काठमाडौँ— सुनचाँदी बजारमा बिहीवार छापावाल सुनको मूल्य प्रतितोला ५०० रुपैयाँले बढेर ९९ हजार रुपैयाँ तोकिएको छ । नेपाल सुनचाँदी व्यवसायी महासंघले सार्वजनिक गरेको विवरणअनुसार बिहीवार तेजाबी सुनको मूल्य प्रतितोला ९८ हजार ५०० रुपैयाँ कायम भएको छ । सुन बुधवार प्रतितोला ९८ हजार रुपैयाँ थियो । बिहीवार चाँदीको मूल्य अघिल्लो कारोबार मूल्यका तुलनामा प्रतितोला १० रुपैयाँले बढेर १ हजार ३४५ पुगेको महासंघले जनाएको छ । अन्तर्राष्ट्रिय बजारमा बिहीवार सुन प्रतिऔंस १ हजार ९२१ डलर आसपास कारोबार भइरहेको छ ।