• Oct 18 2021 | २०७८, कार्तिक १गते

२०७८, कार्तिक १गते

फ्रेन्चाइज क्रिकेट इपीएल भोलिबाट, सबैको नजर शाहिद अफ्रिदीमा

क्यानाडा नेपाल आश्विन ८ २०७८
  • 476
    SHARES
  • images
    images
    फ्रेन्चाइज क्रिकेट इपीएल भोलिबाट, सबैको नजर शाहिद अफ्रिदीमा

    काठमाडौं - चौथो संस्करणको फ्रेन्चाइज एभरेष्ट प्रिमियर लिग (इपीएल) प्रतियोगिता शनिबारबाट सुरु हुँदैछ । कोरोना महामारीबीच एक वर्ष धकेलिएको इपीएल शनिबार कीर्तिपुरस्थित टियु अन्तर्राष्ट्रिय क्रिकेट मैदानमा हुनेछ । २३ असोजसम्म लिगमा सम्पूर्ण खेल यहीँ हुनेछ । 

    images

    प्रतियोगिताको उद्घाटन खेलमा काठमाडौं किङ्स इलेभेनविरुद्ध ललितपुर प्याट्रिएट्स भिड्नेछन् । उद्घाटन सत्रपछिको खेल सवा १२ बजे सुरु हुनेछ । 

    काठमाडौं नेपाली राष्ट्रिय क्रिकेट टोलीका सदस्य तथा लेग स्पिनर सन्दीप लामिछानेको कप्तानीमा मैदान उत्रने छ भने ललितपुर युवा ब्याटर कुशल भुर्तेलको कप्तानीमा मैदान प्रवेश गर्नेछ । 

    यसअघि नियमित कप्तान ज्ञानेन्द्र मल्लले प्रतियोगिताको दुई दिनअघि आएर प्रतियोगिता नखेल्ने जानकारी गराएका थिए । राष्ट्रिय टोलीका कप्तानसमेत रहेका ज्ञानेन्द्रले आन्तरिक कारण देखाउँदै प्रतियोगिताबाट नाम फिर्ता लिएका हुन् । यसपटक ज्ञानेन्द्रसँगै राष्ट्रिय टोलीका उपकप्तान दिपेन्द्रसिंह ऐरी र पूर्वकप्तान पारस खड्कासमेत इपीएलमा देखिने छैनन् । दिपेन्द्रले आइसिसी विश्वकप लिग-२ अन्तर्गत ओमान भ्रमणका क्रममा चोट बोकेका थिए । 

    पारसले समेत प्रतियोगिताको मुखैमा आएर नाम फिर्ता लिएका थिए । यसअघि विराटनगरको कप्तानीसमेत गरेका पारसको नाम क्लबले आयोजकलाई पठाएको थियो । आयोजकले आफ्नो सामाजिक सञ्जालमा विराटनगरको टोलीमा पारस सम्मिलित नाम सार्वजनिक गरेको थियो । तर केही समयमै पारसले प्रतियोगिताबाट नाम फिर्ता लिएका थिए । 

    प्रतियोगिताको उद्घाटन खेलमा दुवै टोलीको लक्ष्य महत्वपूर्ण २ अंक हुनेछ । दुवै टोली सुरुवाती खेल गुमाउन चाहँदैनन् । यसपटक दुवै टोलीमा नेपाली राष्ट्रिय टोलीका खेलाडी, युवा खेलाडीसहित नाम चलेका ठूला टेष्ट राष्ट्रका खेलाडीसमेत हुनेछन् । 

    काठमाडौ किङ्स इलेभेनमा सन्दीपसँगै सुवास खकुरेल, राजु रिजाल, अमित श्रेष्ठ, सिद्धान्त लोहनी, गुल्सन झासँगै विदेशी खेलाडीमा पाकिस्तानका पूर्वकप्तान शाहिद अफ्रिदी रहने छन् । यस्तै विदेशी खेलाडीमा जनक प्रकाश, रायन बर्ल र रहमनुल्लाह गुर्बज रहने छन् । 

    पाकिस्तानका पूर्वकप्तान अफ्रिदीले इपीएलका दुई खेल मात्रै खेल्ने छन् । यी दुई खेलमा अफ्रिदी नेपाली क्रिकेट प्रेमी र खेलाडी, मिडिया सबैको नजरमा पर्नेछन् । 

    ललितपुर प्याट्रिएट्ससमेत नेपाली युवा खेलाडी र विदेशी खेलाडीको साथमा बलियो उपस्थित देखाउन चाहन्छ । ललितपुरमा कुशलसँगै पवन सरार्फ, ललित राजवंशी, सन्दीप जोरालगायतका खेलाडी छन् । विदेशी खेलाडीमा अज्मतुल्लाह ओमरजाई, ओशाडा फर्नाण्डो, शनदुन विराक्कोडी र भुटानका मिक्यो दोर्जी छन् । 

    इपीएलमा सहभागी प्रत्येक टोलीले चार खेलाडी अनुबन्ध गर्न पाउँछन् । जसमा तीन खेलाडी मैदान प्रवेश गर्न पाउने छन् । प्रतियोगिताको पूर्वसन्ध्यामा सम्पूर्ण टोलीले आफ्नो अन्तिम तयारीसमेत पूरा गरिसकेका छन् । 

    यसपटक इपीएलमा सहभागी टोलीको कप्तानी नेपाली खेलाडीले नै गर्नेछन् । ललितपुर प्याट्रिएट्सको कुशल भुर्तेल, भैरहवा ग्ल्याडीएटर्सको शरद भेसवाकर, काठमाडौँ किङ्स एलेभेनको सन्दीप लामिछाने, चितवन टाइगर्सको सोमपाल कामी, विराटनगर वारियर्सको करण केसी र पोखरा राइनोजको कप्तानी विनोद भण्डारीले गर्नेछन् । 

    यसपटक विजेताले ट्रफीसहित ५० लाख रुपैयाँ प्राप्त गर्नेछ । दोस्रो हुने टोलीले १५ लाख प्राप्त गर्ने आयोजनकले जनाएको छ । इपीएलको पहिलो संस्करणको उपाधि पञ्चकन्या तेज, दोस्रो संस्करण विराटनगर वारियर्स र तेस्रो संस्करणको उपाधि ललितपुर प्याट्रिएट्सले जितेका थिए । 

    काठमाडौं किंग्स-११ 
    सन्दीप लामिछाने (कप्तान), अमित श्रेष्ठ, सुवास खकुरेल, राजु रिजाल, शेर मल्ल, सिद्धान्त लोहनी, संसाद शेख, दिपेन्द्र रावत, आकाश चन्द, अमरसिंह रौटेला, गुल्सन झा, शाहिद अफ्रिदी, जनक प्रकाश, रायन बर्ल, रहमनुल्लाह गुर्बज

    ललितपुर प्याट्रिएट्स 
    कुशल भुर्तेल (कप्तान), सूर्य तामाङ, पवन सरार्फ, सन्दीप जोरा, सोनु तामाङ, राशिद खान, शंकर राना, योगेन्द्रसिंह कार्की, नारायण जोशी, ललित राजवंशी, अरियो पौडेल, विभत्सु थापा, कमल खत्री, नागराज सिंह, अज्मतुल्लाह ओमरजाई, ओशाडा फर्नाण्डो, शनदुन विराक्कोडी र मिक्यो दोर्जी (न्युज कारखाना)


    आश्विन ८, २०७८ शुक्रवार २०:२६:१३ बजे : प्रकाशित

    images
    images
  • सम्बन्धित विषय:

  • # इपीएल

  • क्यानाडा नेपाल

    अर्कोसमाचार

    आईपीएल : कोलकाता फाइनलमा, दिल्ली ३ विकेटले पराजित

  • 294
    SHARES
  • आईपीएल : कोलकाता फाइनलमा, दिल्ली ३ विकेटले पराजित

    काठमाडौं - दिल्ली क्यापिटल्सलाई ३ विकेटले पराजित गर्दै कोलकाता नाइट राइडर्स ईन्डियन प्रिमियर लिग (आईपीएल) टी-ट्वान्टी क्रिकेटको फाइनलमा प्रवेश गरेको छ ।

    images

    बुधबार राति शारजाहमा भएको दोस्रो क्वालिफायरमा दिल्ली क्यापिटल्सलाई ३ विकेटले पराजित गर्दै कोलकाताले फाइनलमा चेन्नई सुपर किङ्ससँगको भेट पक्का गरेको हो ।

    दिल्लीले दिएको १३६ रनको लक्ष्य कोलकाताले १९.५ ओभरमा ७  विकेट गुमाएर पूरा गर्‍यो । कोलकाताको जितमा भेन्काटेस एयरले ५५ रनको अर्धशतकीय इनिङ्स खेले । दिल्लीका कागिसो राबडा, एन्रिच नोर्किया र रविचन्द्र आश्विनले समान २ विकेट लिए ।

    यसअघि पहिले ब्याटिङ गरेको दिल्लीले २० ओभरमा ५ विकेट गुमाएर १३५ रन बनाएको थियो । दिल्लीका लागि शिखर धवनले ३६ रन जोड्दा श्रेयस एयरले अविजित ३० रन बनाए । कोलकाताका वरुण चक्रवर्तीले २ विकेट लिए ।

    अब फाइनलमा कोलकाताले चेन्नई सुपर किङ्ससँग प्रतिस्पर्धा गर्नेछ । चेन्नई पहिलो क्वालिफायरमा दिल्लीलाई नै हराएर फाइनल पुगिसकेको छ । फाइनल खेल शुक्रबार दुबईमा हुनेछ ।न्युज कारखाना 


    आश्विन २८, २०७८ बिहिवार ०७:२१:४६ बजे : प्रकाशित

  • सम्बन्धित विषय:

  • # आईपीएल

  • क्यानाडा नेपाल

    माल्दिभ्समाथि भारतको जित, उपाधिका लागि नेपालसँग खेल्ने

  • 356
    SHARES
  • माल्दिभ्समाथि भारतको जित, उपाधिका लागि नेपालसँग खेल्ने

    काठमाडौं - साफ च्याम्पियनसिपको १३औं संस्करणको उपाधिका लागि नेपाल र भारत भिड्ने भएका छन् । 

    images

    बुधबार राति सिंगल राउण्ड रोबिन लिगको अन्तिम खेलमा आयोजक माल्दिभ्सलाई ३-१ गोल अन्तरले पराजित गर्दै भारतले फाइनलमा स्थान बनाएको हो । यसअघि नेपाल बंगलादेशसँग बराबर खेल्दै शीर्षस्थानमा रहेर फाइनल पुगेको थियो ।

    मालेस्थित राष्ट्रिय रंगशालामा भारतलाई जित दिलाउन कप्तान सुनिल क्षेत्रीले दुई गोल गरे । मानबिर सिंहले एक गोल गरे । माल्दिभ्सका अलि अस्फाकले एक गोल फर्काए ।

    जितसँगै भारत शीर्ष स्थानमा रहँदै फाइनल पुगेको हो । भारतले ४ खेलमा ८ अंक जोड्यो । पहिलो पटक फाइनल पुगेको नेपालले ४ खेलमा ७ अंक जोड्दै उपविजेताको रुपमा फाइनल पुग्यो । फाइनल खेल आइतबार नेपाली समयअनुसार ४:४५ बजे सुरु हुनेछ ।न्युज कारखाना


    आश्विन २८, २०७८ बिहिवार ०७:२७:३२ बजे : प्रकाशित

  • सम्बन्धित विषय:

  • # साफ च्याम्पियनसिप

  • क्यानाडा नेपाल

    नेपालकाे इतिहास रच्ने सपना अधुँरै, भारत विजयी

  • 256
    SHARES
  • नेपालकाे इतिहास रच्ने सपना अधुँरै, भारत विजयी

    काठमाडाै - नेपाललाई पराजित गर्दै भारत १३ औं संस्करणको साफ च्याम्पियनसिप फुटबल प्रतियोगिताको उपाधि जित्न सफल भएको छ ।

    images

    शनिबार माल्दिभ्स माले स्थित राष्ट्रिय रंगशालामा भएको फाइनलमा भारतले नेपाललाई ३–० गोल अन्तरले पराजित  गरेको हो । भारतको जितमा कप्तान सुनिल क्षेत्री, सुरेश सिंह वाङजाम र साहल अब्दुलले समान १–१ गोल गरे ।

    पहिलो हाफ गोलरहित बराबरीमा रोकिए खेलमा भारतले ४९ औं मिनेटमा सुनिलको गोलबाट अग्रता बनाएको हो । ५० औं मिनेटमा सुरेशले गोल गर्दा भारत २–० ले अगाडी रह्यो । ९० मिनेट पछि थपिएको मिनेटमा बैकल्पिक साहलले गोल गर्दै भारतलाई ३–० को जित दिलाए। 

    यससँगै भारतले कीर्तिमानी आठौं पटक साफको उपाधि जित्न जितेको छ । नेपालको भने पहिलो पटक साफको उपाधि जित्ने सपना अधुरै रहेको छ । न्युज कारखाना


    आश्विन ३१, २०७८ आइतवार ०६:३५:१६ बजे : प्रकाशित

  • सम्बन्धित विषय:

  • # साफ च्याम्पियनसिप

  • क्यानाडा नेपाल

    हिमचितुवाले जिते ‘हिट ४९ प्रोफेसनल बक्सिङ च्याम्पियनसिप २०२१’ को उपाधि

  • 272
    SHARES
  • हिमचितुवाले जिते ‘हिट ४९ प्रोफेसनल बक्सिङ च्याम्पियनसिप २०२१’ को उपाधि

    काठमाडौं - ‘हिट ४९ प्रोफेसनल बक्सिङ च्याम्पियनसीप २०२१’को उपाधि बक्सर खेलाडी अविरल घिमिरेले चुमेका छन् । विश्वका युवा पुस्ताका चर्चित र अनुभवि बक्सरलाई मात्र रिङमा उतारिने सो अन्तराष्ट्रिय प्रतियोगितामा विजयी हुने उहाँ पहिलो नेपाली बक्सर हुनुभएको छ । जापानको नायोगा शहरस्थित ‘नायोगा कङ्ग्रेस सेन्टर इभेन्ट हल’मा आज सम्पन्न ४९ औँ सस्करणको सो प्रतिस्पर्धामा अन्तराष्ट्रि«य बक्सर खेलाडी घिमिरेले जापानका व्यवसायिक किक बक्सर फुजीमुरालाई परास्त गरेका थिए । उनीहरु दुवै ‘के वान के बक्सिङ् प्रतिष्पर्धा’ मा भिडन्त गरिसकेका अनुभवी खेलाडी हुन् ।

    images

    ‘हिमालयन चितुवा उपाधि’ले विश्व प्रसिद्ध अविरलले सो प्रतियोगिता चुमेसँगै सामाजिक सञ्जाल मार्फत जितका लागि आफ्ना पिता अन्तरराष्ट्रिय बक्सिङ खेलाडी एवं प्रशिक्षक देवकुमार घिमिरे, आयोजक सिमुरा डोजो सहित नेपाली खेलप्रेमिलाई सबैलाई धन्यवाद दिनुभएको छ । जापानको चर्चित सिमुरा डोजोले प्रतियोगिताको संयोजन गरेको थियो । अविरलले सोही डोजो मार्फत आफ्नो प्रतिभा प्रस्फुटन गर्दै आएका छन् । प्रशिक्षक देवका अनुसार नेपाली खेलाडी ‘हिट ४९ प्रोफेसनल बक्सिङ च्याम्पियनसिप २०२१’ प्रतियोगितमा छनौट हुुनु आफैमा प्रतिष्ठाको विषय हो । उहाँका अनुसार खेलाडी अविरलले गत चैतमा जापानको टोकियो शहरमा सम्पन्न ‘के वान फेस्टिवल २०२१’ प्रतियोगिताको उपाधि चुम्ने कम उमेरका पहिलो नेपाली बक्सर बन्ने सौभाग्य प्राप्त गर्नुभएको थियो । उहाँले जापानी व्यवसायिक बक्सर खोतेचुलाई पहिलो राउण्डमा नै ढालेर नयाँ इतिहास कायम गर्नुभएको थियो । यसैगरी उहाँले गत वर्ष नै ‘प्रोफेसनल किक बक्सिङ हिट ४८’ मा जापानी खेलाडी योसिदा यइजी माथि सहज जित हात पार्नुभएको थियो ।

    यस्तो छ अबिरलको खेलयात्रा -सानो उमेरमा बक्सिङमा ऐतिहासिक सफलता हात पार्दै आएका अविरलले प्रतिष्ठित ‘के वन किक बक्सिङ अन्तरराष्ट्रिय प्रतियोगिता २०२०’ मा दोस्रो स्थान प्राप्त गर्न सफल हुनुभएको थियो । नेपालकोतर्फबाट कम उमेरमा सो प्रतियोगितामा भाग लिने पहिलो ‘बक्सर’ समेत हुनुभएको थियो । एक्काइस वर्षीय उहाँले बाज्रिलियन खेलाडी फिलिपसँग सो प्रतियोगितामा प्राविधिक कारणले मात्र पराजित हुनुपरेको थियो । चन्द्रागिरि नगरपालिका–१२ गुर्जुधारा निवासी उहाँहरु विगत पाँच वर्षदेखि जापानको नागोया शहरमा बस्दै आउनुभएको छ ।

    पछिल्लो समय उहाँले कम उमेरमा अन्तरराष्ट्रिय किक बक्सिङ प्रतियोगितामा खेल्ने पहिलो नेपाली युवा बन्ने सौभाग्यसमेत पाउनुभएको छ । ‘हिट ४९ प्रोफेसनल हिट बक्सिङ च्याम्पियनसिप २०२१’ लाई जापानसहित अन्तरराष्ट्रिय खेल क्षेत्रले उच्च महत्वका साथ हेर्ने बताइएको छ । वेष्टर्न युनाइटेड क्लबका अध्यक्ष रामनारायण घिमिरेले दिनुभएको जानकारीअनुसार अबिरलले खेलेका अधिकांश व्यावसायिक किक बक्सिङमा भिडन्तमा सर्वप्रथम भई विश्व कीर्तिमान कायम गर्न सफल भएका छन् । उहाँले गत वर्ष नै टोकियोको नागोयामा सम्पन्न हिट ४६ किक बक्सिङको टाइटल जित्न सफल हुनुभएको थियो । रोमाञ्जकारी सो भिडन्तमा उहाँले जापानी च्याम्पियन मुकेवासलाई पहिलो राउण्डमै मुक्का प्रहार गरी मैदानमा ढालेर टाइटल उपाधि जित्ने कान्छा बक्सर बन्नुभएको थियो ।

    उहाँले हालसम्म हिट –२४ किक बक्सिङ खेलको मिडिल वेटको दुई पटक च्याम्पियन तथा हालसम्म विभिन्न खेलमा अपराजित यात्रा गर्ने क्रममा नौ खेलमा नकआउट गर्दै विजय हासिल गरिसकेका र तीमध्ये नौ अन्तरराष्ट्रिय खेलका आठ खेलमा सर्वप्रथम भई विश्वकीर्तिमान कायम गर्न सफल हुनुभएको गुर्जुराधास्थित अन्तरराष्ट्रियस्तरको भेहिकल एकेडेमी एण्ड रिसर्च सेन्टरका अध्यक्ष राजेश घिमिरे जानकारी दिनुभयो । अविरलले नियमितरुपमा सिमुरा डोजोमा प्रशिक्षण लिँदै आउनुभएको उहाँले जानकारी दिनुभयो । “अविरलसँग अद्भूत, अदम्य साहस, जोश र लगनशीलता छ । ऊ राष्ट्रिय प्रतिभा हो । सम्मान गरौँ । ” उहाँले भन्नुभयो ।रासस
     


    आश्विन ३१, २०७८ आइतवार २०:४१:४४ बजे : प्रकाशित

  • सम्बन्धित विषय:

  • # अविरल घिमिरे

  • क्यानाडा नेपाल

    न्युकासलमाथि टोटेनहमको जित, ह्यारी केनको सानदार प्रदर्शन

  • 302
    SHARES
  • न्युकासलमाथि टोटेनहमको जित, ह्यारी केनको सानदार प्रदर्शन

    काठमाडौं - गएराति इंग्लिस प्रिमियर लिग अन्तर्गत भएको खेलमा टोटेनहम हट्सपरले सानदार जित निकालेको छ । निकै रोमान्चक बनेको उक्त खेलमा टोटेनहमले न्युकासल युनाइटेडलाई ३-२ गोलले पराजित गरेको हो । 

    images

    उक्त खेलको दोस्रो मिनेटमा घरेलु टोली न्युकासलका क्यालम विल्सनले हेडरमार्फत गोल गरी टिमलाई अग्रता दिलाएका थिए । त्यसपछि खेलको १७ औं मिनेटमा टोटेनहमका टांगी एन्डोम्बेलेले गोल गरी टिमलाई बराबरीमा पुर्याए । 

    त्यसपछि खेलको २२ औं मिनेटमा ह्यारी केनले गोल गरे । यस्तै खेलको पहिलो हाफमा ७ मिनेट इन्ज्युरी समय थप समयमा भएको खेलको चौथो मिनेटमा टोटेनहमले अग्रता दोब्बर पार्यो । 

    उक्त गोल टोटेनहमका ह्युङ मिन सनले गोल गरे । त्यसपछि खेलको  ८९ औं मिनेटमा न्युकासल गोल फर्काउन सफल भयो । जितसँगै टोटेनहम ८ खेलमा १५ अंकसहित तालिकाको पाँचौ स्थानमा उक्लिएको छ । यस्तै न्युकासल भने ८ खेलमा ३ अंकसहित पुछारमा रहेको छ ।  


    कार्तिक १, २०७८ सोमवार ०७:४६:३१ बजे : प्रकाशित

  • सम्बन्धित विषय:

  • # इंग्लिस प्रिमियर लिग

  • क्यानाडा नेपाल

    राष्ट्रिय क्रिकेट टोलीको मुख्य प्रशिक्षकको दरखास्त आह्वान

  • 86
    SHARES
  • राष्ट्रिय क्रिकेट टोलीको मुख्य प्रशिक्षकको दरखास्त आह्वान

    काठमाडौं - नेपाल क्रिकेट संघ (क्यान) ले राष्ट्रिय पुरुष क्रिकेट टिमको मुख्य प्रशिक्षकको लागि दरखास्त आह्वान गरेको छ । सोमबार बिहान क्यानले खुल्ला रहेको मुख्य प्रशिक्षकको लागि दरखास्त आह्वान गरेको हो ।

    images

    बिश्वकप लिग(२ पछि मुख्य प्रशिक्षक डेव ह्वाटमोरको राजीनामासँगै नेपाली टिम मुख्य प्रशिक्षकविहीन छ । ह्वाटमोरले ८ महिना नबित्दै राजीनामा दिएका थिए ।

    FB_IMG_1634528762472.jpg

    क्यानले मुख्य प्रशिक्षकका लागि बिभिन्न मापदण्ड तयार गरेको छ । दरखास्त दिने मिति  अक्टोबर ३१ सम्म रहेको छ ।न्युज कारखाना


    कार्तिक १, २०७८ सोमवार १०:५२:५० बजे : प्रकाशित

  • सम्बन्धित विषय:

  • # राष्ट्रिय क्रिकेट टोली

  • क्यानाडा नेपाल