• Jan 21 2022 | २०७८, माघ ७गते

२०७८, माघ ७गते

साउथमा बलिउड अभिनेत्रीको आकर्षण, को कुन फिल्ममा देखिँदैछन् ?

क्यानाडा नेपाल कार्तिक १२ २०७८
  • 1.3K
    SHARES
  • images
    images
    साउथमा बलिउड अभिनेत्रीको आकर्षण, को कुन फिल्ममा देखिँदैछन् ?

    काठमाडौँ - केही वर्षयता साउथ इन्डियन फिल्महरूको क्रेज बढ्दो छ । विक्रम अभिनित आई, रजनीकान्त अभिनित रोबर्ट, प्रभास अभिनित बाहुबली, यश अभिनित केजीएफलगायतका फिल्मले साउथ इन्डियन फिल्महरूलाई बलिउडसँगै विश्व बजारमा परिचित गरायो । यी फिल्महरू पश्चात बलिउडमा त साउथको दबदबा नै सुरु भयो । बलिउडमा साउथका भइरहेका रीमेकभन्दा पनि साउथकै फिल्महरू डबिङ गरेर प्रदर्शन गर्ने प्रचलन बढ्यो ।

    images

    यसका साथै केही समययता बलिउड सुन्दरीहरू समेत साउथ इन्डियन फिल्ममा आकर्षित छन् । साउथ फिल्मका सुन्दरीहरू रश्मिका मन्दना, सामन्था, नयनतारा, कृति सुरेश बलिउड फिल्ममा देखिने तयारी भइरहँदा केही बलिउडका अभिनेत्रीहरू साउथ फिल्ममा देखिँदैछन् । 

    पछिल्लो समय बलिउडमा फिल्म निर्माण गरिरहेका प्रोडक्सन हाउसहरू साउथ इन्डियन फिल्ममा लगानीकर्ताको रूपमा साझेदारी गर्ने क्रम बढेपछि बलिउड सुन्दरीहरू पनि साउथ फिल्ममा बढ्दो छन् । 

    सन् २०१८ को डिसेम्बरमा रिलिज भएको फिल्म ‘केजीएफ’मार्फत स्टार बने यश । फिल्मको ट्रेलरदेखि नै चर्चामा रहेका यशले रिलिजपछि फ्लोअर्स बढाउन सफल भए । फिल्ममार्फत उनको स्टारडम बढिरहँदा यसको सिक्वेललाई लिएर फ्यान प्रतिक्षित छन् । ‘केजीएफ’को सिक्वेलको प्रतीक्षा रहेका फ्यानहरूले सार्वजनिक टिजर मन पराइसकेका छन् । फिल्म आउँदो अप्रिलमा रिलिज हुने तयारीमा छ ।

    सिक्वेलमा यश झनै शक्तिशाली देखिनेछन् भने उनले एक्सनमा नयाँ स्ट्न्ड गर्नेछन् । यसमा यशसँगै श्रीनिधि शेट्टी पनि मुख्य भूमिकामा हुनेछिन् । सिक्वेलमा बलिउडका बाबा अर्थात् सञ्जय दत्त पनि देखिनेछन् । उनले भिलेनको भूमिका निर्वाह गर्नेछन् । फिल्म च्याप्टर फस्टझैँ पाँच भाषामा रिलिज हुनेछ । फिल्ममा रविना टन्डन पनि छिन् । यसमा उनले रामिका सेनको भूमिका निर्वाह गरेकी छिन् । यो उनको कन्नड फिल्ममा डेब्यु हो । 

    करीना कपूर खान पनि साउथ फिल्ममा डेब्यु गर्ने भएकी छिन् । उनले कवीर सिंह निर्देशक सन्दीप रेड्डी वांगाको निर्देशनमा बन्ने फिल्म ’स्प्रिट’मार्फत साउथमा डेब्यु गर्दैछिन् । फिल्ममा उनको को–स्टार प्रभास हुनेछन् । प्रभास पछिल्लो समय साउथ फिल्मका सुपरस्टार हुन् । बाहुबली सिरिज पश्चात उनको फ्यान फ्लोअर्स निकै बढेको छ ।

    यस्तै, प्रभासलाई बाहुबली बनाउने निर्देशक एसएस राजामौलीको निर्देशनमा तयार भइरहेको फिल्म ’आरआरआर’मार्फत अलिया भट्टले पनि साउथ फिल्ममा डेब्यु गर्दैछिन् । फिल्ममा जुनिएर एन्टीआर, राम चरण, अजय देवगन लगायतको अभिनय रहनेछ । निर्देशक राजमौलीले अप्रोच गरेकै कारण आलिया साउथ फिल्ममा तेलुगु सिकेर नै डेब्यु गरेकी हुन् । 

    निर्देशक नाग आश्विनले निर्देशन गर्ने भनिएको फिल्ममा प्रभासको जोडी बनेकी छिन्, दीपिका पादुकोण । यो उनको साउथ फिल्ममा डेब्यु हो । तेस्रो विश्वयुद्धको सेरोफेरोमा तयार पारिने साइन्स फिक्सन फिल्मलाई लिएर दर्शक पनि उत्तिकै उत्साहित छन् । फिल्ममा अमिताभ बच्चनको अभिनय पनि रहनेछ । फिल्मलाई सन् २०२२ मा रिलिज गर्ने योजना यसको निर्माण पक्षको छ । हिन्दी, तमिल र तेलुगु भाषामा फिल्मलाई दर्शकले हेर्न पाउनेछन् ।

    बलिउडमा पछिल्लो समय ’परम सुन्दरी’को ट्याग पाएकी एक्ट्रेस कृति सेनन पनि साउथ फिल्ममा डेब्यु गर्दैछिन् । उनले पनि दीपिकाझैँ स्टार प्रभाससँग जोडी बनेर डेब्यु गर्न लागेकी हुन् । ‘तान्हाजी’ फिल्म निर्देशन गरेका ओम राउतको निर्देशनमा तयार हुने फिल्म ’आदिपुरुष’मा कृति सेनन देखिनेछिन् ।

    फिल्मलाई लिएर दर्शक निकै उत्साहित छन् । पाँच सय करोडको बजेटमा बन्ने भनिएको फिल्मको २५० करोड रुपैयाँ त केवल भिएफएक्समा मात्र खर्च हुने भएको छ । निर्माण पक्षले देखाउनु पर्ने दृश्यको क्यालकुलेट गरेपछि यस्तो बजेट देखिएको हो ।


    कार्तिक १२, २०७८ शुक्रवार २१:२२:५० बजे : प्रकाशित

    images
    images
  • सम्बन्धित विषय:

  • # बलिउड

  • क्यानाडा नेपाल

    अर्कोसमाचार

    ऐश्वर्या धनुषसँग अलग्गिनुको कारण खुल्यो, परिवार भन्दा सुटिङमा बढी ध्यान

    ऐश्वर्या धनुषसँग अलग्गिनुको कारण खुल्यो, परिवार भन्दा सुटिङमा बढी ध्यान

    काठमाडौं - दक्षिण भारतीय अभिनेता धनुष र उनकी श्रीमति ऐश्वर्या रजनीकान्त वैवाहिक जीवनबाट अलग भइसकेका छन् । उनीहरुले गत सोमबार एक विज्ञप्ती जारी गर्दै आफूहरु अलग्गिएको घोषणा गरे ।

    images

    यो जोडीले सन् २००४ मा विवाह गरेका थिए । उनीहरुका यात्रा र लिंगा नामका दुई छोरा छन् । उनीहरु निकट स्रोतका अनुसार विवाहको सुरुवाती समयदेखि नै यो जोडीबीच खटपट सुरु भइसकेको थियो ।

    धनुष एकपछि अर्को फिल्ममा व्यस्त थिए । उनी फिल्मको सुटिङका लागि अधिकांश समय घरबाहिर रहन्थे । यो कुरा ऐश्वर्यालाई मन परिरहेको थिएन ।

    ‘धनुष निकै कामकाजी मान्छे हुन् । धनुष कुनै पनि घरायसी काम भन्दा आफ्नो व्यावसायिक कामलाई अगाडि राख्छन् । कैयौं यस्ता उदाहरण छन् कि उनले कामको प्रतिबद्धताका कारण परिवारलाई ध्यान दिन दिएनन् र त्यहीकारण शहरमा र आउटडोर सुटिङका लागि उनी हिँडिरहे’, स्रोतले भनेको छ ।

    स्रोतले ऐश्वर्यासँग केही खटपट हुनासाथ धनुषले नयाँ फिल्ममा हस्ताक्षर गर्ने गरेको दाबी गरेको छ । यद्यपि अलग्गिनु अघि दुवैले निकै छलफल गरेका थिए । ऐश्वर्यासँग अलग्गिनुअघि उनले फिल्म ‘अतरंगी रे’को सबै काम पुरा गरेका थिए । फिल्म हिट भएपछि उनले अलग्गिने निर्णय लिए ।

    अलग्गिए पनि उनीहरुले दुई छोराको रेखदेख सँगै गर्नेछन् । उनीहरुमध्ये कोही एकले कस्टडीको माग गरेका छैनन् ।


    माघ ५, २०७८ बुधवार ०९:१३:२८ बजे : प्रकाशित


    क्यानाडा नेपाल

    बेरोजगार भए ‘सीआइडी’का शिवाजी, अहिले के गर्दैछन् ?

    बेरोजगार भए ‘सीआइडी’का शिवाजी, अहिले के गर्दैछन् ?

    काठमाडौं - टेलिभिजन तथा फिल्म उद्योगमा केही यस्ता कलाकार छन्, जसले निभाएको एउटै भूमिकाले उनीहरुको करियरभरि लोकप्रियता पाइरहन्छन् । बलिउडका दिग्गज अभिनेता शिवाजी साटम अहिले यसकै उदाहरण बनेका छन् ।

    images

    उनले आफ्नो करियरको दौरान कैयौं सुपरहिट फिल्म दिए, तर उनले लोकप्रियता भने सोनी टीभीको ‘सीआइडी’बाट पाए । यो शो करिब २० वर्षसम्म चल्यो र यसका सबै चरित्र दर्शकमाझ प्रिय भए । ‘सीआइडी’मा एसपी प्रद्युम्नको भूमिकामा अभिनय गर्ने शिवाजी यतिबेला भने बेरोजगार छन् । उनी कामको खोजी गरिरहेका छन् ।

    ‘म यो भन्न सक्दिनँ कि मलाई धेरै अफर आइरहेको छ । छैन त छैन । एक–दुईवटा अफर छन्, तर त्यसमा रुचि छैन । म मराठी थिएटरबाट हुँ । मैले जहिल्यै पनि तिनै प्रोजेक्टमा काम गरें, जुन मलाई मनपथ्र्यो । मेरो दुर्भाग्य यो हो कि पहिलाको जस्तो शक्तिशाली चरित्र अहिले लेख्न छोडियो । यो दुवैका लागि नोक्सानको कुरा हो । एक अभिनेता भएको नाताले म राम्रो कामलाई मिस गरिरहेको छु । दर्शक राम्रो कलाकारलाई मीस गरिरहेका छन्’, शिवाजी भन्छन् ।

    शिवाजीका अनुसार उनलाई अहिले प्रहरी अधिकारीको भूमिकामा अफर आइरहेको छ । जुन भूमिका उनले २० वर्षयता गरिरहेका छन् । यो भूमिका अब उनी गर्न चाहँदैनन् । ‘म किन गर्छु, एउटै भूमिका म पटक–पटक गर्न सक्दिनँ । तर एसीपी प्रद्युम्नको भूमिका मेरो हृदय नजिक छ । फेरी सीआइडी सुरु भयो भने त्यो भूमिका फेरि गर्नुपर्छ । म अहिले भूमिकालाई भन्दा पनि काम नपाएर तनावमा छु’, उनले भनेका छन् ।

    शिवाजीले सन् १९८८ मा नसिरुद्दिन शाह र अनुपम खेरको फिल्म ‘पेस्टोनजी’बाट करियर सुरुवात गरेका थिए । उनले ‘यशवन्त’, ‘गुलाम–ए–मुस्तफा’, ‘युगपुरुष’, ‘हु तु तु’, ‘चाइना गेट’, ‘नायक’लगायतका फिल्ममा अभिनय गरेका छन् ।
     


    माघ ५, २०७८ बुधवार ११:२६:०८ बजे : प्रकाशित


    क्यानाडा नेपाल

    बलिउडका यी कलाकार, जसको आफ्ना आमा-बाबुसँग अनुहार मिल्छ

    बलिउडका यी कलाकार, जसको आफ्ना आमा-बाबुसँग अनुहार मिल्छ

    काठमाडौं - बलिउड जोडी अजय देवगन-काजोलका जेठी छोरी नायस हालका दिनमा आफ्नो ग्ल्यामरस तस्बिरका कारण चर्चामा छिन् । नायसाले हालै कालो पहिरन लगाएकी थिइन्, जुन तस्बिर निकै भाइरल बनेको थियो । तस्बिरमा उनलाई आमा काजोलजस्तै देखिएको छ ।

    images

    त्यसो त नायसाअघि कैयौं स्टार किड्स परिवारका जस्तै देखिएका छन् । अभिनेता सैफ अलि खान र अमृता सिंहका छोरा इब्राहिम हुबहु पिता जस्तै देखिन्छन् । हालैमात्र इब्राहिमले एक फोटोसुट गराएका थिए, जुन तस्बिरमा उनी युवा सैफजस्तै देखिएका छन् ।

    अमृता र सैफकी जेठी छोरी सारा अलि खान आमाजस्तै देखिन्छिन् । साराको तस्बिरको तुलना प्रायः अमृताको पुरानो तस्बिरसँग गरिन्छ ।

    अभिनेता शाहरुख खान र पत्नी गौरीका छोरा आर्यन खान पूर्ण रूपमा पिता शाहरुखजस्तै देखिन्छन् । उनको सामाजिक सञ्जालमा अधिक फ्यान फलोइङ छ । आर्यनले फिल्म ‘कभी खुसी कभी गम’मा शाहरुखको बाल्यकालको भूमिकामा अभिनय गरिसकेका छन् ।

    शर्मिला टैगोर र नवाब पटौदीकी छोरी सोहा अलि खानको अनुहार उनको आमा शर्मिलासँग मिल्छ । अभिनेत्री शिल्पा शेठ्ठीका छोरा वियान नौ वर्षका भए । यद्यपि उनको अनुहार आमा शिल्पासँग मिल्दोजुल्दो छ ।

    ‘हिरोपन्ती’बाट बलिउडमा डेब्यू गरेका अभिनेता टाइगर श्राफ भलै पिता ज्याकी श्राफजस्ता देखिँदैनन्, तर उनको लुक्स युवा ज्याकीसँग मिल्छ । कैयौं तस्बिरमा दुवै फोटोकपी जस्ता देखिन्छन् ।

    अभिनेत्री हेमा मालिनी र अभिनेता धर्मेन्द्रकी छोरी इशा देओल आमा हेमाजस्तै देखिन्छिन् । फिल्ममा पाइला चाल्दा इशालाई उनको आमासँग तुलना गरिएको थियो, यद्यपि उनको करियर आमाको जस्तो सफल हुन सकेन ।

    अभिनेता रणवीर कपुर क्लिन शेवमा पिता ऋषि कपुरको कार्बन कपी देखिन्छन् । लोकप्रिय लेखक जावेद अख्तरका छोरा फरहानको लुक्स बाबुसँग मिल्छ । युवा जावेदको तस्बिरसँग तुलना गर्ने हो भने फरहान पिताजस्तै देखिन्छन् ।


    माघ ५, २०७८ बुधवार १९:२६:२६ बजे : प्रकाशित


    क्यानाडा नेपाल

    बसका ड्राइभर थिए साउथ स्टार यशका बुबा

    बसका ड्राइभर थिए साउथ स्टार यशका बुबा

    काठमाडौं - साउथ फिल्मका चर्चित अभिनेता हुन् यश । पछिल्लो समय यश फिल्म केजीएफ(२ का कारण चर्चामा छन् । प्रशान्त निलले निर्देशन गरेको यस फिल्म अप्रिल १४ मा रिलिज गर्ने भनिएको छ । 

    images

    तर भारतमा पछिल्लो समय कोरोना संक्रमण तिव्र गतिमा बढिरहेको छ । यही गतिमा कोरोना बढेमा यो फिल्म तोकिएको मितिमा रिलिन नहुन पनि सक्छ । यशको यस फिल्म अहिले धेरै दर्शकले कुरिरहेका छन् । 

    यसअघिको यशको फिल्म केजीएफ पनि दर्शकले निकै रुचाएका छन् । कुनै समय सामान्य परिवारमा जन्मिएका यशका अहिले धेरै फ्यान भइसकेका छन् । तपाईलाई थाहाँ छ,  यशको वास्तविक नाम नवीन कुमार गौडा हो। 

    उनले धारावाहिक नन्द गोकुलाबाट आफ्नो अभिनय यात्रा शुरु गरेका थिए । भनिन्छ, उनका बुबा बस चालक थिए । उनका बुबा कर्नाटक राज्यमा बस चलाउथे । यो कुरा यशले एक अन्तवार्तामा खुलाएका थिए । फिल्म क्षेत्रमा लागेपछि चिनिन शुरु भएका यश अहिले धेरैको मनमा बस्न सफल भएका छन् ।  


    माघ ५, २०७८ बुधवार २२:०७:२४ बजे : प्रकाशित

  • सम्बन्धित विषय:

  • # यश

  • क्यानाडा नेपाल

    अक्षय कुमारको फिल्म 'बच्चन पाण्डे' होलीको अवसर पारेर रिलिज गरिने

    अक्षय कुमारको फिल्म 'बच्चन पाण्डे' होलीको अवसर पारेर रिलिज गरिने

    काठमाडौं - बलिउड अभिनेता अक्षयकुमारको फिल्म 'बच्चन पाण्डे' लाई पनि कोरोनाभाइरसको प्रभाव परेको छ । फरहाद शामजीको निर्देशनमा बनेको यस फिल्म जनवरी २६ मा रिलीज हुने भनिएको थियो । 

    images

    तर भारतमा कोरोना बढ्न थालेपछि रिलिज मिति मार्च ४ मा पुर्याएको थियो। अब फिल्मको नयाँ रिलिज मिति पनि सार्वजनिक गरिएको छ । अब यो फिल्म मार्च १८ बाट रिलिज गर्ने तयारी गरिएको भारतिय मिडियामा जनाइएको छ । 

    त्यस समय होलीको अवसर पर्ने हुनाले फिल्म रिलिज गर्न लागिएको बताइएको छ । यस फिल्ममा अक्षय ग्याङस्टारको भूमिकामा छन् । साजिद नादियाडवालाले निर्माण गरेको यस फिल्ममा अक्षयसँगै अभिनेत्री कृति सेननको पनि अभिनय रहेको छ । 
      


    माघ ६, २०७८ बिहिवार १४:०३:०४ बजे : प्रकाशित


    क्यानाडा नेपाल

    आइसीयूमा रहेकी लता मंगेशकरको स्वास्थ्य अवस्था कस्तो छ ?

    आइसीयूमा रहेकी लता मंगेशकरको स्वास्थ्य अवस्था कस्तो छ ?

    काठमाडौं - कोरोना संक्रमित भएकी बलिउडकी दिग्गज गायिका लता मंगेशकरको अहिले अस्पतालमा उपचार भइरहेको छ । ९२ वर्ष पुगेकी लतालाई गत जनवरी ९ को राती अस्पताल भर्ना गरिएको थियो । उनको मुम्बईको ब्रीच केण्डी अस्पतालमा उपचार भइरहेको छ । 

    images

    लताको आइसीयूमै उपचार भइरहेको छ तर स्वास्थ्यमा सुधार बारे डाक्टरले स्वास्थ्यलाभको कामना गर्न भेनेका छन् । लताका डाक्टर प्रतित समदानीले उनलाई अझै आईसियूमा नै राखेर उपचार गरिएको र स्वास्थ्यलाभको कामना गर्न भनेकी छन् ।  

    उनलाई कोरोनासँगै निमोनिया पनि देखिएकोले डाक्टरले सतर्क भएर उपचार गरिरहेका छन् । हाल उनलाई भेट्न बाहिरी मान्छेलाई रोक लगाइएको छ। 

     
     


    माघ ६, २०७८ बिहिवार १४:४६:५७ बजे : प्रकाशित


    क्यानाडा नेपाल