काठमाडौँ— कालीमाटी फलफूल तथा तरकारी बजार बिकास समितिका अनुसार आज प्राय सबैजसो तरकारीको मूल्य बृद्धि भएको छ ।

नेपाली रातो आलु औसत मूल्य प्रतिकेजी २९ रुपैयाँ रहेकोमा आज ३१ रुपैयाँ पुगेको छ भने भारतीय रातो आलु २६ रुपैयाँ ५० पैसा रहेको छ ।

त्यस्तै, यसअघि प्रतिकेजी ३५ रुपैयाँ रहेको स्थानीय काउली आज बढेर ४५ रुपैयाँ पुगेको छ भने ३५ रुपैयाँ रहेको लोकल काक्रो ५५ रुपैयाँ, हाइब्रीड काक्रो २५ रुपैयाँ, कागती ४२५ रुपैयाँ, कालो अंगुर २१० रुपैयाँ, हरियो अंगुर १३५ रुपैयाँ, आभोकाडो ४७५ रुपैयाँ रहेको छ ।

त्यस्तै, किवि प्रतिकेजी ४७५ रुपैयाँ, कुरीलो ४२५ रुपैयाँ, कोइरालो १४० रुपैयाँ, तराई गाजर २७ रुपैयाँ ५० पैसा, लोकल गाजर ३२ रुपैयाँ ५० पैसा, नेपाली ठूलो गोलभेडा ७५ रुपैयाँ, तराई सानो गोलभेडा ६५ रुपैयाँ, लोकल सानो गोलभेडा ५५ रुपैयाँ, राजमा सिमी ९५ रुपैयाँ, घिरौला ६५ रुपैयाँ, चमसूरको साग १०५ रुपैयाँ, कन्य च्याउ २०५ रुपैयाँ र डल्ले च्याउ ३१० रुपैयाँ रहेको छ ।

आइतबार प्रतिकेजी २९० रुपैयाँ रहेको छडी माछालाई आज ३१० रुपैयाँ, बुचवा २९५ रुपैयाँबाट बढेर ३१० रुपैयाँ, मुंगरी २९० रुपैयाँबाट बढेर ३२५ रुपैयाँ पुगेको छ भने रहु माछालाई प्रतिकेजी ३४० रुपैयाँ पर्नेछ ।