• Jan 24 2022 | २०७८, माघ १०गते

२०७८, माघ १०गते

जाडोमा मरिचको सेवन गर्नु फाइदाजनक, बिग्रेको रुघाखोकी लगायत धेरै समस्याको समाधान

क्यानाडा नेपाल मंसिर १६ २०७८
  • 1.8K
    SHARES
  • images
    images
    जाडोमा मरिचको सेवन गर्नु फाइदाजनक, बिग्रेको रुघाखोकी लगायत धेरै समस्याको समाधान

    काठमाडौं - हाम्रो भान्सामा सजिलै पाइने खाद्य पदार्थ हो मरिच । पिरो विशेषता भएपनि शरीरलाई हानि नगर्ने मरिचलाई मसलाको रुपमा प्रयोग गरिन्छ । यसको सहि प्रयोग गर्न जानेमा धेरै रोगको उपचारमा सहयोग हुन्छ ।   
     
    खासमा हामिले मरिचलाई भान्सामा मसलाको रुपमा प्रयोग गरिए पनि यसले रोग निको पार्न सहयोग गर्छ । औषधीय गुण हुने मरिचको सेबनले ज्वरो, रुघाखोकी, पाचनप्रणाली दुर्बलता लगायतका समस्याको समाधान गर्छ । 

    images

    जाडोमा मरिचको सेवन निकै लाभदायक मानिन्छ । यदि रुघाखोकी लागेमा १०–१५ दाना फुराएको मरिच पिनेर फिटेर नित्य सेवन गर्ने गरेमा बिग्रेको रुघाखोकी १ हप्तामा नै ठीक हुन्छ । यस्तै पिनास भएमा, रुघा लागेमा, टाउको दुखेमा पनि २५ दाना मुनक्का दाखको गेडा २५–३० दाना मरिच हालेर पिँध्नुहोस् र त्यसलाई दुई ग्लाँस पानीमा पकाउनुहोस् घटेपछि रोगीलाई खान दिएर सिरक ओडेर सुत्न लगाउनुहोस् ।

    घाँटी बसेर बोल्नै नसक्ने भएको छ भने पनि १०,१२ पात तुलसी ४,५ दाना मरिच र मिश्रीको टुक्रासँग चपाएर निल्दा घाँटी बसेको ठिक हुन्छ । यदि तपाइको दाँत कीराले खाएको छ भने दाँतको प्वालमा कपुर हाल्नाले दाँत दुख्न बन्द हुन्छ । त्यस्तै मरिचको धूलो, खयर, कपुर बराबर पिधेर दाँत माजेमा गिजापाक्ने, दाँत हल्लिने, कीराले खाएको  ठीक हुन्छ ।

    कम्मर दुख्ने समस्या पनि मरिचले समाधान गर्छ । आधा पाउ भुटेको कालो तिल, १० ग्राम घोडताप्रे, १० ग्राम धूलो मरिच, १० ग्राम सूठो धूलो, १० ग्राम धूलो पिप्ला, ५ ग्राम फुराएको हिङको धूलो सबै मिसाएर सिसीमा राख्ने र दुख्न सुरु भएपछि ३ पटक धूलोलाई मिश्री पानीमा पकाएर खाएमा ठिक हुन्छ । 
     


    मंसिर १६, २०७८ बिहिवार २१:५६:२१ बजे : प्रकाशित

    images
    images

    क्यानाडा नेपाल

    अर्कोसमाचार

    जाडोमा रुघाले सताएमा अपनाउनुहोस् यस्तो घरेलु उपाय, नाक कसरी खुलाउने ?

  • 1.1K
    SHARES
  • जाडोमा रुघाले सताएमा अपनाउनुहोस् यस्तो घरेलु उपाय, नाक कसरी खुलाउने ?

    काठमाडौं । मौसममा परिवर्तन आउने क्रममा धेरैलाई रुघाखोकीले सताउने गर्छ । बालबालिका, बृद्धबृद्धा, रोगीलाई मात्रै नभएर वयस्क उमेर समूहकालाई र निरोगीलाई पनि रुघाखोकीले सताउन छोड्दैन । 

    images

    जाडो मौसममा हरकोहीलाई रुघा लाग्ने हुनाले यसबाट आत्तिनु हुँदैन । तर रुघाखोकीलाई सामान्य रुपमा पनि लिन हुँदैन । सामान्य रुपमा लिइएमा गम्भीर अवस्था आउन सक्ने भएकाले बेलैमा ध्यान दिनु आवश्यक छ ।

    रुघाखोकीलाई विभिन्न घरेलु उपचार गरेर पनि ठिक गर्न सकिन्छ । तर, घरेलु उपचारबाट पनि ठिक नभएमा चिकित्सकको पनि परामर्श लिनुपर्छ । रुघालाग्दा जथाभावी खाएमा रुघा बिग्रन्छ र पिनास हुने, मासु बढ्ने, एलर्जी हुने, घाँटीसम्बन्धी रोग लाग्ने, आँखा दुख्ने, टाउको दुख्ने लगायतका समस्याहरु देखिन्छन् । 
     
    रुघा लागेमा यी कुराहरुमा ध्यान दिनुहोस्
    - रुघा लागेको छ भने चिसो पानीले मुख धुने, नुहाउने र छुने गर्नुहुँदैन । साथै बिहानमा दौडधुप पनि गर्नुहुँदैन । 

    - बढी हावा चल्ने ठाउँ, धूलो र धुँवाबाट टाढा रहनुपर्छ । चिसो हावा चलेको बेलामा बाहिर हिड्नुहुँदैन । यदि हिँड्नै परेमा न्यानो लुगा लगाउने, कान, घाँटी छोप्ने र मास्क लगाउने गर्नुपर्छ ।

    - रुघा आउँदा ज्वरो आएमा घरमै आराम गरिरहनुपर्छ । यस्तो बेलामा चिसो हावामा निस्कनुहुँदैन ।

    - रुघा लागेर नाक बन्द भएमा नुनपानी मनतातो गरी नाकमा ५, ६ थोपा राख्ने गर्नुपर्छ । यदि नखुलेमा तेल वा अन्य नोजल ड्रप अर्थात नाक खुलाउने औषधि प्रयोग गर्नुहोस् । नोजल ड्रप बढी उकुसमुकुस भएर सुत्न समस्या भएमा मात्र प्रयोग गर्नुपर्छ ।

    - रुघा लागेमा दिनदिन तीन÷चार पटक तातो पानीले बाफ लिने गर्नुपर्छ । जबसम्म निको हुँदैन तबसम्म दिनको ४ पटकसम्म पाँचदेखि सात मिनेटसम्म लिनुपर्छ । 

    - रुघा लागेमा बाफ मात्र होइन नाक, घाँटी, छाती र ढाडमा तातोले १५, २० मिनेटसम्म  सेक्नुपछ ।  
     


    पौष १६, २०७८ शुक्रवार २१:३१:०२ बजे : प्रकाशित

  • सम्बन्धित विषय:

  • # रुघाखोकी

  • क्यानाडा नेपाल

    ओमिक्रोनबाट बच्न यस्ता खानेकुराहरुको सेवन गर्नुहोस्   

  • 592
    SHARES
  • ओमिक्रोनबाट बच्न यस्ता खानेकुराहरुको सेवन गर्नुहोस्   

    काठमाडौं - विश्वका विभिन्न देशमा अहिले कोरोनाभाइरसको संक्रमण बढ्न थालेको छ । यसपटकको लहरमा कोरोनाको नयाँ भेरियन्ट ओमिक्रोन भारतमा तिव्र गतिमा फैलिरहेको समाचारमा सुनिदै आएको छ । भारतमा ओमिक्रोन बढीरहदा यो नेपालमा पनि आउँदैन भन्न सकिदैन । 

    images

    नेपालमा पनि ओमिक्रोनका केही केसहरु देखिएका छन् । कोरोनाको संक्रमण बढ्न थालेपछि नेपाल सरकारले पनि स्वास्थ्यका मापदण्ड पालना गर्न नछोड्न आग्रह गरिरहेको छ । 

    कोरोनाबाट बच्न हामिले शरिरको म्युनिटी पावर बढाउनु जरुरी हुन्छ । यस भेरियन्टका लक्षण नाकबाट पानी बग्नु, टाउको दुख्नु शरीर गल्नु, हाच्छिउँ र घाँटी दुख्नु हो ।

    इम्युनिटी पावर बढाउन सहयोग गर्ने खानेकुराहरु यस्ता छन्

    १. घिउँ - आयुर्वेदका अनुसार शुद्ध घिउँमा बोसो नगन्य हुन्छ, जसले जाडोमा शरीरलाई न्यानो राख्छ र ऊर्जा दिने गर्दछ। दैनिक १ चम्चा घिउँ खाँदा रोगबाट इम्युनिटी पावर क्षमता पनि बढ्छ । यसलाई दाल, भात, रोटी वा तरकारीसँग खान सकिन्छ ।

    २. गुलियो आलु - विज्ञहरुका अनुसार आलुमा भिटामिन–सी पाइन्छ । जसले शरिरको इम्युनिटी पावर क्षमता बढाउन मद्दत गर्छ । साथै यसमा बिटा क्यारोटिन पनि हुन्छ जुन राम्रो स्वास्थ्यको लागि धेरै महत्त्वपूर्ण हुन्छ।  

    ३. अमला - अमला भिटामिन-सी को एक उत्कृष्ट स्रोत हो । जुन प्रतिरक्षा क्षमता बढाउनको लागी धेरै महत्त्वपूर्ण छ। जाडोमा यसको सेवनले रुघा, खोकीबाट बच्न पनि सहयोग गर्दछ  ।  यसलाई जुस, अचाररूपमा लिन सकिन्छ।  

    ४. सखर - सखर जाडो मौसममा सबै भन्दा धेरै सेवन गर्ने एकमात्र खानेकुरा हो। सखरलाई  दैनिक  रुपमा सेवन गर्दा रोग प्रतिरोधात्मक क्षमता बढ्ने गछ  । साथै सखर सुगर लागेको बिरामीहरु पनि सजिलै सेवन गर्न सक्छन। यसका साथै खानापछि एक टुक्रा गुड खाँदा पाचन प्रणाली पनि स्वस्थ रहन्छ ।

    ५. अमिलो फलफूल- जाडोमा सुन्तला, मौसमी, कागती जस्ता अमिलो फलफूल सेवन गर्दा धेरै फाइदा हुने गर्दछ । यी अमिलो फलफूलमा  भिटामिन(सीको  मात्रा धेरै हुने गर्दछ। जसले रोग प्रतिरोधात्मक क्षमता बढाउन मद्दत गर्छ।


    पौष २१, २०७८ बुधवार २२:०२:३९ बजे : प्रकाशित

    पूर्वाञ्चल क्यान्सर अस्पतालमा ५० करोड लगानीमा मोडुलर ओटी सञ्चालन, निजीस्तरमा नेपालमै पहिलो

  • 946
    SHARES
  • पूर्वाञ्चल क्यान्सर अस्पतालमा ५० करोड लगानीमा मोडुलर ओटी सञ्चालन, निजीस्तरमा नेपालमै पहिलो

    काठमाडौं । झापाको बिर्तामोड स्थित पूर्वाञ्चल क्यान्सर अस्पतालले झन्डै ५० करोड रुपैयाँ लगानी गरिएको  युरोपेली स्तरको अत्याधुनिक मोडुलर अपरेसन थिएटर (ओटी) सञ्चालनमा ल्याएको छ ।

    images

    पूर्वाञ्चल क्यान्सर अस्पतालले निजीस्तरमा नेपालमै पहिलोपटक मोडुलर अपरेसन थिएटर सञ्चालनमा ल्याइएको जानकारी कार्यकारी निर्देशक दुर्गा प्रसाईंले दिएका छन् । आज एक कार्यक्रम मार्फत उक्त अपरेसन थिएटर संचालन मा ल्याईएको हो । अपरेसन थिएटरका लागि अस्पताल भवनको एउटा पूरै तला प्रयोगमा ल्याइएको छ ।

    modularotnews1.jpg

    कार्यकारी निर्देशक दुर्गा प्रसाईं का अनुसार जर्मनीबाट ल्याइएको पाँचवटा मोडुलर अपरेसन थिएटर स्थापना र सञ्चालनका लागि झन्डै ५० करोड रुपैयाँ लगानी गरिएको छ । उक्त थिएटर कुनै पनि संक्रमणबाट मुक्त रहने भएर ढोकाहरु सेन्सरबाट खुल्ने, बन्द हुने बनाइएको छ ।

    कलेजो, फोक्सो प्रत्यारोपणको लागि मोडुलर थिएटर अत्यावश्यक पर्ने भएकाले अस्पताल ले उक्त थिएटर संचालन मा ल्याएको जनसम्पर्क तथा सूचना अधिकृत प्रमिस गिरीले बताएका छन् । अत्याधुनिक साधनसहितको मोडुलर अपरेसन थिएटर सञ्चालनमा आएपछि बिएन्डसी हस्पिटल र पूर्वाञ्चल क्यान्सर अस्पताल अंग प्रत्यारोपणका लागि आत्मनिर्भर भएको समेत गिरी ले उल्लेख गरेका छन् ।

    कार्यकारी निर्देशक दुर्गा प्रसाईंले बिर्तामोडलाई मेडिकल टुरिजम को रुपमा विकास गर्दै लैजाने उद्देश्य रहेको सुनाए । उनले विदेशी मुलुकबाट पनि मिर्गौलालगायत अंग प्रत्यारोपणको लागि बिरामीको चाप बढ्ने विश्वास लिएको बताए ।

    modularotnews2.jpg

    नेपालमा यसअघि सरकारीस्तरमा भक्तपुरस्थित मानव अंग प्रत्यारोपण केन्द्रले कलेजो प्रत्यारोपणको लागि नेपालमै पहिलोपटक मोडुलर अपरेसन थिएटर सञ्चालनमा ल्याएको थियो ।


    पौष २२, २०७८ बिहिवार १६:४६:४९ बजे : प्रकाशित


    क्यानाडा नेपाल

    १० महिनादेखी खोरमा थुनिएका बालकको उद्दार गर्यो बिएन्डसी अस्पतालले

  • 932
    SHARES
  • १० महिनादेखी खोरमा थुनिएका बालकको उद्दार गर्यो बिएन्डसी अस्पतालले

    काठमाडौं । झापाको अर्जुनधारामा एक बालक महिनादेखि उपचारको अभावमा १० महिनादेखि काठको खोरमा बसिरहेका थिए । उक्त बालकको जानकारी पाएपछि बिर्तामोडको बिएन्डसी हस्पिटलले उनको घर पुगेर उद्दार गर्दै निःशूल्क उपचार गर्ने भएको छ ।

    images

    अर्जुनधारा नगरपालिका ४ मिलडाँडाका गुप्तबहादुर दाहालका ९ वर्षीय छोरा बसन्तको बिएन्डसीले निःशूल्क उपचार गर्न खोरबाट उद्दार गरेको हो । जन्मदेखि नै बोली नआएको बालकलाई गएको चैतदेखि खोरमा राख्न थालिएको परिवारले जनाएको छ ।

    बिर्तामोडको बिएन्डसी हस्पिटलले उक्त बालकको निःशूल्क उपचार गर्ने भएको छ । शुक्रबार खोरबाट उद्दार गर्दै बिएन्डसी हस्पिटलले उपचार गरिदिन लगेको छ । अस्पतालका कार्यकारी निर्देशक दुर्गा प्रसाईं आफै पुगेर बालकको उद्दार गर्न सहयोग गरेका थिए ।

    bncdpnewspic.jpg

    खेती किसानी गर्ने दाहाल परिवारलाई काम गर्न असहज भएपछि बाध्य भएर खोरमा राख्न थालिएको उनकी आमा चम्पा दाहालले सुनाइन् । छोराको उपचारका लागि सकेसम्म खर्च गरे पनि स्वास्थ्यमा केही सुधार नआएको उनको भनाइ छ । उपचारका लागि डाक्टरदेखि धामी झाँक्रीसम्म लगाएको पनि उनले सुनाइन् ।

    लामो समयदेखि बालक खोरमा राखिँदा पनि राजनीतिकर्मी, समाजसेवीले केही पहल नगरेको भन्दै प्रसाईले रोष प्रकट गरे । उनले आर्थिक अवस्था कमजोर भएका व्यक्तिको बिएन्डसीले उपचार गर्दै आएको बताउँदै त्यस्ता कोही व्यक्ति छन् भने खबर गर्न पनि गाउँलेलाई आग्रह गरे ।

    ‘यो छोरा तपाईको होइन, अब हाम्रो पनि छोरा हो, उपचार गरेर घर ल्याइदिन्छौँ ‘, बालकको परिवारलाई उनले आश्वस्त पारेका छन् । उनले भने, ‘कोही पनि पैसा नभएर उपचार पाएका छैनन् भने हामीलाई खबर गर्नुहोला ।’


    पौष २३, २०७८ शुक्रवार १७:४५:३२ बजे : प्रकाशित


    क्यानाडा नेपाल

    ओमिक्रोनको लक्षण कडा रुघाजस्तो देखिएको छ, संक्रमित भएमा के गर्ने ?

    ओमिक्रोनको लक्षण कडा रुघाजस्तो देखिएको छ, संक्रमित भएमा के गर्ने ?

    काठमाडौं - नेपालमा पछिल्लो समय कोरोनाभाइरसको संक्रमण तीव्र ढंगले फैलिदै गएको छ । कोरोनाको ओमिक्रोन भेरियन्टको संक्रमण फैलिएसँगै नेपालमा पनि तेस्रो लहर सुरु भइसकेको छ । 

    images

    उच्चदरमा फैलिएको ओमिक्रोन बारे अहिले धेरैलाई जान्ने इच्छा छ । यसैबीच डा. रवीन्द्र पाण्डेले ओमिक्रोन संक्रमित भएमा के उपाय अपनाउने भन्ने बारे सामाजिक सञ्जालमार्फत जानकारी दिएका छन् । 
     
    अहिले डेल्टा, ओमिक्रोनलगायत कोरोना भाइरसका प्रजाति नेपालमा पनि उच्चदरमा फैलिएको छ । अन्य देशको संक्रमणदर हेर्ने हो भने नेपालमा पनि यसको फैलावट ठूलो समुदायमा हुनसक्दछ । यसको प्रकोप हेर्दा लाग्छ, हामी सबै कोरोनाबाट अछुतो रहन मुस्किल छ । सुखद कुरा के छ भने यो लहरका प्रजातिले त्यति गम्भीर बनाएका छैनन् । ओमिक्रोनको लक्षण कडा रुघाजस्तो देखिएको छ ।
     
    १. कडा रुघा वा जीउ दुख्ने र जाडो हुने भएमा तत्काल पिसिआर टेस्ट गर्ने । रोग थाहा पाउनु भनेको उपचारको बाटो क्लियर हुनु हो ।

    २. पिसिआर पोजिटिभ देखिएमा डर नमान्ने र पटक्कै नआत्तिने।  खोप लगाएका व्यक्तिमा सामान्य लक्षण देखिएर निको हुन्छ ।

    ३. बिभिन्न अनुसन्धानले देखाएका छन्, कोभिडमा घरेलु उपचार प्रभावकारी छ । बेसार, अदुवा, ज्वानो, मरिच, तुलसीका पात तथा कागतीपानी पकाएर पटकपटक सेवन गर्ने र मनतातो पानी प्रशस्त मात्रामा पटकपटक पिउने ।

    ४. पोषिलो तथा बिबिध प्रकारका खाना खाने । जंक फुड नखाने । चिसो बाहेक अन्य खाना बार्नु पर्दैन ।

    ५.इम्युनो प्लस, इम्युन केयर, इम्युनोभिर लगायतका हर्बल औषधि (रोगप्रतिरोधात्मक क्षमता बढाउने) आयुर्वेद चिकित्सक वा स्वास्थ्यकर्मिको सल्लाहमा सेवन गर्ने ।

    ६. ज्वरो आएमा र टाउको दुखेमा र शरीर दुखेमा पारासिटामोल, खोकी लागेमा एलर्जीको ट्याब्लेट र कफ सिरप, नाक बन्द भएमा न्याजल ड्रप आदिको प्रयोग गर्ने । घांटी दुखेमा गार्गल सोलुसनले पटकपटक कुल्ला गर्ने ।

    ७. घाम ताप्ने, हल्का ब्यायाम गर्ने, योग गर्ने, ध्यान गर्ने, भेन्टिलेसन पर्याप्त भएको ठाउँमा बस्ने तथा सकारात्मक सोंच राख्ने । ८. अक्सिमिटरले अक्सिजन नापिरहने ।

    ९. घांटी धेरै दुखेमा, सामान्य उपचारले खोकी वा ज्वरो निको नभएमा चिकित्सकको सुझाब अनुसार एन्टिबायोटिक प्रयोग गर्ने ।

    १०. अक्सिजनको स्तर घटेमा, सास फेर्न गाह्रो भएमा, खान खान नसकेमा तथा अन्य गाह्रो भएमा तुरुन्त अस्पतालमा जाने ।


    माघ २, २०७८ आइतवार २१:३०:४७ बजे : प्रकाशित

  • सम्बन्धित विषय:

  • # कोरोना भाइरस

  • क्यानाडा नेपाल

    भुलेर पनि नफ्याँक्नुस् चौलानी पानी, यस्ता छन् आश्चर्यजनक फाइदा

    भुलेर पनि नफ्याँक्नुस् चौलानी पानी, यस्ता छन् आश्चर्यजनक फाइदा

    काठमाडौं - हामिहरुले खाना पकाउनुअघि चामललाई पखालेर फ्याकिने पानीलाई चौलानी पानी भन्ने गरिन्छ । धेरैले चौलानी पानीको फाइदा बारे थाहाँ नहुँदै त्यसै फ्याक्ने गर्छन् । तर हामिले फ्याक्ने गरेको चौलानी पानी निकै उपयोगी छ । 

    images

    दिनहुँ फ्याकिने चौलानी पानी हाम्रो स्वास्थ्यको लागि फाइदाजनक छ । भारतीय नेशनल इन्स्टिच्यूट अफ आयुर्वेदका डा. ओ.पी. दाधीचले चौलानी निकै उपयोगी हुने बताएका छन् । चौलानीमा कार्बोहाइड्रेड र अमिनो एसिड प्रशस्त पाइन्छ । एक गिलास चौलानी पानीमा अलिकति मह राखेर पिउने गरेमा स्वास्थ्यलाई फाइदा गर्छ । 

    यस्ता छन् फाइदा
    रक्तचाप नियन्त्रण - चौलानी पानीको सेवन गरेमा रक्तचापको समस्या पनि समाधान हुन्छ । यो दिनदिनै एक गिलास पिएमा उच्च रक्तचापमा फाइदा गर्छ । 

    छाला सफा र चम्किलो - शरिरलाई उर्जा दिने यो पानीले अनुहारका विभिन्न समस्या पनि समाधान गर्छ । चामलको पानीले मुख धोएमा  छाला सफा र चम्किलो हुन्छ । त्यस्तै डण्डीफोर, दाग धब्बा पनि आउन दिदैन । चामलको पानीले सुत्नुअघि आँखाको वरीपरी लगाएमा आँखामा चमक आउछ ।

    शरीरमा पानीको कमी हुन नदिने - चौलानी पानीको पिउने गरेमा शरीरमा पानीको कमी पनि हुँदैन । यसले सबै आवश्यक पोषक पदार्थ दिने गर्छ । त्यसैले यसमा दुध मिसाएर खानु पनि राम्रो हुन्छ । 

    कपालको समस्या समाधान - चौलानी पानीले कपालको समस्या पनि समाधान गर्छ । यदि कपाल झर्ने समस्या छ भने पिउँदा वा त्यसले कपाल नुहाउँदा कपाल झर्दैन । यसले कपालको जरा बलियो बनाउने गर्छ । 

    हाड बलियो - चौलानी पानी नियमित पिउने गरेमा हाड बलियो हुन्छ । आधा गिलास चौलानी र आधा गिलास दूध मिसाएर पिउँदा हाड बलियो हुने गर्छ । 

    पाचन प्रक्रिया - दिनहुँ चौलानी पानी पिउने गरेमा पाचन प्रक्रिया पनि राम्रो हुन्छ । यसो गर्दा पेटका असल ब्याक्टेरियाहरू सक्रिय हुन्छन्  र पाचन प्रक्रियालाई चुस्त बनाउँछ । यसको सेवनले पानीको कमी हुन नदिई कब्जियतको समस्या पनि समधान गर्छ । 

    तौल घटाउँछ - चौलानी पानी नियमित सेवन गरेमा मेटाबोलिजम बढ्छ । यसमा फाइबर भरपूर हुनाले भोक पनि लाग्दैन । जसले तौल घट्छ । बान्ता हुने समस्या छ भने पनि यसको सेवनले समाधान गर्छ । 


    माघ ९, २०७८ आइतवार २१:१०:२५ बजे : प्रकाशित


    क्यानाडा नेपाल

    images
    images
    images
    images
    ताजा खबर