काठमाडौं – चर्चित कमेडी शो ‘मुन्द्रेको कमेडी क्लब’ मा हास्यकलाकार दमन रुपाखेती जोडिएका छन् । हास्य कलाकार जितु नेपाल मुन्द्रेले यसबारे सामाजिक सञ्जालमार्फत पनि जानकारी गराएका छन् । उनले पुरानो मित्रता नयाँ गठबन्धन भएको बताएका छन् । केही समय पहिले जितु र दमनले एकसाथ काम गरेका थिए ।
अब भने यी दुई एकसाथ काम गर्ने भएका हुन् । उनीहरु त्यसलाई नै परिमार्जित गर्दै सोही नाममा कार्यक्रम गर्ने तयारीमा रहेका छन् । शोलाई निर्देशक दिनेश डिसीले निर्देशन गर्ने भएका छन् ।
मुन्द्रे अब नयाँ अनुहार, नयाँ सेटअप र मनोरञ्जनका नयाँ प्रयोगसहित फेरि कार्यक्रम प्रशारणमा आउनेछन् ।
प्रकाशित मिति: शुक्रबार, मंसिर ९, २०७९ ०७:०६
प्रतिक्रिया दिनुहोस्
