सोमबार
२७ असोज
२०७६

जापान पुगेर क्याप्टेन विजय लामाले भावुक हुँदै गरे नेपाल नबन्नुको कारण यसरी खोले

आइतबार असोज ५, २०७६/ Sunday 09-22-19

विजय लामा । ओसाका स्तिथ म बसेको होटेलको मेरो कोठाको झ्यालबाट देखिने दृश्यलाई कैद गर्न खोझ्दा मेरो मनमा हाम्रो नेपाल पनि कहिले यस्तो होला भनेर आउँछ । असम्भव त कुनै कुराको पनि छैन तर सम्भव बनाउन कठिन देख्छु किनकी जबसम्म हामी नेपाली नागरिक नै यहाँको नागरिक जस्तै देश बनाउने चेतनामा बस्दैनाँै, देशप्रति इमान्दार हुन्नौँ र सधैँ दोष जति अरु माथिमात्र थेग्छौ तब सम्म केही हुने वाला छैन । देश जनताले नै बनाउने हो, कसैले हैन ।

अझै भन्ने हो भने राजनीति दलहरु र तिनका कार्यकर्ताहरुको भरमा मात्र देशलाइ सुम्पिनु जस्तो गलत सोच राख्नु ठूलो गल्ती हो हाम्रो । उनीहरुलाई गाली गरेर आफ्नो जिम्मेवारी बिर्सनु झन ठूलो अपराध होइन र ? त्यसैले मित्रहरु, उठ्नु पर्यो आ आफ्नो ठाउँबाट देशको लागि नकि कसैको भर परेर बस्नु । जापान जस्तो केही प्राकृतिक श्रोत नभएको देश त यस्तो बिकसित मुलुक बन्न सक्छ भने प्राकृतिक श्रोतको धनी देश नेपाल किन हुन सक्दैन ? सोचको मात्र कमि भएको हो, अरु केही हैन, सोच बद्लौ देश बनाउन लम्कौँ । शुभ दिन सबैलाई, जय चन्द्र सूर्य । 


(लामा नेपाल एयरलाइन्सका वरिष्ठ क्याप्टेन हुन्)