काठमाडौं - सिन्धुपाल्चोकको जुगल गाउँपालिकाकी उपाध्यक्ष सृजना तामाङले आफ्नो शब्द रचनामा नयाँ गीत बजारमा ल्याएकी छिन् ।
गायक योगेश लामा र सावित्री अधिकारीको सुमधुर स्वरमा सजिएको 'हामी एमाले ,हाम्रो एमाले' बोलको गीत हालै युट्युबमा सार्वजनिक भएको छ । स्थानीय तहको निर्वाचन नजिकिँदै गर्दा गीतमा तामाङले आफ्नो शब्दमा गीत ल्याएकी हुन् ।
देश संघीयतामा गइसकेपछि २०७४ को स्थानीय निर्वाचनमा निर्वाचित भएर पाँच बर्ष जनताको सेवामा अहोरत्र खटेर सफल कार्यकाल पूरा गरेको बिषयमा आधारित सन्देश गीतले दिन खोजिएको छ ।
गीतमा उपाध्यक्ष तामाङको शब्द रचना, कृष्ण आँशुको शब्द सम्पादन र गायक लामाकै संगीत सम्योजन रहेको छ । यस्तै सरोज लामाको मिक्सिङ रहेको छ ।
प्रकाशित मिति: बिहीबार, मंसिर ८, २०७९ ०१:२२
प्रतिक्रिया दिनुहोस्
