• Dec 01 2021 | २०७८, मंसिर १५गते

२०७८, मंसिर १५गते

विप्लव नेतृत्वको नेकपासँगको सहमति कार्यान्वयनको पहल

क्यानाडा नेपाल आश्विन ३१ २०७८
  • 440
    SHARES
  • images
    images
    विप्लव नेतृत्वको नेकपासँगको सहमति कार्यान्वयनको पहल

    काठमाडौँ - गृहमन्त्री बालकृष्ण खाँणले नेत्र विक्रम चन्द नेतृत्वको नेपाल कम्युनिष्ट पार्टी (नेकपा) सँग नेपाल सरकारले गरेको सहमति कार्यान्वयनका लागि पहल सुरु गरेको छ । अघिल्लो सरकारसँग भएको सहमति कार्यान्वयनका लागि कसरी अगाडि बढ्ने भन्ने विषयमा आज गृहमन्त्री बालकृष्ण खाणले कानून न्याय तथा संसदीय मामिला मन्त्री दिलेन्द्रप्रसाद बडु, सचिव उदयराज सापकोटा, महान्यायाधिवक्ता खम्बबहादुर खाती र गृहसचिव टेकनारायण पाण्डेसँग छलफल गर्नुभएको हो ।

    images

    उक्त छलफलमा विगतका सहमति कार्यान्वयनका लागि भएका काम तथा अब कसरी अगाडि बढ्ने भन्ने विषयमा छलफल भएको गृह मन्त्रालयले जनाएको छ । मन्त्री खाँणले सहमति कार्यान्वयका लागि अहिलेसम्म आफूले नेकपाका नेतासँग गरेका कुराकानी र काम कारवाहीबारे जानकारी दिनुभएको थियो ।

    सरकार र नेपाल कम्युनिष्ट पार्टीबीच २०७७ फागुन २० गते तीन बुँदे सहमति भएको थियो । आजको छलफल मुख्यगरी सहमतिको बुँदा नम्बर ३ मा रहेको “नेपाल सरकार, नेपाल कम्युनिष्ट पार्टीमाथि लगाइएको प्रतिबन्ध हटाउन, कारागारमा रहेका पार्टीका नेता तथा कार्यकर्ताको रिहाइ र सम्पूर्ण मुद्दा खारेज गर्न सहमत भएको छ”, भन्ने विषयमा केन्द्रित रहेर जनाइएको छ ।

    छलफलमा कानून सचिव सापकोटा र महान्यायाधिवक्ता खातीले कस्ता मुद्दा खारेज गर्न मिल्ने र जेलमा रहेका कैदी बन्दीलाई रिहाइ गर्न मिल्नेबारे जानकारी दिनुभएको थियो । कानून सचिव सापकोटाले गृह मन्त्रालय र महान्यायाधिवक्ताको कार्यालयबाट रिहाइका लागि आएको सिफारिसअनुसार मन्त्रालयमा आएका अधिकांशको रिहाइ भइसकेको र केही फिर्ता गर्न नमिल्ने प्रकृतिका मात्रै बाँकी रहेको जानकारी गराउनुभएको थियो । फेरि सहमति कार्यान्वयनका लागि बाँकी रहेका विषयमा एकपटक छलफल गर्ने र तयारी पूरा भएपछि नेकपाका नेतासँग बसेर टुङ्ग्याउने सहमति भएको जनाइएको छ ।

    चन्द नेतृत्वको नेकपाले प्रधानमन्त्री शेरबहादुर देउवा, सत्ता गठबन्धन दल नेकपा (माओवादी केन्द्र)का अध्यक्ष पुष्पकमल दाहाल, नेकपा (एकीकृत समाजवादी) का अध्यक्ष माधवुकमार नेपाल, गृहमन्त्री खाँणसहितका नेतालाई भेटेर अघिल्लो सरकारसँग भएको सहमति कार्यान्वयन गर्न माग गर्दै आएको थियो ।रासस


    आश्विन ३१, २०७८ आइतवार १७:४२:०३ बजे : प्रकाशित

    images
    images
  • सम्बन्धित विषय:

  • # नेत्रविक्रम चन्द विप्लव

  • क्यानाडा नेपाल

    अर्कोसमाचार

    एमाले सचिवमा ओलीले प्रस्ताव गरेका पाँचै नेता विजयी, कार्की र आचार्य पराजित

  • 326
    SHARES
  • एमाले सचिवमा ओलीले प्रस्ताव गरेका पाँचै नेता विजयी, कार्की र आचार्य पराजित

    काठमाडौं । एमाले १०औँ महाधिवेशनबाट पाँच जना सचिव विजयी भएका छन् । चितवनमा भएको महाधिवेशनको मतगणनाको अन्तिम नतिजाअनुसार सचिवका उम्मेदवार टोपबहादुर रायमाझी, योगेश भट्टराई, पद्मा अर्याल, छविलाल विश्वकर्मा, रघुवीर महासेठ, लेखराज भट्ट, गोकर्ण विष्ट विजयी भएका हुन् । 

    images

    विजयी हुने विष्टले १९७६, भट्टराईले १९६४, अर्यालले १८००, विश्वकर्माले १८००, भट्टले‍‍ १७०४, रायमाझीले १७०० र  महासेठले १५१३ मत ल्याए । 

    सचिवका प्रत्यासीद्वय भीम आचार्य र टंक कार्की भने पराजित भएका छन् । आचार्यले १३०० मत र कार्कीले ५०० मत ल्याए ।


    मंसिर १४, २०७८ मंगलवार १६:३४:२८ बजे : प्रकाशित


    क्यानाडा नेपाल

    ओलीभन्दा अष्टलक्ष्मी र गोकर्ण ‘पपुलर’

  • 754
    SHARES
  • ओलीभन्दा अष्टलक्ष्मी र गोकर्ण ‘पपुलर’

    काठमाडौं । नेकपा एमालेको १०औँ महाधिवेशनले केपी ओलीको अध्यक्षमा नयाँ नेतृत्व चयन गरेको छ ।  चितवनमा भएको  महाधिवेशनमा भएको मतदानबाट नेतृत्व चयन गरिएको हो । 

    images

    अध्यक्षमा विजयी भएका ओलीले १८४० ल्याए । तर, ओलीभन्दा बढी मत ल्याएर उपाध्यक्षमा अष्टलक्ष्मी शाक्य र सचिवमा गोकर्ण विष्टले मत पाएका छन् । 

    ओलीको भन्दा उनीहरूले बढी मत ल्याएर महाधिवेशनमा पपुलर मत पाएका हुन् । उपाध्यक्षमा निर्वाचित शाक्यले १९७६ र सचिवमा निर्वाचित विष्टले १९७६ मत ल्याएका छन् । 

    साथै ओलीभन्दा बढी मत ल्याउने पदाधिकारीमा उपाध्यक्षत्रय सुरेन्द्र पाण्डेले १९२५, सुवास नेम्वाङले १८६५, विष्णु पौडेलले १८५६ र युवराज ज्ञवालीले १८४२ मत ल्याएका छन् । 

    साथै सचिवमा निर्वाचित योगेश भट्टराईले पनि ओलीको भन्दा बढी मत ल्याएका छन् । उनले १९६४ मत पाएका छन् ।


    मंसिर १४, २०७८ मंगलवार १६:३९:४३ बजे : प्रकाशित


    क्यानाडा नेपाल

    'केन्द्रीय सदस्य नभएपनि केपी ओलीको साथ छोड्दिन'

  • 974
    SHARES
  • 'केन्द्रीय सदस्य नभएपनि केपी ओलीको साथ छोड्दिन'

    काठमाडौं । नेकपा एमालेको अध्यक्षमा केपी शर्मा ओली निर्वाचित भएसंगे १० औं महाधिवेशन आज सकिएको छ । चितवनमा आयोजित महाधिवेशनमा चर्चाको पात्र बनेका थिए व्यवसायी तथा नेता दुर्गा प्रसाईं ।

    images

    टिकटकदेखि सामाजिक संजालमा सबै भन्दा बढी पोष्ट दुर्गा प्रसाईंसंगै कै देखियो । महाधिवेशनमा नेताहरुसंग भन्दा बढी युवाहरु दुर्गा प्रसाईंसंग सेल्फी र टिकटक खिच्न झुमिएका थिए । युवापुस्ता माझ दुर्गा प्रसाईंको काम र बोलीले ठूलो प्रभाव पारेको थियो तर एमाले पार्टीभित्र अझै उनको प्रभाव बलियो हुन सकेन जसको कारण उनले यो पल्ट केन्द्रीय सदस्य पाएनन् ।

    महाधिवेशन स्थल तर्फ पुगेपछि दुर्गा प्रसाईंले केन्द्रीय सदस्यमा उमेद्वारी दिएर नै लड्छु र जित्छु भन्ने सोचेर मिडियासंग उमेद्वारी दिने घोषणासम्म गरेका थिए । उमेद्वारी बारे उनले एमालेका शिर्ष नेताहरुसंग छलफल समेत गरेका थिए । तर बन्द सत्रमा जब पदाधिकारी चयन गर्ने अधिकार अध्यक्ष केपी ओलीलाई दिइयो, दुर्गा प्रसाईंको निर्वाचनमा लड्ने योजनामा ब्रेक लाग्यो । अनि आफ्नो हजुरबुवा तथा अध्यक्ष केपी शर्मा ओलीको भरमा बसे ।

    आफ्नो हजुरबुवा नै पर्ने भएपनि दुर्गा प्रसाईंले केपी ओलीलाई न भेट गरे न नै फोन गरेर मलाई केन्द्रीय सदस्य बनाउनु भने । दुर्गा प्रसाईं भन्छन, "म चितवनमा हुँदा मलाई भेट्ने सबैले तपाई त केन्द्रीय सदस्य पक्का भन्नुहुन्थ्यो । म व्यापारी भएको कारण र केपी ओलीको नाती भएको कारण फोन गरेर वा भेटेर आफूलाई बनाउन आग्रह गरिसक्नु भयो होला अनि हजुरबुवाले त्यत्ति त गरिहाल्नु हुन्छ नि । तर मैले बन्द सत्र पश्चात हजुरबुवासंग एकचोटी बाटोमा स्वागत गर्न मात्र देखादेख भएको थियो । त्यो बेला त न मैले केही बोल्न पाएँ न आग्रह गर्न । अनि मैले एकचोटी फोन पनि गरिन किनकी म निर्वाचनबाट लडेर जित्न त तयार भएको मान्छे किन आग्रह गर्नु भनेर चूप बसें ।"

    आफ्नो हजुरबुवा अध्यक्ष हुँदा र वहाँ कै हातमा आफ्नो केन्द्रीय सदस्य हुँदाहुँदै अहिले भन्नुपर्ने रहेछ भनेर पछुतो लागेको छैन भनेर प्रश्न गर्दा दुर्गा प्रसाईंले भने, "हेर्नुस म व्यवसायी मान्छे हुँ तर राजनीतिमा आकर्षण हुनु भनेको देश विकास गर्ने ठाउँ यहि हो त्यसैले विकास प्रेमी मान्छेलाई राजनीतिले तानेको हो । केन्द्रीय सदस्य नहुँदा दुख लाग्यो तर पछुतो भने लागेन । मलाई थाहा थियो हजुर बुवाको अगाडि रोई कराई गरेको भए पाउथे होला तर अहिले मैले जबरजस्ती गर्दा भोली मैले हजुरबुवालाई गल्ती गर्दा प्रश्न उठाउन पाउदिन नि । सायद मैले पार्टीलाई अझै योगदान गर्नु भनेर अध्यक्षले चयन गर्नुभएन । म अझै सशक्त रुपमा पार्टीको लागि काम गर्छु र अर्को पल्ट केन्द्रीय सदस्य बन्छु ।"

    केपी ओलीको नाती बनेर भन्दा पनि लायक पार्टीको नेता बनेर केन्द्रीय सदस्य पाउँछु भनेर आफूलाई कुनै पछुतो नभएको नेता प्रसाईंले खुलाएका छन् । अब केपी ओली फेरि अध्यक्ष बन्नु भएकोमा खुशी हुँदै भने, "हजुरबुवा फेरि अध्यक्ष हुनुभयो अब वहाँलाई प्रधानमन्त्री बनाउन म देश दौडाहा गर्छु । अब पार्टीको लागि म योगदान गर्छु । युवाहरुले दिएको मायालाई कदर गर्दै म देश विकास तर्फ आफ्नो पाईला चाल्छु ।"


    मंसिर १४, २०७८ मंगलवार १७:२१:०६ बजे : प्रकाशित


    क्यानाडा नेपाल

    एक मतले हारेपछि पुन: मतगणना गर्न माग गर्दै निर्वाचन कार्यालयमा निवेदन 

  • 198
    SHARES
  • एक मतले हारेपछि पुन: मतगणना गर्न माग गर्दै निर्वाचन कार्यालयमा निवेदन 

    सुनसरी - नेपाली कांग्रेस सुनसरी उपसभापतिका उमेदवार गफार अन्सारी मिँया र सचिवका उमेदवार रञ्जेश भट्टराईले पुनः मतगणनाकाे माग गर्दै निर्वाचन कार्यालय इनरुवामा निवेदन दिएका छन् । 

    images

    जिल्ला उपसभापतिका उम्मेदवार अन्सारी र सचिवका उमेदवार भट्टराईले मतगणनामा धाँधली भएको भन्दै निवेदन दिएका हुन् । 

    संस्थापन पक्षबाट उमेदवार रहेका अन्सारीले १ हजार २९७ मत प्राप्त गरेका थिए भने विजयी हुने संस्थापन इतर प्यानलका पङ्कज कुमार महतोले १ हजार ३१३ मत प्राप्त गरेका थिए । १६ मतान्तरले पराजित बनेका अन्सारीले धाँधली रूपमा मतगणना भएको भन्दै पुन गणना गर्न माग गरिएको जानकारी दिए । 

    सचिवमा एक मतले पराजित भट्टराईले आफ्नो पक्ष बलियो हुँदाहुँदै पनि लापरबाही तरिकाले मतगणना गरिएको भन्दै निवेदन दिएको बताए । सचिवमा संस्थापन इतर प्यानलका माधवबहादुर घिसिङले १ हजार २२९ मत प्राप्त गरी विजयी भएका थिए । संस्थापन प्यानलका सचिव पदका उम्मेदवार भट्टराईले १ हजार २२८ मत ल्याएर पराजित भएका थिए । 

    निर्वाचन कार्यालयमा निवेदन परेपछि जिल्ला निर्वाचन समितिले मतगणना स्थगित गरेको छ । सहायक जिल्ला निर्वाचन अधिकृत वेनु सिग्देलले सहमति नहुन्जेल मतगणना स्थगित गरिएको जानकारी दिए । उनले दुई समूहका उमेदवार, जिल्ला नेताको सर्वपक्षीय छलफलबाट निष्कर्ष निकालिने बताए ।प्रकाश तिम्सिना


    मंसिर १५, २०७८ बुधवार ०७:३९:०१ बजे : प्रकाशित


    क्यानाडा नेपाल

    राप्रपाको महाधिवेशन आजदेखि शुरु, कमल थापा र राजेन्द्र लिङ्देन भिड्ने

  • 104
    SHARES
  • राप्रपाको महाधिवेशन आजदेखि शुरु, कमल थापा र राजेन्द्र लिङ्देन भिड्ने

    काठमाडौं - राष्ट्रिय प्रजातन्त्र पार्टी नेपाल (राप्रपा) को एकता महाधिवेशन आजदेखि सुरु हुँदैछ । राजासहित हिन्दु राष्ट्रको एजेन्डा बोक्दै आएकोराप्रपाको महाधिवेशन १७ मंसिरसम्म सञ्चालन हुनेछ । भृकुटीमण्डपमा सुरू हुने महाधिवेशनको सबै तयारी पूरा भइसकेको छ ।  

    images

    महाधिवेशनमा झण्डै ४ हजार ४ सय प्रतिनिधि सहभागी हुने महाधिवेशन प्रचारप्रसार समितिका संयोजक मोहन श्रेष्ठले जानकारी दिए । उनका अनुसार महाधिवेशनले १४७ सदस्यीय नयाँ कार्यसमिति चयन गर्नेछ । 

    आगामी अध्यक्षका लागि वर्तमान अध्यक्ष कमल थापा र महामन्त्री राजेन्द्रप्रसाद लिङ्देन भिड्दैछन् । प्रकाशचन्द्र लोहनीले लिङ्देनलाई समर्थन गर्ने घोषणा गरिसकेका छन् भने पशुपति शमसेर राणाले निर्वाचनमा नलड्ने बताइसकेका छन् । 


    मंसिर १५, २०७८ बुधवार ०७:४८:२७ बजे : प्रकाशित

  • सम्बन्धित विषय:

  • # राप्रपा महाधिवेशन

  • क्यानाडा नेपाल

    सर्वोच्च अदालतमा आजदेखि गोला प्रणालीबाट इजलास र पेसी 

  • 92
    SHARES
  • सर्वोच्च अदालतमा आजदेखि गोला प्रणालीबाट इजलास र पेसी 

    काठमाडौं - सर्वोच्च अदालतमा आज बुधबारबाट गोला प्रणालीमार्फत इजलास र पेसी तोकिँदैछ । यसअघि प्रधानन्यायाधीशले इजलास र पेसी तोक्दै आएका थिए । 

    images

    तर, पेसी व्यवस्थापनसम्बन्धी कार्यविधि निर्देशिका, २०७८ अनुसार नयाँ अभ्यास हुन लागेको हो । अब न्यायाधीशले अपारदर्शी थैलीमा राखिएका समान रूप, रंग, आकार र बनोटका गोटी तान्नुपर्ने हुन्छ । वरिष्ठताका आधारमा न्याायधीशहरूले यो थैलीबाट पालैपालो गोटी निकालेर बृहत् पूर्ण र पूर्ण इजलासहरू गठन गर्छन् । 

    प्रधानन्यायाधीश चोलेन्द्रशमशेर जबराले पेसी र इजलास अधिकारको दुरुपयोग गरेको भन्दै न्यायाधीश र कानुन व्यवसायीले नै विरोध गरेपछि नयाँ अभ्यास थालिएको हो ।

    योसँगै ८ कात्तिकदेखि इजलास बहिष्कार गरेका सर्वोच्चका न्यायाधीश ३७ दिनपछि गोला प्रक्रियाको सुनिश्चितता पश्चात् इजलास फर्किंदै छन् ।


    मंसिर १५, २०७८ बुधवार ०८:०१:०५ बजे : प्रकाशित

  • सम्बन्धित विषय:

  • # सर्वोच्च अदालत

  • क्यानाडा नेपाल