काठमाडौँ - युरोपा लिग फुटबल अन्तर्गत क्वाटरफाइनलको पहिलो लेगमा बार्सिलोना बराबरीमा रोकिएको छ ।
गएराति भएको क्वाटरफाइनलमा स्पेनिस क्लब बार्सिलोना जर्मन क्लब फ्रान्कफर्टसँग १–१ गोलको बराबरीमा रोकिएको हो ।
जर्मन क्लब फ्रान्कफर्टको मैदानमा घरेलु टोलीले अग्रता लिएको थियो भने पाहुना टोली बार्सिलोनाले बराबरी गोल गरेको थियो ।
पहिलो हाफ गोलरहित बराबरीमा सकिएको थियो । ४८ औं मिनेटमा फ्रान्कफर्टका लागि एस्गर नौफले गोल गर्दै सुरुआती अग्रता दिलाएका थिए । ६६ औं मिनेटमा फरान टोरेसले गोल गरेपछि बार्सिलोनाले बराबरीमा चित्त बुझायो ।
७८ औं मिनेटमा फ्रान्कफर्ट १० खेलाडीमा झरेको थियो । उसका टुटाले रातो कार्ड पाएपछि १० खेलाडीमा झरेको हो ।
युरोपा लिग अन्तर्गत दोस्रो क्वाटरफाइनलमा बार्सिलोना र फ्रान्कफर्टको दोस्रो लेग अप्रिल १५ तारिखमा हुने छ ।
यो खेल भने बार्सिलोनाको मैदानमा हुने छ ।
