काठमाडौँ– देशको पहाडी भू-भागका केही स्थानमा आज क्षणिक वर्षाको सम्भावना रहेको छ ।
मौसम पूर्वानुमान महाशाखाकाअनुसार पश्चिमी र स्थानीय वायुको प्रभावका कारण देशभरको मौसममा सामान्य बदली देखिएको छ।
प्रदेश १, बागमती, गण्डकी र कर्णाली प्रदेशका पहाडी भू-भागमा आज मेघगर्जनसहित क्षणिक वर्षाको सम्भावना रहेको महाशाखाले जनाएको छ।
राति देशका पहाडी भू-भागमा सामान्य बदली रही प्रदेश १, गण्डकी र कर्णाली प्रदेशका पहाडी भू-भागमा केही स्थानमा हल्का वर्षाको सम्भावना रहेको छ।
प्रकाशित मिति: शुक्रबार, मंसिर ९, २०७९ ०२:५८
प्रतिक्रिया दिनुहोस्
