• Jan 21 2022 | २०७८, माघ ७गते

२०७८, माघ ७गते

भारतीय पक्षबाट भइरहेको सीमा अतिक्रमणको विरोध गर्दै जंगे पिल्लरमा एमालेको बैठक

क्यानाडा नेपाल मंसिर २१ २०७८
  • 376
    SHARES
  • images
    images
    भारतीय पक्षबाट भइरहेको सीमा अतिक्रमणको विरोध गर्दै जंगे पिल्लरमा एमालेको बैठक

    इलाम - भारतीय पक्षबाट पटक पटक भइरहेको सीमा अतिक्रमणको विरोध गर्दै एमाले सन्दकपुर गाउँ पार्टी कमिटीले जंगे पिल्लरमा बैठक गरेको छ । इलामको सन्दपुर गाउँपालिका-५ जौबारीमा रहेको ६३ (१५) नम्बरको पिल्लरमा बैठक गरेको हो ।

    images

    बैठकले भारतीय पक्षबाट भइरहेको सीमा अतिक्रमणको भत्सर्ना गरेको छ । वार्ता टोली बनाएर यथाशीघ्र सीमा क्षेत्रमा देखिएको समस्या समाधानको लागि संघीय सरकारलाई आग्रह गरेको छ । ‘नेपालतिर दशगजाभन्दा धेरै यता संरचना बनाउँदा एसएसबीले रोक्छ, भारततिर भने दशजगाभित्रै संरचना बनाइएको छ’, एमाले सन्दकपुर गाउँपालिका कमिटीका अध्यक्ष गिरीराज खनालले भने, ‘भारतले पटक पटक नेपाली भूमिमा अतिक्रमण गरिरहेको छ, त्यसको विरोधस्वरूप जंगे पिल्लरमा बैठक बसेका हौ ।’

    भारतीय पक्षले वर्षेनी सीमा अतिक्रमण गर्ने गरेको छ । पाँच वर्षअघि इलामको पशुपतिनगर-२ मा दशजगाभित्रै गुम्बा बनाएको छ । नेपाली पक्षको विरोधको बाबजुद पक्की संरचनाको एकतले टाँसी छोइलिङ गुम्बा बनाएको हो । पुरानो गुम्बा मर्मत गर्ने नाममा भारतले दशगजाभित्रै गुम्बा बनाएको हो । भारतले दशगजामै संरचना बनाउने गरे पनि नेपालतर्फ भने दशगजाभन्दा बाहिर संरचना बनाउँदासमेत अवरोध गर्ने गरेको छ । 

    इलामको सन्दकपुरमा पर्यटन प्रवर्द्धनका लागि प्रदेश १ सरकारले भ्युटावर निर्माण थालेको थियो । भ्युटावर बनाउन थालिएको ठाउँ दशगजाभित्र पर्ने भन्दै भारतीय सीमा सुरक्षा बलले अवरोध गर्‍यो । भारतीय सीमा सुरक्षा बलले निर्माण कार्यमा अवरोध गरेपछि टावर बन्न सकेको छैन । 

    भारतीय टोलीले सरकारी योजना मात्रै होइन । निजी क्षेत्रले घर, शाैचालय बनाउनसमेत अवरोध गर्ने गरेको छ ।  सन्दकपुर गाउँपालिका-५ कैयाकट्टामा दशगजाभन्दा ४५ मिटरभित्र स्थानीय यादिकी शेर्पालाई घर बनाउन भारतीय सीमा सुरक्षा बल एसएसबीले त्यही आएर रोकेको थियो । घर बनाउन रोक लगाएको समाचार विभिन्न सञ्चारमाध्यममा आएपछि एसएसबी पछि हट्यो । त्यसपछि शेर्पाले घर बनाएकी छन् ।

    यस्तै कालपोखरी बजारमा शाैचालय निर्माण पनि रोकेको थियो । स्थानीयले आफ्नै जमिनमा शाैचालय बनाउँदा एसएसबीले अवरोध गर्ने गरेको छ । एसएसबीले सीमा क्षेत्रमा गाडीएका पिल्लरहरूसमेत सार्ने गरेको सीमा क्षेत्रका बासिन्दा बताउँछन् । एसएसबीले तरकारीजन्य वस्तुको बेच्न लैजाँदासमेत अवरोध गर्ने गरेका छ । एसएसबीले खाद्य सामग्री, निर्माण सामाग्रीमा समेत अवरोध गर्ने गरेको सन्दकपुर गाउँपालिकाको प्रवत्ता समेत रहेका गिरीराज खनाल बताउँछन् । 

    एमालेको बैठकमा केन्द्रीय सदस्य राम राना र एमाले इलामका अध्यक्ष महेश बस्नेत पनि सहभागी थिए । केन्द्रीय सदस्य रानाले राष्ट्रियता र मुलुकको अखण्डता बचाइराख्ने एमालेको अभियानअन्तर्गत सीमा क्षेत्रमा बैठक राखिएको बताए । उनले एमाले राष्ट्रियता र मुलुकको अखण्डताको पक्षमा दह्रो गरी उभिएकाले देशी विदेशी शक्तिले एमालेमाथि आक्रमण गरिरहेको दाबी गरे ।

    एमाले इलामका अध्यक्ष महेश बस्नेतले पार्टीकाे सरकारकै बेला लिम्पियाधुरा लिपुलेकसहितको नक्सा जारी भएकाले अतिक्रमित भूमि फर्ता गर्न लाग्नुपर्नेमा जोड दिए । उनले सीमा क्षेत्रमा हुने अतिक्रमण रोक्नको लागि कार्यकर्ता चनाखो हुनुपर्नेमा जोड दिए । 


    मंसिर २१, २०७८ मंगलवार १८:२९:४७ बजे : प्रकाशित

    images
    images

    क्यानाडा नेपाल

    अर्कोसमाचार

    कोरोनाका कारण त्रिभुवन विश्वविद्यालयको परीक्षा स्थगित 

    कोरोनाका कारण त्रिभुवन विश्वविद्यालयको परीक्षा स्थगित 

    काठमाडौं - कोरोनाभाइरसको संक्रमणका कारण त्रिभुवन विश्वविद्यालयको सबै परीक्षा स्थगित भएको छ । बिहिबार बसेको त्रिविको बैठकले ९ माघ आइतबारदेखि अर्को सूचना जारी नभएसम्मका लागि वार्षिक तथा सेमेष्टर प्रणालीका सम्पूर्ण परीक्षाहरु स्थगित गर्ने निर्णय गरेको हो । 

    images

    जारी विज्ञप्तिमा विद्यार्थी, कर्मचारी र प्राध्यापकहरूलाई नै कोरोना संक्रमण भएकाले त्रिविले सञ्चालन गरेका वार्षिक तथा सेमेष्टर प्रणालीका सम्पूर्ण परीक्षाहरू स्थगित गर्ने निर्णय भएको जानकारी गराइएको छ । 
     
    यस्तो छ विज्ञप्ति - त्रिभुवन विश्वविद्यालय अन्तर्गत हाल संचालन भईरहेका अधिकांश परीक्षाहरु सम्पन्न भईसकेका, केही परीक्षा सम्पन्न हुने क्रममा र संचालनको पूर्व तयारी अवस्थामा रहेको र विश्वव्यापी रुपमा फैलिएको ओमिक्रोन भेरियण्टको तीब्र संक्रमणका कारण उपत्यका र बाहिरका अधिकांश परीक्षा केन्द्रमा परीक्षासँग सम्बन्धित विद्यार्थी, कर्मचारी एवम् प्राध्यापक समेत संक्रमित भएका कारण त्रि.वि केन्द्रीय परीक्षा संचालक समितिको मिति २०७८।१०।६ गते बसेको बैठकबाट हाल त्रि.वि द्वारा संचालित वार्षिक तथा सेमेष्टर प्रणालीका सम्पूर्ण परीक्षाहरु यही मिति २०७८ माघ ९ गतेदेखि अर्को सूचना प्रकाशित नभएसम्मका लागि स्थगित गर्ने निर्णय गरिएको व्यहोरा सम्बन्धित सबैको जानकारीको लागि यो सूचना प्रकाशित गरिएको छ।
     


    माघ ६, २०७८ बिहिवार १८:१७:५६ बजे : प्रकाशित


    क्यानाडा नेपाल

    कोरोनाका कारण लोकसेवा आयोगका लिखित परीक्षा स्थगित

    कोरोनाका कारण लोकसेवा आयोगका लिखित परीक्षा स्थगित

    काठमाडौं - लोकसेवा आयोगले लिखित परीक्षाहरू स्थगित गरेको छ । बिहीबार बसेको आयोगको बैठकले कोरोनाभाइरसको बढ्दो संक्रमण र आयोगकै कर्मचारीमा समेत कोरोना संक्रमण देखिएपछि लिखित परीक्षाहरू स्थगित गर्ने निर्णय गरेको हो। 

    images

    आयोगले माघ ११ गतेदेखि माघ मसान्तसम्म सञ्चालन हुने लिखित परीक्षा स्थगित गरिएको जनाएको छ । यस्तै, फागुन १ गतेदेखि सञ्चालन हुने लिखित परीक्षासमेत कम्तीमा सात दिनको पूर्वसूचना दिई पुन:तालिकिकरण गरी सञ्चालन गर्ने आयोगले जनाएको छ ।

    परीक्षा बाहेकका अन्य पूर्वनिर्धारित कार्यक्रम भने यथावत् रूपमा सञ्चालन हुने आयोगले जनाएको छ ।

    l.jpg

     

     


    माघ ६, २०७८ बिहिवार १९:१६:५५ बजे : प्रकाशित


    क्यानाडा नेपाल

    पेट्रोलियम पदार्थको मूल्यवृद्धिको विरोधमा अखिल क्रान्तिकारीको प्रदर्शन (तस्बिरसहित)

    पेट्रोलियम पदार्थको मूल्यवृद्धिको विरोधमा अखिल क्रान्तिकारीको प्रदर्शन (तस्बिरसहित)

    काठमाडौं - पेट्रोलियम पदार्थको मूल्यवृद्धिको विरोधमा नेत्रविक्रम चन्द ‘विप्लव’ नेतृत्वको विद्यार्थी संगठन अखिल क्रान्तिकारीले प्रदर्शन गरेको छ । 

    images

    julus.jpg

    बिहिबार अखिल क्रान्तिकारीले मूल्यवृद्धिको विरोधमा आरआर क्याम्पस अगाडि प्रदर्शन गरेको हो । 

    petrol.jpg

    प्रदर्शनको क्रममा पेट्रोलियम पदार्थको मूल्य वृद्धि फिर्ता गर लगायतका प्लेकार्ड बोकेर विरोधप्रदर्शन गरिएको थियो । 

    बढ्यो पेट्रोलियम पदार्थको मूल्य, कुनको कति ? बढ्यो पेट्रोलियम पदार्थको मूल्य, कुनको कति ?

    julu.jpg

    julus petrol.jpg

    pradasan.jpg

    pp.jpg


    माघ ६, २०७८ बिहिवार १९:२२:१७ बजे : प्रकाशित


    क्यानाडा नेपाल

    चितवनमा नक्कली नेपाली नोटको कारोबारमा संलग्न दुई जना पक्राउ

    चितवनमा नक्कली नेपाली नोटको कारोबारमा संलग्न दुई जना पक्राउ

    चितवन - चितवनमा नक्कली नेपाली नोटको कारोबारमा संलग्न दुई जना पक्राउ परेका छन् । चितवन प्रहरीले खैरहनी नगरपालिका–३ घर भई हाल भरतपुर महानगरपालिका–३ बेलचोकमा डेरा गरी बस्ने २५ वर्षीय पबिता घतानी र राप्ती नगरपालिका–७ बस्ने २७ वर्षीय गगन लाल तामाङलाई ४ माघमा पक्राउ गरेको हो ।

    images

    पक्राउ परेका व्यक्तिमाथि मुलुकी अपराध संहिता, २०७४ अन्तर्गत मुद्रा सम्बन्धी कसुर (खोटा मुद्रा) मुद्दामा चितवन जिल्ला अदालतबाट पाँच दिनको म्याद अनुमति लिई थप अनुसन्धान कार्य भइरहेको जिल्ला प्रहरी कार्यालय चितवनका प्रवक्ता एवं प्रहरी नायव उपरीक्षक नरहरि अधिकारीले जानकारी दिए । 

    नारायणगढ बेलचोकमा रहेको एक फेन्सी पसलमा कपडा खरिद गर्न गएकी पबिता घतानीले कपडा खरिद गरेपछि दिएको नोट नक्कली भएको भन्ने सूचनाको आधारमा प्रहरीले घतानीलाई पक्राउ गरेको थियो । उनको साथबाट नक्कली नेपाली नोट एक हजार रुपैयाँका १० थान बरामद गरिएको अधिकारीले बताए । 

    एचपी कम्पनीको ल्यापटप एक थान र सौर्य दैनिकको एउटा प्रेस कार्डसहित तामाङलाई सौराहाको एक होटेलबाट पक्राउ गरिएको उनले बताए ।

    नक्कली नेपाली नोट छाप्ने काममा भने अरू नै संलग्न रहेको र उनीहरू फरार रहेकाले खोजी कार्य जारी रहेको उनले बताए । उनीहरूको साथबाट एमआई कम्पनीको एउटा मोबाइल पनि बरामद गरिएको छ ।


    माघ ६, २०७८ बिहिवार १९:३१:२९ बजे : प्रकाशित


    क्यानाडा नेपाल

    काठमाडौं उपत्यकामा शुक्रबार रातिदेखि जोर-विजोर प्रणाली लागू

    काठमाडौं उपत्यकामा शुक्रबार रातिदेखि जोर-विजोर प्रणाली लागू

    काठमाडौं - कोरोनाभाइरसको संक्रमण बढ्दै गएपछि काठमाडौं उपत्यकामा जोर-विजोर प्रणाली लागू गरिने भएको छ । पछिल्लो समय उपत्यकामा तिव्र गतिमा संक्रमण बढेको छ । 

    images

    कोरोना संक्रमणको रोकथाम तथा नियन्त्रणको लागि उपत्यकामा शुक्रबार रातिदेखि सवारी साधनमा जोर-विजोर प्रणाली लागू गरिने भएको हो । अब उपत्यकामा जोर दिनमा जोर नम्बर र विजोर दिनमा विजोर नम्बर सवारी साधन चलाउन पाइनेछ । 

    जारी आदेशमा माघ ७ गते राति १२ बजेदेखि जोर-विजोर प्रणाली लागू हुने जनाइएको छ। यस्तै सवारी साधनमा सबैले अनिवार्य मास्क लगाएको हुनुपर्ने र सीटभन्दा बढी यात्रु राख्न नपाइने नियम राखिएको छ । 

    1.jpg

    2.jpg

    3.jpg

    4.jpg

    5.jpg

     


    माघ ६, २०७८ बिहिवार २२:०२:०२ बजे : प्रकाशित


    क्यानाडा नेपाल

    हेर्नुहोस् यस्तो छ आजको मौसम पूर्वानुमान

    हेर्नुहोस् यस्तो छ आजको मौसम पूर्वानुमान

    काठमाडौं - शुक्रबार देशभर आंशिक देखि सामान्य बदली भई बाग्मती तथा प्रदेश नं १ का थोरै स्थानहरुमा हल्का वर्षा/हिमपात भईरहेको छ ।
     
    मौसम पूर्वानुमान महाशाखाका अनुसार हाल देशमा पश्चिमी वायुको प्रभाव रहेको छ। आज दिउँसो देशका पहाडी भू-भागहरुमा आंशिक देखि सामान्यतया बदली रही तराईका भू-भागमा आंशिक बदली रहनेछ। देशको पहाडी भू-भागका थोरै स्थानहरुमा हल्का वर्षाको संभावना रहेको छ। देशका उच्च पहाडी तथा हिमाली भू-भागका केही स्थानमा हल्का हिमपातको संभावना छ।
     
    आज राती देशभर देशका पहाडी भू-भागहरुमा आंशिक देखि सामान्यतया बदली रही तराईका भू-भागमा सामान्यतया सफा देखी आंशिक बदली रहनेछ। देशका पहाडी भू-भागका एक-दुई स्थानहरुमा हल्का वर्षाको संभावना रहेको छ। देशका उच्च पहाडी तथा हिमाली भू-भागका केही स्थानमा हल्का हिमपातको संभावना छ।
     
    शनिबार देशका पहाडी भू-भागहरुमा सामान्य देखी पूर्ण बदली  रही तराईका भू-भागमा आंशिक देखि सामान्यतया बदली रहनेछ। देशका उच्च पहाडी तथा हिमाली भू-भागका केही स्थानमा हल्का हिमपातको संभावना छ।सुदुरपश्चिम, कर्णाली र लुम्बिनी प्रदेशका एक-दुई स्थानहरुमा हल्का वर्षाको संभावना रहेको छ।

    images

     


    माघ ७, २०७८ शुक्रवार ०७:१०:४९ बजे : प्रकाशित


    क्यानाडा नेपाल