• Oct 18 2021 | २०७८, कार्तिक १गते

२०७८, कार्तिक १गते

चितवन दुर्घटना : स्थानीय र प्रहरीबीच झडप, दर्जनौं सेल अश्रुग्यास प्रहार

क्यानाडा नेपाल आश्विन २४ २०७८
  • 1.1K
    SHARES
  • images
    images
    चितवन दुर्घटना : स्थानीय र प्रहरीबीच झडप, दर्जनौं सेल अश्रुग्यास प्रहार

    चितवन - भरतपुर महानगरपालिका–७ विकास चोकमा आइतबार पर्यटक बसको ठक्करबाट पैदल यात्री आठ वर्षीय बालकको मृत्यु भएपछि मृतकका आफन्त र स्थानीय प्रदर्शनमा उत्रिए । स्थानीयले ठक्कर दिने कसरा टुर्स एण्ड ट्राभल्सको बा१प १२८४ नम्बरको बसमा ढुंगामुढा गरेर बसको सिसा फुटाएका छन् ।

    images

    बसको ठक्करबाट घाइते बालकलाई बस चालकले बसलाई पुनः पछाडि ल्याएर हत्या गरेको स्थानीयको आरोप छ । घटनास्थलमै मृत्यु भएको बालकको शव मुचुल्का विना लगेको भन्दै स्थानीयले बसमा तोडफोड गर्नुका साथै बसको हावा फुस्काउन खोजेका थिए ।

    बसको हावा फुस्काउन नदिएपछि प्रदर्शनकारी र प्रहरीबीच झडप भएको थियो । प्रहरीले बसलाई जिल्ला कार्यालय लैजान खोज्दै थियो । प्रदर्शनकारीले ठक्कर दिने बसलाई जिल्ला लैजान नदिएपछि साँझपख प्रहरीले बल प्रयोग गरेको हो । प्रदर्शनकारीलाई लखेट्न प्रहरीले दर्जनौँ सेल अश्रु ग्यास हानेको थियो । आवास क्षेत्रमा पनि अश्रुग्याँस हानेपछि घरमा बसेका स्थानीयले प्रहरीविरुद्ध नाराबाजी गरेका थिए ।

    आइतबार दिउँसो साढे तीन बजेको समयमा चौविसकोठीबाट पटिहानी जाँदै गरेको उक्त बसले मामा घरकी हजुरआमा ४६ वर्षीय सूर्यकुमारी लामिछानेसँग पैदल हिँडिरहेका माडीका आठ वर्षीय बालक मिलन भण्डारीलाई ठक्कर दिएको थियो । स्थानीयले बताएअनुसार सुरुमा बालकको हातमात्रै भाँचिएको थियो । बस चालकले पुनः पछाडि ल्याएर बालकको हत्या गरेका हुन् ।

    बस चालकलाई प्रहरीले नियन्त्रणमा लिएको जिल्ला प्रहरी कार्यालय चितवनका प्रवक्ता प्रहरी नायव उपरीक्षक सूर्य बहादुर थापाले जानकारी दिए । न्युज कारखाना


    आश्विन २४, २०७८ आइतवार २०:४३:१० बजे : प्रकाशित

    images
    images
  • सम्बन्धित विषय:

  • # चितवन दुर्घटना

  • क्यानाडा नेपाल

    अर्कोसमाचार

    देशका यी स्थानमा आज मेघगर्जनसहित पानी पर्ने

  • 430
    SHARES
  • देशका यी स्थानमा आज मेघगर्जनसहित पानी पर्ने

    काठमाडौं । आइतबार प्रदेश न १,  प्रदेश न २ र वागमती प्रदेशमा सामान्य वदली गण्डकी र सुदुर पश्चिम प्रदेशमा आंशिक देखि सामान्य वदली रही अन्य प्रदेशहरूमा आंशिक बदली रहेको छ। 

    images

    मौसम पूर्वानुमान महाशाखाका अनुसार हाल भारतको आन्द्र प्रदेश तथा ओडिसाको तटीय क्षेत्र आसपास रहेको न्यून चापिय प्रणाली र विकसित हुँदै गरेको पश्चिमी वायु प्रणालीको संयुक्त प्रभाव रहेको देखिन्छ । 

    आज दिउँसो देशभर आंशिक देखि सामान्य बदली रहनेछ। प्रदेश १, प्रदेश नं २, बाग्मती प्रदेश, गण्डकी प्रदेश, लुम्बिनी प्रदेश र सुदूरपश्चिम प्रदेशका थोरै स्थानहरुमा साथै कर्णाली प्रदेश प्रदेशका एक दुई स्थानहरुमा मेघगर्जनसहित हल्का पानी पर्ने सम्भावना रहेको छ । 
     
    यस्तै आज राति पनि सुदूरपश्चिम प्रदेश, कर्णाली प्रदेश, गण्डकी प्रदेश र लुम्बिनी प्रदेशका केहि स्थानहरुमा साथै प्रदेश १, प्रदेश नं २ र बागमती प्रदेशका थोरै स्थानमा मेघगर्जनसहित पानी पर्ने सम्भावना रहेको छ । 
     


    आश्विन ३१, २०७८ आइतवार ०६:४३:४३ बजे : प्रकाशित

  • सम्बन्धित विषय:

  • # मौसम

  • क्यानाडा नेपाल

    रसुवामा श्रीमानको कुटपिटबाट श्रीमतीको ज्यान गयो

  • 196
    SHARES
  • रसुवामा श्रीमानको कुटपिटबाट श्रीमतीको ज्यान गयो

    रसुवा - रसुवामा श्रीमानको कुटपिटबाट श्रीमतीको मृत्यु भएको छ । जिल्लाको नौकुण्ड गाउँपालिका-५ भोर्ले डाडाटोल बस्ने ७६ वर्षीय बुधे ग्याङदानको कुटपिटबाट श्रीमती ६१ वर्षीया बाटुली तामाङनीको मृत्यु भएको जिल्ला प्रहरी कार्यालय रसुवाका प्रहरी नायव उपरीक्षक देवेन्द्र पाण्डेले बताए । 

    images

    प्रहरीका अनुसार शनिबार घरायसी विषयमा झैझगडा हुँदा ग्याङदानले श्रीमती तामाङनीलाई घरको पिँढीबाट लात्ताले हान्दा आँगनमा बजारिन गई गम्भीर घाइते भएकी थिइन । इलाका प्रहरी कार्यालय कालिकास्थानले जानकारी पाए लगत्तै घटनास्थलमा गएको प्रहरी टोलीले गम्भीर घाइते उनको उपचारका लागि जिल्ला अस्पताल नुवाकोट पठाएको थियो । 

    चेकजाँचको क्रममा तामाङनीको मृत्यु भइसकेको चिकित्सकले घोषणा गरेका थिए । मृतकको शव पोष्टमाटम गरि आइतबार आफन्तको जिम्मा लगाइएको प्रहरीले जनाएको छ । 

    ७६ वर्षीय बुधे ग्याङदानलाई प्रहरीले नियन्त्रणमा लिई आवश्यक अनुसन्धान प्रक्रिया अघि बढाएको प्रहरीले जनाएको छ । न्युज कारखाना



    आश्विन ३१, २०७८ आइतवार १९:४८:२९ बजे : प्रकाशित

  • सम्बन्धित विषय:

  • # रसुवा

  • क्यानाडा नेपाल

    सरकारी कार्यालय खुले : काठमाडौँ उपत्यकामा चहल पहल बढ्यो

  • 172
    SHARES
  • सरकारी कार्यालय खुले : काठमाडौँ उपत्यकामा चहल पहल बढ्यो

    काठमाडौं - बडादसैँ (विजयादशमी) मा बन्द भएका सरकारी कार्यालय खुलेका छन् । राजधानी काठमाडौँ उपत्यकासहित देशभरका सरकारी कार्यालय खुलेपछि चहलपहल बढेको छ । 

    images

    आज सरकारी तथा निजी कार्यालय सञ्चालनमा आएकाले काठमाडौँ उपत्यकामा सवारी साधनको केही चाप बढेको छ । दसैँमा सुनसान प्रायःबनेको काठमाडौँमा नियमितजसो सबै प्रकारका सेवा सञ्चालनमा आएका छन् ।
            
    प्रमुख प्रशासनिक केन्द्र सिंहदरबारमा चहलपहल बाक्लिएको छ । सबैजसो मन्त्रालयमा मन्त्री, कर्मचारी तथा आगन्तुकको बाक्लो उपस्थिति देखिन्थ्यो । विभिन्न मन्त्रालयका मन्त्री पनि कार्यालय पुगेर नियमित काममा व्यस्त देखिनुहुन्थ्यो । सञ्चार तथा सूचना प्रविधिमन्त्री ज्ञानेन्द्रबहादुर कार्की मन्त्रालय पुगेर नियमित काममा व्यस्त रहनुभएको उहाँका स्वकीय सचिव रामजी थापाले जानकारी दिनुभयो । अन्य विभागीय मन्त्री पनि नियमित काममा व्यस्त हुनुभएको छ ।
            
    दसैँको टीकाको तेस्रो दिन आज पनि आफन्त तथा मान्यजनबाट टीका र जमरा लगाई आशीर्वाद लिनेक्रम जारी रहेको छ । विजयादशमीको टीकाको दिनदेखि कोजाग्रत पूर्णिमासम्म दसैँको टीका लगाउने चलन छ ।
     
    काठमाडौँ उपत्यकामा पनि दसैँको टीका लगाउन आफन्त तथा मान्यजनकहाँ पुग्ने सर्वसाधरणको आवतजावत बाक्लोरूपमा देखिएको छ । उपत्यकामा औषधि, खाद्यान्न, दूध तथा तरकारीका पसल खुलेका छन् ।

    महानगरीय ट्राफिक प्रहरी महाशाखाका अनुसार आज पनि काठमाडौँ उपत्यकामा दसैँको टीका र आशीर्वाद थाप्न जानेको चहलपहल बाक्लै छ । बाक्लो सङ्ख्यामा सवारी साधन चले पनि ट्राफिक जाम नरहेको ट्राफिक प्रहरीको भनाइ छ ।
            
    दसैँ मनाउन गाउँघर गएका सर्वसाधरण पनि धमाधम काठमाडौँ भित्रिरहेका छन् । कोटेश्वर, कलङ्की, गोङ्गबु, बल्खुलगायत नाकामा दसैँ मनाएर राजधानी फर्कनेको भिडभाड देखिन्छ । मानिवसको चहलपहल र सवारीसाधनको आवतजावत तथा बजार पसल पनि क्रमशः खुल्न थालेकाले राजधानी काठमाडौँ पुरानै लयमा फर्कन थालेको अनुभूति हुन्छ ।रासस


    आश्विन ३१, २०७८ आइतवार १८:१४:२९ बजे : प्रकाशित

  • सम्बन्धित विषय:

  • # काठमाडौं उपत्यका

  • क्यानाडा नेपाल

    रुपन्देहीमा दुर्गा मूर्ति विसर्जनका क्रममा विवाद हुँदा एक युवकको मृत्यु

  • 210
    SHARES
  • रुपन्देहीमा दुर्गा मूर्ति विसर्जनका क्रममा विवाद हुँदा एक युवकको मृत्यु

    बुटवल - रुपन्देहीमा दुर्गा मूर्ति विसर्जन गर्ने क्रममा भएको विवादका क्रममा एक जना युवाको डुबेर मृत्यु भएको छ । मृत्यु हुनेमा कोटहीमाई गाउँपालिका-४ का २१ वर्षीय अनिल चौधरी रहेको प्रहरीले जनाएको छ ।

    images

    कोटहीमाई गाउँपालिका- ५ दानव नदी र तिनाउ नदीको संगमस्थल रहेको दुई मोहानमा मूर्ति विसर्जन गर्न आएका युवाको शव अबेर राति भारतीय गोताखोरले निकालेका थिए । सशस्त्र प्रहरी र नेपाल प्रहरीले रातिसम्म शव फेला पार्न नसकेपछि भारतीय गोताखोरको सहयोग लिइएको थियो ।

    भारतीय गोताखोरले शव फेला पारेपछि स्थानीयहरू नेपाली सुरक्षाकर्मीप्रति आक्रोशित भएका थिए । सोही क्रममा शवको मुचुल्का गर्न नदिने र पोष्टमार्टमको लागि पनि अवरोध गरिएको थियो । अवरोध गरिए पनि प्रहरीले सम्झाइबुझाइ शव भैरहवा भीम अस्पतलामा ल्याइ पोष्टमार्टम गरी आफन्तको जिम्मा लगाइएको जिल्ला प्रहरी कार्यालय रुपन्देहीका प्रहरी निरीक्षक भाष्कर चन्दले जानकारी दिए ।

    दुर्गा मूर्ति विर्सजनको क्रममा प्रायः वर्ष जसो दुर्घटना हुने गरेको छ । गत वर्ष पनि एक युवाको यसैगरी मृत्यु भएको थियो । विर्सजनलाई लिएर प्रहरीले उच्च सतर्कता अपनाउने गरे पनि दुर्घटना हुने गरेको छ ।न्युज कारखाना
     


    आश्विन ३१, २०७८ आइतवार २०:०२:०१ बजे : प्रकाशित

  • सम्बन्धित विषय:

  • # रुपन्देही

  • क्यानाडा नेपाल

    धान काटिरहेको समयमा अरिङ्गालले टोक्दा ९ जना घाइते, ३ जनाको अवस्था गम्भीर 

  • 266
    SHARES
  • धान काटिरहेको समयमा अरिङ्गालले टोक्दा ९ जना घाइते, ३ जनाको अवस्था गम्भीर 

    काठमाडौं - अर्घाखाँचीमा अरिङ्गालको टोकाइबाट ९ जना घाइते भएका छन । आइतबार दिउँसो अर्घाखाँचीको शितगंगा नगरपालिकाको–२ सितापुरमा ९ जनालाई अरिङ्गालले टोकेको हो । प्रहरीका अनुसार धान काटिरहेको समयमा अरिङ्गालले टोक्दा उनीहरू घाइते भएका हुन् ।

    images

    घाइतेमध्ये तीनजनाको अवस्था गम्भीर रहेको र उनीहरूलाई थप उपचारका लागि बुटवल रेफर गरिएको जनाइएको छ। बाँकी ६ जनाको स्थानीय सितापुर स्वास्थ्य चौकीमा उपचार भइरहेको प्रहरीले जनाएको छ । 


    आश्विन ३१, २०७८ आइतवार २०:२७:१४ बजे : प्रकाशित

  • सम्बन्धित विषय:

  • # अरिङ्गाल

  • क्यानाडा नेपाल

    देशका ४ प्रदेशमा आज भारी वर्षा, यस्तो छ मौसम पूर्वानुमान

  • 302
    SHARES
  • देशका ४ प्रदेशमा आज भारी वर्षा, यस्तो छ मौसम पूर्वानुमान

    काठमाडौं । सोमबार देशको अधिकांश भू-भागमा सामान्य बदली रहि सुदुरपश्चिम, कर्णाली, लुम्बिनी र गण्डकी प्रदेशका केही स्थानहरुमा र बाकी प्रदेशका एक-दुई स्थानहरूमा मेघगर्जनसहित हल्का देखि मध्यम पानी परिरहेको छ । यस्तै सुदुरपश्चिम प्रदेशको एक-दुई स्थानमा ठुलो पानी परेको छ । 

    images

    मौसम पूर्वानुमान महाशाखाका अनुसार हाल बंगालको खाडिमा र मध्य भारतमा रहेका (उत्तरतिर सर्दै गरेको) न्यून चापिय प्रणालीहरु र पश्चिमी वायु प्रणालीको संयुक्त प्रभाव नेपालमा रहेको देखिन्छ । 

    आज दिउँसो देशभर आंशिक देखि सामान्य बदली रहनेछ। सुदूरपश्चिम प्रदेश, कर्णाली प्रदेश, गण्डकी प्रदेश र लुम्बिनी प्रदेशका धेरै स्थानहरुमा साथै प्रदेश १, प्रदेश २ र बागमती प्रदेशका केहि स्थानहरु मेघगर्जनसहित हल्का पानी पर्ने सम्भावना रहेको छ । 

    देशका पश्चिमी उच्च पहाडी तथा हिमाली भूभागहरुका थोरै स्थानहरुमा हल्का देखि मध्यम र वाकी हिमाली भूभागहरुका थोरै स्थानहरुमा हल्का हिमपातको समेत सम्भावना छ । प्रदेश १, प्रदेश २, लुम्बिनी, कर्णाली र सुदूरपश्चिम प्रदेशका एक-दुई स्थानमा ठुलो पानी पर्ने सम्भावना रहेको छ । 
     
    यस्तै आज राति पनि सुदूरपश्चिम प्रदेश, कर्णाली प्रदेश, गण्डकी प्रदेशका र लुम्बिनी प्रदेशका धेरै स्थानहरुमा साथै प्रदेश १, प्रदेश नं २ र बागमती प्रदेशका केही स्थानहरूमा मेघगर्जनसहित पानी पर्ने सम्भावना रहेको छ । 

    देशका पश्चिमी र मध्य उच्च पहाडी तथा हिमाली भूभागहरुका केही स्थानहरुमा हल्का देखि मध्यम र वाकी हिमाली भूभागहरुका थोरै स्थानहरुमा हल्का हिमपातको समेत सम्भावना छ । प्रदेश १, प्रदेश २, लुम्बिनी, कर्णाली र सुदूरपश्चिम प्रदेशका थोरै स्थानहरूमा भारी वर्षाको समेत सम्भावना रहेको छ। सुदूरपश्चिम प्रदेशको एक-दुई स्थानमा धेरै पानी पर्ने सम्भावना रहेको छ ।


    कार्तिक १, २०७८ सोमवार ०७:२५:०९ बजे : प्रकाशित

  • सम्बन्धित विषय:

  • # मौसम

  • क्यानाडा नेपाल