव भावुक
  • नेपाली फिल्म 'एक्स ९' मा भिलेनको भूमिकामा सुनील शेट्टी, नायकमा अनमोल केसी

    आषाढ ३

  • 1.7K
    SHARES
  • नेपाली फिल्म 'एक्स ९' मा भिलेनको भूमिकामा सुनील शेट्टी, नायकमा अनमोल केसी

    काठमाडौं - पछिल्लो समय निर्देशक मुकुन्द भट्टको फिल्म 'एक्स ९-लेभल १' को निकै चर्चा छ । निर्देशक भट्टले केही समय अगाडि यस फिल्मको घोषणा गरेका थिए । 

    उनले यस फिल्मका लागि कलाकार छनोट गरिरहेका छन् । फिल्मको नायकको भूमिकामा अभिनेता अनमोल केसीलाई अफर गरिएको बताइएको छ । 

    मुकुन्दको अफर अनमोलले स्वीकार गरेका छन् तर उनीहरुबीच कागजी सम्झौता भएको छैन । अनमोल बाहेक फिल्ममा सौगात मल्ल र पुष्प खड्काको पनि अभिनय रहने बतायएको छ । 

    यस्तै यस फिल्मका लागि भिलेनको भूमिकामा बलिउडका चर्चित अभिनेता सुनील शेट्टीलाई अफर गरिएको बताइएको छ । 

    फिल्ममा सुनील हुने भएपछि फिल्मको चर्चा पनि बढेको छ । निर्देशक भट्टले करीब एक महिना अगाडि सुनिलसँग फिल्म बारे कुरा गरेको उनी बताउछन् । 

    फिल्मलाई लिएर उनी सकारात्मक रहेको निर्देशक भट्ट बताउँछन् । यसअघि पनि सुनिल नेपाल आइसकेका छन् । तिहारपछि फिल्मको छायांकन सुरु हुने बताइएको छ । 


    आषाढ ३, २०७८ बिहिवार १३:०२:४१ बजे : प्रकाशित

  • सम्बन्धित विषय:

  • # एक्स ९
  • युवा संघले दियो घरमै बसेर लाखौं कमाउने अवसर, बनाउनुहोस् ५ मिनेटको ‘सर्ट फिल्म’

  • 942
    SHARES
  • युवा संघले दियो घरमै बसेर लाखौं कमाउने अवसर, बनाउनुहोस् ५ मिनेटको ‘सर्ट फिल्म’

    काठमाडौं । नेकपा एमालेका युवा संगठन राष्ट्रिय युवा संघ नेपालले बृहत सहभागिताको अपेक्षासहित ‘म केही गर्छु’ शीर्षकमा लघु फिल्म प्रतियोगिता आयोजना गर्ने भएको छ ।

    लकडाउनका कारण घरबाट बाहिर निस्कन नपाएका युवाहरुको समय सदुपयोग हुने अपेक्षा आयोजक संस्थाले आयोजना गरेको हो ।

    यो प्रतियोगितामा इच्छुक फिल्मकर्मीले उद्यमशीलता र रोजगार, पर्यटन, कृषि तथा उद्योग, राजनीति र सुशासन, शिक्षा, स्वास्थ्य, खेलकुद, लैंगिक समानता र विविधता, कला संस्कृति र मनोरञ्जन आदि विषयमा केन्द्रित रही बढीमा ५ मिनेटसम्मको फिल्म बनाउनुपर्नेछ ।

    कोभिड–१९ को विश्वब्यापी महामारीको रोकथाम तथा नियन्त्रणका सन्दर्भमा राष्ट्रिय युवा संघ नेपालले सुरुवाती चरणदेखि नै आफ्नो स्व्यंसेवी भूमिका प्रभावकारी रुपमा संचालन गरिरहेको भन्दै अध्यक्ष किरण पौडेलले आम युवासरोकार र चासोका बिषयहरु पनि सम्बोधन गर्ने उदेश्यप्रति संगठन क्रियाशील रहेको बताए ।

    ‘प्रोडक्टिभ इन्गेजमेन्टसँगै युवाको प्रतिभा पहिचान, प्रस्फुटन तथा प्रवद्र्धन गर्ने उद्देश्यसहित हुन लागेको यो प्रतियोगितामा जो कोही नेपालीले पनि सहभागिता जनाउन सक्नेछन्’, संघद्धारा जारी विज्ञप्तीमा भनिएको छ ।

    उत्कृष्ट तीन फिल्मलाई पुरस्कारको व्यवस्था गरिएको छ ।  जसअनुसार पहिलो हुने फिल्मले २ लाख ५० हजार, दोस्रो हुने फिल्मले १ लाख ५० हजार र तेस्रो हुने फिल्मले १ लाख रुपैंया प्राप्त गर्ने अध्यक्ष पौडेलले जानकारी दिए । 

    प्रेस विज्ञप्ति

    अहिलेको समयलाई सूचना प्रविधिको युग भनिन्छ अनि यी दुवैको प्रयोग हुने उत्तम माध्यम भनेको सिनेमा । हजारौं शब्दले भन्नुपर्ने कुरालाई सिनेमाले सेकेन्डभरको एक दृश्यले अभिव्यक्त गर्छ । सिनेमाको यही सामथ्र्थलाई सम्मान गर्दै राष्ट्रिय युवा संघ नेपालले बृहत सहभागिताको अपेक्षासहित ‘म केही गर्छु’ शीर्षकमा लघु फिल्म प्रतियोगिता आयोजना गर्न गइरहेको जानकारी गराउन चाहान्छौँ । प्रतियोगिता NYF SHORT FILM COMPETTION-2078 नाममा सञ्चालन हुनेछ । लकडाउनका कारण घरबाट बाहिर निस्कन नपाएका युवाहरुको समय सदुपयोग तथा प्रोडक्टिभ इंगेजमेन्टसँगै युवाको प्रतिभा पहिचान,प्रस्फुटन तथा प्रवद्र्धन गर्ने उद्देश्यसहित हुन लागेको यो प्रतियोगितामा जोकोही नेपालीले पनि सहभागिता जनाउन सक्नेछन् ।

    युवाहरुको नवीन सोच र श्रृजनशीलतालाई राष्ट्रनिर्माणका अभियानमा जोड्ने सन्दर्भ सामाग्री निर्माणको सोच सहित हुन लागेको यो प्रतियोगितामा इच्छुक फिल्मकर्मीले उद्यमशीलता र रोजगार, पर्यटन, कृषि तथा उद्योग, राजनीति र सुशासन, शिक्षा, स्वास्थ्य, खेलकुद, लैंगिक समानता र विविधता, कला संस्कृति र मनोरञ्जन आदि विषयमा केन्द्रित रही बढीमा ५ मिनेटसम्मको फिल्म बनाउनुपर्नेछ ।

    प्रतियोगितामा सहभागी हुन चाहाने फिल्मकर्मीले सर्वप्रथम ‘म केही गर्छु’ भन्ने विषयमा केन्द्रित रही स्क्रिप्ट बुझाउनु पर्नेछ र सहभागीले असार २५ सम्ममा स्क्रिप्ट हाम्रो ठेगाना ([email protected])मा पठाइसक्नुपर्नेछ । यसरी सहभागिताका लागि आएका स्क्रिप्टलाई विज्ञ समूहले अध्ययन गरी आवश्यक परामर्श तथा सुझाव दिनेछ । यो प्रक्रियाबाट बनेका फिल्महरु मध्ये उत्कृष्ट तीन फिल्मलाई हामीले पुरस्कारको व्यवस्था गरेका छौँ । जसअनुसार पहिलो हुने फिल्मले २ लाख ५० हजार, दोस्रो हुने फिल्मले १ लाख ५० हजार र तेस्रो हुने फिल्मले १ लाख रुपैंया प्राप्त गर्नेछन् ।

    राष्ट्रिय युवा संघ नेपाल मुख्य आयोजक रहेको यो प्रतियोगिताको नेपाल फिल्म एकेडेमी सहआयोजक रहेको छ भने नेसनल युथ काउन्सिलले प्रवद्र्धन गर्नेछ । त्यसैगरी प्रतियोगितालाई चलचित्र विकास बोर्ड, नेपाल पर्यटन बोर्ड, अफरिङ ह्याप्पीनेस र प्रमोटर्स नेपालको सहयोग रहनेछ । आवेदन तथा प्रतियोगिता सम्बन्धी विस्तृत जानकारी यहाँहरुले ९८६०००६२२७ मा फोन गरेर पनि लिन सक्नुहुनेछ ।

    कोभिड (१९ को विश्वब्यापी माहामारीको रोकथाम तथा नियन्त्रणका सन्धर्भमा राष्ट्रिय युवा संघ नेपालले सुरुवाती चरणदेखिनै आफ्नो स्व्यंसेवी भूमिका प्रभाबकारी रुपमा संचालन गरिरहेको जानकारी गराउन चाहन्छौ । अहिलेको यस मुख्य दायित्वका आलावा आम युवासरोकार र चासोका बिषयहरु पनि सम्बोधन गर्ने उदेश्य प्रति हाम्रो संगठन कृयाशिल रहिआएको छ ।
    ([email protected])

    किरण पौडेल
    अध्यक्ष
    राष्ट्रिय युवा संघ नेपाल


    आषाढ ४, २०७८ शुक्रवार ११:३५:४२ बजे : प्रकाशित

  • सम्बन्धित विषय:

  • # राष्ट्रिय युवा संघ नेपाल

  • क्यानाडा नेपाल

    फिल्म ‘न यता न उता’ युट्युबमा सार्वजनिक 

    आषाढ ५

  • 394
    SHARES
  • फिल्म ‘न यता न उता’ युट्युबमा सार्वजनिक 

    काठमाडौं - फिल्म ‘न यता न उता’ युट्युबमा सार्वजनिक भएको छ । मिराज रोश र विशारद बस्नेतको संयुक्त निर्देशनमा बनेको यस फिल्म शुक्रबार युट्युबमा सार्वजनिक भएको हो । फिल्मलाई रिना लामाले निर्माण गरेकी हुन् । 

    यस फिल्ममा समिर दिक्षित, मिराज रोस सहित ऋचा शर्मा, बुद्धी तामाङ, छुल्ठिम गुरुङ, नम्रता सापकोटा, राजाराम पौडेल, कमल मणी नेपाल, जीवन भट्टराई, लुनिभा तुलाधर, भिमा मैनाली, राजन खतिवडा लगायतका कलाकारको अभिनय रहेको छ । 


    आषाढ ५, २०७८ शनिवार ११:५४:०६ बजे : प्रकाशित

  • सम्बन्धित विषय:

  • # फिल्म
  • बाढी पीडितको लागि करिश्मा मानन्धरको एक लाख सहयोग

    आषाढ ६

  • 286
    SHARES
  • बाढी पीडितको लागि करिश्मा मानन्धरको एक लाख सहयोग

    काठमाडौं - बाढी र पहिरोका कारण सिन्धुपाल्चोकका हेलम्बु, मेलम्ची, तिम्बु, चनौटे, याङ्ग्री लगायतका क्षेत्रमा ठुलो क्षति भएको छ । 

    यस्तो अवस्थामा बाढी पीडितको सहयोगको लागि कलाकारहरु पनि जुटेका छन् । अभिनेत्री करिश्मा मानन्धरले पनि सिन्धुपाल्चोकका बाढी पीडितलाई आफुले सहयोग गर्ने घोषणा गरेकी छिन् । 

    200442613_10223727889317956_5119115644458752738_n.jpg

    मेलम्चीको इन्द्रावती नदीले भत्काएको संरचना पुननिर्माणका लागि आर्थिक सहायता जुटाउन सरकारले अभिनेता कृष्ण मल्लको संयोजनमा समिति गठन गरेको छ । बाढी पीडितको सहयोगको लागि समिति गठन भएपछि आइतबार सामाजिक सञ्जालमार्फत मानन्धरले आफुले एक लाख रुपैया सहयोग गर्ने बताएकी छिन् । 
      
    उनले सबै कलाकारहरुको तर्फबाट आआफुले सक्ने सहयोग सम्बन्धित निकायलाई हस्तान्तरण गर्ने निधो भएकाले आफुले एक लाख सहगोग गर्ने निधो गरेको बताएकी छिन् । 

    199566688_10223727889997973_505050842580925178_n.jpg

    उनले लेखेकी छिन् - हिजो भएको मिटिङ अनुसार आदरणीय दाइ कृष्ण मल्लको संयोजनमा 10 गते सबै कलाकारहरुको तर्फबाट आ-अफुले सक्ने सहयोग संबंधित निकायलाई हस्तान्तरण गरिने निधो भयेकोले सम्पूर्ण कलाकार साथीहरूलाई यो जानकारी गराए । अहिले कोरोनाको मारामारिको यो अवस्थामा यो नै सुरक्षित उपाय हो । साथै उठेको रकमले कमसेकम वाहाहरुलाइ वर्षा को यो मौसममा ओत लाग्ने छानोको व्यवस्था हुन सकोस् । मेरो तर्फबाट रु, 100000 उपलब्ध गराउने जानकारी गराउन चाहान्छु  । यो समस्या भनेको सहभागी मुलक तरिकाबाट मात्रै समाधान हुने समस्या हो ।  सबैले सकेको सहयोग गरौ । 10 गतेको भेनु मल्ल दाइले जानकारी गराउनु हुनेछ् ।


    आषाढ ६, २०७८ आइतवार १४:०७:२३ बजे : प्रकाशित

  • सम्बन्धित विषय:

  • # करिश्मा मानन्धर