मंगलबार
६ फाल्गुण
२०७६

भूकम्प गएकै दिन वैशाख १२ गते रानीपोखरीको उद्घाटन गर्ने तयारी (फाेटाेफिचर)

मंगलबार माघ २१, २०७६/ Tuesday 02-04-20

काठमाडौं । भूकम्पबाट क्षतिग्रस्त भएपछि पुनर्निर्माण भइरहेको ऐतिहासिक रानीपोखरीको आउँदो वैशाख १२ गते उद्घाटन गर्ने तयारी भइरहेको छ । २०७२ वैशाख १२ गते गोरखाको बारपाक केन्द्रविन्दु बनाएर गएको ७.६ म्याग्नेच्युडको शक्तिशाली भूकम्पले रानीपोखरीसहित मुलुकका ऐतिहासिक धरोहरमा ठूलो क्षति पुगेको थियो । जसको अहिले पुनर्निर्माण कार्य भइरहेको छ भने केहीको सम्पन्न भइसकेको छ । 

यसैक्रममा ३ सय ५० वर्षभन्दा बढीको इतिहास बोकेको रानीपोखरीको पुनर्निर्माण सम्पन्न गरेर भूकम्प गएकै दिन वैशाख १२ गते उद्घाटन गर्ने तयारी भइरहेको छ । जसका लागि हाल पुनर्निर्माणको कार्यलाई तीव्रता दिइएको छ । 

राष्ट्रिय पुननिर्माण प्राधिकरणका अनुसार रानिपोखरीको काम अहिले ६० प्रतिशतभन्दा बढी सम्पन्न भइसकेको छ । काठमाडौं महानगरकाअनुसार मल्लकालीन शैलीमा निर्माण भइरहेको रानीपोखरी पुनः निर्माण भइसक्दा करिव १५ करोड रुपैयाँ खर्च हुनेछ ।

प्रताप मल्लका कान्छा छोरा चक्रवर्तीन्द्रको मृत्युपछि रानीलाई शोकबाट मुक्त गराउन भन्दै विक्रम संवत्  १७२७ मा दुई वर्ष लगाएर रानीपोखरी निर्माण गरिएको इतिहासकारहरु बताउँछन् ।