• Jun 21 2021 | २०७८, आषाढ ७गते

२०७८, आषाढ ७गते

कोरोना महामारीको तेस्रो लहर र बालबालिकाको सुरक्षा – डा. रवीन्द्र पाण्डे 

जेठ २४ २०७८
  • 920
    SHARES
  • कोरोना महामारीको तेस्रो लहर र बालबालिकाको सुरक्षा – डा. रवीन्द्र पाण्डे 

    काठमाडौं - नेपालमा पछिल्लो समय कोरोनाभाइरसको संक्रमण घट्दै गइरहेको छ । नेपालमा कोरोनाको दोस्रो लहर शुरु भएपछि यसको रोकथाम तथा नियन्त्रणको लागि  देशभर निषेधाज्ञा लगाइएको छ । 

    निषेधाज्ञा गरेपछि अहिले विस्तारै कोरोना संक्रमण दर घट्दै गइरहेको छ । यसैबीच अब कोरोनाको तस्रो लहर पनि आउने चर्चा छ । तेस्रो लहर आउँदा कोरोनाले बालबालिकालाई बढी प्रभाव पार्ने बताइएको छ । 

    यस्तै कोरोना महामारीको तेस्रो लहर र यसबाट बालबालिकाको सुरक्षा कसरी गर्ने भन्ने बारे डा. रवीन्द्र पाण्डेले बताएका छन् । उनले कोरोना महामारीको तेस्रो र चौथो लहरले बालबालिकालाई जोखिम हुन्छ भनेर अस्पष्ट जानकारीको कारण आम अभिभावकमा चिन्ता छाएको बताएका छन् । 

    उनले भनेका छन् - कोरोना महामारीको तेस्रो / चौथो छालले बालबालिकालाई जोखिम हुन्छ भनेर अस्पष्ट जानकारीको कारण आम अभिभावकमा चिन्ता छाएको छ । धेरैजना महानुभावले यो बिषयमा जानकारी दिन आग्रह गर्नुभएकोले बिज्ञान, ज्ञान र प्रज्ञानको आधारमा निम्न कारण र समाधान उल्लेख गरेको छु ।
     
    १. बिकसित देशहरुले आफ्ना अधिकांश नागरिकलाई खोप दिएका / दिइरहेका छन् । बालबालिकाको लागि खोप ( फाइजरले १२ बर्षमाथिका बालबालिकालाई केहि देशमा दिइरहेको छ ) अझै क्लिनिकल ट्र्यालमा रहेको तथा हरेक देशमा ठूलो संख्यामा रहेका बालबालिका खोपबाट बन्चित भएको हुँदा आगामी महामारी बालबालिकाको लागि घातक हुनसक्ने अनुमान गरिएको छ ।

    नेपाल, भारत लगायत देशका सिमित नागरिकले मात्र खोप लगाएको अवस्थामा जोखिम अवस्था बालबालिका मात्र नभएर खोप नलगाएका सबै बर्ग जोखिममा रहेका छौं । अधिकांश नागरिकले खोप लगाएका देशमा गरेको अध्ययनलाई अनुवाद गरेर बालबालिकालाई जोखिम भन्नु हाम्रो सन्दर्भमा अपुरो विश्लेषण हो । खोप नलगाएका सबै जोखिममा छौं भन्नु सान्दर्भिक विश्लेषण हो ।

    २. अन्य उमेर समुहको तुलनामा बालबालिका कम संक्रमित भएका छन्। यसको अर्थ उनीहरुमा संक्रमणबाट प्राप्त एन्टिबोडी निकै थोरै प्रतिशतमा छ । लकडाउन तथा अनलाइन पढाइको कारण अधिकांश बालबालिका घरभित्र रहेको अवस्था छ । तसर्थ उनीहरु अन्य उमेरको तुलनामा संक्रमणसंग कम एक्स्पोज भएका छन् ।

    ३. स्कुल / कलेज संचालन भएपछि बालबालिका ठूलो समुहमा लामो समयसम्म बस्नुपर्ने तथा उनीहरुले सहि तरिकाले मास्क, दुरी र हातको सफाइ गर्ने काममा ठूलो उमेरका व्यक्तिजस्तो जिम्मेवार हुन गाह्रो हुने भएकोले बालबालिका हरेक लहरमा जोखिममा हुन्छन् नै ।
     
    यी जोखिमका बाबजुद पनि समाधानका प्रयास भइरहेका छन् ।
     
    १. फाइजरले १२ बर्षमाथिका बालबालिकालाई अमेरिका लगायत देशमा खोप दिइरहेको छ । केहि महिनापछि २ बर्षमाथिका बालबालिकाको लागि पनि खोप बिकास हुने बताएको छ। त्यस्तै एस्ट्रेजेनेका, चीनका खोप उत्पादकहरु तथा भारतको बायोटेकले पनि २ बर्षमाथिका बालबालिकामा तेस्रो चरण अर्थात अन्तिम चरणको क्लिनिकल ट्र्याल गरिरहेको छ । नेपालले पनि खोप उत्पादक देश, कोभ्याक्स, गाभी, युनिसेफ आदि संस्थाबाट बालबालिकाको लागि खोप सुनिश्चित गर्नुपर्दछ ।

    २. भारतले डिसेम्बरसम्म ६० करोड भारतीयलाई खोप दिने लक्ष्य राखेको छ । त्यस्तै अन्य देशले पनि अभियानकै रुपमा खोप कार्यक्रम अघिं बढाइरहेका छन् । संक्रमण आउने मुहान सुक्न लाग्नु भनेको हामी पनि सुरक्षित हुनु हो ।

    ३. नेपालले पनि बिभिन्न खोप उत्पादक देश, कम्पनी, कोभ्याक्स लगायत सहयोगी राष्ट्रसंग खोपको लबिंग गरिरहेको छ । डेनमार्क, बेलायत, अमेरिका, भारत, चीन, रुसलगायत राष्ट्रबाट खोप आउने आशाका किरण देखा परेका छन् । जति धेरै नेपालीले खोप लगाउछौं, त्यति धेरै बालबालिका सुरक्षित हुन्छन् ।

    ४. दोस्रो लहरले नेपाललाई ठूलो पाठ सिकाएको छ । त्यो कालो १ महिनाले हामीलाई थिलोथिलो गरेको थियो ।अहिले अस्पतालका बेड, अक्सिजन, आइसीयु तथा भेन्टिलेटरको संख्या एबम अनुभवी स्वास्थ्यकर्मीको कारण हाम्रो स्वास्थ्य प्रणाली पहिलेभन्दा बलियो भएको छ । आगामी लहरको लागि पहिलेको तुलनामा धेरै सहज स्थिति छ। स्वदेशका अक्सिजन प्लान्टले उल्लेख्य मात्रामा अक्सिजन उत्पादन गरिरहेका छन्, विदेशबाट अक्सिजन प्लान्टको लागि धेरै सहयोग आइरहेको छ, १०० बेड भन्दा माथिका अस्पतालमा अनिबार्य आफ्नै अक्सिजन प्लान्ट हुनुपर्ने सरकारी नीति छ।

    ५. स्वास्थ्य मन्त्रालयले सबै अस्पतालमा २० % अनिबार्य रुपमा बालबालिकाको लागि कोभिड बेड ( अक्सिजन बेड, आइसीयु आदि ) निर्माण / रुपान्तरण गर्न निर्देशन दिएको छ । हाललाई २० % बेड हरेक अस्पतालमा तयारी अवस्थामा राख्दा भद्रगोल अवस्था आउंदैन ।

    ६. आम नागरिक पनि सचेत भएकोले बालबालिकालाई घरबाहिर जान नदिने,  मास्क / दुरी / सफाइबारे सचेत भएको तथा बालबालिकाको रोग प्रतिरोध क्षमता बढाउनको लागि घरेलु खानामा अभ्यस्त भएको कारण आत्तिनुपर्ने अवस्था हुँदैन ।

    ७. भारतमा भएका अनुसन्धानले देखाएका छन् कि दोस्रो लहर बढी घातक हुनुमा प्रदुषण पनि जिम्मेवार छ । हाल लकडाउनको कारण हामी सबैले राम्रो सास फेर्न पाएका छौं । सरकारले लकडाउन खोल्ने तयारी गर्दा प्रदुषण कसरी घटाउने बारे बैज्ञानिक अध्ययन गरेर कार्यान्वयन गर्नुपर्दछ । हरिया पहाडमा डोजर चलाउने वा प्लटिंग गर्ने कार्यलाई बन्द गराउनु पर्दछ ।

    हरेक बस्ती, टोल, सडकको दायाँबायाँ अभियानकै रुपमा वृक्षारोपण गर्ने एबम ती वृक्षलाई सुरक्षित गर्ने काम तदारुकताका साथ गर्नु जरुरी छ । रुख काट्ने कामलाई अन्य देशमा जस्तै ठूलो इस्यु बनाउनु पर्दछ । बीसौं बर्ष लगाएर हुर्केका रुखलाई बिकासको नाममा काट्नु एक किसिमको Environmental Crime हो । स्वच्छ बातावरणले हाम्रो फोक्सो स्वस्थ हुन्छ ।

    ८. बालबालिकालाई जडिबुटी, योग, ध्यान तथा स्वस्थ जीवनशैलीबारे तालिमप्राप्त बनाउनु जरुरी छ । बालबालिकाको दिनचर्या, रात्रिचर्या, ऋतुचर्या, पोषण ज्ञान, मानसिक सबलता, शारीरिक तन्दुरुस्तीबारे अभिभावक जानकार हुनु जरुरी छ ।बालबालिकाको लागि आफ्नो आमाभन्दा ठूलो बिज्ञ कोहि हुँदैन । तसर्थ अभिभावकलाई बच्चाको स्वास्थ्य, तालिका अनुसारका खोप, अर्गानिक खाना आदि बारे बिस्तृत जानकारी दिने कार्यक्रम ल्याउनुपर्छ । पत्रु खाना तथा इन्टरनेट एडिक्सनबाट बचाउने बातावरण निर्माण गर्नुपर्दछ ।
      
    स्वस्थ बालबालिकाबिना समृद्ध राष्ट्रको कल्पना गर्न सकिदैन । बालबालिका राष्ट्रका भविष्य हुन् । भविष्यको लागि राज्य तथा परिवारले गरेको लगानीले स्वस्थ समाज र समुन्नत राष्ट्रको ढोका खोल्ने तथ्य हामीले बिर्सिनुहुँदैन ।


    जेठ २४, २०७८ सोमवार १३:१६:४२ बजे : प्रकाशित

  • सम्बन्धित विषय:

  • # डा. रवीन्द्र पाण्डे
  • अर्कोसमाचार

    काठमाडौं उपत्यकामा एकैदिन थपिए ३ सय ३७ जना कोराना संक्रमित, कहाँका कति ?

    आषाढ ५

  • 510
    SHARES
  • काठमाडौं उपत्यकामा एकैदिन थपिए ३ सय ३७ जना कोराना संक्रमित, कहाँका कति ?

    काठमाडौं - काठमाडौं उपत्यकामा पछिल्लो समय कोरोना संक्रमितको संख्या घट्दै गइरहेको छ । शनिबार काठमाडौं उपत्यकामा थप ३ सय ३७ जनामा कोरोनाभाइरसको संक्रमण देखिएको छ । 
     
    काठमाडौं उपत्यकामा थप कोरोना संक्रमित हुनेमा काठमाडौंका २०१ जना, ललितपुरका ९२ जना र भक्तपुरका ४४ जना रहेका छन् ।  

    यस्तै मुलुकभर पछिल्लो २४ घण्टामा २ हजार ४०१ जनामा कोरोना संक्रमण पुष्टि भएको छ।  यससँगै कूल संक्रमितको संख्या ६ लाख १९ हजार ६ सय ३५ (पीसीआर टेस्टबाट) र (एण्टीजेनबाट) २५ हजार ५ सय ७४ पुगेको छ।  यस्तै निको हुने ८९.३ प्रतिशत रहेका छन् । 

    यस्तै पछिल्लो २४ घण्टामा ३ हजार ६६० जना कोरोनाभाइरस संक्रमणमुक्त भएसँगै निको हुनेको कूल संख्या ५ लाख ५३ हजार ३४२ पुगेको मन्त्रालयले जानकारी दिएको छ ।  

    यसैगरी पछिल्लो २४ घण्टामा मृत्यु भएका र त्यसअघि भएका गरी थप ३४ जनाले ज्यान गुमाएका छन्। हालसम्म कोरोनाभाइरस संक्रमणबाट ज्यान गुमाउनेको संख्या ८ हजार ६ सय ७५ जना रहेको स्वास्थ्य मन्त्रालयले जनाएको छ ।


    आषाढ ५, २०७८ शनिवार १७:२४:४५ बजे : प्रकाशित

  • सम्बन्धित विषय:

  • # कोरोना भाइरस
  • पूर्वसञ्चार राज्यमन्त्री विष्टको कोरोना संक्रमणबाट निधन

    आषाढ ६

  • 230
    SHARES
  • पूर्वसञ्चार राज्यमन्त्री विष्टको कोरोना संक्रमणबाट निधन

    काठमाडौँ - पूर्वसञ्चार राज्यमन्त्री तप्तबहादुर बिष्टको कोरोनाभाइरसको संक्रमणबाट निधन भएको छ । 

    उनको आइतबार बिहान ६० वर्षको उमेरमा मेडिसिटी अस्पताल काठमाडौंमा उपचारको क्रममा निधन भएको हो । उनलाई एक महिनाअघि कोरोना संक्रमण पुष्टि भएको थियो । कोरोना पुष्टिपछि उनको कर्णाली प्रदेश अस्पताल सुर्खेतमा उपचार भइरहेको थियो । 

    स्वास्थ्यमा थप समस्या देखिएपछि उनलाई हेलिकोप्टरमार्फत काठमाडौं उपचारको लागि ल्याइएको थियो । विष्टले २० वर्ष नेपाली कांग्रेस सुर्खेतको सभापति भएर काम गरेका थिए । उनी पूर्व सञ्चार राज्यमन्त्री समेत भएका थिए ।

     


    आषाढ ६, २०७८ आइतवार ०८:४६:५४ बजे : प्रकाशित

  • सम्बन्धित विषय:

  • # कोरोना भाइरस
  • कोरोना संक्रमणको ‘हटस्पट’ बनेको बाँकेमा संक्रमित घट्दै, ८० प्रतिशत शय्या खाली

    आषाढ ६

  • 210
    SHARES
  • कोरोना संक्रमणको ‘हटस्पट’ बनेको बाँकेमा संक्रमित घट्दै, ८० प्रतिशत शय्या खाली

    राँझा - कोरोना महामारी सङ्क्रमणको केन्द्रविन्दु बनेको बाँकेमा अहिले अवस्था सामान्य भएको छ । यहाँका अस्पतालमा ७४ जना बिरामी मात्र उपचाररत छन् ।

    कोरोनाको उपचार हुँदै आएका बाँकेका अस्पतालमा हाल उपचाररत ७४ मध्ये बाँके जिल्लाका १३ जनामात्रै रहेको जिल्ला कोभिड सङ्कट व्यवस्थापन केन्द्र बाँकेका स्रोत व्यक्ति तेज वलीले जानकारी दिनुभयो ।

    उहाँका अनुसार बाँकेमा कोरोना सङ्क्रमणदर घट्दै गएपछि अस्पतालमा कोराना बिरामीका लागि छुट्याइएका शय्या खाली हुँदै गएका छन् । बाँकेका कोभिड अस्पतालका ३६१ कोभिड शय्यामध्ये ७४ जना मात्र उपचाररत छन् भने ८० प्रतिशत शय्या खाली भएका छन् ।

    बाँकेका साना–ठूला चार अस्पतालले कोभिड कक्षका लागि छुट्याएका ३६१ शय्यामध्ये २७१ शय्या खाली भएका छन् । नेपालगञ्जस्थित भेरी अस्पतालको २०० शय्यामा १२५ शय्या खाली भएको छ ।

    भेरी अस्पतालमा उपचाररत ६० बिरामीमध्ये १८ जना सिकिस्त छन् । कोहलपुरस्थित शिक्षण अस्पतालमा कोभिड वार्डका १३० शय्या छुट्याइएकामा ११६ खाली छन् । उक्त अस्पतालमा उपचाररत १४ बिरामीमध्ये आठ सिकिस्त रहेको स्रोत व्यक्ति वलीले बताउनुभयो । वेष्टर्न अस्पतालमा १६ शय्यामा १५ शय्या खाली भएको छ ।

    युनाइटेड अस्पतालमा १५ शय्या छुट्याइएकामा सबै खाली भएको छ । बाँकेमा कोरोना भाइरस सङ्क्रमणका कारण उपचारका लागि जिल्ला बाहिरबाट आएका ३४७ र जिल्लाकै ३१० गरी ६५७ जनाको मृ त्यु भएको छ ।रासस 


    आषाढ ६, २०७८ आइतवार १०:३६:३२ बजे : प्रकाशित

  • सम्बन्धित विषय:

  • # कोरोना भाइरस
  • थप २४४२ जनामा कोरोना संक्रमण, ५१ जनाको मृत्यु

  • 168
    SHARES
  • थप २४४२ जनामा कोरोना संक्रमण, ५१ जनाको मृत्यु

    काठमाडौं । सरकारले पछिल्लो २४ घण्टामा २ हजार ४४२ जनामा कोरोनाभाइरस संक्रमण पुष्टि भएको जानकारी दिएको छ । 

    स्वास्थ्य तथा जनसंख्या मन्त्रालयले आइतबार अपरान्ह दिएको जानकारीअनुसार पछिल्लो २४ घण्टामा गरिएको कूल १० हजार ९२९ परीक्षण गर्दा २ हजार ४४२ जनामा कोरोना पोजेटिभ देखिएको हो । 

    ६ हजार ६७७ जनाको पीसीआर परीक्षण गर्दा १ हजार ४२१ र ४ हजार २४९ एन्टिजेन परीक्षण गर्दा १ हजार २१ जनामा कोरोना संक्रमण देखिएको मन्त्रालयका प्रवक्ता डा. कृष्ण पौडेलले जानकारी दिए । 

    उनकाअनुसार पछिल्लो २४ घण्टामा ३ हजार ४५६ जना संक्रमणमुक्त हुँदा सोही अवधिमा ५१ जनाको मृत्यु भएको छ ।


    आषाढ ६, २०७८ आइतवार १७:३३:३७ बजे : प्रकाशित

  • सम्बन्धित विषय:

  • # कोरोना भाइरस

  • क्यानाडा नेपाल

    काठमाडौं उपत्यकामा एकैदिन थपिए ५ सय २८ जना कोराना संक्रमित, कहाँका कति ?

    आषाढ ६

  • 456
    SHARES
  • काठमाडौं उपत्यकामा एकैदिन थपिए ५ सय २८ जना कोराना संक्रमित, कहाँका कति ?

    काठमाडौं - काठमाडौं उपत्यकामा पछिल्लो समय कोरोना संक्रमितको संख्या घट्दै गइरहेको छ । आइतबार काठमाडौं उपत्यकामा थप ५ सय २८ जनामा कोरोनाभाइरसको संक्रमण देखिएको छ । 
     
    काठमाडौं उपत्यकामा थप कोरोना संक्रमित हुनेमा काठमाडौंका ४५० जना, ललितपुरका ५३ जना र भक्तपुरका २५ जना रहेका छन् ।  

    यस्तै मुलुकभर पछिल्लो २४ घण्टामा २ हजार ४४२ जनामा कोरोना संक्रमण पुष्टि भएको छ।  यससँगै कूल संक्रमितको संख्या ६ लाख २१ हजार ५६ (पीसीआर टेस्टबाट) र (एण्टीजेनबाट) २६ हजार ५ सय ९५ पुगेको छ।  यस्तै निको हुने ८९.६ प्रतिशत रहेका छन् । 

    यस्तै पछिल्लो २४ घण्टामा ३ हजार ४५६ जना कोरोनाभाइरस संक्रमणमुक्त भएसँगै निको हुनेको कूल संख्या ५ लाख ५६ हजार ७९८ पुगेको मन्त्रालयले जानकारी दिएको छ ।  

    यसैगरी पछिल्लो २४ घण्टामा मृत्यु भएका र त्यसअघि भएका गरी थप ५१ जनाले ज्यान गुमाएका छन्। हालसम्म कोरोनाभाइरस संक्रमणबाट ज्यान गुमाउनेको संख्या ८ हजार ७ सय २६ जना रहेको स्वास्थ्य मन्त्रालयले जनाएको छ ।


    आषाढ ६, २०७८ आइतवार १८:०७:०२ बजे : प्रकाशित

  • सम्बन्धित विषय:

  • # कोरोना भाइरस
  • उपत्यकामा थप एक साता निषेधाज्ञा : सवारीसाधनमा जोरबिजोर, पसल बारको आधारमा खोल्न पाइने (तालिकासहित)

    आषाढ ६

  • 320
    SHARES
  • उपत्यकामा थप एक साता निषेधाज्ञा :  सवारीसाधनमा जोरबिजोर, पसल बारको आधारमा खोल्न पाइने (तालिकासहित)

    काठमाडौं । काठमाडौं उपत्यकामा कोरोनाभाइरस संक्रमण नियन्त्रण तथा रोकथामका लागि लगाइएको निषेधाज्ञा एक साता थप गरिएको छ । 

    आइतबार बसेको उपत्यकाका प्रमुख जिल्ला अधिकारीहरुको बैठकले खुकुलो बनाउँदै निषेधाज्ञा असार १४ गते मध्यरातसम्म गर्ने निर्णय गरेको हो । थपिएको निषेधाज्ञाको मोडालिटी केही परिवर्तन भएको छ । प्रशासनले बारको आधारमा व्यवसाय सञ्चालन गर्न दिने भएको छ । 

    सपिङ मल, खेलकुद सामग्री पसल, कपडा, जुत्ता पसल खोल्न सोमबार, बुधबार र शुक्रबार पाइने भएको छ । यस्तै सुनचाँदी, भाँडा, विद्युतीय,  घरायसी सामान आइतबार, मंगलबार र बिहीबार खोल्न पाइने भएको छ । 

    यस्तै तरकारी, खाद्यान्न र फलफूलका पसल बिहान ११ बजेसम्म खोल्न पाइने भएको छ । उपत्यकामा गत वैशाख १६ गतेबाट लगाइएको निषेधाज्ञा भोलि सोमबारबाट सकिँदैछ । यस्तै सवारीसाधनमा जोरबिजोर प्रणालीको आधारमा सञ्चालन गर्न पाइने भएको छ । 


     


    आषाढ ६, २०७८ आइतवार १८:२२:०२ बजे : प्रकाशित

  • सम्बन्धित विषय:

  • # काठमाडौं उपत्यका