• Aug 01 2021 | २०७८, श्रावण १७गते

२०७८, श्रावण १७गते

भारतमा महिला सैनिकका लागि भर्ती खुल्यो

आषाढ १ २०७८
  • 836
    SHARES
  • भारतमा महिला सैनिकका लागि भर्ती खुल्यो

    काठमाडौं - भारतले महिला सैनिकका लागि भर्ती खुलाएको छ । सोमबार काठमाडौंस्थित भारतीय दूतावास अन्तर्गतको कल्याणकारी शाखाले एक सूचना जारी गर्दै भर्ना खुलेको जानकारी गराएको हो । 

    सूचनामा नेपाली युवतीले पनि भर्ती हुन पाउने बारे जानकारी गराइएको छ । भर्ती छनोट अम्बाल, लखनऊ, जवलपुर, बेलगाव, पुने र सिलाङमा हुनेछ । महिला सेनामा भर्ती हुन इच्छुकले सूचनामा उल्लेख गरे अनुसार आगामी जुलाई २० सम्म निवेदन दिनुपर्ने हुन्छ । 

    निवेदन १७ वर्ष ६ महिनादेखि २१ वर्ष उमेर ननाघेका, न्युनतम १० कक्षा पास गरेका र १५२ सेन्टिमिटर उचाइ भएकाले मात्र दिन सक्नेछन् । थप जानकारीको लागि तलको सूचनामा पढ्नुहोस्

    ii.PNG


    आषाढ १, २०७८ मंगलवार १२:४६:५३ बजे : प्रकाशित

  • सम्बन्धित विषय:

  • # महिला सैनिक
  • अर्कोसमाचार

    नेपाली शान्ति सैनिकले गरे कङ्गोमा शारी नदीमाथिको पुल मर्मत 

    आषाढ १७

  • 1.2K
    SHARES
  • नेपाली शान्ति सैनिकले गरे कङ्गोमा शारी नदीमाथिको पुल मर्मत 

    काठमाडौँ – नेपाली शान्ति सैनिकले कङ्गोको बुदनास्थित शारी नदीमाथिको पुल मर्मत गरेको छ । कङ्गोमा तैनाथ नं २४ फिल्ड गुल्म (इञ्जीनियर्स) ले लामो समयदेखि जीर्ण भएर आवागमनमा अप्ठेरो भइरहेको शारी नदीमाथिको पुलको मर्मत गरी सञ्चालनमा ल्याएको हो ।

    सैनिक जनसम्पर्क तथा सूचना निर्देशनालयका अनुसार पुल मर्मतपछि स्थानीयवासी र सुरक्षा फौजलाई आफना काम र हर्कतका लागि आवतजावत गर्न सहज भएको छ ।

    मर्मतपछि त्यहाँ संयुक्त राष्ट्रसङ्घका महासचिवका विशेष प्रतिनिधि एवं त्यहाँ तैनाथ मिसनका उपप्रमुख खासिम देग्नेले सो पुल स्थानीय सरकारलाई हस्तान्तरण गर्नुभएको छ । सो अवसरमा उहाँले नेपाली सेनाले शान्ति स्थापना कार्यमा पु¥याएको योगदानको मुक्तकण्ठले प्रशंसा गर्नुभएको बताइएको छ ।

    जीर्ण पुलको फाइदा उठाउँदै हतियारधारी समूहले स्थानीय बासिन्दालाई बेलाबेलामा दुःख दिने गरेकामा पुल मर्मतपछि सुरक्षा फौज परिचालन र आवतजावत गर्न सहज भएपछि नागरिकले सुरक्षित महसुस गरेको जानकारी दिइएको छ । 

    पुल सञ्चालनमा आएसँगै व्यापारिक केन्द्र बुनियाँसँगको व्यापारमा समेत सकारात्मक प्रभाव परेको छ । पुलमा दोहोरो आवतजावतसँगै नेपाली शान्ति सैनिकप्रति स्थानीयबासीमा अझ बढी सकारात्मक भावना पैदा भएको सेनाले विश्वास गरेको छ ।रासस 


    आषाढ १७, २०७८ बिहिवार १०:००:२२ बजे : प्रकाशित

  • सम्बन्धित विषय:

  • # नेपाली शान्ति सैनिक
  • साउदीमा एक नेपालीको ज्यान गयो

    आषाढ १९

  • 716
    SHARES
  • साउदीमा एक नेपालीको ज्यान गयो

    काठमाडौं - साउदी अरबिया एक नेपालीको मृत्यु भएको छ । मृत्यु हुनेमा सिरहाको कल्याणपुर नगरपालिका–४ डरौलका विन्देश्वर महरा रहेका छन् । 

    उनको साउदीमा विहिवार राति उच्च रक्तचापको कारण मृत्यु भएको हो । स्वदेश फर्कने क्रममा रहेका उनलाई स्वास्थ्यमा समस्या देखिएपछि एक हप्ताअघि अस्पताल भर्ना गरिएको थियो । 

    उनी तीन वर्ष पहिले साउदी पुगेका थिए । उनको शव स्वदेश ल्याउन साउदीस्थित नेपाली राजदुतावाससँग कुरा भएको र प्रक्रिया शुरु गरिएको परिवारले जनाएको छ । 


    आषाढ १९, २०७८ शनिवार १८:२६:५७ बजे : प्रकाशित

  • सम्बन्धित विषय:

  • # साउदी अरब
  • पाकिस्तानका पूर्व राष्ट्रपति ममनुन हुसेनको निधन

    आषाढ ३१

  • 472
    SHARES
  • पाकिस्तानका पूर्व राष्ट्रपति ममनुन हुसेनको निधन

    कराँची, पाकिस्तान - पाकिस्तानका पूर्व राष्ट्रपति ममनुन हुसेनको बुधवार कराँचीमा निधन भएको छ । लामो समय बिरामी रहनुभएका उहाँको ८० वर्षको उमेरमा निधन भएको हो । 

    पाकिस्तान मुस्लिम लिग (पीएमएल) को तर्फबाट राष्ट्रपति बनेका हुसेनले सन् २०१३ देखि सन् २०१८ सम्म पाकिस्तानको १२ औं राष्ट्रपतिको रूपमा सेवा गर्नुभएको थियो । उहाँपछि पाकिस्तानी राष्ट्रपतिमा आसिफ अली जरदारीले १३ आँै पाकिस्तानी राष्ट्रपति रूपमा काम गर्नुभएको थियो । 

    गत वर्ष फेब्रुअरीमा उहाँलाई क्यान्सर भएको पत्ता लागेको थियो भने केही दिनदेखि उहाँलाई कराँचीको एक निजी अस्पतालमा उपचार चलिरहेको थियो । उहाँको उपचारका क्रममा निधन भएको हो । हुसेनका श्रीमती र तीन छोरा छन् ।

    राष्ट्रपति आरिफ अल्वीले हुसेनको निधनमा दुःख व्यक्त गर्दै शोक व्यक्त गर्नुभएको छ । उहाँले उहाँको परिवारको पीडा पनि साझा बताउनु भएको छ ।

    पीएमएल–एनका राष्ट्रपति शहबाज शरीफले पनि हुसेनको मृत्युमा दुःख व्यक्त गर्नुभएको छ । उहाँको शोक सन्देशमा भनिएको छ, “हामीले अहिले पाकिस्तानलाई माया गर्ने एक असल व्यक्तित्वलाई गुमाएका छौँ ।” 

    त्यसैगरी पीएमएल–एन का अध्यक्ष सेहबाज शरीफ, पाकिस्तानी सेनापति कमार जावेद बाजवालगायत पाकिस्तानी उच्च पदस्थ अधिकारीले हुसेनको मृत्युप्रति दुःख व्यक्त गर्नुभएको छ । 

    अल्लाहले उहाँको आत्माको मुक्तिको लागि कामना गर्नुभएको छ साथै शोक सम्तप्त परिवारजनमा समवेदना व्यक्त गर्दै उहाँको निधन पाकिस्तानको लागि अपूरणीय क्षति भएको उहाँहरूले बताउनुभएको छ । 

    “अल्लाहले उहाँको आत्मालाई आशिष् दिऊन् र शोक सन्तप्त परिवारजनमा यो अपूरणीय क्षतिलाई सहनको लागि बल दिऊन्,” बाजवालाई उद्धृत गरी आईएसपीआरले लेखेको छ । एएनआई
     


    आषाढ ३१, २०७८ बिहिवार १३:०१:३४ बजे : प्रकाशित

  • सम्बन्धित विषय:

  • # पाकिस्तान
  • मलेसियामा निधन भएका २४ नेपालीको शव नेपाल ल्याइयो, विमानस्थलमा रुवाबासी  

    श्रावण ९

  • 830
    SHARES
  • मलेसियामा निधन भएका २४ नेपालीको शव नेपाल ल्याइयो, विमानस्थलमा रुवाबासी  

    काठमाडौं । मलेसियाबाट २४ वटा नेपालीको शव नेपाल ल्याएको छ । मलेसियामा विभिन्न समयमा मृत्यु भएका २४ नेपालीको शव शनिबार बिहान राष्ट्रिय ध्वजाबाहक नेपाल वायु सेवा निगम (नेपाल एयरलाइन्स)को जहाजले नेपाल ल्याइएको हो । 

    निगमको वाइडबडी ए३३० जहाजले मलेशियाको राजधानी क्वालालम्पुरबाट एकैपटक २४ वटा शव र तीन वटा अस्तु नेपाल ल्याएको परराष्ट्र मन्त्रालयले जनाएको छ ।

    यसैबीच सरकारले चीनबाट खरिद गरिएको कोभिडविरुद्धको भेरोसेल खोप लिन निगको अन्तिम उडानको जहाज आइतबार चीनको बेइजिङ जाने उडान तालिका रहेको निगमले जनाएको छ । निगमले पछिल्लो पटक तीन उडानमार्फत चीनबाट खोप नेपाल ल्याएको छ ।
     


    श्रावण ९, २०७८ शनिवार १३:२०:४४ बजे : प्रकाशित

  • सम्बन्धित विषय:

  • # मलेसिया
  • एक हजार नेपालीका लागि खुल्यो इजरायलमा रोजगारी

    श्रावण १२

  • 382
    SHARES
  • एक हजार नेपालीका लागि खुल्यो इजरायलमा रोजगारी

    काठमाडौँ। लामो समयको तयारीपछि नेपाली श्रमिकले इजरायलमा रोजगारी पाउने भएका छन् । वैदेशिक रोजगार विभागले आज सूचना जारी गर्दै औपचारिक रुपमा इजरायल रोजगारीका लागि खुला भएको जनाएको हो ।

    सरकारी प्रक्रियाबाट कामदार पठाउने सम्झौतानुसार आवेदन खुला गरिएकामा पहिलो चरणमा इजरायलले सुसारे ९केयरगिभर० कामका लागि एक हजार नेपाली श्रमिकको आवेदन खुला गरेको छ । 

    सूचनामा ३०० पुरुष र ७०० महिला कामदारले रोजगारीको अवसर पाउने र तिनका लागि मासिक तलव ५३०० एनआईएस ९रु एक लाख ९३ हजार० तोकिएको र तलब सातामा ४२ घण्टाको हिसाबमा प्रदान गरिने जनाइएको छ । सरकारले गतवर्ष इजरायल र नेपालबीच श्रम सम्झौता गर्दै पहिलो चरणमा ५०० कामदार पठाउने समझदारी गरेको थियो ।

    इजरायल जाने कामदारले खानाको प्रबन्ध आफैले मिलाउनुपर्ने तर बस्ने प्रबन्ध भने रोजगारदाताले नै उपलब्ध रोजगारमा जाने करार अवधि एक वर्षको हुने भए पनि करार थपेर पाँच वर्षसम्म बस्न पाइने जाइएको छ ।

    आवेदनको मापदण्ड
    रोजगारीका लागि २५ वर्ष पूरा भई ४५ वर्ष ननाघेका नेपाली नागरिकले आवेदन दिन सक्नेमा उनीहरूको उचाइ कम्तीमा एक दशमल पाँच मिटर र ४५ किलो तौल भएको र कम्तीमा दश कक्षा उत्तीर्ण गरी अनमी वा सिएमएसम्बन्धी तालिम लिएको वा १० जोड दुई सरहको शैक्षिक योग्यता हासिल गरी सरकारबाट मान्यताप्राप्त तालीम प्रदायक संस्थाबाट केयर गिभिङसम्बन्धी तीन महिना तालीम लिएको हुनुपर्ने जनाइएको छ ।

    आवेदन दिनेहरु विगतमा इजरालयलमा गई काम नगरेको र तिनका बुबाआमा, पतिपत्नी वा छोराछोरी त्यहाँ बसोबास नगरेको वा कार्यरत नरहेको हुनुपर्नेछ ।रासस 


    श्रावण १२, २०७८ मंगलवार १४:५२:३४ बजे : प्रकाशित

  • सम्बन्धित विषय:

  • # इजरायल
  • एनआरएनए अस्ट्रेलियाको चुनाबमा एनएसडब्लुको प्रदेश सहसचिव पदमा जोशीको उमेदवारी

  • 152
    SHARES
  • एनआरएनए अस्ट्रेलियाको चुनाबमा एनएसडब्लुको प्रदेश सहसचिव पदमा जोशीको उमेदवारी

    काठमाडौं । प्रत्येक काम जुनमा युवाको संलग्नता हुन्छ त्यो सफल हुन्छ। राजनितिमा युवाको संलग्नताले नै भोलिको दिनमा उज्यालो ल्याउने गर्छ। एस्तै उज्यालो ल्याउनको निम्ति एनआरएनए अस्ट्रेलियाको चुनाबमा एनएसडब्लुको प्रदेश सहसचिवको पदका लागि उमेदवारी दिएका छ्न राकेश जोशीले ।

    यहि आउदो शनिबार अर्थात् ३१ जुलाइमा हुन गई रहेको चुनाव कोभिड १९ को बढ्दो प्रकोपले गर्दा अनलाईन मार्फत हुने भएको छ । समाजसेवी राकेश जोशी सबै एनआरएनएको चिरपरिचित नाम हो । बिभिन्न सामाजिक काममा सम्लग्न जोशीले २०१४ देखि अस्ट्रेलियामा आइटि र इभेन्ट गर्दै आइरहेका छन् । उनि भूकम्प, भूकम्पको रिकभरी, कोभिडको महामारी र नेपालमा भइरहेको बाढी, पहिरो जस्ता विभिन्न प्राकृतिक प्रकोपहरूको समयमा समुदाय र सामाजिक कार्यहरूमा संलग्न छन् । उनि स्थानीय समुदाय र विद्यार्थी कल्याणमा संलग्न छन।

    उनले अष्ट्रेलियामा अन्तर्राष्ट्रिय विद्यार्थीहरूलाई त्यहाँ मानसिक स्वास्थ्य र शैक्षिक प्रश्नहरूको लागि समर्थन गर्दै आएका छन् । उनका इभेन्टहरूमा स्थानीय एमपीको संलग्नता देखिन्छ । जसले अस्ट्रेलिया र नेपाल बीचको द्विपक्षीय सम्बन्ध बलियो बनाउन मद्दत पुर्याउँछ।

    युवा उद्यमशीलतामा पदोन्नति, अष्ट्रेलियामा नेपाली संस्कृतिको प्रवर्धन, एनआरएनए आन्दोलनमा नेपालीको संलग्नता बढाउने, अस्ट्रेलिया र नेपाल दुबैमा सामाजिक कामको विकास र व्यवस्थापनमा राम्रो भूमिका खेल्ने, अस्ट्रेलियामा मुख्यतः नेपाली समुदायमा केन्द्रित, अस्ट्रेलियामा नेपालीहरूलाई उनीहरूको ज्ञान, स्रोत र अनुभव उपयोग गर्न सहयोग पुर्याउन राम्रो मार्गदर्शन प्रदान गर्ने, दोस्रो पुस्ताका नेपाली अस्ट्रेलियालाई नेपाल र नेपाली संस्कृतिहरूको साथ सामाजिक घटनाहरू आयोजना गरेर कनेक्ट गराउने, अष्ट्रेलियामा योगदान प्रदर्शन गर्न सामाजिक संगठनको साथ काम गर्ने, यी सामाजिक, संगठनात्मक र सामुदायिक प्रतिबद्धताहरू जोशीले आफ्नो कार्यकालको अवधिमा पूरा गर्ने प्रतिबद्धता जनाएका छन् ।

    “साझा एनएनआरएनए” वास्तबमै हामी सबैको साझा अभियान हो र “सबल एनआरएनए” को प्रमूख आधार भनेकै यो अभियानलाई थप संस्थागत गर्दै समुदायका सबैलाई अपनत्व प्रदान गर्ने हो । यसका लागि हामी सबै मिलेर काम गर्न प्रतिबद्व छौं । एनआरएनए अभियानमा रहेर समुदायको सेवा गर्ने मेरो उत्कर्ष चाहनालाई साकार पार्न हजूरहरू सबैको सल्लाह, सद्भाव र अमूल्य मतको अपेक्षा गरेको छु, टेलिफोन मार्फत सह- सचिबका उम्मेदवार राकेश जोशीले भने ।


    श्रावण १५, २०७८ शुक्रवार ११:१२:३७ बजे : प्रकाशित


    क्यानाडा नेपाल