• Jan 20 2022 | २०७८, माघ ६गते

२०७८, माघ ६गते

नारायणहिटी विवाद देखाएर लिपुलेकको मुद्दा ओझेल पार्दै गठबन्धन सरकार

मोनीका सिंह पौष २६ २०७८
  • 7.9K
    SHARES
  • images
    images
    नारायणहिटी विवाद देखाएर लिपुलेकको मुद्दा ओझेल पार्दै गठबन्धन सरकार

    काठमाडौं । नारायणहिटी दरबार संग्रहालयमा कफीसप खोल्ने विवादले अहिले सामाजिक संजालदेखि मिडिया तात्तिएको छ । सबैको ध्यान अहिले नारायणहिटी दरबार संग्रहालयभित्र व्यापारिकरण बढ्यो भन्दै चर्को आलोचना भईरहेको छ ।

    images

    बतास समूहले नारायणहिटी दरबार संग्रहालय भित्र कफीसप खोल्ने अनुमती पाएर काम बढाईरहेको बेला एकाएक यो विवादले चर्को रुप लियो । नेकपा एमाले र नेपाली कांग्रेससंग निकट रहेको बतास समूहले मन्त्रीदेखि सरकारी तहमा सेटिंग गरेर अनुमती पाएको कुराहरु खुल्न थालेको छ । बतास समूहले समेत आफूले सरकारी तहमा मिलाएर कानून बमोजिम काम गरेको स्वीकारेको छ । 

    अहिले एकाएक यो मुद्दाले चर्को रुप लिएको छ । नेपाली कांग्रेसका सभापति र प्रधानमन्त्री शेरबहादुर देउवाको निकट रहेको बतास समूह साथै देउवा पत्नी डा. आरजु देउवा आफै संलग्न रहेको बतास समूहलाई किन यत्ति धेरै विवादमा तानियो भन्ने बारे सबै तिर चाँसोको रुपमा लिईएको छ ।

    'कलकारखाना बेचेर युवाहरुलाई खाडी मुलुक जान बाध्य बनाउने नेपाली कांग्रेस हो' 'कलकारखाना बेचेर युवाहरुलाई खाडी मुलुक जान बाध्य बनाउने नेपाली कांग्रेस हो'

    यहि विषयमा नेकपा एमालेका एक शिर्ष नेताले भने, "यो मुद्दा त्यत्ति ठूलो मुद्दा किन होईन भने यदी बतास समूहले गल्ती गरेको भए खारेज गरे हुन्थ्यो नि तर यो विवादलाई लम्बाउनुको मुख्य कारण भनेको अहिले भारतले लिपुलेकसम्म सडक बिस्तार गरेको कुरालाई ओझेलमा पार्न गठबन्धनको सरकारले सबैको ध्यान नारायणहिटी तर्फ मोडिदिएको छ ।"

    सरकारमा भएको कांग्रेसको निकट मानिने बतास समूह किन यत्ति धेरै लखेटियो भनेर खोज्दै जाँदा विश्लेषकहरुले समेत यहि तर्क प्रस्तुत गर्दै भनेका छन्, "शेरबहादुर देउवा भन्दा पनि आरजु देउवाको अहिले बालुवाटारमा धेरै चल्छ भनेर समाचारहरुमा पढेका छौं । आरजु देउवा आफै संलग्न रहेको बतास समूहलाई जोगाउन छोडेर किन यत्ति धेरै खेदो खनेको भन्ने खोज्दै जाँदा प्रधानमन्त्री देउवाले भारतले लिपुलेकसम्म सडक खण्ड खनेको समाचारबाट ध्यान मोड्न यो विवादलाई उचालेका हुन् ।"

    भारतीय प्रधानमन्त्री नरेन्द्र मोदीले एक हप्ता अगाडी उत्तराखाण्डमा सम्बोधन गर्ने क्रममा भने, "लिपुलेकमा सडक बनायौं, अहिले विस्तारको काम हुँदैछ ।" नरेन्द्र मोदीले लिपुलेकमा सडक निर्माण मात्र नभएर नयाँ नक्सामा समेत त्यो भूभाग समेटेका छन् । यो मुद्दा प्रधानमन्त्री देउवा भारत भ्रमणमा जाँदा उठाउनु पर्ने माग सामाजिक संजालमा उठिरहेको बेला गठबन्धनको सरकारले बतास समूहलाई विवादमा तानेर सबैको ध्यान लिपुलेकबाट नारायणहिटी तर्फ मोडिदिएको हो ।

    राजनीतिक विश्लेषक विष्णु दाहालले भने, "प्रधानमन्त्री शेरबहादुर देउवा भारत भ्रमणको तयारी हुँदै गर्दा वहाँलाई थाहा थियो कि लिपुलेकको विषय उठाउने माग आउँछ भनेर । अनि त्यहि बेला भारतले नयाँ नक्सामा त्यो भूभाग समेट्यो र साथै भारतीय प्रधानमन्त्री नरेन्द्र मोदीले समेत लिपुलेकमा सडक निर्माण गरेको कुरा बोलिदिए । देउवा जीलाई अब नैतिक दबाब आउने देखिएकोले सबैको ध्यान नारायणहिटी तर्फ मोडीदिन आफ्नै निकट रहेको बतासलाई विवादमा तानेका हुन् । जनता पनि अहिले नारायणहिटीको सेन्टिमेन्टमा अल्झेर लिपुलेकको मुद्दा नै ओझेलमा पारे ।"

    नेकपा एमालेका नेता कृष्ण राईले गठबन्धनको सरकारमाथि प्रश्न गर्दै भने, "केपी शर्मा ओलीले नक्सामा लिपुलेकको भूभाग समेट्दा मिडियादेखि कांग्रेसका नेताहरुले नक्सामा हालेर मात्र हुन्छ भूभाग फिर्ता ल्याउन सक्नुपर्यो नि भन्दै एमालेको तारिफ भन्दा बढि खेदो खनेको थियो तर अहिले भारतले खुलेआम हाम्रो नक्सामा भएको भूभागमा सडक निर्माण गरेको भन्दा यो गठबन्धनको सरकार मौन छ । उल्टै बोल्नुपर्छ भनेर नारायणहिटीको विवाद निकालेर त्यो पनि एमाले कै टाउकोमा थुपारेर घिनलाग्दो राजनीति गरिरहेको छ । जनताले अब निर्वाचनमा सबै देखाईदिन्छन् ।"

    प्रधानमन्त्री शेरबहादुर देउवासंग बतास समूहको निकटता बारे बतास समूहका अध्यक्ष आनन्द राज बतासले समेत भने, "म डेमोक्रेटीक हुँ । मलाई शेरबहादुर देउवाले दुईपल्ट समानुपातिक तर्फ सांसद बन्न आग्रह समेत गर्नुभएको थियो तर हरेकपल्ट मैले मानिन किनभने म व्यवसायी हुँ राजनीति गर्दिन ।"

    सामाजिक अभियन्ता संजिव न्यौपानेले प्राय सरकारले गरेको देश विकास विरुद्धको मुद्दाहरुलाई शसक्त रुपमा प्रस्तुत गर्ने गरेका थिए तर यस पल्ट आफू समेत लिपुलेकको मुद्दाबाट मोडिएर नारायणहिटी तर्फ बढी बोलेको स्वीकार्दै भने, "नारायणहिटी दरबार संग्रहालयभित्र रेस्टूरेण्ट खोल्नु र व्यवसायलाई सुम्पिनु गलत हो यस विरुद्द हामी बोल्यौं र सरकारले बतास समूहलाई हटाउने भयो । तर यो भन्दा ठूलो मुद्दा यहि बेला भारतले नक्सामा हाम्रो भूभाग समेट्यो र लिपुलेकसम्म सडक बनाएको घोषणा गर्यो तर हामी यो मुद्दालाई ओझेलमा राख्यौं । कारण सरकारले बतास समूहको विवादलाई उचालेर हाम्रो ध्यान मोडिदियो । अब हामी यो मुद्दामा बोल्छौँ र सरकारलाई भारतसंग कुरा गर्न दबाब दिन्छौं ।"

    गठबन्धनको सरकारमा रहेका दलहरुले अहिलेसम्म भारतले निकालेको नक्सादेखि लिपुलेकसम्म सडक बनाएको विषयलाई लिएर कुनै प्रतिक्रिया दिएको छैन । न गठबन्धनमा रहेको शिर्ष नेताहरुले प्रधानमन्त्री शेरबहादुर देउवालाई यो विषय भारत भ्रमणमा उठाउन कुनै दबाब दिएका छन् । नेपाली कांग्रेसका नेताहरु समेत यस विषयमा मौन छन् ।


    पौष २६, २०७८ सोमवार १३:२४:२२ बजे : प्रकाशित

    images
    images

    मोनीका सिंह

    अर्कोसमाचार

    मैले चिनेको प्रचण्ड : देश भन्दा आफूलाई शक्तीशाली बनाउन खोज्ने नेता

  • 604
    SHARES
  • मैले चिनेको प्रचण्ड : देश भन्दा आफूलाई शक्तीशाली बनाउन खोज्ने नेता

    काठमाडौं । माओवादी केन्द्रको आठौं महाधिवेशनबाट पुष्पकमल दाहाल 'प्रचण्ड' फेरि अध्यक्षमा चयन भएका छन् । ३४ वर्षदेखि लगातार अध्यक्ष भएका प्रचण्डको व्यक्तित्व बारेमा माओवादी केन्द्र त्यागेर नेकपा एमालेका केन्द्रीय सदस्य दुर्गा प्रसाईंले आफ्नो धारणा व्यक्त गरेका छन् ।

    images

    दुर्गा प्रसाईंले माओवादी केन्द्रमा प्रचण्डको खम्बा बनेर दशक बढी बिताएका थिए । माओवादी केन्द्र र नेकपा एमाले एकीकरण पश्चात नेकपामा रहेका दुर्गा प्रसाईं पार्टी फुटेसंगै प्रचण्डको साथ छोडेर केपी ओली नेतृत्वको पार्टी एमालेमा रहेर काम गर्न थाले । आफूले प्रचण्डको सारथी बनेर माओवादी केन्द्रमा काम गरेको मुल्यांकन अहिले एमाले पार्टीमा भएको र आफू केन्द्रीय सदस्य सम्म बनेको जिकीर गर्ने गरेका छन् ।

    पुष्पकमल दाहाल 'प्रचण्ड' फेरि माओवादी केन्द्रको अध्यक्ष भए पश्चात हामीले नेता दुर्गा प्रसाईंसंग प्रचण्डको व्यक्तित्व बारे स्मरण गर्दै आफ्नो धारणा व्यक्त गर्न लाएका थियौं । दुर्गा प्रसाईंले सारांशमा भन्दा प्रचण्डलाई देशको विकास भन्दा आफ्नो र परिवारको विकासमा ध्यान दिने नेताको रुपमा चिनाए । प्रस्तुत छ दुर्गा प्रसाईंको नजरमा प्रचण्डको व्यक्तित्व :

    प्रचण्ड शक्तीशाली हुने दौडमा चिप्लिए 

    मैले प्रचण्डसंग दुखदेखि सुखका दिनहरु बिताएको छु । मेरो काठमाडौंदेखि झापाको घरमा प्रचण्डले कयौं समय बिताउनु भएको छ । मलाई आज प्रचण्डलाई साथ दिएकोमा पनि गुनासो छैन र प्रचण्डलाई छोडेकोमा पनि गुनासो छैन । जीवन भनेको भोगाई र सिकाई हो, प्रचण्डको साथ रहेर काम गरेको र सिकेको मुल्यांकन आज एमाले पार्टीमा आएर भयो । 

    माओवादी केन्द्र र नेकपा एमाले एकीकरण गर्ने क्रममा प्रचण्ड र ओलीलाई भेटवार्ता गराउने हिम्मत गरेको मैले हो । त्यो मैले देशको लागि गरेको थिएँ तर प्रचण्डले ओलीको त्यो बेलाको चर्चालाई पक्रेर राजनीति गरेर शक्तीशाली हुने दाऊ गरे जसका कारण म जस्ता कयौं विकास प्रेमी नेताहरुले उनको साथ छोडे ।

    प्रचण्डले भने जस्तै उनी भित्र कमलो दिल छ । मैले प्रचण्ड धेरैपल्ट भावुक भएको देखेको छु । प्रचण्डको पूत्र प्रकाश दाहालको मृत्यु हुँदा प्रचण्ड मेरो झापाको घर मै थिए । मैले प्रचण्ड रोएको र प्रचण्डले आफ्नो कार्यकर्तालाई सम्हाल्न मुटु दह्रो बनाएको नजिकबाट नियालेको छु । एउटा नेतामा हुनुपर्ने गुण मैले प्रचण्डमा देखेको छु र म उनको सारथी बनेर हिंडेको थिएँ ।

    तर जब मान्छेले आफूसंग भएको गुण र खूबीलाई सही ठाउँमा प्रयोग गर्दैन त्यसपछि चिप्लिन्छ । प्रचण्डसंग भएको त्यहि हो । प्रचण्डले जनयुद्ध के का लागी गरेका थिए भन्ने बिर्सिए, आफूसंग आन्दोलनमा रहेका मोहन वैधदेखि बाबुराम भट्टराई जस्ता नेताहरु टाढिए तर बिर्सिए, सिर्फ सम्झिए आफू अध्यक्ष बन्नुपर्ने र फेरि प्रधानमन्त्री बन्नुपर्ने ।  

    आफूलाई जनयुद्धमा साथ दिएका नेताहरु किन आफूलाई छोडेर गए भन्ने कहिल्यै सोच्न भ्याएनन् प्रचण्डले । आफू कुन उद्देश्यका साथ आएको र के को लागि १७ हजारले बलिदान दिए भन्ने बिर्सिए । म जस्तो उनको बोलीमा ज्यान हाजिर गर्ने नेताहरु देश विकासको लागि हुन् भन्ने बिर्सिए । उनले सधैं आफूलाई साथ दिनेहरुको उद्देश्य पनि आफ्नो जस्तै हो भन्ने बुझे जुन गलत थियो । उनले आफूलाई शक्तीशाली कायम राखिरहन हरेक कोशिश गरे र उनलाई समर्थन गर्नेहरु उनको त्यो उद्देश्य पूर्ति गर्न जानी नजानी लागिरहे ।

    प्रचण्डले कहिल्यै पार्टीमा अरुलाई ठाउँ दिन खोजेनन् । आफू अध्यक्ष हुनुपर्ने र यदी आफूलाई टक्कर दिने कोही देखिए जसरी पनि छुट्याउन सक्ने खूबी थियो प्रचण्डमा । मोहन वैधदेखि बाबुराम भट्टराई अहिले सम्म पार्टीमा भएको भए प्रचण्ड सर्वसम्मत अध्यक्ष चयन हुनसक्ने थिएनन् । तर प्रचण्डले आफूलाई अध्यक्ष कायम गर्न सफल भए र त्यसको लागि नै उनले राजनीति गरे । १७ हजार नेपालीको बलिदानमा टेकेर प्रचण्ड अध्यक्ष बनिरहे तर आफ्नो जनयुद्धको उपलब्धी के भन्ने जवाफ कहिल्यै दिन सकेका छैनन् ।

    प्रचण्डको बानी हौसिने छ । पहिलोपल्ट प्रधानमन्त्री बन्दा हौसिएर राजिनामा दिएको उनी आफै समेत स्विकार्ने गरेका छन् । आफू शक्तीशाली रहेको र त्यो शक्ती संधै रहन्छ भन्ने भ्रममा उनले राजिनामा दिएका थिए तर समयले उनको शक्ती खुम्चाउदै लग्यो उनले पत्तै पाएनन् । 

    प्रचण्डलाई अध्यक्ष बन्न पार्टीको उद्देश्यलाई लत्याएर राजनीति गरिरहे । पार्टी एक नम्बरबाट खुम्चिदै गयो र अहिले माओवादी केन्द्रको अवस्था हेर्ने हो भने निर्वाचनमा एक्लै लड्न सक्ने अवस्था पनि छैन । त्यो हुनुको कारण प्रचण्डको अध्यक्ष हुने उद्देश्यले हो । 

    प्रचण्ड अध्यक्ष हुन पार्टीमा राजनीति गरे भने प्रधानमन्त्री बन्न देशको पोलिटिक्समा राजनीति गर्न कहिल्यै छोडेनन् । आफ्नो स्वार्थ पूर्ति गर्न कांग्रेसको चरणमा पुगेर प्रधानमन्त्री बनाउन तयार भए । अझै शेरबहादुर देउवासंग पनि केपी ओलीसंग गरे जस्तै आधा आधा प्रधानमन्त्री बन्ने गोप्य सम्झौता गरेका छन् रे । त्यो अब समयसंगै देखिन्छ । तर प्रचण्डले संधै आफूलाई प्रधानमन्त्री बनाउन कसरी माहोल बनाउने भन्ने नै दाऊमा देखिन्छन ।

    गठबन्धनको सरकार बन्नुमा प्रचण्डको ठूलो हात छ तर त्यही प्रचण्डले नै यो गठबन्धनको सरकारको बदनाम समेत गराएका छन् । देश विकास भन्ने टाढाको कुरा हो, कसरी आफू शक्तीशाली हुनेमा नै प्रचण्डको ध्यान छ । प्रचण्डलाई शक्तीशाली कम्न्युष्ट पार्टीको अध्यक्ष भएर पार्टी चलाउने रहर छ जसको लागि उनले देश विकासको उद्देश्य नै मारिसकेका छन् ।

    परिवार मोहले समेत च्यापिएका प्रचण्ड 

    प्रचण्डको अर्को कमजोरी भनेको परिवार मोह पनि हो । परिवारबाट प्रचण्डले राजनीतिमा दरिलो साथ भने पाउन सकेनन् । सबै जना प्रचण्ड कै पावरमा आफूलाई स्थापित गराउन लागे । प्रचण्ड पनि छोरीदेखि ज्वाईंसम्मलाई व्यवस्थापन गर्न लागे तर आफूलाई दरिलो साथ दिने खम्बा कोही पाएनन् ।

    प्रचण्डको नजिक रहेका केही नेताहरु जो न जनयुद्धमा प्रचण्डको साथ थिए न बन्दूक बोकेर जंगल हिँडे तर अहिले प्रचण्डलाई चलाउन सक्ने भएका छन् जुन कुरा उनलाई भनिदिने र सम्झाईदिने परिवारमा कोही छैनन् । सबै आफूलाई स्थापित बनाउन लागे र प्रचण्डको परिवारलाई आफू पछि कुनै कष्ट नहोस भनेर स्थापित गराउने मोहले धेरैचोटी चिप्लिएका छन् ।

    पुष्पकमल दाहाल 'प्रचण्ड'लाई फेरि अध्यक्ष हुनुभएकोमा बधाई छ । अबको ५ वर्षसम्म वहाँ अध्यक्ष हुँदा लगभग ४० वर्ष सम्म पार्टीको अध्यक्ष हुनुभएकोमा वहाँलाई अग्रीम बधाई । सायद नेपालको नेताहरुमा यत्ति समयसम्म अध्यक्षमा टिकिरहने नेतामा वहाँ पर्नुहुन्छ र यो वहाँ शक्तीशाली भएको उदाहरण हो तर वहाँ शक्तीशाली भएपनि देश हुन नसकेकोमा वहाँलाई कुनै दिन महशुस होस मेरो कामना छ ।


    पौष २०, २०७८ मंगलवार १८:२६:०२ बजे : प्रकाशित


    क्यानाडा नेपाल

    चिनियाँ राजदूतको दौडधूप : एमसीसी गिजोलिदैं, ओली प्रचण्ड नजिकिदै

  • 2.0K
    SHARES
  • चिनियाँ  राजदूतको दौडधूप : एमसीसी गिजोलिदैं, ओली प्रचण्ड नजिकिदै

    काठमाडौं । चिनियाँ राजदूत होउ यान्छीको अहिले दौडधूप फेरि बढ्दो देखिएको छ । उनको दौडधूपको प्रभाव समेत नेपाली राजनीतिमा देखिन थालेको छ ।

    images

    प्रधानमन्त्री शेरबहादुर देउवा फेरि सभापति बने संगै अब एमसीसीलाई संसदमा पेश गर्ने निर्णय गरेको थाहा पाएपछि चिनियाँ शक्तिले दौडधूप सुरु गरेको हो । शेरबहादुर देउवाले एमसीसीलाई संसदमा टेबुल गर्न दबाब दिने सुइँको पाएपछि चिनियाँ राजदूत सक्रिय भएकी हुन् । चिनियाँ राजदूतको सक्रियताले एमसीसी झन् गिजोलिएको छ साथै पुष्पकमल दाहाल 'प्रचण्ड' र केपी शर्मा ओलीको सम्बन्ध समेत सुध्रिने संकेत देखिएको छ ।

    प्रधानमन्त्री शेरबहादुर देउवाले पुष्पकमल दाहाल 'प्रचण्ड'लाई जसरी पनि एमसीसी टेबुल गर्न मनाउने योजना बनाएका थिए र सर्वदलीय बैठक आवाहान गरेका थिए । प्रचण्डले एमसीसी टेबुल गर्न नमाने नेकपा एमालेसंग सहकार्य गरेर भएपनि एमसीसी पारित गर्ने दाउमा थिए प्रधानमन्त्री देउवा । यो योजना बुझेपछि चिनियाँ राजदूत यान्छीले प्रचण्डसंग भेट्न आफ्नो दूत पठाईन भने केपी शर्मा ओलीलाई भेट्न आफै पुगिन् ।

    केपी शर्मा ओलीलाई भेट्न पुगेकी यान्छीले आगामी निर्वाचनमा प्रधानमन्त्री बनाउन सहयोग पनि गर्ने र सबै कम्न्युष्ट पार्टीलाई एकता गराएर उक्त पार्टीको अध्यक्ष ओलीलाई बनाउने र यस कुरामा प्रचण्ड पनि राजी भएको भन्दै प्रस्ताव गरेकी थिईन । केपी शर्मा ओलीलाई अहिले एमसीसीको विषयमा प्रधानमन्त्री देउवासंग कुनै सम्झौता नगर्न आग्रह गरेकी थिईन । 

    यान्छीले एमाले अध्यक्ष ओलीसंग भेटेपछि एकाएक एमालेका नेताहरुले एमसीसी संसोधन नगरि पारित गर्न नहुने तर्क प्रस्तुत गर्न थालेका छन् । संसद भवन बाहिर मिडियासंग अन्तरक्रिया गर्दै नेता विशाल भट्टराईले भने, "एमसीसीमा रहेका केहि बुँदाहरु संसोधन नगरि पारित गर्न नहुने भएकाले अहिले त्यो कुरा स्पष्ट नभई गठबन्धनको सरकारले एमसीसी टेबुल गर्न पाउदैन ।"

    तर यस अघि एमालेका सांसदहरुले एमसीसी संसोधन गर्नुपर्ने माग राखेका थिएनन् । सरकारले एमसीसी टेबुल गरोस अनि मात्र हामी पार्टीमा छलफल गरेर यस बारे बोल्छौँ भन्ने एमाले पार्टी एकाएक यान्छीसंग भेटवार्ता पछि संसोधनको कुरा निकाल्न थालेको हो ।

    यता केपी शर्मा ओलीले संसोधन बिना एमसीसी पास गर्न नहुने तर्क आफ्नो सांसदहरुबाट प्रस्तुत गरेपछि प्रधानमन्त्री शेरबहादुर देउवाले प्रचण्डलाई नफकाई नहुने देखेपछि प्रचण्डलाई कन्भिन्स गराउन तर्फ लागे । तर प्रचण्डसंग यान्छीको दूतले भेटेर अहिले एमसीसी विषय कुनै कुरा अघि नबढाउनु र सभामुखलाई पनि टेबुल गर्न नदिनु भनेपछि प्रचण्ड हच्किएनन् ।

    चीनले बुझेको छ कि प्रचण्डलाई आगामी निर्वाचनमा आफू कसरी जित्ने भन्ने चिन्ता छ । त्यही कुरामा खेलेर चिनियाँ दूतले प्रचण्डलाई अहिले केपी शर्मा ओलीसंग सम्बन्ध सुधार्न आग्रह गरेको थियो । अहिले प्रचण्डले केपी शर्मा ओलीसंग सम्बन्ध सुधारे निर्वाचनको बेला एमाले र माओवादी केन्द्रको एकता हुनसक्ने आश्वासन दिएको थियो । त्यस पश्चात प्रचण्डको बोली पनि फेरिएको थियो ।

    महाधिवेसनमा अतिथी नबोलाउने निर्णय गरेको माओवादी केन्द्रले एकाएक बोलाउने भयो र प्रचण्डले आफै केपी शर्मा ओलीलाई फोन गरेर निम्तो समेत दिए । केपी शर्मा ओलीले पनि आफ्नो ठाउँमा महासचिवलाई पठाए । प्रचण्डले फेरि मिडियासंग कुराकानी गर्ने क्रममा आफूले शेरबहादुर देउवालाई लिएर केपी शर्मा ओलीको घर जाने योजना पनि बनाएको कुरा खुलाए । साथै महाधिवेसनमा समेत एमालेसंगको एकता बारे समिक्षा गर्नुपर्ने भन्दै केपी ओलीलाई मात्र दोष दिएनन् ।

    यस अघि सम्म प्रचण्डले प्राय हरेक भाषणमा केपी शर्मा ओलीलाई दोष दिने गरेका थिए तर अहिले आएर समिक्षा गर्नुपर्ने देखि एमसीसी बारे छलफल गर्न केपी शर्मा ओलीको घर नै जान तयार सम्म भएको बताए । यसले देखिन्छ कि प्रचण्ड र केपी शर्मा ओलीको सम्बन्ध सुधार्न चिनियाँ शक्ति लागिरहेको छ ।


    पौष १३, २०७८ मंगलवार ११:२५:१० बजे : प्रकाशित


    रोहित शर्मा

    माओवादीमा प्रचण्डले जे चाहे त्यही पूरा

    माओवादीमा प्रचण्डले जे चाहे त्यही पूरा

    काठमाडौं | नेकपा माओवादी केन्द्रको यसपटकको राष्ट्रिय महाधिवेशनमा पनि अध्यक्ष पुष्पकमल दाहाल 'प्रचण्ड' ले जे चाहेका थिए, त्यही पूरा भएको छ । प्रचण्ड फेरि एकपटक अध्यक्षमा निर्वाचित भइसकेका छन् । 

    images

    झण्डै ३३ वर्षदेखि माओवादीको नेतृत्व गर्दै आएका प्रचण्डले अब पनि आगामी ५ वर्षको लागि पार्टीमा आफ्नै राज जमाउँदैछन् । आठौं महाधिवेशन उनले सजिलै सफलताका साथ सम्पन्न गरे । नेतृत्व चयनमा उनकै मात्र हात रह्यो । केन्द्रीय सदस्यहरुको नाम पनि सुटुक्क गोजीबाट निकालेर पढेर सुनाए । 

    २९९ मध्ये २३६ जना केन्द्रीय सदस्यहरुको नाम सुनाएपछि बन्दसत्रबाट पारित पनि भयो । प्रचण्डले समानुपातिकतर्फ १२५ र खुलातर्फ १११ जना गरी २३६ जनाको नाम घोषणा गरेका थिए । अब पदाधिकारी चयन पनि प्रचण्डले सोचेजस्तै हुँदैछ । महाधिवेशनमा उनले कुनै गुट निर्माण हुन पनि दिएनन् । 

    त्यतिमात्र होइन आफ्नो पार्टीमा कुनै गुटबन्दी छैन भन्ने सन्देश बाहिर पनि दिए । सबैले अध्यक्षले जे भन्छ त्यही ठिक हुने कुरामा गए । पार्टीमा गुटबन्दी नहुँदा प्रचण्ड सर्वसम्मत चयन त हुने नै भए । उनले देश र जनताको आवश्यकता अनुसार आफू पुन: पार्टी अध्यक्षमा निर्वाचित भएको बताएका छन् । 

    उनले अब प्रचण्ड नहुँदैमा माओवादी नसकिने भए पनि देशलाई आफ्नो आवश्यकता रहेकाले पुन: सक्रिय राजनीतिमा आउन चाहेको धारणा राखे । अब माओवादीमा १४ पदाधिकारी चयन हुन बाकीँ रहेको छ । आगामी पुस २५ मा बस्ने केन्द्रीय समिति बैठकले पदाधिकारी र बाँकी रहेका केन्द्रीय सदस्य चयन गर्ने बताइएको छ ।  

    पदाधिकारीमा अहिले विभिन्न नेताहरुको नाम चर्चामा छ तर चयन प्रचण्डले नै गर्नेछन् । माओवादीमा एक अध्यक्ष, वरिष्ठ उपाध्यक्ष, ७ जना उपाध्यक्ष, एक जना महासचिव, २ जना उपमहासचिव, तीन जना सचिव र एक जना कोषाध्यक्ष रहने प्रावधान रहेको छ । 

    प्रचण्डले आफ्नो निकै नजिक रहेका नारायणकाजी श्रेष्ठलाई वरिष्ठ उपाध्यक्ष दिने बताइएको छ । वरिष्ठ उपाध्यक्षमा कसैको दाबी नपरेकोले नै नारायणकाजी नै वरिष्ठ उपाध्यक्ष हुने दाबी छ । यस्तै उपाध्यक्षमा पनि जर्नादन शर्मा, पम्फा भुसाल, मातृका यादव, वर्षमान पुन लगायतका नेताहरु चयन हुने चर्चा छ । 

    यस्तै महासचिवमा कृष्णबहादुर महरा, वर्षमान पुन, जनार्दन शर्मा र पम्फा भुसालले पनि दाबी गरिरहेको बताइएको छ । यी मध्ये एक जनालाई महासचिवमा प्रचण्डले छान्ने बुझिएको छ ।


    पौष २०, २०७८ मंगलवार १०:४४:३८ बजे : प्रकाशित


    नेत्र प्रसाद भुसाल

    प्रधानमन्त्री देउवालाई ओलीको शर्त : गठबन्धन फ़ुटाउनुस अनि मात्र म संग आउनुस

  • 1.4K
    SHARES
  • प्रधानमन्त्री देउवालाई ओलीको शर्त : गठबन्धन फ़ुटाउनुस अनि मात्र म संग आउनुस

    काठमाडौं । प्रधानमन्त्री शेरबहादुर देउवा हिजो नेकपा एमालेका अध्यक्ष केपी शर्मा ओलीलाई भेटेर आफूलाई सहयोग गर्न आग्रह गरेका थिए तर केपी शर्मा ओलीले उल्टै आफ्नो शर्त सुनाएर पठाएका छन् ।

    images

    बालुवाटार फर्किएपछी प्रधानमन्त्री देउवाले आफू निकट एक नेतालाई ओलीको शर्त बारे सुनाएका थिए । माओवादी केन्द्रका अध्यक्ष पुष्पकमल दाहाल प्रचण्ड आईसोलेसनमा रहेको बेला केपी शर्मा ओलीलाई भेट्न प्रधानमन्त्री देउवा पुगेका हुन् । हिजोको भेटमा ओलीले प्रधानमन्त्रीलाई गठबन्धन फुटाए अहिले नै एमाले पार्टीले साथ दिने शर्त राखेका छन् ।

    अहिलेको सरकारले नियतबस एमाले पार्टी फुटाएर माधव नेपाललाई सरकारमा लगेको र यसमा सभामुखले समेत साथ दिएको कारण एमाले पार्टी चूप नबस्ने कुरा राख्दै ओलीले भने, "तपाई प्रधानमन्त्री भएकोमा गुनासो होईन । यो गठबन्धनले एकतर्फी एमालेमाथी हान्न थालेको छ र यसमा नेपाली कांग्रेस र तपाई प्रयोग हुनुभएको छ । प्रधानमन्त्री नै बन्न यो गठबन्धनको साथ किन चाहियो ? गठबन्धन फ़ुटाउनुस एमाले पार्टीले साथ दिन्छ अनि चुनाव तपाई कै नेतृत्वको सरकारले गर्नुस । अब गठबन्धन फ़ुटाउनुस अनि मात्र म संग कुरा गर्न आउनुस ।"

    olideubathumb.jpg

    केपी ओलीले प्रधानमन्त्री देउवालाई सुनाएको कुरा देउवाले निराश हुँदै आफू निकटलाई सुनाएका थिए । केपी ओलीले एमसीसीको बारेमा पनि अहिले आफू कुनै धारणा नराख्ने बताएको समेत देउवाले उल्लेख गरेका छन् । ओलीले एमसीसी बारे भने, "तपाई पहिला गठबन्धनमा एउटै साझा धारणा बनाउनुस न अनि प्रतिपक्षको धारणा सोध्नुस । तपाईहरु नै अन्योलमा हुँदा हाम्रो धारणाको के अर्थ हुन्छ र ? गठबन्धनमा साझा धारणा खोज्नुस ।"

    प्रधानमन्त्री शेरबहादुर देउवाले संसद अवरोध र एमसीसी बारे एमालेको साथ खोज्न बालकोट पुगेका हुन् । प्रचण्डकै सल्लाहमा देउवा बालकोट पुगेका हुन् । प्रचण्ड आफै समेत जाने कुरा गरेका थिए तर कोरोना संक्रमणका कारण आईसोलेसनमा रहेका प्रचण्ड बालकोट पुग्न सकेनन् ।

    केपी शर्मा ओली कुनै पनि हालतमा अहिलेको गठबन्धनको सरकारलाई साथ नदिने देउवा समक्ष खुलस्त पारेका छन् । देउवालाई प्रधानमन्त्री दिन तयार तर गठबन्धन फुट्नुपर्ने माग केपी ओलीले देउवा समक्ष राखेका छन् ।


    पौष २५, २०७८ आइतवार १३:५५:१८ बजे : प्रकाशित


    क्यानाडा नेपाल

    दुर्गा प्रसाईं र केपी ओलीको देश दौडाहा, ओलीलाई प्रधानमन्त्री बनाउने प्रसाईंको अठोट

  • 3.9K
    SHARES
  • दुर्गा प्रसाईं र केपी ओलीको देश दौडाहा, ओलीलाई प्रधानमन्त्री बनाउने प्रसाईंको अठोट

    काठमाडौं । नेकपा एमालेका केन्द्रीय सदस्य दुर्गा प्रसाईंले अध्यक्ष केपी शर्मा ओलीलाई प्रधानमन्त्री बनाउने अठोट सहित देश दौडाहा सुरु गरेका छन् । भोली खाँदबारीमा हुने कार्यक्रमबाट ओली र प्रसाईंले देश दौडाहा सुरु गरेका छन् ।

    images

    दुर्गा प्रसाईंले केन्द्रीय सदस्य बनेसंगै आफू अब निर्वाचन मार्फत एमालेलाई एक नम्बर पार्टी बनाउने र केपी शर्मा ओलीलाई ५ वर्षको लागि प्रधानमन्त्री बनाउन देश दौडाहामा लाग्ने योजना सुनाएका थिए । केपी शर्मा ओली जस्तो विकासको भिजन भएको अरु कोही नेता नभएको कारणले देशमा परिवर्तन ल्याउन एकपल्ट ओलीलाई मौका दिनुपर्ने तर्क प्रस्तुत गर्दै प्रसाईं देश दौडाहामा लाग्ने भएका छन् ।

    नारायणहिटी विवाद देखाएर लिपुलेकको मुद्दा ओझेल पार्दै गठबन्धन सरकार नारायणहिटी विवाद देखाएर लिपुलेकको मुद्दा ओझेल पार्दै गठबन्धन सरकार

    प्रधानमन्त्री देउवालाई ओलीको शर्त : गठबन्धन फ़ुटाउनुस अनि मात्र म संग आउनुस प्रधानमन्त्री देउवालाई ओलीको शर्त : गठबन्धन फ़ुटाउनुस अनि मात्र म संग आउनुस

    आज झापाबाट खाँदबारी पुगेका नेता प्रसाईंले केपी ओलीलाई भोली स्वागत गर्नेछन् भने खाँदबारीमा हुने कार्यक्रममा ओली र प्रसाईंले सम्बोधन समेत गर्नेछन् । केपी ओली किन फेरि प्रधानमन्त्री हुन आवश्यक भन्ने कुरा युवा माझ बुझाउन जरुरी भएकोले आफू खटिएर देश दौडाहामा लाग्ने प्रसाईंले बताएका छन् ।

    नेता प्रसाईंले क्यानडा नेपालसंग भने, "अहिले निर्वाचनको तयारी सबै पार्टीले गर्न थालिसके तर सबैले आफ्नो भाषणमा केपी ओलीलाई र एमालेलाई गाली गरेर आफ्नो पार्टीको प्रचार गरिरहेका छन् । तर म केपी ओली किन प्रधानमन्त्री हुनुपर्छ भन्ने तर्क सहित प्रचार गर्न अब ७ वटै प्रदेश जाँदैछु । म आफै खटीएर केपी ओलीले गरेको काम र केपी ओलीको भिजनको प्रचार गर्नेछु । मसंग हाम्रो अध्यक्ष केपी ओली पनि पुगेर कार्यक्रमलाई सम्बोधन गर्नुहुनेछ ।"

     

    नेता प्रसाईंले भने, "मैले अध्यक्ष केपी ओलीलाई वहाँको निवास पुगेर नै भनेको छु कि अबको प्रधानमन्त्री तपाइँ नै हो र तपाईलाई प्रधानमन्त्री बनाउन म देश दौडाहामा हिंड्छु, युवाहरुलाई बुझाउछु किन केपी ओली देशलाई आवश्यक छ भनेर । केपी ओलीले पनि जनताले चाहेमा एकपल्ट ५ वर्ष सम्म सरकारमा रहेर विकासको योजना अघि सार्थें र रिटायर लाईफ बाँच्थे भन्नु भएको छ ।"

    दुर्गा प्रसाईंका अनुसार देशभरिका युवाहरुले आफ्नो आफ्नो ठाउँमा कार्यक्रम गर्नु र केपी ओली अतिथी भएको कार्यक्रमबाट हजारौं युवाहरु पार्टी प्रवेश गर्ने भन्दै फोन गरेको समेत बताएका छन् । ७ वटै प्रदेशबाट युवाहरु अहिले एमाले पार्टी प्रवेश गर्न चाहने भएकाले आफू यो अभियानमा हिंडेको नेता प्रसाईंले उल्लेख गरेका छन् ।

    'कलकारखाना बेचेर युवाहरुलाई खाडी मुलुक जान बाध्य बनाउने नेपाली कांग्रेस हो' 'कलकारखाना बेचेर युवाहरुलाई खाडी मुलुक जान बाध्य बनाउने नेपाली कांग्रेस हो'

    durgaprasaibigpic.jpg

    खाँदबारीमा समेत भोली ५० हजार सहभागी हुने आकलन गरिएको छ भने हजारौं युवाहरु एमालेमा प्रवेश गर्दैछन् । प्राय सबैले केपी शर्मा ओली कै अतिथी रहेको कार्यक्रमबाट पार्टी प्रवेश गर्ने चाहना भएकाले हजारौं युवाहरु पार्टी प्रवेश गर्न तयार भएर पर्खिरहेको नेता प्रसाईंले बताएका छन् ।

    नेता प्रसाई भन्छन्, "हामी ७ वटा प्रदेशको गाउँ गाउँ पुग्छौं र गाउँ गाउँमा एमालेमय बनाउछौं । हामीले बनाउन मात्र चाहेर होईन अहिले त युवाहरु नै केपी ओलीका कारण पार्टी प्रवेश गर्न चाहेका छन् । भोली खाँदबारीमा हुने कार्यक्रममा पनि तपाईहरुले देख्नुहुन्छ केपी ओलीको क्रेज ।"


    पौष २५, २०७८ आइतवार १८:२६:४० बजे : प्रकाशित


    क्यानाडा नेपाल

    नारायणहिटी विवाद देखाएर लिपुलेकको मुद्दा ओझेल पार्दै गठबन्धन सरकार

  • 7.9K
    SHARES
  • नारायणहिटी विवाद देखाएर लिपुलेकको मुद्दा ओझेल पार्दै गठबन्धन सरकार

    काठमाडौं । नारायणहिटी दरबार संग्रहालयमा कफीसप खोल्ने विवादले अहिले सामाजिक संजालदेखि मिडिया तात्तिएको छ । सबैको ध्यान अहिले नारायणहिटी दरबार संग्रहालयभित्र व्यापारिकरण बढ्यो भन्दै चर्को आलोचना भईरहेको छ ।

    images

    बतास समूहले नारायणहिटी दरबार संग्रहालय भित्र कफीसप खोल्ने अनुमती पाएर काम बढाईरहेको बेला एकाएक यो विवादले चर्को रुप लियो । नेकपा एमाले र नेपाली कांग्रेससंग निकट रहेको बतास समूहले मन्त्रीदेखि सरकारी तहमा सेटिंग गरेर अनुमती पाएको कुराहरु खुल्न थालेको छ । बतास समूहले समेत आफूले सरकारी तहमा मिलाएर कानून बमोजिम काम गरेको स्वीकारेको छ । 

    अहिले एकाएक यो मुद्दाले चर्को रुप लिएको छ । नेपाली कांग्रेसका सभापति र प्रधानमन्त्री शेरबहादुर देउवाको निकट रहेको बतास समूह साथै देउवा पत्नी डा. आरजु देउवा आफै संलग्न रहेको बतास समूहलाई किन यत्ति धेरै विवादमा तानियो भन्ने बारे सबै तिर चाँसोको रुपमा लिईएको छ ।

    'कलकारखाना बेचेर युवाहरुलाई खाडी मुलुक जान बाध्य बनाउने नेपाली कांग्रेस हो' 'कलकारखाना बेचेर युवाहरुलाई खाडी मुलुक जान बाध्य बनाउने नेपाली कांग्रेस हो'

    यहि विषयमा नेकपा एमालेका एक शिर्ष नेताले भने, "यो मुद्दा त्यत्ति ठूलो मुद्दा किन होईन भने यदी बतास समूहले गल्ती गरेको भए खारेज गरे हुन्थ्यो नि तर यो विवादलाई लम्बाउनुको मुख्य कारण भनेको अहिले भारतले लिपुलेकसम्म सडक बिस्तार गरेको कुरालाई ओझेलमा पार्न गठबन्धनको सरकारले सबैको ध्यान नारायणहिटी तर्फ मोडिदिएको छ ।"

    सरकारमा भएको कांग्रेसको निकट मानिने बतास समूह किन यत्ति धेरै लखेटियो भनेर खोज्दै जाँदा विश्लेषकहरुले समेत यहि तर्क प्रस्तुत गर्दै भनेका छन्, "शेरबहादुर देउवा भन्दा पनि आरजु देउवाको अहिले बालुवाटारमा धेरै चल्छ भनेर समाचारहरुमा पढेका छौं । आरजु देउवा आफै संलग्न रहेको बतास समूहलाई जोगाउन छोडेर किन यत्ति धेरै खेदो खनेको भन्ने खोज्दै जाँदा प्रधानमन्त्री देउवाले भारतले लिपुलेकसम्म सडक खण्ड खनेको समाचारबाट ध्यान मोड्न यो विवादलाई उचालेका हुन् ।"

    भारतीय प्रधानमन्त्री नरेन्द्र मोदीले एक हप्ता अगाडी उत्तराखाण्डमा सम्बोधन गर्ने क्रममा भने, "लिपुलेकमा सडक बनायौं, अहिले विस्तारको काम हुँदैछ ।" नरेन्द्र मोदीले लिपुलेकमा सडक निर्माण मात्र नभएर नयाँ नक्सामा समेत त्यो भूभाग समेटेका छन् । यो मुद्दा प्रधानमन्त्री देउवा भारत भ्रमणमा जाँदा उठाउनु पर्ने माग सामाजिक संजालमा उठिरहेको बेला गठबन्धनको सरकारले बतास समूहलाई विवादमा तानेर सबैको ध्यान लिपुलेकबाट नारायणहिटी तर्फ मोडिदिएको हो ।

    राजनीतिक विश्लेषक विष्णु दाहालले भने, "प्रधानमन्त्री शेरबहादुर देउवा भारत भ्रमणको तयारी हुँदै गर्दा वहाँलाई थाहा थियो कि लिपुलेकको विषय उठाउने माग आउँछ भनेर । अनि त्यहि बेला भारतले नयाँ नक्सामा त्यो भूभाग समेट्यो र साथै भारतीय प्रधानमन्त्री नरेन्द्र मोदीले समेत लिपुलेकमा सडक निर्माण गरेको कुरा बोलिदिए । देउवा जीलाई अब नैतिक दबाब आउने देखिएकोले सबैको ध्यान नारायणहिटी तर्फ मोडीदिन आफ्नै निकट रहेको बतासलाई विवादमा तानेका हुन् । जनता पनि अहिले नारायणहिटीको सेन्टिमेन्टमा अल्झेर लिपुलेकको मुद्दा नै ओझेलमा पारे ।"

    नेकपा एमालेका नेता कृष्ण राईले गठबन्धनको सरकारमाथि प्रश्न गर्दै भने, "केपी शर्मा ओलीले नक्सामा लिपुलेकको भूभाग समेट्दा मिडियादेखि कांग्रेसका नेताहरुले नक्सामा हालेर मात्र हुन्छ भूभाग फिर्ता ल्याउन सक्नुपर्यो नि भन्दै एमालेको तारिफ भन्दा बढि खेदो खनेको थियो तर अहिले भारतले खुलेआम हाम्रो नक्सामा भएको भूभागमा सडक निर्माण गरेको भन्दा यो गठबन्धनको सरकार मौन छ । उल्टै बोल्नुपर्छ भनेर नारायणहिटीको विवाद निकालेर त्यो पनि एमाले कै टाउकोमा थुपारेर घिनलाग्दो राजनीति गरिरहेको छ । जनताले अब निर्वाचनमा सबै देखाईदिन्छन् ।"

    प्रधानमन्त्री शेरबहादुर देउवासंग बतास समूहको निकटता बारे बतास समूहका अध्यक्ष आनन्द राज बतासले समेत भने, "म डेमोक्रेटीक हुँ । मलाई शेरबहादुर देउवाले दुईपल्ट समानुपातिक तर्फ सांसद बन्न आग्रह समेत गर्नुभएको थियो तर हरेकपल्ट मैले मानिन किनभने म व्यवसायी हुँ राजनीति गर्दिन ।"

    सामाजिक अभियन्ता संजिव न्यौपानेले प्राय सरकारले गरेको देश विकास विरुद्धको मुद्दाहरुलाई शसक्त रुपमा प्रस्तुत गर्ने गरेका थिए तर यस पल्ट आफू समेत लिपुलेकको मुद्दाबाट मोडिएर नारायणहिटी तर्फ बढी बोलेको स्वीकार्दै भने, "नारायणहिटी दरबार संग्रहालयभित्र रेस्टूरेण्ट खोल्नु र व्यवसायलाई सुम्पिनु गलत हो यस विरुद्द हामी बोल्यौं र सरकारले बतास समूहलाई हटाउने भयो । तर यो भन्दा ठूलो मुद्दा यहि बेला भारतले नक्सामा हाम्रो भूभाग समेट्यो र लिपुलेकसम्म सडक बनाएको घोषणा गर्यो तर हामी यो मुद्दालाई ओझेलमा राख्यौं । कारण सरकारले बतास समूहको विवादलाई उचालेर हाम्रो ध्यान मोडिदियो । अब हामी यो मुद्दामा बोल्छौँ र सरकारलाई भारतसंग कुरा गर्न दबाब दिन्छौं ।"

    गठबन्धनको सरकारमा रहेका दलहरुले अहिलेसम्म भारतले निकालेको नक्सादेखि लिपुलेकसम्म सडक बनाएको विषयलाई लिएर कुनै प्रतिक्रिया दिएको छैन । न गठबन्धनमा रहेको शिर्ष नेताहरुले प्रधानमन्त्री शेरबहादुर देउवालाई यो विषय भारत भ्रमणमा उठाउन कुनै दबाब दिएका छन् । नेपाली कांग्रेसका नेताहरु समेत यस विषयमा मौन छन् ।


    पौष २६, २०७८ सोमवार १३:२४:२२ बजे : प्रकाशित


    मोनीका सिंह