• Sep 25 2021 | २०७८, आश्विन ९गते

२०७८, आश्विन ९गते

पल्लाभारीको लोभमा गगन थापा र प्रदीप पौडेल कांग्रेसमा तानातान

क्यानाडा नेपाल आषाढ २२ २०७८
  • 1.1K
    SHARES
  • पल्लाभारीको लोभमा गगन थापा र प्रदीप पौडेल कांग्रेसमा तानातान

    काठमाडौं । नेपाली कांग्रेस १४औँ महाधिवेशनको संघारमा आइपुगेको छ । आउँदो भदौ १६ देखि १९ गतेसम्म हुने पार्टीको १४औँ महाधिवेशनको चटारोमा नेताहरु लागिसकेका छन् । भदौमा महाधिवेशन सम्पन्न गर्नुपर्ने संवैधानिक बाध्यतामा रहेको कांग्रेसभित्र नेताहरु नेतृत्वको हत्याउने दाउमा समूहगत छलफलमा जुट्नेदेखि चर्चामा रहेका नेताहरु आफ्नो समूहमा तान्न लागिपरेका छन् । 

    images

    औपचारिकभन्दा अनौपचारिक छलफलमा व्यस्त रहेका कांग्रेस नेताहरु को कुन समूहमा भन्ने अहिले नै सबै नखुले पनि केही संकेतहरु भने देखापर्ने थालिसकेको छ । 

    सभापतिमा शेरबहादुर देउवा, रामचन्द्र पौडेल, विमलेन्द्र निधि, डा.शशांक कोइराला, गोपालमान श्रेष्ठ, प्रकाशमान सिंह, कृष्णप्रसाद सिटौला, डा.शेखर कोइराला र कल्याण गुरुङसहित नेताहरु आकांक्षीमा देखिएका छन् । 

    उनीहरु पार्टीभित्रका प्रभावशाली र चर्चित नेताहरु आफ्नो समूहमा ल्याउने प्रयत्न पनि गरिरहेका छन् । सोही क्रममा केही नेताहरु खुलेर समूहगत भेलामा गएका छैनन् । यसरी सहभागी नहुनुमा अहिले नै उनीहरु आफ्नो कित्ता स्पष्ट पार्न चाहेका छैनन् । 

    १३औँ महाधिवेशनमा सभापतिका उम्मेदवार बनेका कृष्णप्रसाद सिटौलाले मंगलबार आफ्नाे समूहको भेला आयोजना गरेका थिए । तर, सो भेलामा गगन थापा, प्रदीप पौडेलसहितका नेता सहभागी भएनन् ।

    १३ औँ महाधिवेशनमा सिटौला प्यानलका महासचिव पदका उम्मेदवार गगन थापा मंगलबारको बैठकमा सहभागी नभएपछि कांग्रेस वृत्तमा खैलाबैला मच्चिएको छ । गगन समूहमै रहेका अर्का युवा नेता प्रदीप पौडेल पनि सिटौलाले आयोजना गरेको बैठकमा सहभागी भएनन् । 

    सिटौला समूहमा रहेका गगन र प्रदीप मंगलबारको बैठकमा सहभागी नभएपछि उनीहरुको समूह कुन हो ? यो जिज्ञासा कांग्रेसभित्र र बाहिर उठिरहेको छ । 

    तर, उनीहरु अहिले नै आफ्नो समूह स्पष्ट पार्न चाहँदैनन् । महाधिवेशनको प्रतिस्पर्धाबारे उपयुक्त समूहमा निर्णय लिने उनीहरुको भनाइ छ । हालसम्म सभापतिका आकांक्षीहरुमात्रै खुलेर महाधिवेशनको तयारीमा जुटेका बेला गगन, प्रदीपजस्ता नेताहरु पदीय वार्गेनिङमा रहेको हुन सक्ने अनुमान पनि गरिएको छ । 

    सभापतिपछिको शक्तिशाली मानिने महामन्त्री बन्न चाहना गगनको देखिन्छ । १३औँ महाधिवेशनमा पनि उनी सिटौला प्यानलबाट महामन्त्रीको उम्मेदवारी दिएका थिए । 

    कोरोनाभाइरसको संक्रमण महामारीका बेला भएका सरकारका कामकारबाहीप्रति कांग्रेस बलियो र सशक्तसाथ खबरदारी गर्न नसकेको आरोपका माझ संसदमा गगनले निभाएको भूमिकाले चर्चा पाएको थियो । गगन, प्रदीप जस्ता युवा नेताहरुलाई आफ्नो प्यानलमा ल्याउन सभापतिका आकांक्षीहरु लागिपरेका छन् ।

    वर्तमान सभापति शेरबहादुर देउवाले गगनलाई महामन्त्री बनाउने गरी आफ्नो समूहमा ल्याउने प्रयत्न गरेको चर्चा छ । उनको झुकाव पनि देउवाप्रति रहेको बुझिएको छ ।

    तर, गगन, प्रदीपजस्ता युवा नेताहरु अहिले नै कुनै समूहमा खुलेर नलाग्ने रणनीतिमा छन् । गगन, प्रदीपसहितका युवा नेताहरुलाई आफ्नो समूहमा ल्याउँदा पल्लाभारी हुने भएपछि सभापतिका आकांक्षीहरुको ध्यान पनि युवा नेताहरुप्रति गएको छ । 


    आषाढ २२, २०७८ मंगलवार १९:५२:३८ बजे : प्रकाशित

    images
  • सम्बन्धित विषय:

  • # गगन थापा

  • क्यानाडा नेपाल

    अर्कोसमाचार

    प्रधानमन्त्री देउवालाई भेटेर यस्ता सुझाव दिए प्रवक्ता शर्माले

  • 336
    SHARES
  • प्रधानमन्त्री देउवालाई भेटेर यस्ता सुझाव दिए प्रवक्ता शर्माले

    काठमाडौं - नेपाली कांग्रेसका सभापति तथा प्रधानमन्त्री शेरबहादुर देउवा र प्रवक्ता विश्वप्रकाश शर्माबीच भेटवार्ता भएको छ । शुक्रबार प्रधानमन्त्री देउवा र शर्माबीच बालुवाटारमा भेटवार्ता भएको हो । 

    images

    आफुले प्रधानमन्त्री देउवालाई भेट गरेर विभिन्न सुझावहरु दिएको बारे प्रवक्ता शर्माले सामाजिक सञ्जालमार्फत जानकारी गराएका छन् । उनले देउवासँगको भेटमा तेजाब आक्रमण निरुत्साहित गर्ने अध्यादेश पारित गरेर अमानवीय प्रवृत्ति विरुद्ध राज्य कठोर बन्नुपर्ने सुझाव दिएको बताएका छन् । 

    प्रवक्ता शर्माको उक्त सुझावको जवाफमा देउवाले भने - 'यो मानवीय र साझा बिषय हो । कानुन बनाउन मात्र होइन कार्यान्वयन गर्नपनि सरकार लाग्छ। म यसमा प्रष्ट छु र दृढ़ छु ।'

    यस्तै आफु र देउवाबीच पार्टी महाधिवेशनको तयारी, महामन्त्रीमा उम्मेदवारी घोषणा, सरकारका उपलब्धि र कमजोरी लगायतका बिषयमा पनि छलफल भएको उनले बताए । उक्त भेटम प्रचार विभागले महाधिवेशन पुर्व चिन्तन चौधौं महाधिवेशन  आयोजना गर्ने निर्णय गरेको पनि उनले बताए । 


    आश्विन ८, २०७८ शुक्रवार २१:१८:०० बजे : प्रकाशित

    एमालेमा फेरि बल्झियो १० बुँदे विवाद 

  • 358
    SHARES
  • एमालेमा फेरि बल्झियो १० बुँदे विवाद 

    काठमाडौं - पार्टी विभाजन रोक्न असन्तुष्ट नेताहरूसँग एमाले संस्थापन पक्षले गरेको १० बुँदे सहमति विवाद केन्द्रीय कमिटी बैठकमा सतहमा आएको छ । 

    images

    पार्टीका सबै संरचनालाई माओवादी केन्द्रसँग एकता हुनुअघिको अवस्था (२ जेठ २०७५) मा फर्काउने सहमति र माओवादी छाडेर आएका नेतासँगको सहमति कार्यान्वयन नभएको भन्दै नेता प्रभु साहले फरक मत राखेलगत्तै युवा पुस्ताका नेताहरूले १० बुँदेलाई लिएर बैठक बहिष्कारसम्मको चेतावनी दिएका छन् । 

    आगामी विधान महाधिवेशनमा पेस हुने विधान, राजनीतिक र संगठनिक प्रतिवेदन अनुमोदन गर्न बसेको बैठमा १० बुँदे कार्यान्वयनको माग राख्दै सो हमतिमार्फत एमालेमै फर्किएका नेताहरूले असन्तुष्टि जनाएका छन् । 

    सहमतिअनुसार एमालेका अधिकांश प्रदेश र जिल्ला कमिटी २ जेठअघिको अवस्थामा फर्किए पनि सुदूरपश्चिम र बागमती प्रदेश कमिटी सो अवस्थामा फर्किन सकेका छैनन् ।


    १० बुँदे सहमितिअनुसार एमालेमै रहने निर्णय गरेका ११ जना स्थायी कमिटी सदस्य र उनीहरू निकटका केन्द्रीय सदस्यले १० बुँदे हुबहु कार्यान्वयन नभए बैठकमा नबस्ने बताए पनि अध्यक्ष केपी ओलीले भने स्थायी कमिटी बैठक बसेर टुंगो लगाइने बताएको बैठकमा सहभागी एक नेताले न्युज कारखानालाई बताए ।

    तर असन्तुष्ट नेताहरूले भने दुईवटा प्रदेशमा देखिएको विवाद समाधान नभए संघर्षमा उत्रने चेतावनी दिएका छन् । बैठकमा खटपट भएपछि असन्तुष्ट पक्षका नेता भीम रावलले संस्थापन पक्षका नेताहरूसँग बैठककै बीचमा सहमतिका लागि भन्दै बेग्लै छलफल थालेको ती नेताको भनाइ छ ।न्युज कारखाना 


    आश्विन ८, २०७८ शुक्रवार २१:५६:१० बजे : प्रकाशित

  • सम्बन्धित विषय:

  • # नेकपा एमाले

  • क्यानाडा नेपाल

    हेलिकोप्टरबाट डोल्पा पुगेका मुख्यमन्त्री शाहीलाई ४० किलोको माला 

  • 180
    SHARES
  • हेलिकोप्टरबाट डोल्पा पुगेका मुख्यमन्त्री शाहीलाई ४० किलोको माला 

    जाजरकोट - जगदुल्ला गाउँपालिका डोल्पाको प्रशासकीय भवन उद्घाटनका लागि हेलिकोप्टरमा पुगेका मुख्यमन्त्री मन्त्रीलाई ४० किलोको मालाले स्वागत गरिएको छ ।

    images

    विरलै मात्र डोल्पा जगदुल्ला पुग्ने महेन्द्रबहादुर शाही, उद्योग पर्यटन वन तथा वातावरणमन्त्री नन्दसिङ बुढालाई भारी माला लगाएर स्वागत गरिएको हो । त्यस्तै गाउँपालिकाका अध्यक्ष नरसिंह रोकायलाईसमेत सोही तौलको माला लगाएको छ ।

    लाखै रकम खर्च गरेर हेलिकोप्टरमा गाउँपालिकाको भवन उद्घाटन गर्न गएका मुख्यमन्त्री तथा मन्त्रीलाई यत्रो भारी माला लगाएर स्वागत गरेपछि सर्वसाधारण चकित परेका छन् ।उता प्रदेशसभा सदस्य बीरबहादुर शाहीले भने माला लगाउन अस्वीकार गरे ।


    आश्विन ९, २०७८ शनिवार १९:४१:२२ बजे : प्रकाशित

  • सम्बन्धित विषय:

  • # ४० किलोको माला

  • क्यानाडा नेपाल

    कर्णाली सुनको थुप्रो हो, भाग्यरेखा कोर्न दत्तचित्त भएर लागिपरेको छु - मुख्यमन्त्री शाही

  • 132
    SHARES
  • कर्णाली सुनको थुप्रो हो, भाग्यरेखा कोर्न दत्तचित्त भएर लागिपरेको छु - मुख्यमन्त्री शाही

    डोल्पा – जगदुल्ला गाउँपालिकाले आफ्नै प्रशासकीय भवन बनाएको छ । स्थानीय सरकार गठन भएको दोस्रो वर्षदेखि निर्माण सुरु गरिएको उक्त भवनको केही समयअघिमात्रै निर्माण सम्पन्न भएको थियो ।जिल्लाका आठ स्थानीय तहमध्ये सबैभन्दा पहिला तयार पारेको सुविधासम्पन्न प्रशासकीय भवनको उद्घाटन कर्णाली प्रदेशका मुख्यमन्त्री महेन्द्रबहादुर शाहीले गर्नुभयो । यससँगै मुख्यमन्त्री शाहीले वडा नं ६ मा कक्षा ५ सम्म पढ्न मिल्ने गरी बनाइएको दलित आवासीय विद्यालयको समेत उद्घाटन गर्नुभयो ।

    images

    गाउँपालिका भवन उद्घाटन कार्यक्रममा मुख्यमन्त्री शाहीले कर्णाली सुनको थुप्रो भएकाले सदुपयोग गर्न जान्नुपर्ने बताउनुभयो । कर्णालीका प्रचुर सम्भावनाको सरकारले पहिचाहन गरिरहेको उल्लेख गर्दै उहाँले आफू नेतृत्वको सरकार कर्णालीको भाग्यरेखा कोर्न दत्तचित्त भएर लागिपरेको बताउनुभयो ।

    त्यस्तै अर्थमन्त्री गोपाल शर्माले जगदुल्ला हाइड्रोपावरले नै यहाँका जनताको भविष्य सुनिश्चित गर्नेमा जोड दिनुभयो । त्यस्तै पूर्व आन्तरिक मामिला तथा कानुनमन्त्री नरेश भण्डारीले कर्णाली आनन्द प्राप्ति गर्ने भकारी भएको बताउनुभयो ।भवन उद्घाटन कार्यक्रममा सरिक हुन मुख्यमन्त्री शाही, अर्थमन्त्री शर्मा, उद्योग पर्यटन वन तथा वातावरणमन्त्री नन्दसिंह बुढा, पूर्वमन्त्री भण्डारी, प्रदेशसभा सदस्य बद्मीक्वारी बोहोरालगायत अथिति हेलिकोप्टरबाट जगदुल्ला पुग्नुभएको थियो ।

    स्थानीय सरकार र सङ्घीय सरकारको साझेदारीमा रु साढे चार करोड लागतमा ३२ कोठे भवन निर्माण गरिएको गाउँपालिकाका अध्यक्ष नारासिंह रोकायले जानकारी दिनुभयो । मुख्यमन्त्री शाही, मन्त्री बुढा र अध्यक्ष रोकायलाई ४० किलोको मालाले सम्मान गरिएको गाउँपालिकाले जनाएको छ । कार्यक्रममा प्रदेशसभा सदस्य वीरबहादुर शाही, पूर्वमन्त्री नरबहादुर बुढा, प्रजिअ माधवप्रसाद ढकाललगायतको उपस्थिति थियो ।रासस 


    आश्विन ९, २०७८ शनिवार २०:११:५५ बजे : प्रकाशित

  • सम्बन्धित विषय:

  • # महेन्द्रबहादुर शाही

  • क्यानाडा नेपाल

    गौतमबुद्ध अन्तर्राष्ट्रिय विमानस्थलको काममा विलम्ब नगर्न अर्थमन्त्री पौडेलको आग्रह

  • 96
    SHARES
  • गौतमबुद्ध अन्तर्राष्ट्रिय विमानस्थलको काममा विलम्ब नगर्न अर्थमन्त्री पौडेलको आग्रह

    सिद्धार्थनगर - पूर्वउपप्रधानमन्त्री तथा अर्थमन्त्री विष्णुप्रसाद पौडेलले गौतमबुद्ध अन्तराष्ट्रिय विमानस्थल निर्माणको काममा विलम्ब नगर्न सरकारलाई पौडेलले आग्रह गर्नुभएको छ ।उद्योग व्यापार सङ्गठन रुपन्देहीको नवनिर्मित भवनको उद्घाटनका क्रममा उहाँले गौतमबुद्ध अन्तर्राष्ट्रिय विमानस्थलको दोस्रो चरणको निर्माणको काम अविलम्ब अघि बढाउन माग गर्नुभएको हो ।

    images

    उहाँले त्यसका लागि नेपाल सरकारले काउण्टर पार्ट फण्ड व्यहोर्ने गरी गरेको निर्णय रद्द नगर्न, एसियाली विकास बैंकसँग ऋण सम्झौता गर्न अन्तर्राष्ट्रिय बोलपत्र आह्वान गरेर सक्षम निर्माण कम्पनी छनोट गरी निर्माणकार्य अघि बढाउन माग गर्नुभयो ।

    उहाँले भन्नुभयो, “विकासका आयोजना रद्द गर्ने र बजेट कटौती गर्ने काम विकासविरोधी भएकाले त्यसो नगर्न नेपाल सरकारसँग आग्रह गर्नुभएको हो । उहाँले गौतमबुद्ध अन्तर्राष्ट्रिय विमानस्थलको दोस्रो चरणको काम रोकिएमा रुपन्देही जिल्लाको मात्र नभएर र लुम्बिनी प्रदेशका नागरिकको व्यापक विरोध हुनेतर्फ पनि सरकारको ध्यानाकर्षण गराउनुभयो ।

    पूर्वअर्थमन्त्री पौडेलले अघिल्लो सरकारको कार्यकालमा यस विमानास्थल निर्माणको कामलाई उच्च प्राथमिकतामा राखिएको पनि बताउनुभयो । उहाँले विकासका आयोजनामा विनियोजित बजेटमा गरिने कटौतीले आगामी दिनमा पनि गलत नजिर स्थापित गर्ने बताउनुभयो ।

    उहाँले आफू अर्थमन्त्री छँदा सिद्धार्थ राजमार्ग र रत्न राजमार्गका लागि विनियोजन गरेको बजेटमा कटौती गरिएको आरोप पनि लगाउनुभयो । उहाँले विकासमा बाधा सिर्जना गर्नेहरुले नै कालीगण्डकी तिनाउ आयोजनामा पनि अवरोध गर्न खोजेको आरोप लगाउनुभयो । उहाँले भन्नुभयो, “कालीगण्डकी तिनाउ आयोजनालाई अवरोध सिर्जना गर्ने गरी अदालतमा मुद्दा हाल्ने काम भएको छ । हामी कानुनी प्रक्रियामार्फत त्यो समस्या समाधान गरी कालीगण्डकी तिनाउ आयोजनाको काम अघि बढाउनेछौँ ।”रासस


    आश्विन ९, २०७८ शनिवार २०:२१:४६ बजे : प्रकाशित

  • सम्बन्धित विषय:

  • # विष्णुप्रसाद पौडेल

  • क्यानाडा नेपाल

    पार्टीलाई बलियो बनाउन ‘नम्बर वान म्यान’ भएर काम गर्न चाहन्छु

  • 128
    SHARES
  • पार्टीलाई बलियो बनाउन ‘नम्बर वान म्यान’ भएर काम गर्न चाहन्छु

    काठमाडौँ - नेपाली कांग्रेसका नेता प्रकाशमान सिंहले ‘नम्बर वान म्यान’ भएर पार्टीलाई संस्थागत रूपमा अगाडि बढाउन खोजेको बताउनुभएको छ । 

    images

    नेपाली कांग्रेस काठमाडौँ महानगरपालिका–१७ को वडा अधिवेशनबाट निर्वाचित प्रतिनिधिलाई ‘बधाई तथा शुभकामना’ कार्यक्रममा उहाँले पार्टी विधि र विधानअनुसार नचलेको आरोप लगाउँदै आफू ‘नम्बर वान म्यान’ भएर पार्टीलाई संस्थागतरूपमा अगाडि बढाउन खोजेको बताउनुभयो ।

    “मैैले गिरिजाप्रसाद कोइराला, शेरबहादुर देउवा र सुशील कोइराला सभापति हुँदा उपसभापति र महामन्त्री भएर काम गरिसकेको छु, पार्टीलाई बलियो बनाउन ‘नम्बर वान म्यान’ भएर काम गर्न चाहन्छु,” उहाँले भन्नुभयो । 

    अग्रज नेताको सम्मान गर्दै पार्टीमा नयाँपुस्ता अगाडि बढ्नुपर्ने उहाँको भनाइ थियो । नेता सिंहले नेविसङ्घ, जिल्लाको राजनीति हुँदै आफू केन्द्रीय राजनीतिमा आएकाले सबैको अनुभवलाई समेटेर अगाडि बढ्ने बताउनुभयो । 


    आश्विन ९, २०७८ शनिवार २०:३०:०६ बजे : प्रकाशित

  • सम्बन्धित विषय:

  • # प्रकाशमान सिंह

  • क्यानाडा नेपाल

    images
    images
    images
    ताजा खबर